ზუგდიდის რეფერალური საავადმყოფო

COVID-19 სამეგრელო-ზემო სვანეთში: ბოლო მონაცემები

193
(განახლებულია 13:33 03.01.2021)
რეგიონის კოვიდ-კლინიკებში მკურნალობის კურსს სულ 187 პაციენტი გადის, მათგან 21 პაციენტის მდგომარეობა მძიმეა

თბილისი, 3 იანვარი – Sputnik. სამეგრელო-ზემო სვანეთში კორონავირუსი 45 ადამიანს დაუდასტურდა, ხოლო ერთი გარდაიცვალა.

სახელმწიფო რწმუნებულის ადმინისტრაციის ინფორმაციით, გარდაცვლილი 87 წლის ქალია, ის სენაკის მცხოვრები იყო. პაციენტი გუშინ, სენაკის კლინიკა „სენამედში“ გარდაიცვალა.

ახალი შემთხვევების უმეტესობა ადრე გამოვლენილ შემთხვევათა კონტაქტებია. რეგიონის 6 კოვიდცენტრში 187 კოვიდდადასტურებული პაციენტი აგრძელებს მკურნალობას, მათგან 21 პაციენტის მდგომარეობა მძიმეა.

რუხის კლინიკაში იმყოფება 70 კოვიდპაციენტი. მათგან ექვსის მდგომარეობა მძიმეა.

„სენამედის“ კლინიკაში იმყოფება - 37 კოვიდ პაციენტი მათ შორის მძიმე მდგომარეობაშია 7 პაციენტი.

ფოთის კლინიკაში იმყოფება 24 კოვიდ პაციენტი, მათ შორის მძიმეა 4 პაციენტი.

ზუგდიდის რეფერალური ჰოსპიტალი - 18 პაციენტი, მათ შორის 4 მძიმე.

აბაშის „ევექსის“ კოვიდ კლინიკა - 11 პაციენტი.

„სენაკი ლაზიკა მედი“ - 27 პაციენტი.

რეგიონის მასშტაბით სულ საკარანტინე სივრცეში იმყოფება - 98.

კორონავირუსით ბოლო 24 საათში, კიდევ 31 პაციენტი გარდაიცვალა. პანდემიის გავრცელებიდან დღემდე ვირუსს უკვე 2 603 პირი ემსხვერპლა.

3 იანვრის მონაცემებით, გამოვლინდა 417 ახალი შემთხვევა. სულ დადასტურებული შემთხვევების საერთო რაოდენობა შეადგენს 229 169-ს. გამოჯანმრთელდა 2 469 პირი, ხოლო ჯამში გამოჯანმრთელებულთა რაოდენობა გაიზარდა 220 442-მდე.

 

ნიკა ლატარია

193
ფრონტერას ყოფილი თანამშრომლები

მორიგი აქცია „ფრონტერას“ წინააღმდეგ - ყოფილი თანამშრომლები კუთვნილ ხელფასს ითხოვენ

8
(განახლებულია 16:01 26.01.2021)
კომპანიის მხრიდან იყო დაპირება, რომ პროდუქციის რეალიზებიდან შემოსული თანხით ჩვენს სახელფასო დავალიანებას გაისტუმრებდნენ, მაგრამ ისევ მოგვატყუეს, განაცხადეს აქციის მონაწილეებმა

თბილისი, 26 იანვარი - Sputnik. ამერიკული ნავთობ-კომპანია Frontera-ს ყოფილმა თანამშრომლებმა დედოფლისწყაროში მორიგი საპროტესტო აქცია გამართეს, იუწყება ტელეკომპანია „რუსთავი 2“.

აქციის მონაწილეები კომპანიის ოფისთან შეიკრიბნენ, რომელიც დედოფლისწყაროში მდებარეობს და არ ატარებენ ნავთობის გადამზიდ სატვირთო ავტომობილებს, რომელთაც ნავთობბაზის ტერიტორიიდან კომპანიის მიერ მოპოვებული ნავთობის გატანის საშუალებას არ ეძლევათ. მათ ორი ძირითადი მოთხოვნა აქვთ - სახელფასო დავალიანების დაფარვა და კომპანიის მიერ უკანონოდ გათავისუფლებული თანამშრომლების სამსახურში აღდგენა. 

კომპანიის მენეჯერის გიორგი ჯანიაშვილის განმარტებით,  „ფრონტერას“ ხელმძღვანელობა მზად არის, ყოფილ თანამშრომლებს შეხვდეს და არსებული საკითხი მოლაპარაკების მაგიდასთან განიხილოს. თუმცა, აქციის მონაწილეებს ადმინისტრაციის წარმომადგენლის არ სჯერათ.

ყოფილი თანამშრომლების განცხადებით,   „ფრონტერამ“ მათთან შეთანხმება რამდენჯერმე დაარღვია და მიუხედავად პროდუქტის რეალიზებისა, სახელფასო დავალიანება არ აანაზღაურა.

„ფრონტერას“ წინააღმდეგ სახელმწიფომ დავა საერთაშორისო არბიტრაჟში მოიგო. კომპანია „ფრონტერას“ 11-თვიანი დავალიანება 84 თანამშრომლის მიმართ, ჯამში მილიონამდე ლარი აქვს. კუთვნილი დავალიანების ანაზღაურების მოთხოვნით, ყოფილმა თანამშრომლებმა კომპანიის წინააღმდეგ სარჩელით სასამართლოს გასულ წელს მიმართეს, თუმცა საკითხი ამ დრომდე არ განხილულა.

Frontera Resources Corporation – ამერიკული კომპანიაა, რომელიც გაზისა და ნავთობის საბადოების მოძიებითა და მოპოვებითაა დაკავებული. დაარსდა 1996 წელს. კომპანიის სტრატეგიაა პერსპექტივების ძიება ნახშირწყალბადების მოსაპოვებლად აღმოსავლეთ ევროპის ბაზრებზე, რომლებიც შავი ზღვის აუზს განეკუთვნებიან. ამჟამად კომპანია მუშაობს საქართველოსა და მოლდოვაში. 

8
ექიმები რეანიმაციაში

სტატისტიკა: რამდენი მედიკოსი გარდაიცვალა 2020 წელს კორონავირუსის გამო საქართველოში

11
(განახლებულია 15:46 26.01.2021)
საქართველოში პანდემიის დაწყებიდან კორონავირუსი 254 ათასზე მეტ ადამიანს დაუდგინდა და აქედან 6 პროცენტი – მედპერსონალია

თბილისი, 26 იანვარი - Sputnik. კორონავირუსის გართულებების გამო საქართველოში 2020 წელს სამედიცინო სფეროში მომუშავე 62 ადამიანი გარდაიცვალა, რაც ინფიცირებული მედიკოსების 0,4%–ია, ნათქვამია დაავადებისა და საზოგადოებრივი ჯანმრთელობის ეროვნული ცენტრის ანგარიშში „ერთი წელი COVID-19–თან ერთად“.

გარდაცვლილთაგან 31 ქალია და 31 მამაკაცი. რაც შეეხება გარდაცვლილი მედპერსონალის ასაკს, სტატისტიკა ამგვარია:

რაოდენობა ასაკი
2 30-39
3 40-49
9 50-59
30 60-69
18 70+

კორონავირუსის გამო გარდაცვლილი მედიკოსებიდან 24 სტაციონარული განყოფილების თანამშრომელი იყო, 16 – კოვიდ–კლინიკისა და რეანიმაციის, 10 – პირველადი ჯანდაცვის, 5 – სასწრაფო დახმარების სამსახურის, 2 – საკარანტინო სივრცის პერსონალი, 1 – დიალიზის პაციენტების მომსახურების პერსონალი, 1 – PCR–ლაბორატორიის თანამშრომელი, 1 – ფსიქიატრიული განყოფილების თანამშრომელი და 1 – ეპიდემიოლოგი.

სხვადასხვა თანმდევი ქრონიკული დაავადება (ყველაზე ხშირად კარდიოვასკულარული დაავადებების სახით) ჰქონდა 24 გარდაცვლილ პირს (38,7%).

საქართველოში პანდემიის დაწყებიდან დღემდე კორონავირუსის 254 822  254 ათასი შემთხვევა გამოვლინდა და აქედან 6 პროცენტი – მედპერსონალია. ინფიცირებული მედპერსონალიდან 72% იყო სტაციონარული განყოფილებების, ცხელების კლინიკების, რეანიმაციისა და სხვა სამედიცინო დაწესებულებების თანამშრომელი.

ინფიცირებულთა შორის 80% ქალია და 20% – მამაკაცი. როგორც ანგარიშშია აღნიშნული, ყველაზე ხშირად ავადმყოფობდა ყველაზე შრომისუნარიანი ჯგუფი – 30–70 წლამდე ასაკის. ინფიცირებული მედპერსონალის 65% თბილისის, იმერეთისა და აჭარის მცხოვრებია.

საქართველოში ონლაინ–კლინიკების რაოდენობა გაიზარდა – ჯანდაცვის უწყება>>

31 დეკემბრის მონაცემებით, კორონავირუსისგან გამოჯანმრთელებული პაციენტების მაჩვენებელი 94%–ს აღწევს, გარდაიცვალა 1,1%, მკურნალობას განაგრძობს 4,9%. კორონავირუსის პირველი შემთხვევა საქართველოში 2020 წლის 26 თებერვალს დაფიქსირდა.

11
თემები:
კორონავირუსი საქართველოში: ბოლო ცნობები