პოლიცია წესების დაცვას აკონტროლებს

პოლიციამ თბილისში კოვიდინფიცირებული მოქალაქეები დააჯარიმა ისინი ქუჩაში გადაადგილდებოდნენ

124
(განახლებულია 19:41 25.12.2020)
კოვიდ-ინფიცირებულმა მოქალაქეებმა თვითნებურად დატოვეს იზოლაციის ადგილი მიუხედავად იმისა, რომ სპეციალისტებმა მათ თვითიზოლაციის რეკომენდაცია მისცეს.

თბილისი, 25 დეკემბერი – Sputnik. შინაგან საქმეთა სამინისტროს თანამშრომლებმა ორი კოვიდ-ინფიცირებული მოქალაქე იზოლაციისა და კარანტინის წესების დარღვევისთვის 2-2 ათასი ლარით დააჯარიმეს, ნათქვამია უწყების მიერ გავრცელებულ განცხადებაში.

მოქალაქეები, რომლებსაც ჯარიმა დაუწერეს, 38 და 35 წლის არიან.

ორივე მათგანს სპეციალისტებმა თვითიზოლაციის რეკომენდაცია მისცეს. მიუხედავად ამისა, მათ თვითნებურად დატოვეს იზოლაციის ადგილი.

38 წლის მოქალაქე კოვიდ-აღრიცხვაზე 2020 წლის 15 დეკემბრიდან იმყოფება. სამართალდამცველებმა ის თბილისის ერთ-ერთ ცენტრალურ ქუჩაზე, ქვეითად გადაადგილებისას დააჯარიმეს.

რაც შეეხება 35 წლის მოქალაქეს, ის კოვიდ-აღრიცხვაზე 20 დეკემბრიდან იმყოფება. პოლიციამ ის მაშინ დააჯარიმა, როდესაც ვარკეთილის დასახლებაში ავტომობილით გადაადგილდებოდა.

პოლიციამ ორივე კოვიდ-ინფიცირებული მოქალაქე ადმინისტრაციულ სამართალდარღვევათა კოდექსის 42-ე პრიმა–10 მუხლით გათვალისწინებული ქმედებისთვის დააჯარიმა (თითოეული 2 ათასი ლარით). დაჯარიმების შემდეგ ისინი კოვიდ-სასტუმროში გადაიყვანეს.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იქნება ძალაში.

შინაგან საქმეთა სამინისტრო რეგულაციების დარღვევისთვის ყოველდღიურად ასობით ადამიანს აჯარიმებს.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, იზოლაციისა და კარანტინის წესის დარღვევა ფიზიკური პირის დაჯარიმებას 2 000 ლარით, ხოლო იურიდიული პირის – 10 000 ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

124
საქართველოს პროკურატურა

„კარტოგრაფების საქმე": პროკურატურა მელაშვილისა და ილიჩოვას გირაოთი გათავისუფლებას მოითხოვს

19
უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე ბრალდებულები – ივერი მელაშვილი და ნატალია ილიჩოვა შესაძლოა სასამართლო დარბაზიდან გაათავისუფლონ

თბილისი, 21 იანვარი — Sputnik. პროკურატურა სასამართლოს დღევანდელ პროცესზე დავით გარეჯის საქმეზე დაკავებული კარტოგრაფების ივერი მელაშვილისა და ნატალია ილიჩოვასთვის  პატიმრობის გირაოთი შეცვლის შუამდგომლობით მიმართავს, განაცხადა პროკურორმა მიხეილ სადრაძემ.

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა 2020 წლის 7 ოქტომბერს დააკავა.

პროკურატურის განცხადებით, საქმეზე ჩატარებული კომპლექსური გამოძიების შედეგად დადგენილია, რომ ბრალდებულები სახელმწიფო საზღვრის დელიმიტაცია-დემარკაციის პროცესში მოქმედებდნენ ზემდგომი თანამდებობის პირების დავალებით. საზღვრის ხაზზე შეთანხმებისას, ნაცვლად 1938 წლის 1:200000-იანი მასშტაბის კარტოგრაფიული მასალისა, მიზანმიმართულად იყენებდნენ 1970-80-იან წლებში გამოცემული 1:100000 და 1:50000 მასშტაბის რუკებზე არსებული საზღვრის ხაზს, რომლებიც სახელმწიფოთა შორის ორმხრივად დამტკიცებული არასდროს ყოფილა და არსებით წინააღმდეგობაში მოდიოდა ჩვენს ისტორიულ საზღვრებთან.

პროკურატურამ დავით გარეჯის საქმესთან დაკავშირებით ვიდეომტკიცებულებები გაასაჯაროვა. გამოძიების ფარგლებში ფარული საგამოძიები მოქმედებები მიმდინარეობდა ვიდეო და აუდიო ჩამწერი მოწყობილობებით, მათ შორის, ივერი მელაშვილის სამუშაო ოთახშიც.

„რადგან მათ მიმართ ჩადენილი ქმედებების გარშემო გამოძება სრულად არის ამოწურული, დღევანდელ პროცესზე ჩვენ მივმართავთ სასამართლოს შუამდგომლობით, რათა ბრალდებულებს პატიმრობა შეეცვალოთ გირაოთი იმიტომ, რომ ამ ეტაპისათვის უკვე მიზანშეწონილად აღარ მივიჩნევთ ყველაზე მკაცრი აღკვეთის ღონისძიების გამოყენებას“, - განაცხადა მიხეილ სადრაძემ.

პროკურორის თქმით, ივერი მელაშვილი და ნატალია ილიჩოვა ზემდგომი პირების დავალებებს ასრულებდნენ. ამის შემდეგ ბრალდებულები თავისუფლებაში ყოფნის პირობებში დაელოდებიან სასამართლოს გადაწყვეტილებას, აღნიშნა სადრაძემ.

კარტოგრაფების საქმე: ვის მოიაზრებს პროკურატურა „ზემდგომ პირებში“>>

რაც შეეხება მიმდინარე გამოძიებას, პროკურორის თქმით, დავალებების გამცემი პირების გარშემო აქტიურად მიმდინარეობს საგამოძიებო სხვა საპროცესო მოქმედებები, იკითხებიან სხვადასხვა თანამდებობის პირები.

19
შშმ პირი

„გახსოვართ“? - შშმ პირებმა მთავრობის ადმინისტრაციასთან აქცია გამართეს

29
მოთხოვნების დაუკმაყოფილებლობის შემთხვევაში, შეზღუდული შესაძლებლობის მქონე პირთა თემი კანონით გათვალისწინებულ პროტესტის სხვა ფორმებს აანონსებს.

თბილისი, 28 იანვარი - Sputnik. შეზღუდული შესაძლებლობის მქონე პირებმა, აქტივისტებმა და ამ საკითხებზე მომუშავე არასამთავრობო ორგანიზაციების წარმომადგენლებმა მთავრობის ადმინისტრაციასთან აქცია გამართეს, იუწყება პირველი არხი.

შშმ პირთა ახალი უფლებები ძალაშია: კანონი სრულად ამოქმედდა>>

აქციის მონაწილეების განცხადებით, 2021 წლის იანვრიდან ასაკობრივი პენსიის ზრდის პარალელურად, შშმ პირთა სოციალური პაკეტის უცვლელად დატოვება მათი ჩაგვრა და დისკრიმინაციაა.

აქციის მონაწილეები მოთხოვნები შემდეგია:

  • ასაკობრივ პენსიასთან ერთად გაიზარდოს სოციალური პაკეტი შშმ პირებისთვის, არაუგვიანეს 2021 წლის გაზაფხულისა
  • საქართველოს მთავრობამ შეიმუშავოს კრიტერიუმები რითიც დადგინდება სოციალური პაკეტის ოდენობა, რათა დაკმაყოფილდეს შშმ პირთა საჭიროებები ღირსეული ცხოვრებისათვის
  • სახელმწიფოს მხრიდან შშმ პირთა დისკრიმინაციის ფაქტების თავიდან არიდების მიზნით, ამუშავდეს გაერო-ს შეზღუდული შესაძლებლობის მქონე პირთა უფლებების კონვენციის იმპლემენტაციაზე პასუხისმგებელი უწყებათაშორისი საკოორდინაციო ორგანო.

საქართველოში 2021 წლის იანვრიდან ასაკობრივი პენსია გაიზრდა, თუმცა, პენსია (სოციალური შემწეობა) არ გაზრდილა შეზღუდული შესაძლებლობის მქონე პირებისთვის.

საქართველოში შშმ პირების პენსია არაერთგვაროვანია და ეფუძნება სხვადასხვა გარემოებას, მათ შორის, თუ რა ტიპის შეზღუდული შესაძლებლობა აქვს ადამიანს – მკვეთრად, მნიშვნელოვნად თუ ზომიერად გამოხატული.

მკვეთრად გამოხატული შეზღუდვის მქონე პირებისთვის შემწეობა 250 ლარია, მნიშვნელოვნად გამოხატული შეზღუდვების მქონე პირებისთვის 140 ლარი, ხოლო ზომიერად გამოხატული შეზღუდვების მქონე პირისთვის – 100 ლარი.

ამასთანავე, 18 წლამდე ბავშვებისთვის ეს დახმარება – 250 ლარია.

შემწეობის ოდენობა ასევე დამოკიდებულია პირის ასაკზე, შემოსავლის წყაროზე, ვეტერანის სტატუსზე და სხვა. 

გადაწყვეტილია: დედაქალაქის მთავრობის სხდომებს ჟესტური ენის თარჯიმანი ეყოლება>>

საქართველოს მთავრობა კორონავირუსის პანდემიის დროს 18 წლამდე შშმ პირებსა და მკვეთრად გამოხატული შეზღუდული შესაძლებლობების მქონე პირებს 6 თვის განმავლობაში 600 ლარით ეხმარება. სულ ამ დახმარების მიმღები 43 ათასი ბენეიფიცარია აღრიცხული. 

29
თემები:
სოციალური სფერო საქართველოში
მთავრობის სხდომა

პრემიერმა ფინანსთა მინისტრს სახელმწიფო საწარმოების რეფორმირება დაავალა

13
(განახლებულია 14:09 28.01.2021)
აღნიშნული პროექტის განხორციელება გლობალური ეკონომიკური კრიზისის პირობებში განსაკუთრებით მნიშვნელოვანია, დასძინა გახარიამ.

თბილისი, 28 იანვარი – Sputnik. სახელმწიფო საწარმოების მართვის რეფორმირებისთვის სპეციალური სამუშაო ჯგუფი შეიქმნება, რომელსაც ფინანსთა მინისტრი ივანე მაჭავარიანი უხელმძღვანელებს, განაცხადა საქართველოს პრემიერ მინისტრმა გიორგი გახარიამ.

სახელმწიფო საწარმოების რეფორმირების განხორციელება 2021-2024 წლების განმავლობაში იგეგმება.

„ჩვენ ამ გადაწყვეტილების განხორციელებას საქართველოს სახელმწიფო ელექტროსისტემით ვიწყებთ. დღეს ვიმსჯელებთ, თუ როგორ უნდა იყოს  დაკომპლექტებული ამ ორგანიზაციის სამეთვალყურეო საბჭო. ძალზე მნიშვნელოვანია, რომ შევინარჩუნოთ უმაღლესი სტანდარტები“, –  განაცხადა გახარიამ. 

პრემიერის თქმით, სახელმწიფოს ექნება კონკრეტული გეგმა, რომლითაც სახელმწიფო საწარმოების მართვა კორპორატიული მართვის უმაღლეს სტანდარტებს მაქსიმალურად უნდა დაუახლოვდეს. 

სახელმწიფო საწარმოების რეფორმაზე მუშაობა საქართველოს ფინანსთა სამინისტრომ 2020 წლის მეორე კვარტლიდან დაიწყო.

 2019 წლის მონაცემებით, სახელმწიფო საკუთრებაშია 352 საწარმო,  საიდანაც 173 ადგილობრივი ხელისუფლების, ხოლო 179 კი ცენტრალური ხელისუფლების მფლობელობაშია.  სახელმწიფოს ბალანსზე არსებული საწარმოებიდან ყველაზე მეტი - 134 საწარმო ეკონომიკის სამინისტროს მართვაშია, მეორე ადგილზე კი „საპარტნიორო ფონდია“ (28 საწარმო), 5 საწარმოს გარემოს დაცვის და სოფლის მეურნეობის სამინისტრო მართავს.

13