თამო ვაშალომიძის უფროსი ქალიშვილი მაკიაჟს დამოუკიდებლად იკეთებს - სახალისო ვიდეო
(განახლებულია 23:09 27.12.2020)
ფოტომოდელი პირველ შვილს ჩუმად უთვალთვალებს. პატარა სოფიამ დედის კოსმეტიკა მოიპარა და მაკიაჟის გაკეთებას შეუდგა. უსაყვარლესი ვიდეო Instagram-დან
ქალიშვილის გაჩენის შემდეგ ერთ-ერთი ქართველი სექს-სიმბოლო სატელევიზიო სივრციდან თითქმის გაუჩინარდა. ბევრი მითქმა-მოთქმის შემდეგ თავად განაცხადა, რომ შეყვარებულია და სოციალური აქტიურობისა თუ სატელევიზიო გადაცემებში მონაწილეობისთვის აღარ სცალია. თამო ვაშალომიძე დედა მეორედ გახდა. მან მეორე შვილის სქესი რამდენიმე კვირის წინ გაამხილა, რამაც მორიგი გამოხმაურებების ტალღა გამოიწვია. ახლა კი მისი ცხოვრება ორ შვილთან და ბიზნესმენ მეუღლესთანაა დაკავშირებული. „სულ რაღაც 2 თვე და 14 დღე მაშორებს ბედნიერებასთან... შეგრძნებები და ემოციები შეუცვლელი,“- წერდა საკუთარ გვერდზე სექსუალური „სელებრითი“.
View this post on Instagram
თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. თამო ვაშალომიძის განცხადებით, ისინი ერთ წელზე მეტია რაც ერთმანეთს ხვდებიან. ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო მყარდება. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.
პატარა გოგონა სხვადასხვა სარეკლამო რგოლებში ფოტომოდელ დედასთან ერთად მონაწილეობს. ის სალონშიც თამოსთან ერთად დადის. რამდენიმე დღის წინ ცნობილმა სახემ უფროსი შვილი სარკის წინ შეამჩნია და ვიდეო ფარულად გადაუღო. სოფიამ დედის კოსმეტიკა დაუკითხავად აიღო და მაკიაჟის გაკეთებას დამოუკიდებლად შეუდგა. გოგონას მიმიკებზე ახალბედა დედასაც ეცინება.
View this post on Instagram
სკანდალური ფოტოსესიები, თოქ-შოუებში ინტიმურ თემებზე ხმამაღლა საუბარი, გამომწვევი ჩაცმულობა და ინტრიგებით აღსავსე პირადი ცხოვრება – ეს თამო ვაშალომიძის პოპულარობის გზა და მეთოდებია, რომელიც დროებითმა პაუზამ და ვაჟზე ფეხმძიმობამ ჩაანაცვლა.
თემები:
გიორგი არველაძეს უკრაინელი რჩეული ჰყავს - ნახეთ წყვილის რომანტიული ფოტოები
(განახლებულია 15:32 25.01.2021)
„ნაციონალური მოძრაობის“ ყოფილმა მაღალჩინოსანმა გიორგი არველაძემ ალინა არველაძესთან დაშორების შემდეგ ახალი სიყვარული იპოვა„ნაციონალური მოძრაობის“ ყოფილი მაღალჩინოსნის გიორგი არველაძის პირადი ცხოვრება მუდმივად იყო საზოგადოების ყურადღების ეპიცენტრში. ალინა და გიორგი არველაძეებმა ერთმანეთი წლების წინ უკრაინაში გაიცნეს.
გიორგი მაშინ უკვე წარმატებული პოლიტიკოსი იყო, საყვარელ ქალს ხელი სთხოვა, საქართველოში ჩამოიყვანა და უკრაინელი გოგონა ქმრის გვარზე გადავიდა.
ალინა არველაძე „იმედში“ გასართობ გადაცემებზეც მუშაობდა, ის „თბილისი ლაივის“ პროდუსერი გახლდათ და საკმაოდ ხმაურიან გადაცემებსაც აკეთებდა თიკო სადუნიშვილთან ერთად.
გიორგი ალინასთან დიდი ხნის მანძილზე ჰქონდა ბედნიერად ცხოვრობდა, თუმცა ხელისუფლების ცვლილების შემდეგ, არველაძეების წყვილი ერთმანეთს დაშორდა.
უკრაინელი ალინა არველაძე საქართველოში დარჩა და საკუთარი ბიზნესი დაიწყო, ხოლო გიორგი არველაძე ქვეყნიდან წავიდა. ალინას და გიორგის ორი შვილი ჰყავთ. ალინამ გახსნა ძვირფასი და ძვირადღირებული აქსესუარების მაღაზია, რომელსაც თავად ხელმძღვანელობს.
როგორც გაირკვა, გიორგი არველაძემ ახალი სიყვარული იპოვა და ის უკრაინელი ჟურნალისტი ანასტასია ზუბენკოა. ანასტასიას ჟურნალისტის განათლება აქვს, თუმცა ამ პროფესიით არასოდეს უმუშავია. წყვილი დუბაიში ისვენებს. „ჩემი რწმენა და სიმართლე! ჩემი უსაყვარლესი ადამიანი მსოფლიოში! ჩემი სიამაყე, რომლითაც აღფრთოვანებული ვარ. მსოფლიოში საუკეთესო ადამიანი! ძალიან ბედნიერი ვარ, რომ შენი ვარ…” – წერს ანასტასია გიორგისთან ერთად გადაღებულ ფოტოზე.
თემები:
ელისო ბოლქვაძეს იუნესკოს მშვიდობის ელჩის მანდატი მეორედ მიენიჭა
(განახლებულია 16:53 25.01.2021)
ელისო ბოლქვაძემ არაერთხელ მიიღო მონაწილეობა სამშვიდობო მისიებსა და გაეროს საერთაშორისო ღონისძიებებში.თბილისი, 25 იანვარი - Sputnik. ცნობილ ქართველ პიანისტს, საქართველოს პარლამენტის დეპუტატ ელისო ბოლქვაძეს მშვიდობის ელჩის მანდატი მეორედ მიენიჭა, ინფორმაციას საქართველოს პარლამენტის პრეს-სამსახური ავრცელებს.
ელისო ბოლქვაძეს მშვიდობის ელჩის მანდატი იუნესკოს გენერალურმა დირექტორმა ოდრე აზულემ კულტურის პოპულარიზაციაში შეტანილი წვლილისა და იუნესკოს საერთაშორისო საგანმანათლებლო პროგრამების მხარდაჭერისთვის მიანიჭა.
იუნესკოს საპატიო ტიტულს მსოფლიოში გამოჩენილი 55-მდე ხელოვანი ფლობს. მათ შორის არიან სელინ დიონი, ანჯელინა ჯოლი, მეჰრიბან ალიევა, მარკუს მილერი, შირლი ბეისი, ვლადიმერ სპივაკოვი, ხუაკინ კორტესი, ჟორდი სავალი, პლასიდო დომინგო და სხვ.
ქართველ პიანისტს აღნიშნული სტატუსი პირველად 2015 წელს პარიზში მიენიჭა და პირველი ქართველი ხელოვანია, რომელიც პრესტიჟულ ჯილდოს ფლობს.
photo: courtesy of Eliso Bolkvadze
ელისო ბოლქვაძე 1967 წლის 2 იანვარს თბილისში დაიბადა. მუსიკალური ნიჭი ადრეულ ბავშვობაში გამოავლინა. პირველი კონცერტი ორკესტრთან ერთად შვიდი წლის ასაკში დაუკრა, ხოლო თბილისის სახელმწიფო კონსერვატორია 1995 წელს დაამთავრა.
მან პროფესიული მოღვაწეობა საფრანგეთიდან და ავსტრიიდან დაიწყო და მას შემდეგ მუდმივად გამოდის ევროპისა და აშშ-ის ყველაზე პრესტიჟულ საკონცერტო დარბაზებში. მას მიღებული აქვს არაერთი საერთაშორისო ჯილდო გერმანიაში, პორტუგალიასა და აშშ-ში. 2012 წელს ჩამოაყალიბა ფონდი „ლირა", რომელიც ახალგაზრდა და ნიჭიერ ქართველ მუსიკოსებს უწევს დახმარებას. მან ასევე 2013 დააფუძნა "ბათუმის შავი ზღვის ხელოვნების და მუსიკის საერთაშორისო ფესტივალი".
ელისო ბოლქვაძეს 2016 წელს მიენიჭა საფრანგეთის ლეგიონის კავალერის ორდენი ხელოვნების სფეროში საფრანგეთის სახელწიფოს მიერ.
საფრანგეთის ეროვნულმა სატელევიზიო კომპანია LCI-მ სრულმეტრაჟიანი ფილმი მიუძღვნა ქართველი ხელოვანის ცხოვრებას საქართველოსა და პარიზში.
ელისო ბოლქვაძე მეათე მოწვევის საქართველოს პარლამენტის დეპუტატი მმართველი პარტია „ქართული ოცნება – დემოკრატიული საქართველოს“ პარტიული სიით გახდა.
მიმოხილვა: რატომ გადაჰყავთ ამერიკელი საზღვაო ქვეითები ჩრდილოეთში
(განახლებულია 18:36 25.01.2021)
აშშ-ის არმის ნორვეგიაში, უშუალოდ რუსეთის საზღვრებთან იმყარებს პოზიციებს. იანვარში იქ დაახლოებით ათასი საზღვაო ქვეითი გადასხეს. ნიკოლა პროტოპოპოვი
ამის პარალელურად ამერიკელი პოლიტიკოსები და გენერლები სულ უფრო ხშირად საუბრობენ არქტიკაში დაძაბულობაზე, რასაც, ექსპერტების აზრით, თავადვე ამწვავებენ.
სტუმრად ვიკინგებთან
საზღვაო ქვეითები ნორვეგიაში ჩრდილოეთ კაროლინიდან გადაბაზირდნენ ეგრეთ წოდებული როტაციის ფარგლებში. ამ ხრიკს ამერიკელები უკვე რამდენიმე წელია, მიმართავენ - ქვედანაყოფებს ეფრთმანეთს ანაცვლებენ და აშშ-ის სამხედრო კონტინგენტი ქვეყანაში ფაქტობრივად მუდმივად დგას.
საზღვაო ქვეითების ამოცანა — ეს ნორვეგიული ინსტრუქტორების ხელმძღვანელობით ბრძოლების წარმოების სწავლება არქტიკის პირობებში და ასევე ნატოელ კოლეგებთან მჭიდრო ურთიერთქმედებაა.
თებერვალში ამერიკელი, ნორვეგიელი, ასევე ნიდერლანდელი და ბრიტანელი სამხედროები, დაახლოებით ათი ათასი მებრძოლი, მონაწილეობას მიიღებს მასშტაბურ მანევრებში Joint Viking 2021. ნატოელები დიდ მანძილზე ჯარების სწრაფ გადაადგილებას დაამუშავებენ, აითვისებენ ინფორმაციის გაცვლის მეთოდებსა ყველა დონეზე და რამდენიმე ერთობლივ ოპერაციას ჩაატარებენ.
სწავლება JointViking-ი ყოველწლიურად ტარდება. ჯარები — ჯავშანტექნიკა, არტილერია, ავიაცია, გემები და წყალქვეშა ნავები მაღალი ინტენსივობის საბრძოლო მოქმედებების მოდელირებას ახდენენ რამდენიმე ასეულ კვადრატულ კილომეტრზე - უპირატესად ტყიან და მთიან ადგილებში.
როგორც სამხედრო ექსპერტი ალექსანდრ ჟილინი აღნიშნავს РИА Новости-სთან საუბრისას, აშშ-ის სამხედრო დოქტრინის თანახმად, მათი არმია ძირითადად უცხოეთში სწავლობს ბრძოლას.
„ამიტომ სახელმწიფოს პოლიტიკა იმგვარად იგება, რომ ამერიკელი სამხედროები პერმანენტულად ჩნდებიან სხვა ქვეყნებში საბრძოლო მოქმედებების, დაზვერვის, აეროდრომების შემოფრენის, საზღვაო გზების შემოვლის მეთოდების დასამუშავებლად. განსაკუთრებული ყურადღება ეთმობა ერთობლივ ოპერაციებს, იმიტომ რომ აშშ ყოველთვის სხვისი ხელებით იბრძვის“, — განმარტა ექსპერტმა.
ჟილინის თქმით, პენტაგონი ხელოვნურად ძაბავს ვითარებას, ვინაიდან აშშ-სა და ნატო-ს ჯიუტად არ სურთ არქტიკაზე პრეტენზიებზე უარის თქმა.
„საზღვაო ქვეითების სწავლება იქნება შეტევითი და არა ტავდაცვითი. დამუშავდება მოქმედებები რუსეთის წინააღმდეგ. თუ ნატოს ევროპაში მანევრებს მთლიანობაში განვიხილავთ, აშკარად ჩანს: მათ ისე აწყობენ, რომ მოსკოვისთვის დაძაბულობის ზონები შექმნან. რუსეთის არმიას არ შეუძლია, არ ირეაგიროს ნორვეგიაში მომხდარზე — საჭიროა ვითარების სრული კონტროლი, რათა პროვოკაციები არ დაიშვას“, _ ამბობს სამხედრო ექსპერტი.
ჩრდილოეთ პლაცდარმი
©
photo: Sputnik / Vitaly Anikov
ანალიტიკური კლუბის, „ვალდაის“ ექსპერტი არტემ კურეევი მიუთითებს, რომ ამერიკელებს აქვთ საკუთარი განვითარებული ინფრასტრუქტურა ალიასკაზე საბრძოლო მოქმედებების ტაქტიკის სწავლებისთვის, მაგრამ ისინი მაინც ნორვეგიაში არჩევენ სწავლებებს.
„მათთვის ეს, როგორც ნატოს ლიდერებისთვის, აუცილებელია. — ამბობს კურეევი. — ნორვეგია ალიანსის უძველესი წევრია. ოსლო რუსეთში პოტენციურ მოწინააღმდეგეს ხედავს. ჯერ კიდევ ცივი ომის წლებში ნორვეგიელები ქმნიდნენ და მხარს უჭერდნენ ინფრასტრუქტურას არქტიკაში სსრკ-სთვის წინააღდეგობის გასაწევად. ეს ახლაც გრძლედება. რეალური სამხედრო გამწვავების შემთხვევაში ნორვეგია მაშინვე ნატოს მთავარ პლაცდარმად გადაიქცევა რუსეთის მურმანსკისკენ“.
ვაშინგტონის სურვილზე, განიმტკიცოს პოზიციები არქტიკაში და გააძევოს იქიდან სხვა ქვეყნები, სამხედრო-საზღვაო ძალებისა და საზღვაო ქვეითთა კორპუსის ახალი არქტიკული სტრატეგიაც მეტყველებს. მასში კერძოდ ნათქვამია, რომ „ამერიკული სამხედრო-საზღვაო ძალების მხარდაჭერის გარეშე არქტიკის რეგიონში მშვიდობას სულ უფრო დაემუქრებიან რუსეთი და ჩინეთი“.
როგორც აშშ-ის სამხედრო-საზღვაო ძალების მინისტრ კონეტ ბრეიტუეიტის თქმით, პენტაგონი გეგმავს გამუდმებით იყოლიოს არქტიკაში საბრძოლო გემები და წყალქვეშა ნავები, რათა პატრულირება მოახდინოს რუსეთის სანაპიროების მახლობლად და არ დაუშვას „მოსკოვის შეტევა უკიდურეს ჩრდილოეთში“.
ნორვეგიის თავდაცვის მინისტრმა ფრანკ ბეკე-იენსენმა, თავის მხრივ, განაცხადა, რომ ქვეყნის უსაფრთხოების პოლიტიკაში საკვანძო მიმართულება — ეს არქტიკა და რუსეთის ქმედებებია რეგიონში, ხოლო ტრანსატლანტიკური კავშირები აქ ქვაკუთხედია.
მისი თქმით, ნორვეგია მიესალმება უკიდურეს ჩრდილოეთში ნატოელი მოკავშირეების გაძლიერებას.
ყველა ფრონტზე
უნდა ითქვას, რომ აშშ უკვე სერიოზულად განმტკიცდა ჩრდილოეთში. და ნორვეგია ამაში ლამის მთავარ როლს თამაშობს. სექტემბერში ცნობილი გახდა, რომ ნორვეგიის პორტ ტრომსეში Seawolf-ის კლასის ატომური სუბმარინა შევიდა, რომლის მთავარი მისია რუსული წყალქვეშა ნავების მარშრუტების თვალთვალია.
მანამდე კი აშშ „ჩრდილოეთში რუსეთის შესაკავებლად“ მეორე ფლოტი აღადგინეს, რომელიც ატლანტიკის ოკეანზე, ასევე წყნარი და ჩრდილოეთ ყინულოვანი ოკეანეების ნაწილზე აგებს პასუხს და რომელიც 2011 წელს დაიშალა ბიუჯეტის ეკონომიის მიზნით.
ცივი ომის კიდევ ერთი გამოძახილი — ეს ნორვეგიული მიწისქვეშა სამხედრო-საზღვაო ბაზა ოლავსვერნია, რომელიც რუსეთის საზღვრებიდან 350 კილომეტრითაა დაშორებული. 1960-იან წლებში აგებულ უზარმაზარ ბუნკერში, რომელიც სამასმეტრიანი მთითაა დაფარული, ნატოს სუბმარინები და გემები იყო ბახირებული, მოქმედებდა სარემონტო დოკები, ინახებოდა საბრძოლო მასალები. დასავლური კოალიციის ფლოტს ნებისმიერ დროს შეეძლო გადაეკეტა საბჭოთა ფლოტისთვის ნორვეგიის ზღვასა და ჩრდილოეთ ატლანტიკაში გასასვლელი. ნულოვანი წლების ბოლოს ბაზა დაიკეტა, თუმცა ახლა კვლავ აპირებენ მის გაცოცხლებას.
პენტაგონმა სერიოზულად დაიწყო სამხედრო-საჰაერო გაძლიერება არქტიკაში. გასულ წელს მასშტაბური სწავლებები გამართეს ამერიკულმა და ნორვეგიულმა სამხედრო-საჰაერო ძალებმა. ერთდროულად ექვსმა სტრატეგიულმა ბომბდამშენმა B-52 Stratofortress-მა გადაუფრინა ჩრდილოეთის პოლუსს და საწვრთნელი ფრენები შეასრულეს ნორვეგიის სამხედრო-საჰაერო ძალების გამანადგურებლებთან ერთად. ამ დღეებში კი ცნობილი გახდა, რომ პენტაგონი თებერვალში ტეხასიდან ოთხ ზებგერით B-1BLancer-ს გადაისვრის ერლანდის ავიაბაზაზე ნორვეგიაში.
რედაქცია შესაძლოა არ ეთანხმებოდეს ავტორის მოსაზრებებს!