სემეკი

სემეკი: კომუნალურების სუბსიდირებასთან დაკავშირებული დარღვევებისას მომართეთ კომისიას

123
საქართველოს მთავრობის გადაწყვეტილებით, ზამთრის პერიოდის დადგომისთანავე კომუნალური შეღავათების სახელმწიფო პროგრამა ამოქმედდა.

თბილისი,  24 დეკემბერი – Sputnik. საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკი) კომუნალური გადასახადების სუბსიდირებასთან დაკავშირებით სპეციალურ განცხადებას ავრცელებს.

სემეკი: დღეიდან კომუნალურ გადასახადებზე შეღავათების პროგრამა ამოქმედდა>>

უწყების ინფორმაციით, სემეკს არაერთმა მოქალაქემ მიმართა, რადგან მათ ვერ ისარგებლეს  კომუნალური სუბსიდიით გამანაწილებელი კომპანიების მიერ მრიცხველების ვადაგადაცილებით წაკითხვის გამო.

„კომპანიებმა მრიცხველებზე ანათვალი აიღეს არა 30-ე დღეს, როგორც ითვალისწინებს სემეკის მიერ დადგენილი რეგულაციები, არამედ 32-ე და 33-ე დღეებზე. კომისიამ გამანაწილებელ კომპანიებს განუმარტა აღნიშნული დარღვევის შესახებ და დაავალდებულა მოქმედი ნორმატიული აქტების დარღვევით აღებული მრიცხველის ჩვენებების გასწორება, ასევე მომდევნო პერიოდში მრიცხველების წაკითხვა თვეში ერთხელ,  წაკითხვის თარიღის დაცვით“, – ნათქვამია განცხადებაში.

სემეკი მოუწოდებს მოქალაქეებს, მსგავსი სახის გაურკვევლობის შემთხვევაში საკითხის შესასწავლად დაუყოვნებლივ მიმართონ კომისიას.

საქართველოს მთავრობამ კორონავირუსის პანდემიის პერიოდში კომუნალურ მომსახურებაზე შეღავათების დაწესების გადაწყვეტილება მიიღო. სუბსიდირება მოხდება პრინციპით – 200 კილოვატ/საათი ელექტროენერგია და 200 კუბური მეტრი გაზის მოხმარება მთავრობის მიერ იქნება კომპენსირებული. შეღავათებზე უარის თქმისთვის განაცხადის შეტანისთვის ინტერნეტში სპეციალური პლატფორმა შეიქმნა.

აბონენტების რაოდენობა, რომლებიც ყოველთვიურად 200 კილოვატზე ნაკლებ ელექტროენერგიას მოიხმარენ, 1,2 მილიონია. სახელმწიფო ამ მოქალაქეების კომუნალური მომსახურების გადასახდელად 1,7 მლნ ლარს გამოყოფს.

ასევე საქართველოში 200 კუბურ მეტრამდე ბუნებრივ აირს თვეში მოიხმარს 670 ათასი აბონენტი. მათი მომსახურებისთვის სახელმწიფო 27 მლნ ლარს გამოყოფს.

123
პოლიცია პირბადის ტარების წესს აკონტროლებს

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

6
(განახლებულია 11:05 27.01.2021)
შექმნილი ეპიდვითარების გამო საქართველოში 28 ნოემბრიდან ახალი რეგულაციები მოქმედებს, რომელთა დარღვევა ჯერ ადმინისტრაციულ, გამეორების შემთხვევაში კი სისხლის სამართლებრივ პასუხისმგებლობას გამოიწვევს

თბილისი, 27 იანვარი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1131 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იქნება ძალაში.

პოლიციამ იზოლაციისა და კარანტინის წესის დარღვევისთვის  150 პირი დააჯარიმა.

დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 981 ფიზიკური პირია დაჯარიმებული.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

6
თემები:
კორონავირუსი საქართველოში: ბოლო ცნობები
ტესტირება კორონავირუსზე

COVID-19 საქართველოში 27 იანვრის მონაცემები

15
(განახლებულია 10:55 27.01.2021)
ამ დროისათვის სულ გამოჯანმრთელდა 245.527 ადამიანი, გარდაიცვალა – 3.108, კარანტინის რეჟიმშია 497, სტაციონარებში ექიმების დაკვირვების ქვეშ 2.842 პაციენტი, ხოლო კოვიდ–სასტუმროებში 347 ადამიანი იმყოფება

თბილისი, 27 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 742-ით გაიზარდა და ინფიცირებულთა საერთო რიცხვმა 255.564-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 245.527 ადამიანი (ბოლო 24 საათში – 1.081), გარდაიცვალა – 3.108 (ბოლო 24 საათში – 12), კარანტინის რეჟიმშია 497, სტაციონარებში ექიმების დაკვირვების ქვეშ 2.842 პაციენტი, ხოლო კოვიდ–სასტუმროებში 347 ადამიანი იმყოფება. 

ბოლო 24 საათში ჩატარდა 18.007 კვლევა ტესტით, მათ შორის ანტიგენის სწრაფი ტესტით – 10.627, PCR ტესტით – 7.380.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

15
თემები:
კორონავირუსი საქართველოში: ბოლო ცნობები
ჯეფ ბეზოსი და მისი ექს-მეუღლე მაკენზი სკოტი

ჯეფ ბეზოსი საყვარლის ძმამ „ჩაუშვა“: პლანეტის უმდიდრესი ადამიანი 1,7 მლნ დოლარს მოითხოვს

0
მსოფლიოს უმდიდრესი ადამიანების ჩამონათვალში ჯეფ ბეზოსი კვლავ პირველ ადგილს ინარჩუნებს დაახლოებით 200 მილიარდიანი ქონებით

თბილისი, 27 იანვარი — Sputnik. კომპანია Amazon–ის დამფუძნებელი და მსოფლიოს უმდიდრესი ადამიანი ჯეფ ბეზოსი 1,7 მლნ დოლარს ითხოვს საყვარელი ქალის ძმისგან, მაიკლ სანჩესისგან, იმ ხარჯების ასანაზღაურებლად, რაც მან სასამართლოზე დახარჯა მისი პირადი ცხოვრების შესახებ ინფორმაციის გაჟონვასთან დაკავშირებით. აღნიშნულის თაობაზე წერს გამოცემა Bloomberg–ი.

​გავრცელებული ინფორმაციით, 2019 წლის იანვარში ცნობილი გახდა, რომ ჯეფ ბეზოსი, 25 წლიანი თანაცხოვრების შემდეგ, ცოლს გაშორდა. ამის მიზეზი მისი ახალი სასიყვარულო ურთიერთობები გახდა.

ირკვევა, რომ ტაბლოიდმა National Enquirer–მა „ჟურნალისტური გამოძიება“ ჩაატარა და „ამაზონის“ მფლობელი ყოფილ ტელეწამყვანთან, 49 წლის ლორენ სანჩესთან სასიყვარულო ურთიერთობაში ამხილა და შესაბამისი ფოტო მანამ გამოაქვეყნა, სანამ მილიარდერი ოფიციალურად გამოაცხადებდა განქორწინების შესახებ.

როგორც თავად ტაბლოიდი ირწმუნება, მისი წარმომადგენლები ბეზოსს დაუკავშირდნენ და მის შესახებ შეკრებილი დოსიეს თაობაზე აცნობეს, რაც მილიარდერის საჯარო განცხადებამდე 48 საათით ადრე მოხდა.

სკანდალის შემდეგ ჯეფ ბეზოსმა კერძო დეტექტივები დაიქირავა, რათა პირადი ცხოვრების შესახებ ინფორმაციის გაჟონვის დეტალები დაედგინა. მოგვიანებით მან განაცხადა, რომ ტაბლოიდის გამომცემი კომპანია American Media Inc, რომელსაც დევიდ პიკერი ხელმძღვანელობს, მას იმ ფოტოების გამოქვეყნებით ემუქრებოდა, რომლებსაც თავად ბეზოსი უგზავნიდა ლორენ სანჩესს.

მოგვიანებით გამოცემა Wall Street Journal–ი წერდა, რომ ტაბლოიდმა ლორენის ძმას, მაიკლ სანჩესს 200 ათასი დოლარი გადაუხადა მილიარდერის მიმოწერის მიწოდებისთვის.

 

 

0
თემები:
საერთაშორისო პანორამა