ქალთა მეხუთე კოლონია თბილისში

პენიტენციურ დაწესებულებებში გრიპის ვირუსზე ვაქცინაცია დაიწყო

257
გრიპის ვირუსის საწინააღმდეგო ვაქცინაცია სამ პენიტენციურ დაწესებულებაში უკვე ჩატარდა. მსჯავრდებულებთან ერთად დაწესებულებებში სამედიცინო პერსონალის თანამშრომლებიც აიცრებიან.

თბილისი, 24 დეკემბერი - Sputnik. პენიტენციურ დაწესებულებებში გრიპის ვირუსის გავრცელების თავიდან ასაცილებლად მსჯავრდებულთა ვაქცინაციის პროცესი დაიწყო, იუწყება სპეციალური პენიტენციური სამსახური.

განცხადებაში ნათქვამია, რომ არასრულწლოვანთა N11 სარეაბილიტაციო დაწესებულებაში ვაქცინაცია 21 არასრულწლოვანს ჩაუტარდა. ასევე 60 მსჯავრდებული აიცრა N12 და N16 პენიტენციურ დაწესებულებებში. რაც შეეხება N17 და N18 ბრალდებულთა და მსჯავრდებულთა სამკურნალო დაწესებულებებს, ვაქცინაცია 25 დეკემბერს ჩატარდება.

„პირველ ეტაპზე მოხდება ქრონიკული დაავადებების მქონე, ასევე ასაკოვანი მსჯავრდებულების ვაქცინაცია, შემდგომ ეტაპზე კი ვაქცინაციის პროცესი ბრალდებულთა/მსჯავრდებულთა გაცილებით მეტ რაოდენობას მოიცავს, რაც დაწესებულებებში გრიპის ვირუსის გავრცელების პრევენციას შეუწყობს ხელს“, - აღნიშნულია გავრცელებულ განცხადებაში.

პენიტენციური სამსახურის ცნობით, გარდა პატიმრებისა, იგეგმება სამედიცინო პერსონალის ვაქცინაციაც.

საქართველოში გრიპის საწინააღმდეგო ვაქცინის ჩატარება რისკ-ჯგუფში შემავალი პირებისთვის უფასოა. აღნიშნულ კატეგორიაში შედიან ქრონიკული დაავადებების მქონე პირები, აივ-ინფექციით და C ჰეპატიტით დაავადებული პირები, ორსულები, მოხუცებულთა და ბავშვთა სახლების ბენეფიციარები, სკოლების, ბაღების პედაგოგები და მომვლელი პერსონალი, სამხედროები, მაშველები და მედპერსონალი.

აფხაზეთიდან დევნილებს COVID-19-ზე ტესტი და სეზონური გრიპის ვაქცინაცია ჩაუტარდათ >>

საქართველოს მოსახლეობაში გრიპის საწინააღმდეგო ვაქცინის პოპულარიზაცია 2014-2015 წლებში დაიწყო. 2018 წელს ქვეყანამ შეიძინა 40 ათასი დოზა, მაგრამ პრეპარატის დიდი ნაწილი აუთვისებელი დარჩა. გასულ წელს ქვეყანამ უკვე 100 ათასი დოზა შეიძინა, საიდანაც გამოუყენებელი ძალიან მცირე ნაწილი დარჩა.

 

 

257
თელასი

„თელასი": თბილისის რომელ უბნებს შეეზღუდება ელექტროენერგია 18 იანვარს

32
(განახლებულია 10:21 18.01.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 18 იანვარი – Sputnik. სააქციო საზოგადოება „თელასი" იუწყება, რომ 18 იანვარს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ვაკის რაიონი

10:00 საათიდან 11:00 საათამდე შეზღუდვა შეეხება: აბაშიძის ქუჩის (ნაწილობრივ) მოსახლეობას.

12:00 საათიდან 13:00 საათამდე შეზღუდვა შეეხება: აბაშიძის ქუჩის (ნაწილობრივ) მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: სოფელი დიღმის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

32
თემები:
თბილისი დღეს
სკოლა სოფელ ჩიბათში

საქართველოში სასწავლო პროცესი ახლდება მსხვილ ქალაქებში დისტანციურად

48
(განახლებულია 10:20 18.01.2021)
საქართველოს მთელ ტერიტორიაზე სასწავლო პროცესის განახლებასთან ერთად,  ასევე აღდგება  „ტელესკოლა“ – განათლების სამინისტროსა და პირველი არხის ერთობლივი საგანმანათლებლო პროექტი.

თბილისი, 18 იანვარი – Sputnik. საქართველოს ათ ქალაქში – თბილისში, ქუთაისში, რუსთავში, თელავში, ზუგდიდში, ზესტაფონში, გორში, ფოთში, მარნეულსა და გარდაბანში სასწავლო პროცესი დისტანციურ რეჟიმში განახლდება, დანარჩენ  ქალაქებსა და რაიონებში კი მოსწავლეები საკლასო ოთახებს დაუბრუნდებიან, განაცხადა საქართველოს განათლების მინისტრის მოადგილე ეკატერინე დგებუაძემ. 

აჭარის ტერიგორიაზე მოქმედი საგანმანათლებლო დაწესებულებებიც სასწავლო პროცესს დისტანციურად განაახლებენ.

 „რაც შეეხება სხვა მუნიციპალიტეტებსა და სოფლად არსებულ საჯარო სკოლებს, აქ სასწავლო პროცესი აღდგება საკლასო ოთახში, თუმცა იმ შემთხვევაში, თუ განათლების სამინისტროს მომართავს საგანმანათლებლო რესურს–ცენტრი ან სკოლა და იქნება დასაბუთებული, რატომ უნდა გადავიდეს კონკრეტული სკოლა დისტანციურ სწავლებაზე, სამინისტრო ამ შემთხვევაში მას გადაიყვანს დისტანციურ სწავლებაზე. სხვა შემთხვევაში სასწავლო პროცესი საკლასო ოთახებში განახლდება“, – განაცხადა დგებუაძემ.

სამინისტროს მონაცემებით, სკოლები, სადაც სასწავლო პროცესი საკლასო ოთახებში განახლდება, კორონავირუსის პრევენციის მიზნით, სრულად არიან უზრუნველყოფილი პირბადეებით,  უკონტაქტო თერმომეტრებით, დეზობარიერითა და  სადეზინფექციო საშუალებებით.

საქართველოს მთავრობის ინიციატივით, განათლების სამინისტრომ მობილური კავშირის სამ ოპერატორთნ – Silknet JSC, MagtiCom Ltd და Vion Georgia Ltd ( ბრენდი Beeline) თანამშრომლობის მემორანდუმს მოაწერა ხელი, რომლის თანახმად, საჯარო და კერძო სკოლების მოსწავლეები, ასევე მასწავლებლები ივნისის ბოლომდე შეღავათიანი ინტერნეტ–პაკეტით  ისარგებლებენ.

დისტანციური სწავლების გამოწვევებისა და ტექნიკური საჭიროებების შესაბამისად, ინტერნეტ პროვაიდერები მოსწავლეებსა და მასწავლებლებს 20 GB მობილურ ინტერნე–ტპაკეტს 10 ლარად შესთავაზებენ, რაც სტანდარტულ ღირებულებასთან შედარებით 2,5-ჯერ ნაკლებია. დარგის ექსპერტების აზრით, 20 GB საკმარისი ოდენობაა ერთი თვის განმავლობაში ონლაინ–გაკვეთილებზე დასასწრებად და ინტერნეტ–რესურსების მოსაძიებლად.

48
თემები:
განათლება საქართველოში
პოზიციის აქცია პარლამენტთან

„გირჩი“ და „მოქალაქეები“ ოპოზიციასთან შიდა კონსულტაციების ახალ რაუნდს იწყებენ

0
(განახლებულია 10:23 18.01.2021)
გასულ კვირას ოპოზიციური პარტიები „გირჩი“ და „მოქალაქეები“ მმართველ პარტიასთან დაკავშირებით მოთხოვნებზე შეთანხმდნენ

თბილისი, 18 იანვარი – Sputnik. ქართული ოპოზიციის ნაწილი – პარტია „გირჩი“ და „მოქალაქეები“ შიდა კონსულტაციების ახალ ეტაპს გიორგი ვაშაძის პარტია „სტრატეგია აღმაშენებელთან“ შეხვედრით იწყებს.

კონსულტაციების მთავარი თემა იქნება მმართველ პარტიასთან დაგეგმილი მოლაპარაკებები და ის საკითხი, თუ რა პირობებში იქნება ოპოზიცია თანახმა შევიდეს საკანონმდებლო ორგანოში. 

 „გირჩსა“ და „მოქალაქეებს“, რომელთაც 2020 წლის არჩევნების შედეგებით ექვსი მანდატი ერგოთ,  ოფიციალურად უარი არ უთქვამთ სადეპუტატო მანდატებზე.

პარტია „გირჩის“ გენმდივნის ლევან იოსელიანის განცხადებით, იმ შემთხვევაში თუ „ქართული ოცნება“ ადგილობრივი თვითმმართველობის არჩევნებში დამარცხდება, მან საქართველოს პარლამენტის რიგგარეშე არჩევნების ჩატარებაზე პასუხისმგებლობა საკუთარ თავზე უნდა აიღოს.

 „ჩემი აზრით, ეს არის კარგი ინიციატივა, რომელზეც საუბარი ღირს ოპოზიციის შიგნითაც და ხელისუფლების წარმომადგენლებთანაც.  ამ ინიციატივით ჩვენ ვგეგმავთ შეხვედრას გიორგი ვაშაძესთან და სხვა პოლიტიკურ პარტიებთან. ჩვენ გვინდა თვითმმართველობის არჩევნებს მომზადებული შევხვდეთ – შესაბამისი კანონმდებლობითა და შესაბამისი რეფორმით. ჩვენი მიზანია თბილისსა და სხვა მსხვილ ქალაქებში არჩევნებზე „ქართული ოცნების“ დამარცხება“, – განაცხადა ლევან იოსელიანმა.

როგორც „გირჩის“ ერთ–ერთმა ლიდერმა ვახტანგ მეგრელიშვილმა აღნიშნა, ადგილობრივი თვითმართველი ორგანოების არჩევნები „ქართული ოცნებისთვის“ ერთგვარი ტესტი გახდება. 

 „ეს შეეხება თვითმმართველობის არჩევნების როგორც ტესტად გამოყენებას. თუ ეს საკითხი პრინციპულად მისაღები იქნება ოპოზიციისთვის, ტექნიკურად, ვფიქრობ შესაძლებელი იქნება პლებისციტის ნაცვლად ფორმულირების მოძებნა, თუ როგორ შეიძლება შემოდგომაზე დაგეგმილი თვითმმართველობის არჩევნების ერთგვარ პლებისციტად გამოყენება და ამით შექმნილი პოლიტიკური კრიზისის ნეიტრალიზება“, –განაცხადა მეგრელიშვილმა.

გასულ კვირაში „გირჩი“ და „მოქალაქეები“ მმართველ პარტია „ქართული ოცნება – დემოკრატიული საქართველოსთან“ დაკავშირებით შემდეგ მოთხოვნებზე შეთანხმდნენ: ყველა შემდგომი არჩევნების პროპორციული სისტემით ჩატარება გამსვლელი 0%–იანი ბარიერის პირობებში და ცენტრალური საარჩევნო კომისიის ახალი შემადგენლობის ფორმულირება. მათი აზრით, დაგეგმილმა ადგილობრივმა არჩევნებმა, რომელიც საქართველოში 2021 წლის შემოდგომაზე გაიმართება, უნდა აჩვენოს თუ რამდენად აუცილებელია ქვეყნისთვის ახალი საპარლამენტო არჩევნები.

საპარლამენტო არჩევნების შედეგებით პარლამენტში შესული რვა ოპოზიციური პარტიიდან ხუთმა სადეპუტატო მანდატებზე უარი ოფიციალურად უკვე განაცხადა. ესენია ბლოკი „ერთიანი ნაციონალური მოძრაობა – ძალა ერთობაშია“ (36 მანდატი), „ევროპული საქართველო“ (5 მანდატი), „სტრატეგია აღმაშენებელი“ (4 მანდატი), „ლელო საქართველოსთვის“ (4 მანდატი) და „საქართველოს ლეიბორისტული პარტია“ (1 მანდატი). მათ ცესკოში წარდგენილი პროპორციული საარჩევნო სიების ანულირება მოახდინეს.

0
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს