ნეკა დოროყაშვილი

„ტყუილს მოკლე ფეხები აქვს!..“ ნეკა დოროყაშვილი ყოფილ მეუღლეს დაუპირისპირდა

430
(განახლებულია 15:39 04.01.2021)
ნეკა დოროყაშვილი ყოფილ მეუღლეს კიდევ ერთხელ დაუპირისპირდა. ნახეთ რას წერს მოდელი ცნობილ ჩოგბურთელს საჩუქრის შესახებ.

თბილისი, 4 იანვარი – Sputnik. ჩოგბურთელ ნიკოლოზ ბასილაშვილის პოსტს, რომელიც მან შვილს მიუძღვნა, 2021 წლის დადგომისთანავე გამოეხმაურა ჩოგბურთელის ყოფილი ცოლი ნეკა დოროყაშვილი.

მოდელმა „ინსტაგრამზე“ მაღაზიათა ქსელ „პეპელაში” შეძენილი საჩუქრის ფოტო გამოაქვეყნა და დაწერა, რომ „პეპელა ერთი დღით ცხოვრობს” და ყოფილ ქმარს ვრცლად უპასუხა. მან ბასილაშვილს საჩუქარი დაუწუნა და აღნიშნა, რომ სამწუხაროა, როდესაც მამამ შვილის ინტერესების შესახებ არაფერი იცის და არ იცის შვილს რა აჩუქოს, და თანაც ამბობს, რომ მთელი წლის განმავლობაში აგროვებდა მისთვის საჩუქრებს და ეს ნაგროვები საჩუქრები მხოლოდ ერთ ცელოფნის პარკში ეტევა.

„საინტერესოა ვინ დებს ბავშვის საჩუქარში ქვითარს?! ალბათ წელიწადში ერთხელ გაგზავნილი საჩუქრისთვის ესეც ბევრია და ქვითარი უნდა მენახა, რომ დავრწმუნებულიყავი, ადამიანი შრომობს ჩვენი ბიოლოგიური შვილისთვის. ტყუილს მოკლე ფეხები აქვს! თუ ასე გაგიჭირდა, ანგარიშის ნომერი შემატყობინე და დაგეხმარები. მადლობა ქვითრისთვის, მე დავრწმუნდი, რომ შენ ნამდვილად დახარჯე 237 ლარი, მთელი 2020 წლის განმავლობაში, ყოჩაღ!“ – დაწერა ნეკა დოროყაშვილმა.

მოგვიანებით მოდელმა ფოტო და პოსტი წაშალა და „ფეისბუქზე“ დაწერა, რომ, სამწუხაროდ, საზოგადოების დიდმა ნაწილმა ის გააკრიტიკა მიუხედავად იმისა, რომ სიმართლე მის მხარესაა.

ცნობილი ჩოგბურთელი ცოლს 2020 წელს დაშორდა და ახლა სასამართლომ უნდა დაადგინოს, ძალადობდა თუ არა ის ყოფილ ცოლზე ფიზიკურად, მცირეწლოვანი შვილის თანდასწრებით.

ნიკოლოზ ბასილაშვილს მის ოჯახურ სკანდალზე კომენტარი არ გაუკეთებია. ახალი 2021 წლის დადგომამდე მან სოციალურ ქსელში შვილთან ერთად გადაღებული ფოტო გამოაქვეყნა და ემოციური პოსტი დაწერა. ბასილაშვილი წერს, რომ მას შვილი ძალიან ენატრება, თუმცა მასთან დარეკვაც კი არ შეუძლია. ბასილაშვილი თავის პოსტში შვილს ასევე წერდა, რომ თოვლის ბაბუას მოტანილ საჩუქრებს კარგად შეინახავდა, მაგრამ ეტყობა ნეკა დოროყაშვილმა სხვაგვარი შინაარსი გამოიტანა.

430
თემები:
სელებრითების ცხოვრება (2620)
ბათუმისა და ლაზეთის მიტროპოლიტმა დიმიტრიმ (შიოლაშვილი)

მიტროპოლიტი დიმიტრი: პანდემიასთან ბრძოლის საუკეთესო საშუალება ყოველთვის ვაქცინაცია  იყო

8
ვაქცინაციის აუცილებლობის შესახებ მოსახლეობის ინფორმირების კამპანიას სამღვდელოებაც შეუერთდა. ისინი მოუწიდებენ მორწმუნეებს აცრების არ შეეშინდეთ და მათში ხსნა დაინახონ.

თბილისი, 19 იანვარი – Sputnik. ეპიდემიასთან და პანდემიასთან ბრძოლის ყველაზე საუკეთესო საშუალებას ვაქცინაცია წარმოადგენს, განაცხადა ბათუმისა და ლაზეთის მიტროპოლიტმა დიმიტრიმ (შიოლაშვილი) ნათლისღების წირვაზე, ქადაგებისას ბათუმის ღვთისმშობლის შობის სახელობის საკათედრო ტაძარში.

„თუ თავს შეუძლოდ გრძნობთ, სახლში დარჩით“ – საქართველოს საპატრიარქომ მრევლს მიმართა >>

მსოფლიოში კორონავირუსის საწინააღმდეგო ვაქცინა უკვე გაიკეთა 32 მილიონზე მეტმა ადამიანმა. ვაქცინაციის გეგმაზე საქართველომ მუშაობა პრაქტიკულად დაასრულა. ადრე ჯანდაცვის სამინისტროში განაცხადეს, რომ კორონავირუსის საწინააღმდეგო ვაქცინა საქართველოში უკვე თებერვლის ბოლოს იქნება. ჯერჯერობით საუბარია Pfizer-ის ვაქცინაზე.

„ეპიდემიასთან და პანდემიასთან ბრძოლის ყველაზე საუკეთესო საშუალება ყოველთვის იყო ვაქცინაცია, ყველას გვახსოვს, მოზრდილ ასაკში სკოლაში, საბავშვო ბაღში, ყველგან გვცრიდნენ და ეს იყო არა შემთხვევით, არამედ წინა, ძალიან მკაცრი პანდემიებით გამოწვეული“, - განაცხადა დიმიტრიმ.

მეუფის  თქმით,  ვაქცინაცია რელიგიური ცხოვრებისთვის არანაირ საფრთხეს არ წარმოადგენს.

„რამდენიმე ხნის წინ, საბერძნეთის ერთ-ერთი მღვდელმთავარი, რომელიც ადრე, საერო ცხოვრების დროს ამერიკის კოსმოსურ სააგენტო ნასა-ში მოღვაწეობდა, არის პროფესიით გამორჩეული ექიმი და პროფესორი, თავის პუბლიკაციაში წერდა, რომ ელადის წმინდა სინოდმა დაავალა, შეესწავლა, რამდენად უსაფრთხოა ეს ვაქცინა ადამიანის რელიგიური ცხოვრებისთვის. ის ამბობს, სრული პასუხისმგებლობით ვაცხადებთ, რომ არანაირი საფრთხე ამ ვაქცინაში, რელიგიის კუთხით, არ არსებობსო. მინდა, რომ ეს ასე იყოს და ღვთის მადლით ასეც იქნება“, – განაცხადა მეუფე დიმიტრიმ.

COVAX–პლატფორმამ საქართველოსგან 18 იანვარს დასტური მიიღო იმასთან დაკავშირებით, რომ ქვეყანა მზადაა მიმდინარე წლის პირველ კვარტალში კორონავირუსის საწინააღმდეგო ვაქცინა მიიღოს. ეკონომიკის სრული გახსნისთვის აუცილებელია ზრდასრული მოსახლეობის 60%–ის ვაქცინაცია, რისთვისაც დაახლოებით 164 მლნ ლარი იქნება საჭირო.

ვაქცინაციისთვის უკვე განისაზღვრა პრიორიტეტული ჯგუფები: ჯანდაცვის სექტორი, თავშესაფრებისა და სხვა მსგავსი დაწესებულებების პერსონალი და ბენეფიციარები, 75 წელს ზემოთ ასაკის მოსახლეობა, 65–დან 74 წლამდე მოსახლეობა, ქრონიკული დაავადებების მქონე 18–54 წლის პირები. შემდგომ იგეგმება მოსახლეობის დანარჩენი ნაწილის ვაქცინაცია, მათ შორის, იმ პირების, რომელთაც ვირუსი გადაიტანეს.

8
ნინო ლომჯარია

სახალხო დამცველს ვაქცინაციის ეროვნულ გეგმასთან შენიშვნები არ აქვს

25
(განახლებულია 18:02 19.01.2021)
როგორც ნინო ლომჯარიამ აღნიშნა, ომბუდსმენის აპარატი კორონავირუსის საწინააღმდეგო ვაქცინაციის პროცესს მუდმივ მონიტორინგს გაუწევს

თბილისი, 19 იანვარი – Sputnik. საქართველოს სახალხო დამცველის აპარატს საერთაშორისო და ადამიანის უფლებების დაცვის სტანდარტების თვალსაზრისით ვაქცინაციის გეგმასთან შენიშვნები არ აქვს, იუწყება მთავრობის ადმინისტრაციის პრეს–სამსახური. 

 „ჩვენ შევაფასეთ  ვაქცინაციის ეროვნულ გეგმაში მოცემული პრიორიტეტული მიმართულებები საერთაშორისო სტანდარტებთან და ადამიანის უფლებების დაცვის სტანდარტებთან მიმართებით და ჩვენ  შენიშვნები არ გვაქვს“, – განაცხადა საქართველოს სახალხო დამცველმა ნინო ლომჯარიამ პრემიერ-მინისტრ გიორგი გახარიასთან ვაქცინაციის კომისიის წევრებთან გამართული შეხვედრის შემდეგ.

ლომჯარიას თქმით, სახალხო დამცველის აპარატმა ვაქცინაციის ეროვნული გეგმის შემუშავებაში უშუალო მონაწილეობა მიიღო.

 „ჩვენ ამ ეტაპზე გეგმასთან დაკავშირებით შენიშვნები არ გვაქვს ადამიანის უფლებების დაცვის სტანდარტებთან მიმართებით, თუმცა, დავაკვირდებით უშუალოდ ვაქცინაციის პროცესს,  რამდენად წარიმართება ის გეგმის შესაბამისად და მაქსიმალურად ვეცდებით, საზოგადოებას მივაწოდოთ ობიექტური ინფორმაცია ყველა იმ საკითხზე, რაც ეხება ვაქცინების უსაფრთხოებას და მთელ ამ პროცესს“, – აღნიშნა  ლომჯარიამ. 

საქართველომ ვაქცინაციის ეროვნულ გეგმაზე მუშაობა პრაქტიკულად დაასრულა. საქართველოს პრემიერ–მინისტრმა კოვიდ–ვაქცინაციის ეროვნულ გეგმაზე მომუშავე კომისიის წევრებთან და ექსპერტებთან გეგმის საბოლოო დეტალებთან დაკავშირებით მორიგი შეხვედრა გამართა.

COVAX–პლატფორმამ საქართველოსგან 18 იანვარს დასტური მიიღო იმასთან დაკავშირებით, რომ ქვეყანა მზადაა მიმდინარე წლის პირველ კვარტალში კორონავირუსის საწინააღმდეგო ვაქცინა მიიღოს. ეკონომიკის სრული გახსნისთვის აუცილებელია ზრდასრული მოსახლეობის 60%–ის ვაქცინაცია, რისთვისაც დაახლოებით 164 მლნ ლარი იქნება საჭირო.

ვაქცინაციისთვის უკვე განისაზღვრა პრიორიტეტული ჯგუფები: ჯანდაცვის სექტორი, თავშესაფრებისა და სხვა მსგავსი დაწესებულებების პერსონალი და ბენეფიციარები, 75 წელს ზემოთ ასაკის მოსახლეობა, 65–დან 74 წლამდე მოსახლეობა, ქრონიკული დაავადებების მქონე 18–54 წლის პირები. შემდგომ იგეგმება მოსახლეობის დანარჩენი ნაწილის ვაქცინაცია, მათ შორის, იმ პირების, რომელთაც ვირუსი გადაიტანეს.

25
თემები:
კორონავირუსი საქართველოში: ბოლო ცნობები
ლიანდაგები

ლანჩხუთში ქალს მატარებელი დაეჯახა

0
გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით მიმდინარეობს, , რამაც ადამიანის სიცოცხლის მოსპობა გამოიწვია.

თბილისი, 19 იანვარი – Sputnik. ლანჩხუთში შუახნის ქალს მატარებელი დაეჯახა, იუწყება ტელეკომპანია „რუსთავი 2“.

60 წლამდე ქალი ადგილზევე გარდაიცვალა.

შემთხვევა დღეს დაახლოებით 17:00 საათზე მოხდა.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 275-ე მუხლის მეოთხე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.

0