კათოლიკური შობა საქართველოში

ჯანდაცვის სამინისტრო მოსახლეობას შობის დღესასწაულზე სიფრთხილისკენ მოუწოდებს

82
(განახლებულია 22:12 05.01.2021)
დაავადებათა კონტროლის ცენტრი სამღვდელოების და სხვა კონფესიის წარმომადგენლებს ტესტირებებს სთავაზობს, რათა საეჭვო შემთხვევების დროული გამოვლენა მოხდეს.

თბილისი, 5 იანვარი – Sputnik. შობის დღესასწაულზე დაიცავით ახალი კორონავირუსის გავრცელების პრევენციის მიზნით შემუშავებული რეკომენდაციები, მოუწოდა მოსახლეობას ჯანდაცვის მინისტრის მოადგილემ გაბუნიამ მთავრობის ადმინისტრაციაში გამართულ ბრიფინგზე.

ვნახოთ, როგორ მოულხინეს ადამიანებმა სუფრასთან – იმნაძე ვირუსის შემთხვევების შესაძლო ზრდაზე>>

საქართველოში მართლმადიდებლები 7 იანვარს ერთ-ერთ უდიდეს ქრისტიანულ დღესასწაულს — მაცხოვრის შობას აღნიშნავენ.

„იცით, რომ ექვსი დეკემბრის ღამეს შეზღუდვა მოიხსნება გადაადგილებასთან დაკავშირებით. შობის დღესასწაულს უკავშირდება ეკლესიებში ხალხმრავლობა, ასევე სტუმრიანობა. რა თქმა უნდა, ეს ყველაფერი არის რისკის მატარებელი. ჩვენ რაც შეგვიძლია გავაკეთოთ, არის ის, რომ ისევ და ისევ მოვუწოდოთ მოსახლეობას – პირადი დაცვის საშუალებებს ნუ დავივიწყებთ და სტუმრიანობასაც მოვერიდოთ“, – განაცხადა გაბუნიამ.

რაც შეეხება ეკლესიებში ინფექციის გავრცელების კონტროლს, გაბუნიას თქმით, უკვე რამდენიმე კვირაა დაავადებათა კონტროლის ცენტრი სამღვდელოების და სხვა კონფესიების წარმომადგენლებს ტესტირებებს სთავაზობს, რათა საეჭვო შემთხვევების დროული გამოვლენა მოხდეს.

„თუ რელიგიურ პირებში სავარაუდო შემთხვევა ან საეჭვო შემთხვევაა, მოხდეს მისი დროული იდენტიფიცირება და ამ პირმა იმ კონკრეტულ დღეს მსახურებაში მონაწილეობა არ მიიღოს – ეს არის პრევენციული ზომა, რაც უკვე რამდენიმე კვირაა ტარდება“, – განაცხადა თამარ გაბუნიამ.

საქართველოში ახალი კორონავირუსით ინფიცირებულთა საერთო რიცხვმა 26 თებერვლის შემდეგ 232.079-ს მიაღწია.

ქვეყანაში გარკვეული შეზღუდვები მოქმედებს, რაც, მათ შორის, საღამოს 9 საათიდან ქუჩაში გადაადგილებას კრძალავს. შობის ღამეს, გამონაკლისის სახით და ახალი წლის ღამის მსგავსად, ეს შეზღუდვა მოიხსნება. ასევე დღეს გავრცელდა ინფორმაცია, რომ პანდემიის გამო საშობაო მსვლელობა „ალილო" ტრადიციული სახით არ გაიმართება.

82
ნინო ლომჯარია

ლომჯარია მთავრობას პენიტენციურ დაწესებულებებში შექმნილ მდგომარეობაზე რაეგირებას სთხოვს

0
(განახლებულია 16:40 20.01.2021)
საქართველოს სახალხო დამცველი პენიტენციურ დაწესებულებებში შექმნილ მდგომარეობასთან დაკავშირებით  საგანგებო განცხადებას ავრცელებს

თბილისი, 20 იანვარი — Sputnik. უკანასკნელი თვეების განმავლობაში პენიტენციურ დაწესებულებების ადმინისტრაციისა და ე.წ. ციხის მაყურებლების მიერ მართული პატიმრების გარკვეული ჯგუფი სისტემატიურად ახორციელებს სახალხო დამცველის აპარატის წარმომადგენლებზე სიტყვიერ თავდასხმებს, მუქარასა და აგრესიას, განაცხადა საქართველოს სახალხო დამცველმა ნინო ლომჯარიამ.

ლომჯარია: „მაყურებლების“ გარეშე პატიმრები ომბუდსმენის წარმომადგენლებთანაც ვერ საუბრობენ>>

„ამ უკანონო ქმედებების მიზანია პატიმრებთან ჩვენი კომუნიკაციისა და ციხის ტერიტორიაზე მონიტორინგის განხორციელების ხელშეშლა“, - აღნიშნა ნინო ლომჯარიამ.

მისი ინფორმაციით, 2020 წელს საქართველოს სახალხო დამცველმა სპეციალური ანგარიში გამოაქვეყნა, სადაც საუბარი იყო იმაზე, რომ ნახევრად ღია ტიპის დაწესებულებების მართვის მოდელი დაფუძნებულია პატიმართა არაფორმალურ იერარქიაზე, სადაც „ციხის მაყურებლები“ ციხეებში უზრუნველყოფენ მოჩვენებით წესრიგს, რაც მიზნად ისახავს პატიმართა გაჩუმებასა და მათთვის პრობლემებზე საუბრის აკრძალვას.

„აღნიშნული ანგარიშის გამოქვეყნებას მოჰყვა სახალხო დამცველზე საჯარო თავდასხმები და უკანონო ქმედებები იუსტიციის მინისტრისა და პენიტენციური სამსახურის მხრიდან, რაც დასრულდა იმით, რომ სახალხო დამცველის აპარატის წარმომადგენლებისთვის პენიტენციურ დაწესებულებებში ვიზიტებისა და მონიტორინგის განხორციელება არამარტო გართულდა, არამედ საფრთხის შემცველი გახდა“, - ნათქვამია ლომჯარიას განცხადებაში.

კრიმინალური სუბკულტურა და ძალადობა საქართველოს ციხეებში: ომბუდსმენის სკანდალური ანგარიში>>

როგორც მან აღნიშნა, გამომდინარე იქიდან, რომ სახალხო დამცველის აპარატის თანამშრომლებს ციხეებში ვიზიტების დროს ციხის ადმინისტრაციების მიერ მხარდაჭერილი „არაფორმალური მმართველების“ მხრიდან ექმნებათ რეალური საფრთხე, სახალხო დამცველი განიხილავს პრევენციული მონიტორინგის ვიზიტების მხოლოდ დამატებითი უსაფრთხოების ზომების პირობებში განხორციელების შესაძლებლობას, რაც ბუნებრივია, დააბრკოლებს პატიმართა უფლებების ეფექტიანად დაცვის ღონისძიებებს. ბუნებრივია, აპარატი გააგრძელებს ინდივიდუალურ შეხვედრებს პატიმრებთან.

„შექმნილი მდგომარეობიდან გამომდინარე, მივმართავთ: საქართველოს მთავრობას, მიიღოს მყისიერი ზომები ციხეებში კრიმინალური სუბკულტურის მართვის მოდელის შესაცვლელად; საქართველოს იუსტიციის მინისტრს, დაუყონებლივ დააყენოს პენიტენციური სამსახურის გენერალური დირექტორისა და შესაბამისი პენიტენციური დაწესებულებების დირექტორების თანამდებობრივი პასუხისმგებლობის საკითხი“, - განაცხადა ლომჯარიამ.

სახალხო დამცველი ასევე მიმართავს საქართველოს პარლამენტს, საპარლამენტო ზედამხედველობის მექანიზმების გამოყენებით შეისწავლოს ნახევრად ღია დაწესებულებების მართვის უკანონო მოდელი, რათა ყველა პატიმარს ჰქონდეს მათ პრობლემებზე და უფლებადარღვევებზე მიმართვის შესაძლებლობა შესაბამისი დაწესებულებებისთვის ან ორგანიზაციებისთვის.

ლომჯარია მიმართავს საქართველოს პროკურატურასაც, რომ დაიწყოს გამოძიება სახალხო დამცველის საქმიანობის ხელშეშლისა და მუქარის ფაქტებთან დაკავშირებით, რასთან დაკავშირებითაც წინადადება უკვე წარდგენილია პროკურატურაში.

ლომჯარიას განცხადებით, გარდა ზემოაღნიშნულისა, სახალხო დამცველი ინფორმაციას მიაწვდის გაეროს წამების პრევენციის ქვეკომიტეტსა (SPT) და ევროპის საბჭოს წამების პრევენციის კომიტეტს (CPT), რათა მათ განახორციელონ საქართველოში ვიზიტი პატიმართა უფლებების დაცვის მიზნით.

0
ნინი გოგიჩაიშვილი

„მიყვარხარ...“ - ასე აღნიშნეს ნინი გოგიჩაიშვილმა და მისმა შეყვარებულმა ერთად ყოფნის იუბილე

0
(განახლებულია 14:01 20.01.2021)
ნინი გოგიჩაიშვილი სიყვარულის ნაპერწკლებს აფრქვევს. ნინიმ შეყვარებულის ნაჩუქარი თაიგული გაასაჯაროვა.

ამ უმშვენიერესი მოდელის გარშემო მითქმა-მოთქმა არ ნელდება. გოგიჩაიშვილების ოჯახის უმცროსი წევრი შეყვარებულია. მიუხედავად იმისა, რომ მოდელს მეორე ნახევარი სულ უფრო და უფრო ხშირად ანებივრებს, ის საყვარელი მამაკაცის გამოჩენას არ ჩქარობს.

ჯერ კიდევ თვეების წინ ნინი, მისი ტელეწამყვანი და მხატვარი და ნანუკა და ნანუკას მეუღლე დასასვენებლად საზღვარგარეთ იყვნენ. ნინი იქ რჩეულ მამაკაცთან ერთად იმყოფებოდა, თუმცა, როგორც ჩანს, მას კამერების წინაშე პოზირება არ ხიბლავს.

ნინი გოგიჩაიშვილი საყვარელი მამაკაცის მიერ ნაჩუქარ თაიგულებს ფოტოებს უღებს და სოციალურ ქსელში ხშირად აქვეყნებს. ამჯერად მოდელმა „ინსტაგრაის“ „სთორიზე“ ვიდეო გამოაქვეყნა, სადაც ვარდების თაიგულზე რიცხვი „19“-ია გამოკვეთილი. სავარაუდოდ, სწორედ 19 იანვარს გაიცო წყვილმა ერთმანეთი და მათ ურთიერთობის იუბილე აქვთ.

ასე მალავდა შეყვარებულს ნინის უფროსი დაც ნანუკა გოგიჩაიშვილი მანამ, სანამ სოციალურ ქსელში „ზარაფხანის“ მფლობელისა და მოდელის ერთობლივი სურათები აქტიურად არ გავრცელდა. ნინი საქართველოს საზოგადოებრივ საქმეთა ინსტიტუტის (GIPA) კურსდამთავრებულია. გოგონა ირჩევს ცხოვრების აქტიურ რიტმს და ურთიერთობას ადამიანებთან, ვისგანაც ბევრი რამის სწავლა შეიძლება. გოგიჩაიშვილი თავს შრომისმოყვარე პიროვნებად მიიჩნევს და მისთვის წარმატების ფორმულა სწორედ საკუთარ თავზე ინტენსიური მუშაობაა.

ნინი გოგიჩაიშვილი ეკრანებზე გამოჩენის შემდეგ სულ უფრო და უფრო პოპულარული ხდება. თავდაპირველად ტელეწამყვანის ამპლუაში GDS-ის გადაცემა „ბინა 18“-ში გამოჩნდა. მას შემდეგ ნინის გარშემო განვითარებული მოვლენები და კარიერული მისწრაფებები ყველა დაინტერესებულმა კარგად იცის. ამას ისიც განაპირობებს, რომ ულამაზესი და დახვეწილი მოდელი სოციალურ ქსელში გამორჩეული „ინფლუენსერია“, რაც იმას ნიშნავს, რომ მის მიმართ ინტერესი მუდამ იზრდება.

ნინის Instagram-ის ოფიციალურ გვერდზე 79 ათასზე მეტი „ფოლოუერი“ ჰყავს. ვარსკვლავმა თვითიზოლაციის პირობებში ახალი ნიჭი აღმოაჩინა. გარდა იმისა, რომ გატაცებულია სამოდელო სფეროთი, „დიჯეინგით“, ახლა მისი ჰობი კულინარიაა. ახალმა გატაცებამ ნინი გოგიჩაიშვილი კულინარიული მეგაშოუ „მასტერშეფის“ გამოწვევის წინაშე დააყენა, რასაც მოდელი გართულებების გარეშე გაუმკლავდა და საწყის ეტაპზე წინსაფარიც დაიმსახურა.

0
თემები:
სელებრითების ცხოვრება