მამაკაცი პირბადით

„ცუდსა და უარესს შორის ვაკეთებთ არჩევანს“ შრომის ინსპექციის ხელმძღვანელი

92
(განახლებულია 21:44 22.12.2020)
მთავრობის გადაწყვეტილებით, ინფიცირებულთა მაჩვენებლის ზრდის თავიდან ასარიდებლად ქვეყანაში უკვე მოქმედი შეზღუდვები სრულად არ შემსუბუქდება.

თბილისი, 22 დეკემბერი – Sputnik. საქართველოს ჯანდაცვის სამინისტროს შრომის ინსპექცია მიიჩნევს, რომ  მთავრობამ მიიღო მაქსიმალურად მსუბუქი შეზღუდვები, რის საშუალებასაც რეალობა აძლევდა.

უწყებათშორისმა საკოორდინაციო საბჭომ დღეს მიიღო გადაწყვეტილება, რომ ქვეყანაში უკვე მოქმედი შეზღუდვები 24 დეკემბრიდან 2 იანვრის ჩათვლით პერიოდში სრულად არ შემსუბუქდება.

როგორც შრომის ინსპექციის ხელმძღვანელმა ბექა ფერაძემ ტელეკომპანია „რუსთავი2“-ის ეთერში განაცხადა, შეიძლება ეს არაა იდეალური გადაწყვეტილება, მაგრამ ხელისუფლებას ცუდსა და უარესს შორის უწევს არჩევანის გაკეთება.

ფერაძემ სავაჭრო ობიექტების მუშაობაზე გაამახვილა ყურადღება და აღნიშნა, რომ როგორც მომხმარებლის ჯანმრთელობის დაცვის მიზნით, ასევე სავაჭრო ცენტრების შემოსავლების შენარჩუნების მიზნით უნდა წახალისდეს სავაჭრო ცენტრში მომხმარებლის დილით მისვლა, ასევე ფასდაკლებების აქციები გამოცხადდეს დილით და ხალხის ნაკადები შემცირდეს საღამოს საათებში, როდესაც შეზღუდვების საათები ახლოვდება.

„ჩვენც კარგად გვესმის, რომ ეს არის დისკომფორტის შემქმნელი და იდეალური არ არის, მაგრამ მეტი გამოსავალი დღეს რეალურად ქვეყანაში არ არის. კიდევ ერთხელ ვამბობ, რომ ეს არის ის ოქროს შუალედი და ბალანსი, რომლის დაწესების საშუალებაც და მექანიზმებიც დღეს ჩვენ გვქონდა“, – განაცხადა ბექა ფერაძემ.

რაც შეეხება საზოგადოებრივი და საქალაქთაშორისო ტრანსპორტის შეზღუდვის ძალაში დატოვებას, შრომის ინსპექციის ხელმძღვანელი ამას შემცირებული მობილობის შენარჩუნების მიზნით ხსნის.

მთავრობის გადაწყვეტილებით 24 დეკემბრიდან შეზღუდვები მინიმალურად შემსუბუქდება. დიდი ქალაქებში სავაჭრო ცენტრები სპეციალური წესებით გაიხსნება. 21:00 საათიდან დილის 05:00 საათამდე დაწესებული გადაადგილების შეზღუდვა კვლავ ძალაში რჩება, გამონაკლისი კი მხოლოდ ახალ წელს და შობას დაიშვება.

ქვეყანაში ეპიდვითარების გაუარესების გამო 28 ნოემბრიდან მკაცრი შეზღუდვები მოქმედებს: სავალდებულოა პირბადის ტარება, 21:00 საათის შემდეგ გარეთ გასვლა იკრძალება, არ მუშაობს საზოგადოებრივი ტრანსპორტი, დაკეტილია სავაჭრო ცენტრები, სპორტდარბაზები და ა.შ.

92
თემები:
COVID-19 საქართველოში (2862)
მანიკა ასათიანი

„ჯერ ბოლომდე არ გადმოვბარგებულვართ“ - ნახეთ მანიკა ასათიანის ახალი სახლი წავკისში - ვიდეო

12
(განახლებულია 13:03 15.01.2021)
უმშვენიერესი მოდელი და ტელეწამყვანი მალე ოჯახთან ერთად ახალ სახლში იცხოვრებს. ნახეთ როგორი ინტერიერი აქვს წავკისის სახლს

ცნობილი მოდელი და ტელეწამყვანი მანიკა ასათიანი მალე წავკისში, ულამაზეს სახლში იცხოვრებს. გადაცემა „იმედის დღეს“ მანიკამ მეუღლესთან და შვილთან ერთად სწორედ ახალ სახლში უმასპინძლა, თუმცა, როგორც აღნიშნა, წავკისში ჯერ ბოლომდე არ გადასულა და ჯერჯერობით მხოლოდ ახალ წელს შეხვდა აქ მეუღლის ოჯახთან ერთად.

მანიკას თქმით, სახლში სწორედ ბექას დიდ ოჯახთან ერთად იცხოვრებს. მანიკას მეუღლე ბექა წივწივაძე კალათბურთელია. მანიკა 17 წლის იყო, როდესაც მომავალი ქმარი გაიცნო და მალე დაოჯახდნენ. 19 წლის დაფეხმძიმდა და ვაჟი – გიორგი გააჩინა.

მოდელის სავიზიტო ბარათი გამორჩეული გარეგნობაა. წითური თმა, ულამაზესი ღიმილი, თვალ-წარბი, სიმაღლე – მანიკა ასათიანის გარეგნობაში ყველაფერია, რაც თქვენს ყურადღებას მიიპყრობს. გარდა ამისა, მისი მეგობრული ოჯახი ბევრისთვის მისაბაძია.

12
თემები:
სელებრითების ცხოვრება
ეიფელის კოშკი

საქართველოს საელჩო საფრანგეთში მოქალაქეებს ახალ შეზღუდვებზე აფრთხილებს

17
საფრანგეთში კორონავირუსით ინფიცირებულთა რაოდენობა 2,8 მილიონს აჭარბებს, გარდაიცვალა 69 ათასზე მეტი ადამიანი

თბილისი, 15 იანვარი - Sputnik. საქართველოს საელჩო საფრანგეთში მოუწოდება საქართველოს მოქალაქეებს დაიცვან კორონავირუსის პანდემიის გამო დაწესებული შეზღუდვები, ნათქვამია დიპლომატიური მისიის განცხადებაში.

საფრანგეთის მთავრობის გადაწყვეტილებით, ქვეყანაში ეპიდვითარების გაუარესების გამო 16 იანვრიდან მინიმუმ 15 დღით კომენდანტის საათი 20:00 საათის ნაცვლად 18:00 საათზე დაიწყება და 06:00 საათამდე გაგრძელდება.

18 იანვრიდან, ევროკავშირის არაწევრი ქვეყნებიდან  საფრანგეთის ტერიტორიაზე შესვლისას სავალდებულო ხდება 72 საათის განმავლობაში გაკეთებული PCR - ტესტის უარყოფითი პასუხის წარდგენა, 7-დღიანი თვითიზოლაცია და იზოლაციის დასასრულს, განმეორებითი PCR-ტესტის გაკეთება.

საფრანგეთის ჯანდაცვის სამინისტროს მონაცემებით, კორონავირუსით ინფიცირებულთა რაოდენობა ქვეყანაში 2,8 მილიონს აჭარბებს, გარდაიცვალა 69 ათასზე მეტი ადამიანი.

17