ციხის საკანი

პენიტენციური სამსახური: ყველა ბრალდებულსა და მსჯავრდებულს PCR–ტესტირება ჩაუტარდება

197
(განახლებულია 23:00 01.01.2021)
არასრულწლოვან 22 ბრალდებულს PCR–ტესტირება 31 დეკემბერს ჩაუტარდა. ტესტირება, პენიტენციური სამსახურის გადაწყვეტილებით, ეტაპობრივად ყველას ჩაუტარდება. 

თბილისი, 1 იანვარი – Sputnik. სპეციალურმა პენიტენციურმა სამსახურმა პატიმრების ინტენსიური PCR ტესტირება დაიწყო, ნათქვამია უწყების მიერ გავრცელებულ განცხადებაში.

31 დეკემბერს N11 არასრულწლოვანთა პენიტენციური დაწესებულების 22 მსჯავრდებულს PCR ტესტირება ჩაუტარდა, ყველა ტესტის პასუხი იყო უარყოფითი. ასევე 4 იანვარს დაგეგმილია N5, ქალთა პენიტენციური დაწესებულების ბრალდებულ/მსჯავრდებულთათვის PCR ტესტირება.

სამსახურის ხელმძღვანელობის გადაწყვეტილებით, ეტაპობრივად ტესტირება ყველა პენიტენციური დაწესებულების ბრალდებულ/მსჯავრდებულებს გაუკეთდება.

როგორც უწყებაში განმარტავენ, პრევენციულმა ზომამ კარგად იმუშავა და პენიტენციურ დაწესებულებებში ვირუსი არ დაფიქსირებულა. მხოლოდ საკარანტინო სივრცეში იყო რამდენიმე შემთხვევა და ყველა ინფიცირებული სამოქალაქო სექტორის სპეციალიზებულ კლინიკებში გადაიყვანეს.

Covid-19-ის შესაძლო გავრცელების პრევენციის მიზნით, 2020 წლის მარტიდან პენიტენციურ სამსახურში არაერთხელ შეიცვალა სისტემის მართვის მოდელი და თანამშრომელთა სამუშაო გრაფიკები.

ამ ეტაპზე სამოქალაქო სექტორის კლინიკაში 23 პატიმარი იმყოფება მედპერსონალის დაკვირვების ქვეშ. ერთ-ერთ მათგანს, N15 პენიტენციური დაწესებულების მსჯავრდებულს ჰქონდა რესპირატორული ინფექციის სიმპტომები, რის საფუძველზეც იგი გადაიყვანეს სამოქალაქო სექტორის კლინიკაში, სადაც გაუკეთდა სწრაფი ტესტი ანტიგენზე და პასუხი იყო დადებითი. ახლა ის მართვით სუნთქვაზეა.

პენიტენციურ დაწესებულებებში პაემნებზე შეზღუდვა გახანგრძლივდა>>

ამავე კლინიკაში მოათავსეს ასევე ის პატიმრები, რომლებსაც კონტაქტი ჰქონდათ პაციენტთან, რომლის მდგომარეობაც დამძიმდა. მათაც აღენიშნებათ კორონავირუსისთვის დამახასიათებელი სიმპტომები, თუმცა ტესტის პასუხი უარყოფითია. ისინი ექიმების მეთვალყურეობის ქვეშ რჩებიან.

197
 GWP სარემონტო სამუშაოებს აწარმოებს

დედაქალაქის მერია საკომუნიკაციო ქსელებზე მომუშავე კომპანიებს რეგულაციებს უწესებს

14
(განახლებულია 12:37 27.01.2021)
კალაძის თქმით, დაგეგმილ სამუშაოებთან დაკავშირებით ქალაქის მოსახლეობის გაფრთხილება წინასწარ უნდა მოხდეს, რათა მოქალაქეებმა გადაადგილების ალტერნატიული მარშრუტი შეიმუშაონ 

თბილისი, 27 იანვარი – Sputnik. საავტომობილო გზებზე ტრანსპორტის შეუფერხებლად გადაადგილების მიზნით, საკომუნიკაციო ქსელებზე მომუშავე კომპანიებს ავარიული შემთხვევების გარდა, სამუშაოების წარმოება მხოლოდ ღამის საათებში შეეძლებათ, განაცხადა თბილისის მერმა კახა კალაძემ დედაქალაქის მთავრობის სხდომაზე. 

კერძოდ, საუბარი ეხება ელექტროგამანაწილებელ კომპანია „თელასს“ და წყალგამანაწილებელ კომპანია GWP-ს.

კალაძის განმარტებით,  ტრანსპორტის გადაადგილების დროს შეფერხებისა და დისკომფორტის თავიდან აცილების მიზნით, დაგეგმილ სამუშაოებთან დაკავშირებით აუცილებელია წინასწარი შეტყობინების სისტემის დანერგვა. 

„ხშირია შემთხვევები, როდესაც ისეთი კომპანიები, როგორებიცაა: „თელასი“, „ჯორჯიან უოთერ ენდ ფაუერი“ (GWP) და სხვა,  კონკრეტულ უბანზე სამუშაოებს მოსახლეობისთვის წინასწარი შეტყობინების გარეშე იწყებს, რაც სერიოზულ მოქალაქეებს დისკომფორტს უქმნის. ეს პრობლემა აუცილებლად უნდა მოგვარდეს... აღნიშნულმა კომპანიებმა სარემონტო სამუშაოები ღამის საათებში უნდა ჩაატარონ,  რადგან დღის განმავლობაში ქალაქის ქუჩებში ტრანსპორტის დიდი ნაკადებია“, – განაცხადა კახა კალაძემ.

ახალი რეგულაციის თანახმად, საკომუნიკაციო ქსელებზე მომუშავე კომპანიები ცენტრალურ ქუჩებზე სამუშაოებს დღისით მხოლოდ გადაუდებელი და საავარიო საჭიროების შემთხვევაში ჩაატარებენ, რასაც დედაქალაქის მერიასთან შეთანხმების საფუძველზე განახორციელებენ.

 

კალაძის თქმით, აღნიშნული გადაწყვეტილების მიზანი სხვა ღონისძიებებთან ერთად, ქალაქის საცობებისგან განტვირთვა და  ეკოლოგიური მდგომარეობის გაუმჯობესებაა.

კალაძის განცხადებით, გზებზე „საცობების“ წინააღმდეგ ბრძოლა – დედაქალაქის მერიის ერთ-ერთი პრიორიტეტული მიმართულებაა, რომლის ფარგლებშიც არაერთი გადაწყვეტილება იქნა მიღებული – მუშაობის გრაფიკში ცვლილებები დაუწესდა მუნიციპალურ კომპანია „თბილსერვის ჯგუფს". კერძოდ, მუნიციპალური ნარჩენების გატანა ღამის საათებში მოხდება.

„შეზღუდვები დავუწესეთ ნარჩენების გამტან მანქანებს, რომ დღის საათებში არ იმოძრაონ. აუცილებელია ნაგვის მანქანებმა განსაკუთრებით ცენტრალურ ქუჩებში დღის საათებში არ იმოძრაონ და ნარჩენების გატანა ღამის საათებში მოხდეს. ასევე, აქტიური კომუნიკაცია მიმდინარეობს სადისტრიბუციო კომპანიებთან, რომ ავტომობილების მოძრაობა გარკვეულ დროში განხორციელდეს“, - განაცხადა დედაქალაქის მერმა.

დედაქალაქის მერმა ახალი რეგულაციით განსაზღვრული წესების მაქსიმალურად გაკონტროლება თბილისის მუნიციპალურ ინსპექციას, ხოლო პროცესის ზედამხედველობა მის მოადგილე ირაკლი ბენდელიანს დაავალა.

14
ნინი ნებიერიძე და თემურ უგულავა

ნინი ნებიერიძემ და თემურ უგულავამ შვილები მონათლეს ფოტოები ნათლობიდან

32
(განახლებულია 11:46 27.01.2021)
ცნობილი ქართველი მოდელი ნინი ნებიერიძე და მილიონერი თემურ უგულავა უკვე 6 წელია ქორწინებაში არიან. მოდელი მილიონერის მესამე ცოლია

ცნობილი მოდელის და მილიონერ თემურ უგულავას შვილები გაქრისტიანდნენ. თემურ და ტოკიო უგულავები ანჩისხატის ტაძარში მონათლეს, სადაც მხოლოდ ნათლიები და უახლოესი მეგობრები იმყოფებოდნენ.

მოდელ ნინი ნებიერიძეს და ბიზნესმენ თემურ უგულავას ორი მცირეწლოვანი შვილი ჰყავთ. მოდელი ნინი ნებიერიძე 24 წლისაა. ის ბიზნესმენ თემურ უგულავაზეა დაქორწინებული, რომელიც მასზე 29 წლით უფროსია. მათ რომანზე მათი ურთიერთობის დაწყების დღიდან ქალაქში ბევრს ჭორაობდნენ. საუბარი იყო მათ შორის დიდ ასაკობრივ სხვაობაზე, რომ მოდელი ბიზნესმენს ცოლობაზე ანგარების გამო დათანხმდა და ა.შ. როგორც ჩანს, სიყვარული ნამდვილი აღმოჩნდა და ძლიერი.

ცნობილი ქართველი მოდელი ნინი ნებიერიძე და მილიონერი თემურ უგულავა უკვე 6 წელია ქორწინებაში არიან. მოდელი მილიონერის მესამე ცოლია. მანამდე უგულავა ქორწინებაში იყო ჯერ თეო ფერაძესთან და მასთან ორი შვილი ჰყავს, შემდეგ კი ბაია დავითაიასთან. ნინი ნებიერიძე სოციალურ ქსელში ხშირად აქვეყნებს პატარების ფოტოებს. მეგობრები კომენტარებში აღნიშნავენ, რომ ტოკიო ულამაზესი ბავშვია.

19 წლის ნინი ნებიერიძისა და 48 წლის თემურ უგულავას ქორწინების შესახებ საზოგადოებამ ნინის „ფეისბუქის“ გვერდიდან შეიტყო. ფოტო წარწერით „გავთხოვდი“ მოდელმა თავად გაავრცელა. ცოტა ხნის წინ ნინი სოციალურ ქსელში ახალი იმიჯის გამო გააკრიტიკეს. მიუხედავად იმისა, რომ, როგორც ჩანს, მოდელს სულაც არ აღელვებს, რას იფიქრებენ მასზე, კრიტიკის ავტორს პასუხი მაინც გასცა.

32
თემები:
სელებრითების ცხოვრება
ნაზალური სპრეი

სპრეი Genoxyn-ი: თურქმა მეცნიერებმა COVID-19-ის ერთ წუთში მკვლელი პრეპარატი შექმნეს

0
(განახლებულია 13:07 27.01.2021)
მანამდე ცნობილი გახდა, რომ თურქმა მკვლევარებმა კორონავირუსზე ტესტირების უსწრაფეს მეთოდს მიაგნეს, რომელიც ნანოტექნოლოგიებს ეფუძნება და ვირუსს 10 წამში იცნობს

თბილისი, 27 იანვარი — Sputnik. თურქმა მეცნიერებმა შექმნეს ნაზალური სპრეი, რომელიც, მათი მტკიცებით, ერთ წუთში ანადგურებს კორონავირუსს, წერს გაზეთი Daily Sabah–ი.

​სპრეი Genoxyn–ი ულუდაგის უნივერსიტეტის მიკრობიოლოგიის კათედრის მეცნიერებმა — პროფესორმა შეჰიმე გულსუნ თემელმა, დოქტორებმა — აჰმეთ იუმით სანაბჯიმ და გიუნეით ოზაკინმა შეიმუშავეს.

სანაბჯის თქმით, კვლევები ჯერ კიდევ პანდემიამდე დაიწყო.

„მანამდე ჩვენ დავადგინეთ, რომ პრეპარატს ანტიბაქტერიული თვისება ახასიათებს, ხოლო პანდემიის დაწყების შემდეგ დავფიქრდით, შეგვეძლო თუ არა COVID-19–ის წინააღმდეგ ბრძოლას წავდგომოდით. ჩვენმა კვლევებმა აჩვენა, რომ სპრეი ვირუსს კლავს პირისა და ცხვირის ქსოვილებზე, რაც მის გავრცელებასა და გამრავლებას უშლის ხელს“, — განმარტა დოქტორმა.

პროფესორ გულსუნ თემელის თქმით, სპრეი ვურისს ერთ წუთში ანადგურებს და ამასთან არ აზიანებს ლორწოვანა გარსებზე ეპითელურ უჯრედებს.

„უფრო მეტიც, ჩვენ დავადგინეთ, რომ ის სამკურნალო მოქმედებას ახდენს ამ უჯრედებზე. შესაბამისად, მისი გამოყენება უსაფრთხოა“, — თქვა მეცნიერმა.

თურქი მიკრობილოგების განმარტებით, მას შემდეგ, რაც პრეპარატი ნანოტექნოლოგიების მეშვეობით დახვეწეს და სრულყოფილი გახადეს, მისი ეფექტურობაც უფრო სტაბილური გახდა და მან გარკვეულ მოლეკულებზე ხანგრძლივი ზემოქმედება გამოავლინა.

მეცნიერები ირწმუნებიან, რომ  სპრეი Genoxyn–ი მაღალეფექტურია არა მხოლოდ СОVID-19–ის, არამედ სხვადასხვა ბაქტერიებისა და სოკოების წინააღმდეგაც.

 

0
თემები:
მსოფლიო და მეცნიერება