გიორგი გახარია

გახარია: ახალი წლიდან მიზნობრივი სოციალური დახმარების ახალი ტალღა იწყება

2103
(განახლებულია 21:37 08.01.2021)
ნოემბერში დაწესებული შეზღუდვების გამო ერთჯერადი 300-ლარიანი კომპენსაცია 120 ათასზე მეტ ადამიანზე გაიცა, კომპენსაციის ჯამურმა თანხამ კი 36 მლნ ლარზე მეტი შეადგინა.

თბილისი, 8 იანვარი – Sputnik. პირები, რომლებმაც კორონავირუსის პანდემიის პერიოდში დაკარგეს სამსახური და 2020 წლის დეკემბრიდან არ იღებენ ხელფასს, ექვსი თვის განმავლობაში 1,2 ათასი ლარის ოდენობის დახმარებას მიიღებენ, განაცხადა საქართველოს პრემიერ-მინისტრმა გიორგი გახარიამ უწყებათშორისი საკოორდინაციო საბჭოს სამუშაო შეხვედრაზე. 

საქართველოს მთავრობამ მორიგი ანტიკრიზისული პაკეტი შეიმუშავა, რომელიც ქვეყანაში შექმნილი ეპიდვითარების პირობებში მოსახლეობისა და ბიზნესის მხარდაჭერას ითვალისწინებს.

ანტიკრიზისული დახმარების პირველი პაკეტის ფარგლებში სახელმწიფო უკვე დაეხმარა დახლოებით 125 ათას მოქალაქეს – 6 თვის განმავლობაში თითოეულს 1,2 ათასი ლარი ჩაერიცხა.

მთავრობის მეთაურმა დეტალურად ისაუბრა იმ მიზნობრივი სოციალური მხარდაჭერის შესახებ, რომელსაც მთავრობა განახორციელებს და აღნიშნა, რომ მთავარია, მოქალაქეებმა კუთვნილი დახმარება რაც შეიძლება სწრაფად და დროულად მიიღონ.

გახარიას განცხადებით, მიზნობრივი სოციალური დახმარების ახალი ტალღის ფარგლებში დახმარებას მიიღებენ:

- პირები, ვინც 2020 წლის დეკემბრიდან სამსახური დაკარგა და შემოსავლის გარეშე დარჩა. დახმარება ექვსი თვის განმავლობაში თვეში 200 ლარს შეადგენს;

- გარდა ამისა, 6 თვის განმავლობაში 100-ლარიან დახმარებას მიიღებენ ის სოციალურად დაუცველი ოჯახები, რომელთა სარეიტინგო ქულა 65 ათასიდან 100 ათასამდეა. ექვსი თვის განმავლობაში 100 ლარის ოდენობით დახმარებას მიიღებენ ასევე სოციალურად დაუცველი (0-დან 100 ათას სარეიტინგო ქულამდე) მრავალშვილიანი ოჯახები;

- ექვსი თვის განმავლობაში შეზღუდული შესაძლებლობების მქონე 18 წლამდე ასაკის და მკვეთრად გამოხატული შშმ პირები მიიღებენ 100-ლარიან დახმარებას.

ფინანსთა მინისტრმა ივანე მაჭავარიანმა, თავის მხრივ, განაცხადა, რომ მოქალაქეთა დახმარების მიზნით 2020-2021 წლებში ჯამში გამოყოფილია 1,2 მლრდ ლარზე მეტი, საიდანაც 2021 წლის ბიუჯეტში გათვალისწინებულია 310 მილიონ ლარამდე (კომუნალური ხარჯების სუბსიდირებისთვის 60 მილიონი ლარი). 

საქართველოს მთავრობამ 28 ნოემბრიდან ქვეყნის დიდ ქალაქებში გარკვეული სფეროების, მაღაზიებისა და ბაზრობების ნაწილის მუშაობაზე შეზღუდვები დააწესა და აღნიშნულ სეგმენტში დასაქმებული ადამიანებისთვის, რომლებიც შემოსავლის გარეშე დარჩნენ, კომპენსაციების გაცემასთან დაკავშირებით განცხადება გააკეთა.

2103
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 27 იანვარს

8
(განახლებულია 19:22 26.01.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 27 იანვარი – Sputnik. სააქციო საზოგადოება „თელასი" იუწყება, რომ 27 იანვარს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

მთაწმინდის რაიონი

10:00 საათიდან 16:00 საათამდე შეზღუდვა შეეხება: რუსთაველის გამზირის და ბესიკის ქუჩის მოსახლეობას.

ჩუღურეთის რაიონი

10:00 საათიდან 18:00 საათამდე შეზღუდვა შეეხება: გოგი დოლიძის, გოგოლის, ჩუბინაშვილის და კონსტიტუციის ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: დიდი დიღმის IV მიკრორაიონის, დემეტრე თავდადებულის და სანდრო მირიანაშვილის ქუჩების მოსახლეობას.

12:00 საათიდან 15:00 საათამდე შეზღუდვა შეეხება: ვაჟა-ფშაველას II კვარტლის და შალვა ნუცუბიძის ქუჩის მოსახლეობას.

სამგორის რაიონი

11:00 საათიდან 17:00 საათამდე შეზღუდვა შეეხება: ვარკეთილის III დასახლების I მიკრორაიონის, ილია სუხიშვილის, მოსტკოვის, ცისკარიშვილის და გუმათჰესის ქუჩების მოსახლეობას.

გლდანის რაიონი

11:00 საათიდან 13:00 საათამდე შეზღუდვა შეეხება: მუხიანის I მიკრორაიონის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

8
თემები:
თბილისი დღეს
PACE

PACE–ს სხდომაზე ქართული დელეგაცია პანდემიის საკითხზე მსჯელობაში მიიღებს მონაწილეობას

9
(განახლებულია 09:52 27.01.2021)
სტრასბურგში ევროსაბჭოს საპარლამენტო ასამბლეის ზამთრის სესია 25 იანვარს გაიხსნა, რომელიც 29 იანვრამდე გაგრძელდება

თბილისი, 27 იანვარი – Sputnik. სტრასბურგში, ევროსაბჭოს საპარლამენტო ასამბლეის (PACE) ზამთრის სესიაზე დღეს კოვიდპანდემიასა და ჯანდაცვის სფეროში უპრეცედენტო კრიზისს განიხილავენ.

განხილვა სტრასბურგში ევროპის საბჭოს საპარლამენტო ასამბლეის ზამთრის სესიის ფარგლებში გაიმართება, რომლის მუშაობაშიც მონაწილეობს საქართველოს დელეგაცია პარლამენტის თავმჯდომარის მოადგილის კახა კუჭავას ხელმძღვანელობით.

სტრასბურგში ამ თემაზე საპარლამენტო ასამბლეის ზამთრის სესიაზე დებატები დილიდანაა დანიშნული.

ქართული დელეგაციის წევრები სხდომის მონაწილეებს საქართველოში არსებულ ეპიდემიოლოგიურ ვითარებასა და ვაქცინაციის ეროვნულ გეგმას გააცნობენ.

როგორც საქართველოს დელეგაციის წევრმა ირაკლი ჩიქოვანმა განაცხადა, ქართული მხარე საერთაშორისო წარმომადგენელებს ასევე გააცნობს იმ პოზიტიურ შედეგებს, რომელსაც საქართველოს მთავრობამ COVID-19-თან ბრძოლის თვალსაზრისით მიაღწია.

  • „გამოვა ჩვენი ქვეყნის წარმომადგენელი და ისაუბრებს იმის თაობაზე, თუ რა შედეგებს მიაღწია საქართველომ COVID-19-თან ბრძოლის თვალსაზრისით, ასევე იმ გეგმებზე, რომლებიც გვაქვს ვაქცინაციის თვალსაზრისით. იქნება საუბარი იმ მთავარ ასპექტებზე, რომლებიც აქვს ჩვენი ეროვნული ვაქცინაციის გეგმას“, - განაცხადა ჩიქოვანმა.

ევროპის საბჭო საერთაშორისო ორგანიზაციაა, რომელიც ხელს უწყობს თანამშრომლობას მის წევრებს, ევროპის ქვეყნებს შორის ადამიანის უფლებების, დემოკრატიული განვითარების, კანონიერების და კულტურული ურთიერთქმედების კუთხით.

9
თემები:
COVID-19-ის პანდემია მსოფლიოში