ვერიკო ტურაშვილი

„ნაჩხუბრები ვიყავით...“ - როგორ დაკარგა ვერიკო ტურაშვილმა მეუღლე ავტოავარიაში

933
(განახლებულია 17:32 30.12.2020)
ვერიკო ტურაშვილმა წლების წინ მომხდარი ტრაგედია გაიხსენა და საზოგადოებას გაუმხილა, როგორ დაკარგა მეუღლე

მომღერალი ვერიკო ტურაშვილი შორენა ბეგაშვილის გადაცემას სტუმრობდა და საკუთარი შემოქმედებისა და პირადი ცხოვრების შეხების წერტილზე ისაუბრა. როგორც ვერიკომ აღნიშნა, მისი სიმღერების ტექსტები მოგვიანებით ცუდად აუხდა, როდესაც მისი მეუღლე ავტოავარიაში გარდაიცვალა, ამიტომ დღეს, როდესაც სტუდიაში შედის, ძალიან კარგად უფიქრდება სიმღერის ტექსტებს.

მომღერლის თქმით, ძალიან ნანობს, რომ იმ დროს, როდესაც მისი მეუღლე დაიღუპა, მასთან ნაჩხუბარი იყო, თუმცა შეძლო და ცხოვრება გააგრძელა, დეპრესიას არ მისცემია და ცხოვრება თავიდან დაიწყო, თუმცა საკმაოდ მძიმე დღეები გამოიარა.

ვერიკო ტურაშვილი ორი გოგონას დედაა. უფროსი – ლიზა, 17 წლისაა, უკვე დიდი გოგოა და დედასთან ძალიან მეგობრული ურთიერთობა აქვს. 2014 წელს ვერიკო მეორედ გახდა დედა. 11- წლიანი პაუზის შემდეგ, მან დედობის სიხარული მეორედ შეიგრძნო და მეორედაც ქალიშვილი შეეძინა.

ვერიკო ტურაშვილის მეორე შვილის მამა ჟურნალისტი ლაშა ნაკაიძეა. ამჟამად ისინი მეგობრები არიან და მათი პირველი შვილი წყვილის სამწლიანი მეგობრობის შედეგია. წყვილმა შვილს ნატალია დაარქვა.

933
თემები:
სელებრითების ცხოვრება (2651)
აქცია თბილისის მერიასთან

კვლევა: როგორ ცხოვრობენ თბილისელები პანდემიის დროს

3
(განახლებულია 09:28 27.01.2021)
კვლევაში მონაწილე თბილისელების 60 პროცენტის ფინანსური მდგომარეობა კორონავირუსის პანდემიის დროს გაუარესდა

თბილისი, 27 იანვარი – Sputnik. თბილისში მცხოვრებთა ნახევარზე მეტის ფინანსური მდგომარეობა პანდემიის პერიოდში გაუარესდა და ისინი ნაკლებს ხარჯავენ, ასეთი ქართული საკონსულტაციო კომპანია ACT–ს კვლევის შედეგები.

კომპანიის მონაცემების თანახმად, გამოკითხვაში მონაწილე თბილისელების 60%–ის ფინანსური მდგომარეობა კორონავირუსის პანდემიის დროს გაუარესდა. გამოკითხულთა კიდევ 34%–მა განაცხადა, რომ მდგომარეობა უცვლელია, ხოლო 3%–ის მატერიალური მდგომარეობა გაუმჯობესდა.

კვლევამ, ამასთან, აჩვენა, რომ თბილისელების 47 პროცენტი იმაზე ნაკლებს ხარჯავს, ვიდრე პანდემიამდე, 30 პროცენტის განცხადებით, მათი ხარჯები არ შეცვლილა, ხოლო დანარჩენებმა მეტი თანხა დახარჯეს.

გამოკითხულთა 34%–მა აღნიშნეს, რომ მეტის ხარჯვა დაიწყეს პროდუქტებზე, 27–27 პროცენტმა კი – საყოფაცხოვრებო ქიმიაზე, ჰიგიენსა და სამედიცინო მომსახურებაზე. ამასთან, თბილისელების 73%–მა თავისი ხარჯები მომატებული ფასებით ახსნა.

ამავე დროს, კვლევამ აჩვენა, რომ ათიდან ექვსი პოტენციური მყიდველი თავს იკავებს ძვირადღირებული საყიდლებისგან – ბინა, ავტომობილი, ავეჯი და საყოფაცხოვრებო ტექნიკა.

კვლევა სატელეფონო ინტერვიუს გზით დეკემბერში ჩატარდა. მასში მონაწილეობდა 403 თბილისელი.

ვითარება თბილისში

თბილისში, ქუთაისთან და რუსთავთან ერთად, ამჟამად ყველაზე მკაცრი შეზღუდვები მოქმედებს. ქალაქში არ მოძრაობს საზოგადოებრივი ტრანსპორტი, არ მუშაობენ რესტორნები, კაფეები, დაკეტილია ბაზრობები და სავაჭრო ცენტრები, სპორტდარბაზები, აუზები, კინოთეატრები, თეატრები, არ მუშაობენ სკოლები და საბავშვო ბაღები.

ეს შეზღუდვები ბიზნესის წარმომადგენელთა პროტესტს იწვევს. მათ განაცხადეს, რომ თუ შეზღუდვები მარტამდე გაგრძელდება, ბაზრიდან გასვლა მოუწევთ.

საქართველოს პრემიერ–მინისტრის გიორგი გახარიას განცხადებით, თუ თბილისში ინფიცირების მაჩვენებელი 4%–ს ჩამოსცდება უახლოეს კვირაში, შესაძლებელი იქნება ტრანსპორტის ამუშავებაზე და ეკონომიკის დარგების რაც შეიძლება სწრაფად გახსნაზე ლაპარაკი.

3
თემები:
სოციალური სფერო საქართველოში
წმინდა ნინოს ხატი

საქართველოში ნინოობას აღნიშნავენ

8
საქართველოს მართლმადიდებლური ეკლესია 27 იანვარს მოციქულთა სწორი ქალწულის, წმინდა ნინოს ხსენების დღეს – „ნინოობას“ აღნიშნავს.

მიუხედავად იმისა, რომ საქართველოში ქრისტიანობა პირველად უფლის მოციქულებმა იქადაგეს, ქართველთა გაქრისტიანება IV საუკუნის დასაწყისში სწორედ წმინდა ნინოს ღვაწლს უკავშირდება.

ის, რაც წყაროებმა შემოგვინახეს წმინდანის შესახებ
წმინდა ნინო დაახლოებით 280 წელს დაიბადა კაბადოკიაში, ქრისტიანთა ოჯახში. ნინო ოჯახის ერთადერთი შვილი იყო. მამა — ზაბულონი, წმინდა გიორგის თანამოქალაქე და სამხედრო პირი იყო, დედა — სოსანა იერუსალიმის პატრიარქის იუბენალის და იყო.

მას შედეგ, რაც ნინოს მამამ გადაწყვიტა მიეტოვებინა ოჯახი, წასულიყო მონასტერში და აღკვეცილიყო ბერად, სოსანა 12 წლის შვილთან ერთად იერუსალიმში მიდის ძმასთან. 

Религия и православие. Святая Нино
© Sputnik / STRINGER
წმინდა ნინოს ხატის რეპროდუქცია

პატრიარქმა იუბენალმა სოსანა ავადმყოფი და დავრდომილი ქალების მომვლელად დაადგინა, 12 წლის ნინო კი მოხუც ქრისტიან ქალს სარა ნიფორელს მიაბარეს აღსაზრდელად. ძიძა გოგონას ხშირად უამბობდა მაცხოვრის მიწიერი ცხოვრების შესახებ. ნინომ აღმზრდელისგან შეიტყო, რომ მაცხოვრის ჯვარცმის შემდეგ მაცხოვრის კვართი ქართველ ებრაელებს ხვდათ წილად.

ღვთისმშობლის გამოცხადება და წარგზავნა საქართველოში

გადმოცემის თანახმად, წმიდა ნინო ბავშვობიდანვე გამოირჩეოდა უფლისადმი სიყვარულით, იგი ხშირად ლოცულობდა ღვთისმშობლის ხატის წინაშე. ერთ დღეს, ლოცვის დროს წმინდანს გამოეცხადა ღვთისმშობელი მარიამი, რომელმაც აკურთხა და უთხრა, რომ წასულიყო ჩრდილოეთის ქვეყანაში, რომელიც იყო ღვთისმშობლის წილხვედრი მიწა და ექადაგა ჭეშმარიტება. ნინომ ღვთისმშობელს უთხრა, რომ პატარა და უსწავლელი ადამიანი ამ დიდ საქმეს ვერ შეძლებდა, მაგრამ ღვთისმშობელმა მისცა ვაზის ჯვარი და უთხრა, რომ ყოველთვის მასთან იქნებოდა და დაიფარავდა.

ხილვის დასრულების შედეგ ნინოს ხელში ვაზის რტოებისგან აწყობილი ჯვარი ეპყრა, რომელსაც თავისი თმა მოახვია.

ნინომ ბიძამისს — პატრიარქ იუბენალს უამბო ამ ხილვის შესახებ, ბიძამაც დალოცა და აკურთხა იმ მისიის შესასრულებლად, რომელიც ღვთისმშობელმა მარიამმა დააკისრა მას. 

Святая равноапостольная Нино
© Sputnik / STRINGER
წმინდა ნინოს ხატის რეპროდუქცია

გზა საქართველოსკენ

ამის შედეგ წმინდა ნინო ერთ წარჩინებულ ქალთან ერთად ქრისტიანობის საქადაგებლად მიდის ეფესოში, სადაც მან ორი წელი გაატარა.

შემდეგ ეფესოდან სომხეთისკენ გამოემართა წმინდანი, მის მიერვე ქრისტიანად მოქცეულ წარჩინებულ რიფსიმესთან და მის აღმზრდელ გაიანესთან ერთად, რომელნიც მოგვიანებით სომხეთის წარმართმა მეფემ ქრისტეს აღიარებისთვის სიკვდილით დასაჯა.

წმინდა ნინო სიკვდილს სასწაულებრივად გადაურჩა და ფარავნის ტბის გზით საქართველოსკენ გამოემართა.

შემოსვლა საქართველოში

საქართველოს მიწაზე ფეხი წმინდა ნინომ 319 წელს დადგა. საქართველოში იმ დროს მირიან მეფე მეფობდა, სატახტო ქალაქი მცხეთა იყო და ერი კერპთაყვანისმცემლობას მისდევდა.

მცხეთაში წმინდა ნინო მაშინ მოვიდა, როდესაც ხალხი წარმართ მეფესთან ერთად მცხეთასთან ახლოს მდებარე მთაზე კერპებისთვის მსხვერპლის შესაწირად მიდიოდა. გადმოცემის თანახმად, მთავარი კერპი არმაზი იყო და მას გვერდებზე ორი შედარებით პატარა კერპის ქანდაკება ჰქონდა მიდგმული — გაც და გაი. 

როდესაც წმინდანს დაუნახავს ამდენი ხალხი როგორ ემორჩილებოდა უსულო, წარმართულ ღმერთებს, თვალცრემლიანს ლოცვა დაუწყია უფლის წინაშე. წმინდანის ლოცვით ცა მოქუფრულა, საშინელი წვიმა და სეტყვა წამოსულა და სრულად დამსხვრეულა წარმართული კერპები.

წმინდა ნინო ქალაქ მცხეთაში, მეფის მებაღის ცოლთან დასახლდა. ხშირად ლოცულობდა და მისი ლოცვით უფალი მრავალ სასწაულს უვლენდა მოსახლეობას, მრავალი სნეული განიკურნა, უშვილო ოჯახებს შვილი მიეცათ. წმინდანის შესახებ ბევრმა გაიგო.

ერთხელ დედოფალი ნანა მძიმედ ავად გახდა და მხოლოდ წმინდა ნინოს ლოცვით გახდა შესაძლებელი მისი განკურნება. ნანა დედოფალმა მალევე ირწმუნა ნინოს ღმერთის არსებობა, მაგრამ მეფე მირიანი ჯერ კიდევ კერპთაყვანისმცემლად რჩებოდა.

ქართლის მოქცევა

ერთხელ მეფე მირიანი სანადიროდ წავიდა ვეზირებთან ერთად (გადმოცემის მიხედვით, მეფე ნადირობდა სოფელ აღაიანის მიდამოებში). უეცრად ძალიან ძლიერი სიბნელე ჩამოწვა. მეფემ თავის წარმართ კერპებს მოუხმო, რათა ამ გასაჭირიდან ეხსნათ, მაგრამ როდესაც მიხვდა, რომ დროს ტყუილად კარგავდა, გაახსენდა წმინდა ნინო და მეფემ თქვა — „ღმერთო ნინოისო, რომელი ხარ ჭეშმარიტი ღმერთი, განმინათლე ბნელი ესე ჩემზედა მოხვეული და გამოაბრწყინვე ნათელი, რათა აღვიარო სახელი წმიდა შენი და გადიდებდე“. არემარე მაშინვე განათდა. 

Святая равноапостольная Нино
წმინდა ნინო

გახარებული მეფე მირიანი დაბრუნდა დედაქალაქ მცხეთაში და ყველას ახარა ამ სასწაულის ამბავი. სწორედ მეფე მირიანის დროს გამოცხადდა ქრისტიანობა სახელმწიფო რელიგიად. ბიზანტიიდან მოიწვიეს მღვდლები და ეპისკოპოსი, მეფის ბრძანებით აკურთხეს არაგვი და გაიმართა საყოველთაო ნათლობა — ერი გაქრისტიანდა, საქართველოში ქრისტიანობა სახელმწიფო რელიგიად. საქართველოს ეკლესია თვლის, რომ ეს მოხდა 326 წელს.

დღესასწაულის ტრადიცია

წმიდა ნინოს ღვაწლი ქართველი ერის წინაშე ფასდაუდებელია, ამიტომაც განსაკუთრებულად და გამორჩეულად შეიყვარა ერმა განმანათლებელი.

საქართველოში „ნინოობა“ წელიწადში ორჯერ აღინიშნება – 1 ივნისს, წმინდანის საქართველოში შემოსვლის დღეს და 27 იანვარს, მისი გარდაცვალების დღეს. წმინდანი სიღნაღში, ბოდბის მონასტერშია დაკრძალული და დღემდე მის საფლავთან უამრავი მორწმუნე მიდის, დღემდე აღესრულება წმინდანის საფლავთან უამრავი სასწაული. 

Верующие в храме Самеба у иконы Святой Нино
© Sputnik / Alexander Imedashvili
წმინდა ნინოს ხატი

წმინდა ნინოს არ აუშენებია დიდებული ტაძრები და მონასტრები, წმინდა ნინომ ქართველი კაცის მორწმუნე სულს ჩაუყარა მტკიცე საძირკველი, რომელზეც შემდგომში დიდი რწმენა დაეშენა. უამრავი გაჭირვების მიუხედავად ქართველ ერს არასოდეს უღალატია ჭეშმარიტი ღმერთისთვის, იმ ღმერთისთვის, რომელიც წმინდა ნინომ უქადაგა, გააცნო, შეაყვარა და შეასისხლხორცა.

ნინოს ვაზის ჯვარი, რომელიც წმინდანს ღვთისმშობელმა გადასცა, დღემდე საქართველოშია და სიონის საპატრიარქო ტაძარშია დასვენებული.

ნინოობის დღესასწაულთან დაკავშირებით წმინდა ჯვარს სასულიერო პირები გამოაბრძანებენ ხოლმე და მორწმუნე მრევლს ეძლევა საშუალება წმინდა ჯვრის მთხვევისა და პატივის მიგებისა. 

დღესასწაულთან დაკავშირებით საქართველოს ყველა მოქმედ ტაძარში აღესრულება სადღესასწაულო წირვა.

ქართველთა განმანათლებლის სახელი — ნინო დიდი პოპულარობით და სიყვარულით სარგებლობს ქართველ ერში. აღსანიშნავია, რომ საქართველოში გოგონათა სახელებს შორის რაოდენობით სწორედ სახელი ნინოა პირველ ადგილზე. 

მასალა მომზადებულია ღია წყაროებზე დაყრდნობით ალექსანდრე ბაინდურაშვილის მიერ

8
თემები:
საეკლესიო კალენდარი