112–ის სამსახური რუსთავში

„112“-ის დირექტორი: დღიური მომართვიანობა დაახლოებით 31%-ით არის შემცირებული

88
(განახლებულია 19:46 25.12.2020)
პანდემიის პირობებში, წინა წელთან შედარებით, „112“-ში მიმართვიანობა დაახლოებით 80 პროცენტით არის გაზრდილი.

თბილისი, 25 დეკემბერი – Sputnik. პანდემიის პირობებში „112“-ზე მომართვიანობის კლების ტენდენციაა როგორც სასწრაფო სამედიცინო ხასიათის გამოძახებებზე, ასევე კოვიდ-კონსულტაციებთან დაკავშირებით, განაცხადა შინაგან საქმეთა სამინისტროს საზოგადოებრივი უსაფრთხოების მართვის ცენტრ „112“-ის დირექტორმა გიორგი არსოშვილმა მთავრობის ადმინისტრაციაში გამართულ ბრიფინგზე.

არსოშვილის განმარტებით, „112“-ში ყველაზე დაბალი მიმართვიანობა 20 დეკემბერს დაფიქსირდა – დაახლოებით 10 ათასი ზარი, მაშინ, როდესაც ცოტა ხნის წინ დღეში 30 ათასამდე ზარი შედიოდა.

„ამ ფაქტორმა გამოიწვია გარკვეული დაყოვნება „112“-თან დაკავშირების თვალსაზრისით, რისთვისაც თითოეულ მოქალაქეს მინდა ბოდიში მოვუხადო“, – განაცხადა არსოშვილმა.

„112“-ის დირექტორის განმარტებით, მოლოდინის რეჟიმის შესამცირებლად ყველაფერი გაკეთდა. კერძოდ, გაიხსნა დამატებითი, ალტერნატიული ცენტრი, ყველა თანამშრომელი გადავიდა ცვლებში, დაემატა დაახლოებით 200 ოპერატორი, ასევე გაძლიერდა სასერვერო და ქსელური ინფრასტრუქტურა. გარდა ამისა, სატელეფონო ზარების რაციონალური გამოყენების მიზნით „112“ დაიყო სამ არხად: „112“, „112-1“ და „112-2“.

„მინდა აღვნიშნო, რომ მიუხედავად პანდემიური ფონისა და მაღალი მომართვიანობისა, „112“-ში არამიზნობრივი ზარები არ შემცირებულა და ყოველდღიურად, სამწუხაროდ, ის დაახლოებით 30%-ია“, – განაცხადა არსოშვილმა.

მან მოქალაქეებს მოუწოდა, „112“-ით ისარგებლონ მხოლოდ იმ შემთხვევაში, როდესაც კონკრეტული დახმარება ესაჭიროებათ.

კორონავირუსის მართვის პროცესში საზოგადოებრივი უსაფრთხოების მართვის ცენტრს ახალი ფუნქცია დაემატა. კერძოდ, თითოეულ მოქალაქეს კორონავირუსისთვის დამახასიათებელი სიმპტომებისა და ვირუსის დადასტურების შემთხვევაში შეუძლია დარეკოს „112“-ზე. ვირუსთან დაკავშირებული შეტყობინებები, ჯანდაცვის პროტოკოლის მიხედვით, ოპერატორების მხრიდან კლასიფიცირდება და მწვავე შემთხვევები სასწრაფო სამედიცინო დახმარების ცენტრს, ხოლო არამწვავე გამოძახებები – ოჯახის ექიმებს გადაეცემა.

88
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 26 იანვარს

4
(განახლებულია 21:33 24.01.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 26 იანვარი – Sputnik. სააქციო საზოგადოება „თელასი" იუწყება, რომ 26 იანვარს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ვაკის რაიონი

11:00 საათიდან 13:00 საათამდე შეზღუდვა შეეხება: ილია ჭავჭავაძის გამზირის, აბაშიძის და რიგის ქუჩების მოსახლეობას.

საბურთალოს რაიონი

11:00 საათიდან 17:00 საათამდე შეზღუდვა შეეხება: ნუცუბიძის პლატოს IV მიკრორაიონის, ინტენსიფიკაციის, კონსტანტინე კაპანელის, ანდრო ჭილაიას, ხომლის, უჩა ჯაფარიძის, ტოტო გუდავას და თევდორე მხატვრის ქუჩის მოსახლეობას.

12:00 საათიდან 14:00 საათამდე შეზღუდვა შეეხება: ჩერქეზიშვილის ქუჩის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

4
თემები:
თბილისი დღეს
ფიტნეს–ცენტრი

ფიტნეს–კლუბები ხელისუფლებას დახმარებას სთხოვენ

14
(განახლებულია 08:53 26.01.2021)
სპორტულ–გამაჯანსაღებელი სექტორის წარმომადგენლები პანდემიის პერიოდში შემოსავლის წყაროს გარეშე, ფინანსური ვალდებულებების წინაშე პირისპირ დარჩნენ

თბილისი, 26 იანვარი – Sputnik. თბილისის სპორტულ–გამაჯანსაღებელი კლუბების ხელმძღვანელები მთავრობას თხოვნით მიმართავენ, რომ მან გადახედოს სპორტისა და დასვენების სექტორის ფინანსურ და საგადასახადო ვალდებულებებს.

კერძოდ, სპორტულ–გამაჯანსაღებელი კლუბების დამფუძნებლები სექტორის დამატებითი ღირებულების გადასახადისგან (დღგ) გათავისუფლებას, ასევე სესხებისა და სალიზინგო ვალდებულებების სუბსიდირებას ითხოვენ.

მათი განცხადებით, ამ ეტაპისთვის, როდესაც ფაქტობრივად ერთი წელია, არ ფუნქციონირებენ, დრამატულად შემცირებულია შემოსავლები და დაგროვილია დავალიანებები, სამწუხაროდ, კომპანიებს არ გააჩნიათ რესურსი საიმისოდ, რომ შეძლონ სასესხო ვალდებულებებისა და გადასახადების გადახდა.

„ჩვენ მიერ არაერთგზის მოთხოვნის მიუხედავად, მიმდინარე კრიზისის პირობებში ჯერჯერობით არ მომხდარა ჩვენი ინდუსტრიისთვის ფინანსური და საგადასახადო შეღავათების დაკმაყოფილება“, – ნათქვამია ბიზნეს–სექტორის წარმომადგენელთა მიმართვაში.

სპორტულ–გამაჯანსაღებელი სექტორის წარმომადგენლები აცხადებენ, რომ დარჩნენ შემოსავლის წყაროს გარეშე და მხოლოდ თავიანთი ფინანსური ვალდებულებების პირისპირ – სექტორმა დამატებითი ხარჯები გაიღო, რათა შეესრულებინა დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დადგენილი რეკომენდაციები.

„რეგულაციების გათვალისწინებით შეზღუდული გვქონდა კლუბებში დასაშვები ადამიანების რაოდენობა, სოციალური დისტანციის შესანარჩუნებლად აღმართული გვქონდა დამცავი ბარიერები, გადალაგებული გვქონდა ინვენტარი, გამოტოვებით დალუქული გასახდელები, ჯგუფურ ვარჯიშებზე დასასწრებად ვმუშაობდით წინასწარ ჩაწერით და გაძლიერებული გვქონდა დასუფთავებისა და დეზინფექციის პროტოკოლები“, – აღნიშნულია მიმართვაში.

სპორტულ–გამაჯანსაღებელი კლუბების ხელმძღვანელები აცხადებენ, რომ პანდემიასთან ბრძოლის ყველა ეტაპზე ისინი მთავრობის მიერ განსაზღვრულ დადგენილებებს იცავდნენ.

„ჩვენ ვიცავთ დაწესებულ რეგულაციებს, მივყვებით დადგენილ წესებს, თუმცა ამ ეტაპზე საკმაოდ რთულია სფეროს გადარჩენა და მისი სტაგნაციის თავიდან არიდება მხოლოდ საკუთარი ძალებით“, – აცხადებენ სექტორის წარმომადგენლები.

COVID-19-თან ბრძოლა და მოსახლეობის დახმარება: რაზე დახარჯავს მერია თანხებს>>

სპორტ–კლუბების ხელმძღვანელები აღნიშნავენ, რომ არსებულ ვითარებაში ადამიანები ცხოვრების ჯანსაღ წესს უნდა დაუბრუნდნენ, განიმტკიცონ იმუნიტეტი ფიზიკური აქტივობის საშუალებით.

14
თემები:
კორონავირუსი საქართველოში: ბოლო ცნობები