ახალი ავტობუსები ქუთაისში

ქუთაისს თანამედროვე სტანდარტების 36 ახალი ავტობუსი გადაეცა

422
(განახლებულია 15:22 26.12.2020)
ახალი ავტობუსები ქუთაისში დატვირთულ მარშრუტებზე იმოძრავებენ. სატრანსპორტო საშუალებები ადაპტირებული იქნება შშმ პირებისთვისაც.

თბილისი, 26 დეკემბერი - Sputnik. ინფრასტრუქტურის სამინისტროს მუნიციპალური განვითარების ფონდმა, 6 ქალაქისთვის განკუთვნილი 175 ავტობუსიდან 36 ერთეული EURO 5-ის სტანდარტის ავტობუსი ქალაქ ქუთაისს გადასცა. ინფორმაციას მუნიციპალური განვითარების ფონდი ავრცელებს.

გასულ კვირაში ქუთაისს მუნიციპალური ტრანსპორტის განვითარების პროგრამის ფარგლებში 10 ავტობუსი გადაეცა. პროგრამის ფარგლებში პირველი ხუთი ავტობუსი თელავს 28 ოქტომბერს გადაეცა.

ინფორმაციაში ნათქვამია, რომ აღნიშნული 36 ავტობუსიდან 30 ერთეული 50 მგზავრზეა გათვლილი, ხოლო 6 ახალი ავტობუსი 83 მგზავრს დაიტევს. ამასთან სატრანსპორტო საშუალებები სრულად არის ადაპტირებული შეზღუდული შესაძლებლობების მქონე პირებისთვის.

ახალი ავტობუსები ქუთაისში ყველაზე დატვირთულ მარშრუტებზე მოძრავ ავტობუსებს ჩაანაცვლებს.

პროგრამა ევროპის რეკონსტრუქციისა და განვითარების ბანკის (EBRD) ფინანსური მხარდაჭერით ხორციელდება და სხვადასხვა მუნიციპალიტეტებისთვის 175 ერთეული თანამედროვე სტანდარტების ავტობუსის შეძენას მოიცავს.

აღნიშნული ავტობუსები სხვადასხვა მუნიციპალიტეტებს მომდევნო წლის გაზაფხულამდე, ეტაპობრივად გადაეცემათ.

„პროგრამა საშუალებას მისცემს ქალაქებს განავითარონ მუნიციპალური ტრანსპორტის სექტორი, ხოლო მოსახლეობა ისარგებლებს თანამდეროვე, კომფორტული და რაც მთავარია, გარემოსთვის უვნებელი ავტობუსებით”, - აღნიშნულია ინფორმაციაში.

გასულ კვირაში საქართველოს მუნიციპალური განვითარების ფონდმა, რომელიც რეგიონული განვითარებისა და ინფრასტრუქტურის სამინისტროს ეგიდით მოქმედებს, ზუგდიდს საზოგადოებრივი ტრანსპორტის განახლების პროგრამის ფარგლებში EURO 5-ის სტანდარტის შესაბამისი 25 ახალი ავტობუსი გადასცა.

საქართველომ ახალი ავტობუსების შესაძენად სესხი აიღო >>

გამოცხადებულ ტენდერში თურქულმა კომპანიამ Otokar Otomotiv ve Savunma Sanayi A.S. გაიმარჯვა. კომპანიამ ვალდებულება აიღო, 2020 წლის გაზაფხულიდან წლის ბოლომდე მუნიციპალიტეტები 117 ერთეული 8,5-მეტრიანი და 58 ერთეული 10-მეტრიანი ავტობუსებით უზრუნველყოს.

ახალი ავტობუსებიდან 60 ქუთაისს, 40 – რუსთავს, 30 – გორს, 25 – ზუგდიდს და 10–10 ფოთსა და თელავს გადაეცემა.

422
ტესტირება კორონავირუსზე

COVID-19 საქართველოში 25 იანვრის მონაცემები

19
ამ დროისათვის სულ გამოჯანმრთელდა 243.396  ადამიანი, გარდაიცვალა – 3.071, კარანტინის რეჟიმშია 515, სტაციონარებში ექიმების დაკვირვების ქვეშ 3.223პაციენტი, ხოლო კოვიდ–სასტუმროებში 402 ადამიანი იმყოფება

თბილისი, 25 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და ინფიცირებულთა საერთო რიცხვმა 253.816-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 243.396  ადამიანი (ბოლო 24 საათში – 1.311), გარდაიცვალა – 3.071  (ბოლო 24 საათში – 16), კარანტინის რეჟიმშია 515, სტაციონარებში ექიმების დაკვირვების ქვეშ 3.223პაციენტი, ხოლო კოვიდ–სასტუმროებში 402 ადამიანი იმყოფება. 

ბოლო 24 საათში ჩატარდა 6.868 კვლევა ტესტით, მათ შორის ანტიგენის სწრაფი ტესტით – 2.686, PCR ტესტით – 4.182.

ბოლო 24 საათში ჩატარებული კვლევა ტესტით - 6868, მათ შორის ანტიგენის სწრაფი ტესტით - 2.686, PCR ტესტით - 4.182

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა

19
თემები:
კორონავირუსი საქართველოში: ბოლო ცნობები
თბილისი, ორბელიანის მოედანი

ამინდის ზუსტი პროგნოზი თბილისში 27 იანვარს

11
(განახლებულია 10:39 25.01.2021)
თბილისელებსა და დედაქალაქის სტუმრებს ოთხშაბათს უნალექო და თბილი ამინდი ელოდებათ – დღისით ჰაერი 10 გრადუსამდე გათბება.

თბილისი, 25 იანვარი — Sputnik. მეტეოროლოგების პროგნოზით თბილისში ოთხშაბათს, 27 იანვარს თბილი ამინდია მოსალოდნელი.

მზე 08:18 საათზე ამოვა და 18:09 საათზე ჩავა.

დღისით ჰაერის მაქსიმალური ტემპერატურა პლუს 10 გრადუსი, ღამით კი ნული გრადუსი იქნება.

ქარი წამში 10–15 მეტრი სიჩქარით დაუბერავს.

 

11
თემები:
ამინდის ზუსტი პროგნოზი თბილისში
მილგამყვანი ხომალდი „ფორტუნა“

„ჩრდილოეთის ნაკადი-2“: „ფორტუნამ“ დანიის წყლებში მუშაობა განაახლა

0
(განახლებულია 10:58 25.01.2021)
„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით.

თბილისი, 25 იანვარი — Sputnik. მილგამყვანმა ხომალდმა „ფორტუნამ“ დანიის წყლებში „ჩრდილოეთის ნაკადი–2–ის“ მშენებლობაზე მუშაობა განაახლა, იუწყება პროექტი ოპერატორი Nord Stream 2 AG––ი.

„ხომალდმა „ფორტუნამ“ დაიწყო მუშაობა გაზსადენ „ჩრდილოეთის ნაკადი–2–ზე“. მუშაობა მიღწეული შეთანხმებების შესაბამისად მიმდინარეობს“, — განაცხადეს კომპანიაში.

„ჩრდილოეთის ნაკადი 2“

„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით. გაზსადენი გადის რუსეთის, ფინეთის, შვედეთის, დანიისა და გერმანიის ეკონომიკურ ზონებზე ან ტერიტორიულ წყლებზე.

პროექტს ახორციელებს Nord Stream 2 AG, რომლის ერთადერთი აქციონერია „გაზპრომი“.

აშშ-ის ხელისუფლება ეწინააღმდეგება პროექტს და ცდილობს, ევროკავშირს თავს მოახვიოს თავისი თხევადი გაზი. მოწინააღმდეგეთა შორის ასევე არიან უკრაინა და ევროპის ქვეყნები. 2019 წლის დეკემბერში აშშ-ის პრეზიდენტმა დონალდ ტრამპმა ხელი მოაწერა 2020 წლის თავდაცვის ბიუჯეტს, რომელიც სანქციებს ითვალისწინებს „ჩრდილოეთის ნაკადი 2“-ის მიმართ. შედეგად, შვეიცარიულმა კომპანია Allseas-მა, რომელიც გაზსადენის გაყვანაზე მუშაობს, საქმიანობა შეაჩერა და ხომალდები გაიყვანა.

გაზსადენზე მუშაობა გასული წლის დეკემბერში განახლდა გერმანიის ეკონომიკურ ზონაში ხომალდ „ფორტუნას“ გამოყენებით. დანიის ხელისუფლებასთან შეთანხმებით, პროექტზე მუშაობის განახლება მიმდინარე წლის 15 იანვრიდან გახდა შესაძლებელი. ამასთან, შეერთებულმა შტატებმა 19 იანვარს სანქციები დაუწესა ხომალდ „ფორტუნას“ და მის მფლობელ კომპანიასაც.

 

0
თემები:
საერთაშორისო პანორამა