ნოე სულაბერიძე და ნინი ბადურაშვილი

ნახეთ რატომ უჩვენა ნოე სულაბერიძეს და ანრი ჯოხაძეს შუა თითი ნინი ბადურაშვილმა ვიდეო

9484
(განახლებულია 20:06 05.01.2021)
„პრაიმშოუს“ წამყვანებმა მომღერალი ნინი ბადურაშვილი სასაცილო სიტუაციაში ჩააგდეს. ნინიმ ეს საკმაოდ გვიან აღმოაჩინა და კოლეგებს შუა თითი უჩვენა.

მომღერალი ანრი ჯოხაძე „ინსტაგრამზე“ ვიდეოს აქვეყნებს, სადაც ჩანს, როგორ ატარებს ნინი ბადურაშვილი ტაქსის ტრაფარეტიან მანქანას. „ბადურ, ტაქსაობ?“ – ეკითხება ანრი ნინის და იქვე წერს: „ალოო ტაქსიი“. ანრისთან ერთად სხვა მანქანით ნოე სულაბერიძე და ირაკლი მაქაცარიაც არიან. სავარაუდოდ, ბიჭები ნინის გაეხუმრნენ.

ნინი ბადურაშვილმა, როგორც ჩანს, საკმაოდ გვიან შენიშნა, რომ მის მანქანას ტაქსის ტრაფარეტი ჰქონდა და კოლეგების ხუმრობაზე საკმაოდ თამამი რეაქცია ჰქონდა. მან ბიჭებს მანქანიდან შუა თითი უჩვენა.

„პრაიმშოუ“ რამდენიმე წელია ტელეკომპანია „იმედზე“ გადის. მისი პროდიუსერი ნოე სულაბერიძეა, რომელიც ასევე გადაცემის თანაწამყვანია. მასთან ერთად გადაცემა ისეთ ცნობილ ადამიანებს მიჰყავთ, როგორებიც არიან მომღერლები ანრი ჯოხაძე და ნინი ბადურაშვილი, ექიმი ნინო ნადირაძე, მსახიობი ირაკლი მაქაცარია და მოდელი სალომე ღვინიაშვილი.

9484
თემები:
სელებრითების ცხოვრება (2659)
სასამართლო

კარტოგრაფების საქმე: ივერი მელაშვილი და ნატალია ილიჩოვა დარბაზიდან გაათავისუფლეს

1
ივერი მელაშვილსა და ნატალია ილიჩოვას საქართველოს ტერიტორიების წინააღმდეგ მიმართულ ქმედებას ედავებიან.

 

თბილისი, 28 იანვარი - Sputnik.  თბილისის საქალაქო სასამართლომ დავით გარეჯის საქმეზე დაკავებულ ივერი მელაშვილსა და ნატალია ილიჩოვას აღკვეთის ღონისძიება- პატიმრობა გირაოთი შეუცვალა. 

გადაწყვეტილება მოსამართლე ლელა კალიჩენკომ რამდენიმე წუთის წინ მიიღო.  გირაოს ოდენობა თითოეულისთვის 20 ათას ლარს შეადგენს. მოსამართლემ ასევე სრულად დააკმაყოფილა პროკურატურის შუამდგომლობა მელაშვილის თანამდებობიდან გადაყენების შესახებ . მელაშვილმა და ილიჩოვამ გირაოს თანხა 30 დღის ვადაში უნდა გადაიხადონ.

ნატალია ილიჩოვასა და ივერი მელაშვილის გირაოთი გათავისუფლების შუამდგომლობა  პროკურატურამ დღეს დააყენა.  პროკურატურის მიერ მოთხოვნილი გირაოს ოდენობა თითოეულისთვის  30 000 ლარს შეადგენდა. ასევე, ბრალდების მხარემ მოითხოვა, ბრალდებულებს აეკრძალოთ სახელმწიფო საზღვრის გადაკვეთა პროკურატურის ინფორმირების გარეშე და გათავისუფლდნენ თანამდებობებიდან, რომლებსაც იკავებდნენ.

ბრალდების მხარის არგუმენტი იყო ის, რომ საგამოძიებო ქმედებები ყველა მიმართულებით ამოწურულია და სასამართლოს გადაწყვეტილებამდე  ბრალდებულების მიმართ ყველაზე მკაცრი აღკვეთის ღონისძიების გამოყენების აუცილებლობა აღარ არსებობს.

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა 2020 წლის 7 ოქტომბერს დააკავა.

პროკურატურის განცხადებით, საქმეზე ჩატარებული კომპლექსური გამოძიების შედეგად დადგენილია, რომ ბრალდებულები სახელმწიფო საზღვრის დელიმიტაცია-დემარკაციის პროცესში მოქმედებდნენ ზემდგომი თანამდებობის პირების დავალებით. პროკურატურის მტკიცებით, რუკების შედგენისას მათ 1938 წლის რუკის ნაცვლად გამოიყენეს 1970 წლით დათარიღებული არასწორად შედგენილი რუკა, რის შედეგადაც საქართველომ კინაღამ 3,5 ათასი ჰექტარი ტერიტორია დაკარგა, მათ შორის დავით–გარეჯის სამონასტრო კომპლექსის ტერიტორიის ნაწილი.

საქართველო–აზერბაიჯანის საზღვარი 440 კილომეტრია, მისი მესამედი ჯერ არ არის დელიმიტირებული. ერთ-ერთ სადავო მონაკვეთზე მდებარეობს მეექვსე საუკუნის დავით–გარეჯის სამონასტრო კომპლექსი, რომლის ნაწილზეც პრეტენზიას აზერბაიჯანული მხარე აცხადებს.

1
კანონის და მართლმსაჯულების სიმბოლო

რა უნდა ვიცოდეთ მედიაციის  ანუ დავების  მოგვარების ალტერნატიული მექანიზმის შესახებ

7
(განახლებულია 15:18 28.01.2021)
მედიატორის პროფესია ოფიციალურად საქართველოში ერთი წელია რაც არსებობს. გასული წლის დასაწყისში ჩამოყალიბდა „საქართველოს მედიატორთა ასოციაცია“, რომელიც ყველა ლიცენზირებულ მედიატორს აერთიანებს.

რას ნიშნავს მედიაცია, ვის შეუძლია გახდეს მედიატორი და რა იყო ის ძირითადი გამოწვევები, რომელთა წინაშეც აღმოჩნდა ორგანიზაცია კორონავირუსის პანდემიის ფონზე, Sputnik საქართველოს მედიატორთა ასოციაციის თავმჯდომარე ირაკლი ყანდაშვილი ესაუბრა.  

მედიატორთა ასოციაციის პრზიდენტი ირაკლი ყანდაშვილი
photo: courtesy of Irakli Kandashvili
მედიატორთა ასოციაციის პრზიდენტი ირაკლი ყანდაშვილი

რა არის მედიაცია და ვის შეუძლია გახდეს მედიატორი?

მედიაცია ეს არის მხარეების ინტერესებზე მორგებული მოლაპარაკების პროცესი, სადაც შედეგი პროცესის მონაწილეებზეა დამოკიდებული. თუ მოდავე მხარეებს უნდათ რომ მიაღწიონ შეთანხმებას, მათ შეუძლიათ მედიატორის დახმარებით ეს შედეგი თავად დააყენონ. მედიაცია კეთილგონივრული დიალოგის კულტურას ნერგავს საზოგადოებაში.

მედიატორის პროფესია ოფიციალურად საქართველოში ერთი წელია რაც არსებობს. შესაბამისი კანონის მიღებას მათ შორის ევროკავშირთან ხელმოწერილი ასოცირების შეთანხმება ითვალისწინებდა, „კანონი მედიაციის“ შესახებ 2020 წლის 1 იანვარიდან ამოქმედდა. კანონის საფუძველზე  ჩამოყალიბდა  წევრობაზე დაფუძნებული საჯარო სამართლის იურიდიული პირი „საქართველოს მედიატორთა ასოციაცია“, რომელიც  ყველა ლიცენზირებულ მედიატორს აერთიანებს.

მედიატორი შუძლია გახდეს ნებისმიერ მოქალაქეს, რომლიც არის ქმედითუნარიანი, არ არის ნასამართლევი და აკმაყოფილებს ასოციაციის მიერ დადგენილ სერთიფიცირების პროგრამის მოთხოვნებს.

რატომ არ შეუძლიათ მხარეებს მოილაპარაკონ მედიატორის გარეშე?

შეძლებით რა თქმა უნდა შეუძლიათ, აქ საუბარია იმაზე თუ რამდენად უფრო მარტივია და ეფექტიანია მედიაციის გზით მოლაპარაკება. დამეთანხმებით, დაპირისპირებულ მხარეებს შორის ურთიერთობები იძაბება და ისინი ერთმანეთთან კომუნიკაციას ვერ ახერხებენ. მით უმეტეს თუ დავა წლების განმავლობაში გრძელდება,   იმდენად იძაბება ურთიერთობა, რომ მათ ერთმანეთთან მისასვლელი გზა აღარ აქვთ, თუ მხარეების ინტერესში მორიგება ნამდვილად შედის, მათ აუცილებლად ესაჭიროებათ კვალიფიციური მომლაპარაკებელი. რომლიც  მათ მოლაპარაკების მაგიდასთან დასვამთ. ამასთან, რაც ყველაზე მნიშვნელოვანია, მედიაციით მიღწეული შეთანხმება, განსხვავებით ჩვეულებრივი მოლაპარაკების შედეგისა, აღსრულებას ექვემდებარება სასამართლოს მხრიდან აღნიშნული სამედიაციო შეთანხმების დადასტურების გზით, რა დროსაც სასამართლოს გამოაქვს საქართველოს სახელით სასამართლო გადაწყვეტილება. რაც იმას ნიშნავს, რომ  მხარეებს შეუძლიათ წარადგინონ შეთანხმების აქტი სასამართლოში და მას შემდეგ რაც სასამართლო მას შეამოწმებს და ნახავს, რომ არის კანონთან შესაბამისი და აღსრულებადია, დაადასტურებს მის შინაარს.

აღსანიშნავია ისიც, რომ მედიაცია სასამართლოსთან შედარებით ნაკლებად ხარჯიანია. როგორც ფინანსურად, ასევე დროის თვალსაზრისით. სასამართლო მედიაციის შემთხვევაში ეს არის 45 დღიანი პროცესი, ფინანსურად კი იმიტომ არის მომგებიანი, რომ მხარეები ბაჟს მხოლოდ 1 %-ის ოდენობით იხდიან, მაშინ როდესაც სახელმწიფო ბაჟი 12% -ია გადასახდელი სამართალწარმოების სამივე ინსტანციის გავლის საჭიროების შემთხვევაში. მედიაციაში შეთანხმების მიღწევის შემთხვევაში მხარეებს გადახდილი 1% ბაჟი უკან უბრუნდებათ.

ასევე მნიშვნელოვანია, რომ მედიაცია ეხმარება კონფლიქტის მხარეებს „სახე არ დაკარგონ“ და კონფლიქტის ამოწურვის შემდეგაც ურთიერთობის გაგრძელების წინაპირობა გააჩნიათ.

როგორ და რა სახის დავის არსებობის შემთხვევაში შეგვიძლია მივმართოთ მედიატორს?  

მედიაციის შესახებ კანონის თანახმად, საქართველოში ორი ფორმის მედიაცია არსებობს: სასამართლო  და არასასამართლო.  

სასამარლო მედიაციის მომხმარებელი მხარეები იმ შემთხვევაში გახდებიან, თუ სარჩელია აღძრული და სამართალწარმოება მიმდინარეობს სამოქალაქო კატეგორიის სასამართლოში, ხოლო მხარეები გადაწყვეტენ  შეაჩერონ ეს პროცესი იმისათვის, რომ საქმემ სასამართლო მედიაციაში გადაინაცვლოს. არასასამართლო მედიაცია კი მათთვისაა, ვისაც თავიდანვე სასამართლოს გარეშე სურს შეთანხმების მიღწევა და ნაცვლად სასამართლოში სარჩელის აღძვრისა, თანხმდებიან მედიაციის გზით კონფლიტქის ამოწურვაზე და პირდაპირ მიმართავენ მედიატორს.

სამოქალაქო კატეგორიის დავის წარმოშობის შემთხვევაში დაპირისპირებულ მხარეებს  შეუძლიათ ნახოს „საქართველოს მედიატორთა ასოციაციის“ ერთიანი მედიატორთა რეესტრი (www.mediators.ge), აარჩიონ ორივე მხარისთვის მისაღები მედიატორი და მისი ჩართულობით აწარმოონ უკვე მოლაპარაკება.

უშუალოდ მედიაციას  დაქვემდებარებულ დავებს რაც შეეხება, კანონმდებლობის თანახმად ესენია: ინდივიდუალური შრომითი დავები, საოჯახო, სამეზობლო, სამემკვიდრეო დავები, საზიარო უფლების გაყოფის დავები,  ქონებრივი დავები (20 ათას ლარს ქვემოთ). არაქონებრივი -  აბსოლუტურად ყველა კატეგორიის დავა,  სასესხო, ონლაინ კრედიტთან დაკავშირებული დავები და მხარეთა შეთანხმებით ყველა სხვა სამოქალაქო კატეგორიის დავა.

რა გააკეთა გასულ წელს მედიაციის განვითარების მიზნით ასოციაციამ?

2020 წელი ზოგადად ასოციაციისთვის საკმაოდ დიდი გამოწვევა იყო, კორონავირუსის პანდემიის გამო ფაქტობრივად საქმის წარმოება ამ სფეროშიც ჯერ კიდევ მარტში შეჩერდა. თავიდან მთავრობამ მედიაცია დისტანციურად საქმის წარმოების დასაშვებ კატეგორიებს არ მიაკუთვნა და მხოლოდ ჩვენი ასოციაციის მიმართვის შემდეგ მოხდა ამ ჩამონათვალში ეს პროფესია. ამის შემდეგ, ჩვენ მოვახერხეთ და შევიმუშავეთ მედიაციის დისტანციურად წარმოების პლატფორმა, რამაც ძალიან გაამართლა და შეიძლება ითქვას რომ ფაქტიურად დარგი გადაარჩინა.

დისტანციური მედიაციის მეშვეობით  მხარეებს შორის არაერთი შეთანხმება შედგა;  2020 წელს ძალიან დიდი მიღწევა იყო თბილისის საქალაქო სასამართლოს მიერ არასასამართლო მედიაციის შედეგად ორ ბიზნესს შორის მიღწეული შეთანხმების დამტკიცების ფაქტი, რაც საქართველოს ისტორიაში პირველი შემთხვევაა კანონის ამოქმედების შემდგომ არასასამართლო/კერძო მედიაციის სასამართლოს მხრიდან დადასტურების, მედიატორების ჩართულობით 2020 წლის მანძილზე დაახლოებით ჯამურად 150-მდე საქმე იქნა წარმოებაში მიღებული, საიდანაც 90% მდე  მხარეთა შორის შეთანხმებით დასრულდა.

გასულ წელს ასევე დავაფუძნეთ მედიაციის განვითარების კომიტეტი საქართველოს სავაჭრო სამრეწველო პალატის ბაზაზე, ევროკავშირის ექსპერტების ჩართულობით შევიმუშავეთ და დავადგინეთ ევროპულ სტანდარტებთან მისადაგებული  პროფესიაში მიღების წესი, მედიატორთა ასოციაციის საერთო კრებამ დაამტკიცა სერთიფიცრების პროგრამის დებულება. ახლა ვმუშაობთ და უახლოეს საერთო კრებაზე მივიღებთ  მედიატორთა  ეთიკის კოდექს, რომელსაც ასევე ვქმნით ევროკავშირის (EU/UNDP) და ამერიკის შეერთებული შტატების განვითარების საერთაშორისო სააგენტოს (USAID) ექსპერტების რეკომენდაციებით და მათი უშუალო ჩართულობით.  

გასულ წელს ჩვენმა ასოციაციამ გააფორმა ურთიერთთანამშრომლობის მემორანდუმი საქართველოს უზენაეს სასამართლოსთან, რაც სასამართლო მედიაციის განვითარების ძალზედ კარგი წინაპირობაა, ისევე როგორც გავაფორმეთ ურთიერთთანამშრომლობის მემორანდუმუ საქართველოს ბიზნეს ასოციაციასთან, რაც არის ბიზნესის ინფორმირების ერთგვარი წინაპირობა დავის გადაწყვეტის ალტერნატიული მექანიზმის შესახებ და  ვფიქრობ, ამის შემდეგ კიდევ უფრო მეტი ბიზნესი ეცდება საკუთარი პრობლემების გადაწყვეტას სწორედ მედიაციის გზით.

ჩვენ ასევე ხელი მოვაწერეთ  ურთიერთთანამშრომლობის მემორანდუმებს საქართველოს თითქმის ყველა უმაღლეს სასწავლებელთან და ვცდილობთ რომ უნივერსიტეტებში აქტიურად დავნერგოთ მედიაციის სწავლება. ამასთან, მჭიდროდ ვთანამშრომლობთ, განათლების სამინისტროსთან და ჩვენს ერთ-ერთ სტრატეგიულ გეგმას წარმოადგენს მედიაციის საშუალო სკოლებში სწავლების დაწყება, რათა ახალმა თაობამ იცოდეს დავის გადაწყვეტის ამ ალტერნატიული მექანიზმის შესახებ, სანამ უშუალოდ კონფლიქტში მოუწევთ აღმოჩენა.

ვფიქრობ, ყველა ეს აქტივობა, ასევე დაგვეხმარება იმ ორი უმთავრესი გამოწვევის დაძლევაში, რომელიც დღეს მედიაციის, როგორც დავის გადაწყვეტის ახალი მექანიზმის წინაშე დგას.  ესენია: საზოგადოებაში მედიაციის მიმართ ცნობადობის  და სანდოობის გაზრდა.

2021 წელს  კიდევ რა გეგმები აქვს ასოციაციას?

ჩვენი მთავარი პრიორიტეტი  მიმდინარე წელს  მედიაციის, როგორც დავის გადაწყვეტის ეფექტიან მექანიზმად დანერგვის მიმართულებით აქტიური პოლიტიკის გატარებაა, რაც მოიცავს მისი ცნობადობისა და სანდოობის გაზრდას. პირველის  მიღწევა შესაძლებელია საშუალო სკოლებში და უმაღლეს სასწავლებელში მედიაციის სწავლებით, ბიზნესის და საზოგადოების მედიაციის შესახებ ფართო ინფორმირებით და დაინტერესებით, ხოლო პროფესიის მიმართ სანდოობის გაზრდის მიმართულებით მნშვნელოვანი იქნება მედიატორთა პროფესიული ეთიკის კოდექსის და მედიატორთა დისციპლინირების  საქმის წარმოების წესის მიღება ასოციაციის მხრიდან, რაც იქნება კიდევ ერთი დადასტურება საზოგადოების წინაშე რომ პროფესიის წარმომადგენლები საქმიანობის განხორციელებისას ექვემდებარებიან მაღალ მორალურ და ეთიკურ სტანდარტებს.

 

ნატა პატარაია

 

 

7