ქართული ტელეარხების ოპერატორები და ტელეკამერები

„გნებავთ, ამოჭერით“: ტელეკომპანია „ფორმულა“ სერიალ „ჩემი ცოლის დაქალების“ გამო დააჯარიმეს

517
(განახლებულია 18:58 31.12.2020)
კანონის თანახმად, მაუწყებლებმა 12 წლამდე არასრულწლოვნებისთვის შეუფერებელი პროგრამის განთავსებისგან თავი უნდა შეიკავონ 6-დან 21 საათამდე დღის მონაკვეთში.

თბილისი, 31 დეკემბერი - Sputnik. კომუნიკაციების კომისიამ ტელეკომპანია „ფორმულა“ „მაუწყებლობის შესახებ“ კანონის დარღვევის გამო 2500 ლარით დააჯარიმა. ამის შესახებ იუწყება საქართველოს კომუნიკაციების ეროვნული კომისია.

ჩცდ-ის „მაქსიმე“ ორსულ შეყვარებულთან ერთად ვარჯიშობს – ვიდეო >>

საუბარია სამაუწყებლო ბადეში არასრულწლოვანებისთვის შეუფერებელი პროგრამის შეუსაბამო დროს განთავსებასა და ასაკობრივი ნიშანდების წესების დარღვევაზე. ამასთან, ტელევიზიას დაევალა დაიცვას ბავშვის უფლებათა კოდექსი და უზრუნველყოს კანონით დადგენილ დროს სათანადო ნიშანდებით სერიალ „ჩემი ცოლის დაქალების“ ეთერში განთავსება, რათა მოზარდებზე მავნე ზეგავლენა არ მოახდინოს.

ინფორმაციაში ნათქვამია, რომ „ფორმულას“ მიერ კანონმდებლობის სავარაუდო დარღვევასთან დაკავშირებით ორგანოს მოქალაქე, გ. ყიფიანმა მიმართა.

„კომისიის აპარატის აუდიოვიზუალური მედია მომსახურებების რეგულირების დეპარტამენტის მიერ მონიტორინგის შედეგად კი დადასტურდა, რომ სერიალ „ჩემი ცოლის დაქალებს” მაუწყებლის მიერ მინიჭებული აქვს უნივერსალური კატეგორია მაშინ, როდესაც პროგრამა 12 წლამდე პირებისათვის შეუფერებელ კატეგორიაში ექცევა”, - აღნიშნულია განცხადებაში.

ტელეკომპანია „ფორმულას“ წარმომადგენელმა კომისიის წევრებს გამართულ საჯარო სხდომაზე თხოვნით მიმართა, რომ ჯარიმის ნაცვლად გამოყენებული ყოფილიყო გაფრთხილება. თხოვნის საპასუხოდ კომუნიკაციების კომისიის თავმჯდომარემ, კახა ბექაურმა განმარტება გააკეთა. მან აღნიშნა, რომ ჯარიმის გამოყენება სანქციის სახით ორგანოს სურვილი არასდროს ყოფილა, თუმცა აღნიშნულ დარღვევაზე ფულად ჯარიმას კანონი ითვალისწინებს.

ბექაურის განმარტებით, კომისია ცდილობს, რომ ყველაზე მინიმალური ოდენობის ჯარიმა გამოიყენოს.

„გნებავთ გადაფარვა გამოიყენეთ, გნებავთ ამოჭერით ის მონაკვეთი, სადაც შეურაცხმყოფელი ლექსიკაა, ან დაიცავით საათობრივი ზოლი და 21:00 საათის შემდეგ განათავსეთ ასეთი გადაცემები და გაუკეთეთ სპეციალური ნიშანდება, რომ არ დაარღვიოთ კანონი“, - განაცხადა კომისიის თავმჯდომარემ.

„მაუწყებლობის შესახებ“ საქართველოს კანონის თანახმად, მაუწყებლებმა 12 წლამდე არასრულწლოვნებისთვის შეუფერებელი პროგრამის განთავსებისგან თავი უნდა შეიკავონ 6-დან 21 საათამდე დღის მონაკვეთში. ბავშვის უფლებათა კოდექსსა და „მაუწყებლობის შესახებ“ საქართველოს კანონში შესული ცვლილებები მოზარდებს მაუწყებლებისა და ინტერნეტიდან მომდინარე საფრთხის შემცველი ინფორმაციისგან იცავს, მშობლებს კი, ეძლევათ მოქნილი მექანიზმი შვილები დაიცვან ინტერნეტში არსებული საფრთხეებისგან, რომლებსაც მათ ფსიქიკაზე მავნე ზეგავლენის მოხდენა შეუძლიათ.

 

 

517
ლიზა ყენია

„დაბადების დღეს გილოცავ, სიყვარულო“ - ლიზა ყენიას შეყვარებული ცნობილი გოგოს ყოფილი ქმარია

8
(განახლებულია 14:11 26.01.2021)
ლიზა ყენიამ სოციალური ქსელის მომხმარებლებს უცნობი ფოტოები გაუზიარა. ნახეთ ვინაა ლიზას რჩეული და როგორ მიულოცა დაბადების დღე მომღერალმა

მომღერალ ლიზა ყენიას პირად გრძნობებზე საუბარი არ უყვარს, მაგრამ არასდროს მალავს რა ხდება მის პირად ცხოვრებაში. უკვე რამდენიმე თვეა, მომღერალი შეყვარებულია, მისი რჩეული გიგი ბააზოვი გალხავთ, რომელსაც ქართულ შოუ-ბიზნესში კარგად იცნობენ.

გიგი ბააზოვი წარსულში დაქორწინებული იყო და მისი მეუღლე, მოდის ცნობილი ბლოგერი სალი ბააზოვი გახლდათ. გიგი და ლიზა დროის უდიდეს ნაწილს ერთად ატარებენ. მომღერლის რჩეული დღეს იუბილარია, საყვარელ მამაკაცს ყენიამ დაბადების დღე ემოციურად მიულოცა. მან „ინსტაგრამზე“ ფოტოკოლაჟი გამოაქვეყნა და დაწერა: „დაბადების დღეს გილოცავ, სიყვარულო“.

არასტანდარტული გარეგნობით გამორჩეული ლიზა ყენია თანატოლებში საკმაოდ პოპულარულია. მისი ჩაცმულობა, ტატუები და ფოტოსესიები ყოველთვის ტრენდულია და გოგონას ბევრი მიმდევარი ჰყავს. მომღერალი სითამამით გამოირჩევა, საოცარი გარდასახვებითა და იმიჯის შეცვლით არტისტი უფრო და უფრო მეტ ყურადღებას იქცევს.

8
თემები:
სელებრითების ცხოვრება
ეკატერინე ტიკარაძე

ტიკარაძე: აჭარაში  ინფიცირების დადებითობის მაჩვენებელი 4%– ზე დაბალია

13
(განახლებულია 14:40 26.01.2021)
აჭარა შეზღუდვების მოხსნისთვის ემზადება. 1 თებერვლიდან ბათუმში იწყებს მუშაობას ტრანსპორტი, სკოლები და საბავშვო ბაღები. აჭარაში ასევე იხსნება სავაჭრო ცენტრები და რესტორნები.

 

თბილისი,  26 იანვარი – Sputnik. ინფიცირების დადებითობის 4%–იანი მაჩვენებელი ერთ-ერთი მთავარი ინდიკატორი და გარანტიაა იმის, რომ ქვეყანაში  ეპიდვითარების კუთხით სტაბილური ვითარება შენარჩუნებული იქნება, განაცხადა საქართველოს ჯანდაცვის მინისტრმა ეკატერინე ტიკარაძემ უწყებათაშორისი საკოორდინაციო საბჭოს დასრულების შემდეგ გამართულ ბრიფინგზე. 

მინისტრმა მედიასთან განმარტა თუ რა შემთხვევაში არის მოსალოდნელი ქვეყანაში კორონავირუსთან დაკავშირებით დაწესებული შეზღუდვების შემსუბუქება. ამ თვალსაზრისით მნიშვნელოვანია კონკრეტულ რეგიონში ინფექციის გავრცელების კოეფიციენტის გათვალისწინება, დასძინა ტიკარაძემ.

„ზოგადად, ერთი კვირის მანძილზე დაფიქსირებული დადებითი დინამიკა არ ნიშნავს, რომ სიტუაცია სტაბილურია. ეპიდვითარებას 14–დღიან ჭრილში ვაკვირდებით და ამის შემდეგ ვიღებთ კონკრეტულ გადაწყვეტილებებს. იქედან გამომდინარე, რომ ქვეყანაში კორონავირუსით ინფიცირების კლების დადებითი დინამიკა გრძელდება, მომავალში სხვა რეგიონებსაც განვიხილავთ და ასევე გავაფართოებთ შეზღუდვების გაუქმების ჩამონათვალს“, – განაცხადა ტიკარაძემ.

რეგიონში შექმნილი ეპიდემიოლოგიური მდგომარეობის გათვალისწინებით, მთავრობამ აჭარაში  1 თებერვლიდან კვების ობიექტების, მაღაზიების, სავაჭრო ცენტრების, სკოლებისა და მუნიციპალური ტრანსპორტის მუშაობის განახლების გადაწყვეტილება მიიღო. მხოლოდ აჭარაში რესტორნებისა და სავაჭრო ობიექტების გახსნის გადაწყვეტილებამ სხვადასხვა რეგიონებში ბიზნესის წარმომადგენელთა უკმაყოფილება გამოიწვია.

კვირას, მთავრობის შენობის წინ ქვეყანაში მოქმედი შეზღუდვების წინააღმდეგ საპროტესტო აქცია გაიმართა, რომელშიც ბიზნეს–სექტორის წარმომადგენლებმაც მიიღეს მონაწილეობა – მთავრობას შეზღუდვების მოხსნის შესახებ გადაწყვეტილების მისაღებად 48 საათი მიეცა. ულტიმატუმის ვადა დღეს იწურება.

13
თემები:
კორონავირუსი საქართველოში: ბოლო ცნობები