ოჯახური ძალადობა

კანონის გამკაცრებას შესაბამისი შედეგი არ აქვს ოჯახური ძალადობის შემთხვევები არ მცირდება

152
(განახლებულია 17:10 08.01.2021)
საქართველოს შსს-ს მონაცემებით, ოჯახში ჩადენილი და ქალთა მიმართ ძალადობა ქვეყანაში დანაშაულის სტატისტიკაში მესამე ადგილზეა.

თბილისი, 8 იანვარი – Sputnik. 2020 წლის იანვრიდან ოქტომბრის ჩათვლით პერიოდში საქართველოში ოჯახური ძალადობის მსხვერპლი 9 766 ადამიანი გახდა, აღნიშნულია შინაგან საქმეთა სამინისტროს მონაცემებში. 

სექტემბერში ოჯახური ტირანების მსხვერპლი 1 692 ადამიანი გახდა, ოქტომბერში ყოველთვიური მაჩვენებელი ოდნავ შემცირდა – 1 396 ადამიანი, მაშინ, როდესაც ქვეყანაში 1 სექტემბრიდან მოძალადეების წინააღმდეგ აქტიური ბრძოლა დაიწყო – ელექტრონული სამაჯურები შემაკავებელი ორდერის ნაცვლად.

ძირითადად საუბარი ეხება ფსიქოლოგიურ, ფიზიკურ და ეკონომიკურ ძალადობას, გაცილებით ნაკლებად – სექსუალურ ძალადობას.

საქართველოს რეგიონებს შორის ოჯახური ძალადობის შემთხვევების რაოდენობით თბილისი ლიდერობს, შემდეგ მოდის აჭარა და ქუთაისი. მსგავსი დანაშაულები ყველაზე ნაკლებად ფიქსირდება რაჭა-ლეჩხუმსა და ქვემო სვანეთში.

საქართველოს მასშტაბით ოქტომბერში დაფიქსირდა ფიზიკური ძალადობის 166 შემთხვევა, ფსიქოლოგიური ძალადობის 693, ეკონომიკური ხასიათის 22 და ერთი სექსუალური ძალადობის შემთხვევა.

2020 წლის 10 თვის მანძილზე გამოიწერა 8 880 შემაკავებელი ორდერი, შედარებისთვის: 2019 წელს სულ გამოიწერა 10,3 ათასი.

როგორც სტატისტიკამ აჩვენა, საქართველოში ოჯახური ძალადობის მსხვერპლი ბიჭებზე მეტად გოგონები არიან.

ძალადობის მსხვერპლთა დახმარების შესახებ ინფორმაცია აფთიაქებსა და მაღაზიებში გაჩნდება>>>

ამასთან, თუ მოძალადე მამაკაცების ასაკი ძირითადად 25–44 წელია, ქალებს შორის მოძალადეები 45 წელს ზემოთ ასაკის პირები არიან. მსხვერპლს შორის კი მაჩვენებელი პირიქითაა: ყველაზე ხშირად ოჯახური ძალადობის მსხვერპლი 25-დან 44 წლამდე ასაკის ქალები არიან, მეორე ადგილზეა 46 წელს ზემოთ ასაკის ქალები, ხოლო მამაკაცებს შორის – 45 წელს ზემოთ პირები.

წლის დასაწყისიდან ნოემბრის ჩათვლით პერიოდში ოჯახური ძალადობის შედეგად გარდაიცვალა 19 ქალი.

მნიშვნელოვანია ის ფაქტი, რომ დანაშაულის რიცხვზე არ იმოქმედა პანდემიის გამო ქვეყანაში შემოღებულმა მკაცრმა შეზღუდვებმა. შეზღუდვების პიკში, აპრილი–მაისის პერიოდში ოჯახური ძალადობის შედეგად დაზარალდა 3 ათასზე მეტი ადამიანი.

2019 წელს ოჯახური ძალადობის ბრალდებით სისხლის სამართლებრივი პასუხისმგებლობა დაეკისრა 4,6 ათას ადამიანს. 2019 წელს გამოძიება დაიწყო ოჯახური ძალადობის 6 ათას ფაქტზე, მაშინ, როცა 2018 წელს ეს მაჩვენებელი 5,6 ათასი იყო.

ვის უნდა მიმართოს ძალადობის მსხვერპლმა

ამჟამად სახელმწიფო დახმარების სააგენტოს ბაზაზე ქვეყნის მასშტაბით ხუთი კრიზისული ცენტრი მოქმედებს. ამ დაწესებულებების მუშაობის შესახებ დეტალური ინფორმაციის მიღება შესაძლებელია „ცხელ ხაზზე“ – 116 006. ძალადობის საკითხებზე სატელეფონო კონსულტაციის მიღება ქართულის ჩათვლით რვა ენაზე 24-საათიან რეჟიმშია შესაძლებელი. ზარი უფასოა, გარანტირებულია ანონიმურობა. 

კრიზისული ცენტრების მომსახურების მიღება შეუძლიათ მსხვერპლს, ოჯახური ძალადობისა და ქალებზე ძალადობის სავარაუდო მსხვერპლს, ტრეფიკინგის, სექსუალური ხასიათის ძალადობის მსხვერპლს.

2014 წლიდან ოჯახური ძალადობა საქართველოს სისხლის სამართლის კოდექსში ცალკე მუხლად ჩამოყალიბდა. გენდერული მოტივით ჩადენილი დანაშაული დამამძიმებელ გარემოებად ითვლება. საქართველოს ხელისუფლებამ კანონის გამკაცრება ოჯახური კონფლიქტების ნიადაგზე მკვლელობების გახშირების შემდეგ გადაწყვიტა. 2014 წელს ოჯახური გარჩევების შედეგად 14 ადამიანი დაიღუპა. 

152
თემები:
კრიმინალი საქართველოში (1249)
შშმ პირი

„გახსოვართ“? - შშმ პირებმა მთავრობის ადმინისტრაციასთან აქცია გამართეს

19
მოთხოვნების დაუკმაყოფილებლობის შემთხვევაში, შეზღუდული შესაძლებლობის მქონე პირთა თემი კანონით გათვალისწინებულ პროტესტის სხვა ფორმებს აანონსებს.

თბილისი, 28 იანვარი - Sputnik. შეზღუდული შესაძლებლობის მქონე პირებმა, აქტივისტებმა და ამ საკითხებზე მომუშავე არასამთავრობო ორგანიზაციების წარმომადგენლებმა მთავრობის ადმინისტრაციასთან აქცია გამართეს, იუწყება პირველი არხი.

შშმ პირთა ახალი უფლებები ძალაშია: კანონი სრულად ამოქმედდა>>

აქციის მონაწილეების განცხადებით, 2021 წლის იანვრიდან ასაკობრივი პენსიის ზრდის პარალელურად, შშმ პირთა სოციალური პაკეტის უცვლელად დატოვება მათი ჩაგვრა და დისკრიმინაციაა.

აქციის მონაწილეები მოთხოვნები შემდეგია:

  • ასაკობრივ პენსიასთან ერთად გაიზარდოს სოციალური პაკეტი შშმ პირებისთვის, არაუგვიანეს 2021 წლის გაზაფხულისა
  • საქართველოს მთავრობამ შეიმუშავოს კრიტერიუმები რითიც დადგინდება სოციალური პაკეტის ოდენობა, რათა დაკმაყოფილდეს შშმ პირთა საჭიროებები ღირსეული ცხოვრებისათვის
  • სახელმწიფოს მხრიდან შშმ პირთა დისკრიმინაციის ფაქტების თავიდან არიდების მიზნით, ამუშავდეს გაერო-ს შეზღუდული შესაძლებლობის მქონე პირთა უფლებების კონვენციის იმპლემენტაციაზე პასუხისმგებელი უწყებათაშორისი საკოორდინაციო ორგანო.

საქართველოში 2021 წლის იანვრიდან ასაკობრივი პენსია გაიზრდა, თუმცა, პენსია (სოციალური შემწეობა) არ გაზრდილა შეზღუდული შესაძლებლობის მქონე პირებისთვის.

საქართველოში შშმ პირების პენსია არაერთგვაროვანია და ეფუძნება სხვადასხვა გარემოებას, მათ შორის, თუ რა ტიპის შეზღუდული შესაძლებლობა აქვს ადამიანს – მკვეთრად, მნიშვნელოვნად თუ ზომიერად გამოხატული.

მკვეთრად გამოხატული შეზღუდვის მქონე პირებისთვის შემწეობა 250 ლარია, მნიშვნელოვნად გამოხატული შეზღუდვების მქონე პირებისთვის 140 ლარი, ხოლო ზომიერად გამოხატული შეზღუდვების მქონე პირისთვის – 100 ლარი.

ამასთანავე, 18 წლამდე ბავშვებისთვის ეს დახმარება – 250 ლარია.

შემწეობის ოდენობა ასევე დამოკიდებულია პირის ასაკზე, შემოსავლის წყაროზე, ვეტერანის სტატუსზე და სხვა. 

გადაწყვეტილია: დედაქალაქის მთავრობის სხდომებს ჟესტური ენის თარჯიმანი ეყოლება>>

საქართველოს მთავრობა კორონავირუსის პანდემიის დროს 18 წლამდე შშმ პირებსა და მკვეთრად გამოხატული შეზღუდული შესაძლებლობების მქონე პირებს 6 თვის განმავლობაში 600 ლარით ეხმარება. სულ ამ დახმარების მიმღები 43 ათასი ბენეიფიცარია აღრიცხული. 

19
თემები:
სოციალური სფერო საქართველოში
მოხუცი ქალი

„ოჯახის ოთხი წევრი დაკარგა...“ - თბილისის მერმა 94 წლის მარგარიტა ბებოს სახლი აჩუქა

27
(განახლებულია 14:15 28.01.2021)
სოციალურ ქსელში კიდევ ერთი პოზიტიური ამბის შესახებ ვრცელდება ინფორმაცია. ნახეთ ვინაა ქალი, რომელსაც კახა კალაძემ სახლი აჩუქა

თბილისი, 28 იანვარი – Sputnik. თბილისის მერიამ 94 წლის მარგარიტა ქაჯაიას ბინა გადასცა. ამის შესახებ თბილისის მერიის მედიასთან ურთიერთობის სამსახურის უფროსი, მანანა თოქმაჯიშვილი „ფეისბუქის“ პირად გვერდზე წერს.

მანანა თოქმაჯიშვილმა ქალის ვიდეოც გამოაქვეყნა, რომელიც თბილისის მერის მიერ გადაცემულ საკუთრების მოწმობას სათვალის გარეშე, დამარცვლით კითხულობს.

ირკვევა, რომ მარგარიტა ქაჯაიამ ბევრი გაჭირვება განვლო, ოჯახის ოთხი წევრი გარდაეცვალა და ისნის რაიონში, ბაღდათის ქუჩაზე, 20 კვადრატულ ფართში ათეული წელია ცხოვრობს, თუმცა მუდმივ შიშში, არავის გაესახლებინა.

27
ნინო ბუაძე

ნინო ბუაძე: როგორ გავუმკლავდეთ ბავშვის „მინდას“?

0
(განახლებულია 13:38 28.01.2021)
ნინო ბუაძე საუბრობს ბავშვის ჭირვეულ ქცევაზე, იმაზე, თუ როგორ უნდა მოიქცეს მშობელი იმ შემთხვევაში თუ ის ჯიუტდება.
ნინო ბუაძე: როგორ გავუმკლავდეთ ბავშვის „მინდას“?
„ბავშვის ყველა ქცევა, რაც ზრდასრულისთვის მიუღებელია, ქცევით დარღვევად ვერ შეფასდება, ამას ცალკე დეტალური განხილვა სჭირდება. მნიშვნელოვანი წინაპირობა თუ როგორ ყალიბდება ბავშვის ქცევა, დამოკიდებულია მშობელზე, იმაზე, თუ როგორ რეაგირებს ის ბავშვის ამა თუ იმ მოთხოვნაზე“- ამბობს ნინო ბუაძე.

ფსიქოლოგი ნინო ბუაძე აცხადებს: „ მნიშვნელოვანია, თუ როგორი მიდგომა აქვს მშობელს ბავშვისთვის დამახასიათებელ რთულ ქცევაზე, როგორი თანამიმდევრულია ის და ოჯახის თითოეული წევრი. თუ ერთი და იგივე ქცევაზე განსახვავებული დამოკიდებულებით პასუხობენ ბავშვს, რა თქმა უნდა ის სხვადასხვა ადამიანთან მიმართებაში კონკრეტულ ქცევას აყალიბებს.“

0