ტელეწამყვანი გვანცა დარასელია ფიქრობს, რომ დედამთილისთვის დედის დაძახება არასწორია. როგორც ტელეწამყვანი ჟურნალ „თბილისელებთან“ ამბობს, ისიც არ ესმის, რატომ სურთ დედამთილებს, რომ რძლებმა დედა დაუძახონ.

„მისაუბრია გოგონებთან, რომლებიც ძალიან პატარები თხოვდებიან, ქმრის ოჯახში იზრდებიან და დედამთილს დედას ეძახიან, მაგრამ ეს მათი არჩევანია. მე ერთი დედა მყავს და დედას ყოველთვის მას დავუძახებ. ეს დედამიწაზე ყველაზე წმინდა ურთიერთობაა. ისიც არ მესმის, რატომ უნდათ დედამთილებს, რძლებმა დედა დაუძახონ. სიყვარული და პატივისცემა ბევრნაირად შეიძლება გამოხატო და ხშირად რძლებს ძალიანაც არ უყვართ დედამთილ-მამამთილები, მაგრამ მაინც დედასა და მამას ეძახიან“, – ამბობს ტელეწამყვანი.

ტელეწამყვანი გვანცა დარასელია 10 წელია მორაგბე ვახო მჭედლიძეზეა დაწორწინებული. წყვილი რამდენიმე თვეა მცხეთაში, ახალ სახლში ცხოვრობს.

წყვილის სიყვარულის ისტორია 2011 წლიდან იწყება. წყვილს ორი შვილი, უფროსი ერეკლე და უმცროსი – ლილე ჰყავთ, რომელიც ვახოს დაბადების დღეს დაიბადა. უმშვენიერეს ოჯახს მეგობრული ურთიერთობა აკავშირებს და პატარა და-ძმასაც მშობლები სწორედ ამას ასწავლიან.

თბილისი, 15 იანვარი - Sputnik. სატვირთო მანქანების მძღოლებმა ფოთში შეკვეთილი რეისების ტარიფების გაზრდის მოთხოვნით აქცია გამართეს.

© Sputnik / Alexander Imedashvili

აქცია ფოთში აქტივისტების დაკავებით დასრულდა

მომიტინგეების თქმით, ტარიფები პანდემიის გამო ძალიან დაბალია, რაც მათ მუშაობას ურთულებს. როგორც მძღოლები ამბობენ, მათ ოჯახები ჰყავთ შესანახი და საბანკო ვალდებულებები აქვთ გასასტუმრებელი. მძღოლები სანაოსნო კომპანიებისგან ტარიფების გაზრდას ითხოვენ, წინააღმდეგ შემთხვევაში, საქონლის გადმოტვირთვაზე უარს აცხადებენ.

„ტარიფები ძალიან დაბალია, ხელოვნურადაა დაწეული. ჩვენი მოთხოვნაა ტარიფების გაზრდა. აზერბაიჯანში საწვავის ფასი გაიზარდა, საქართველოშიც კვლავ გაიზრდება და საერთოდ აღარ ღირს მუშაობა, არაფერი გვრჩება. ჩვენ ვერ ვინახავთ მანქანებს, ვერ ვინახავთ ოჯახებს, კრედიტები გვაქვს, ბანკები სახლებს გვართმევენ. თუ ჩვენი მოთხოვნა არ დაკმაყოფილდება, საქონელს აღარ გადმოვტვირთავთ, არ გადავზიდავთ, ტრანსპორტი გაჩერდება“, - განაცხადეს აქციის მონაწილეებმა ტელეარხ „იმედის“ ეთერში.

მოთხოვნების შეუსრულებლობის შემთხვევაში მძღოლები პერმანენტულ აქციებს არ გამორიცხავენ.