სამებას ტაძარი

სამების ტაძრის ორ სტიქაროსანს კორონავირუსი დაუდასტურდა

71
(განახლებულია 20:22 07.01.2021)
კოვიდ-ინფიცირებული სტიქაროსნები სამების საკათედრო ტაძარში საშობაო ლიტურგიას არ დასწრებიან. ისინი ამ ეტაპზე თვითიზოლაციაში იმყოფებიან.

თბილისი, 7 იანვარი – Sputnik. შობის ღამემდე სამების ტაძრის ორ სტიქაროსანს კორონავირუსი დაუდასტურდა. განაცხადა საქართველოს საპატრიარქოს წმინდა იოაკიმესა და ანას სახელობის სამედიცინო ცენტრის ფინანსურმა დირექტორმა ვეფხია ოდიშარიამ ტელეკომპანია „რუსთავი 2“-ის ეთერში.

კორონავირუსზე ტესტი სამების ტაძრის 130-მდე სასულიერო პირსა და სტიქაროსანს ჩაუტარდა.

ოდიშარიას თქმით, ერთი პირის შემთხვევაში აღმოჩნდა, რომ პაციენტს კოვიდ-ინფექცია უსიმპტომოდ ჰქონდა გადატანილი. ხოლო უშუალოდ კოვიდ-ინფიცირებული სტიქაროსნები შობის ღამეს სამების საკათედრო ტაძარში გამართულ ლიტურგიას არ დასწრებიან.

„როგორც ვიცი, ინფიცირებულები იზოლაციაში არიან და მათ არავითარი სიმპტომი არ ჰქონიათ. ამ საკითხში აქტიურად არის ჩართული საქართველოს საპატრიარქო“, – განაცხადა ვეფხია ოდიშარიამ.

7 იანვრის ღამეს საქართველოს ყველა მართლმადიდებლურ ტაძარში საშობაო ღვთისმსახურება ჩატარდა, ის გუშინ, გვიან საღამოს დაიწყო და მთელ ღამეს გაგრძელდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.612-ით გაიზარდა და ინფიცირებულთა საერთო რიცხვმა 235.491-ს მიაღწია.

71
თემები:
კორონავირუსი საქართველოში: ბოლო ცნობები (69)
ზამთრის გზები

ქობულეთის შემოვლით გზაზე ავტოტრანსპორტის მოძრაობა აღდგა

137
აჭარის მთებში, დასახლებულ პუნქტებსა და სანაპიროზე დიდთოვლობაა. უამინდობის გამო გაძნელებულია სატრანსპორტო მოძრაობა

თბილისი, 20 იანვარი — Sputnik. ქობულეთის შემოვლითი გზა სრულად გაწმენდილია და ავტოტრანსპორტის მოძრაობა თავისუფალია, იუწყება საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი.

ქობულეთის მახლობლად ტრასაზე თოვლის გამო რამდენიმე ავარია მოხდა, რამაც გზის გაწმენდითი სამუშაოები შეაფერხა.

„ორი ტრაილერის მოცურებამ მოძრაობის შეფერხება და საცობი გამოიწვია, რამაც 2-3 საათის განმავლობაში შეუძლებელი გახადა ადგილზე მობილიზებული ტექნიკის მიერ თოვლის საფარისგან გზის გაწმენდითი სამუშაოების წარმოება“, - ნათქვამია განცხადებაში.

ამ დროისთვის ქობულეთის შემოვლით გზაზე  მოძრაობა თავისუფალია. 

აღნიშნულ მონაკვეთზე მოძრაობა განხორციელდება საპატრულო პოლიციის უშუალო ზედამხედველობით და კოორდინაციით.

137
ცარიელი კლასი

ტიკარაძე: თებერვლიდან განვიხილავთ გახსნებს, თუმცა...

337
ჯანდაცვის მინისტრის განცხადებით, სავაჭრო სექტორი და განათლების სექტორი არის ის ორი ძირითადი სფერო, რომელთა გახსნაზეც მიმდინარეობს საუბარი.

თბილისი, 20 იანვარი – Sputnik. საქართველოს მთავრობა გახსნის ობიექტად პირველ რიგში განიხილავს სავაჭრო სექტორს, რადგან  საახალწლო პერიოდში ამ სფერომ რეგულაციები დაიცვა, განაცხადა ჯანდაცვის მინისტრმა, ეკატერინე ტიკარაძემ.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები მოქმედებს, რომლებიც 2021 წლის 31 იანვრის ჩათვლით იქნება ძალაში. კერძოდ, სავალდებულოა პირბადის ტარება, ასევე იკრძალება ქუჩაში გასვლა 21:00 საათის შემდეგ დილის 5 საათამდე, არ მუშაობს საზოგადოებრივი ტრანსპორტი, დაკეტილია სავაჭრო ცენტრები, სპორტდარბაზები, რესტორნები, კაფე–ბარები და ა.შ. საქართველოში შეზღუდვების ეტაპობრივი მოხსნა 1 თებერვლიდან დაიწყება.

მინისტრის განცხადებით, სავაჭრო სექტორის შემდეგ  განიხილება განათლების სექტორის გახსნა.

„ჩვენ ვიცით, რამდენად მნიშვნელოვანია ბავშვების უშუალო დასწრება სკოლებში. არ მინდა გავასწრო მოვლენებს და შევქმნა ცრუ მოლოდინები. განათლების სფეროში განვიხილავთ სხვადასხვა მოდელს, ეს იქნება ან ჰიბრიდული მოდელი, ან შეიძლება უბრალოდ დავყოთ შედარებით მაღალი და დაბალი რისკის მატარებელ კლასებად. ჩვენ ვიქნებით მაქსიმალურად ჩართული, რომ სკოლებმა მოახერხონ ბავშვებისა და პედაგოგების დაცვა“, - განაცხადა ტიკარაძემ.

მინისტრის განცხადებით, მთავრობას რეგიონები დაყოფილი აქვს წითელ, ყვითელ და მწვანე ზონებად, შესაბამისად, შეზღუდვების მოხსნაც ეტაპობრივად მოხდება.

ჯანდაცვისა და ეკონომიკის სამინისტროებს უკვე დაევალათ ეტაპობრივი გეგმის შემუშავება. შეზღუდვების შემსუბუქების შემდეგ სპეციალისტები ორი კვირის განმავლობაში ისეთ ინდიკატორებს დააკვირდებიან, როგორებიც არის დადებითობის და ინციდენტობის მაჩვენებელი, და ამ შედეგებზე დაფუძნებით გადაწყდება, რა შეზღუდვა მოიხსნება შემდეგ ეტაპზე.

ბოლო 24 საათში ქვეყნის მასშტაბით კორონავირუსის 469 ახალი შემთხვევა დაფიქსირდა და ინფიცირებულთა საერთო რიცხვმა 249.934 -ს მიაღწია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

337
ვალუტის გაცვლის პუნქტი

ლარის კურსი 21 იანვარს

0
(განახლებულია 17:22 20.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0012 ლარით გამყარდა.

თბილისი, 21 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2982 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0012 ლარით გამყარდა.

ლარის კურსი 21 იანვარს
ლარის კურსი 21 იანვარს
0
თემები:
ლარის კურსი დღეს