ჰანს კლუგე

ჰანს კლუგე: საქართველოს მთავრობის რეაგირება სანაქებოა

103
(განახლებულია 09:02 22.12.2020)
ჰანს კლუგემ და გიორგი გახარიამ შეხვედრისას ჯანდაცვის მიმართულებით სამომავლო თანამშრომლობის პერსპექტივები განიხილეს.

თბილისი, 21 დეკემბერი – Sputnik. კორონავირუსის პანდემიის წინააღმდეგ საქართველოს ხელისუფლების და, კონკრეტულად, პრემიერ-მინისტრის მეთაურობით მოქმედი მთავრობის ნაბიჯები უდავოდ ქების ღირსია, განაცხადა ჯანდაცვის მსოფლიო ორგანიზაციის (WHO) ევროპის რეგიონულმა დირექტორმა ჰანს კლუგემ საქართველოს პრემიერ-მინისტრის მოვალეობის შემსრულებელ გიორგი გახარიასთან მთავრობის ადმინისტრაციაში გამართული შეხვედრის დასრულებისას. 

შეხვედრაზე მხარეებმა COVID-19-ის პანდემიასთან ბრძოლის მიმართულებით საქართველოს მთავრობის მიერ გატარებული ზომები, ჯანდაცვის სექტორში დაგეგმილი რეფორმები, გრძელვადიანი თანამშრომლობის გეგმა და სხვა მნიშვნელოვანი საკითხები განიხილეს.

როგორც კლუგემ აღნიშნა, საქართველოში კოვიდ-ინფიცირების მაჩვენებლის კლება ქვეყანაში დაწესებულმა შეზღუდვებმა გამოიწვია.

„ახლა მთავარ გამოწვევად წინასაახალწლო თავყრილობები რჩება. დიდი შრომის შედეგად მოპოვებული შედეგი წყალში არ უნდა ჩაიყაროს. მთელ ევროპაში შეინიშნება პანდემიური გადაქანცვა და ამასთან დაკავშირებით მოსახლეობის განცდები გვესმის“, – განაცხადა ჰანს კლუგემ.

შეხვედრაზე გახარიამ და კლუგემ ასევე ისაუბრეს ჰოსპიტალურ სექტორში არსებულ ვითარებასა და პირველადი ჯანდაცვის როლზე. ყურადღება გამახვილდა ინტენსიური ტესტირების პროგრამის მნიშვნელობაზე, რომელსაც საქართველოს მთავრობა კორონავირუსის პანდემიიდან გამომდინარე დაწესებული ორთვიანი შეზღუდვების ფარგლებში დეკემბრის დასაწყისიდან ახორციელებს. გარდა ამისა, კლუგემ ვაქცინაციის პროცესში გახარიას დახმარება აღუთქვა.

ჯანმოს რეგიონული დირექტორი: საქართველოში დადებითი დინამიკაა, თუმცა საჭიროა ზომების დაცვა>>>

თავის მხრივ, საქართველოს პრემიერ–მინისტრის მოვალეობის შემსრულებელმა გიორგი გახარიამ ჰანს კლუგეს მადლობა გადაუხადა თანამშრომლობისთვის და აღნიშნა, რომ საქართველო დიდ მნიშვნელობას ანიჭებს ჯანმოს რეკომენდაციებს არა მხოლოდ COVID-19-ის მართვის ნაწილში, არამედ სამომავლო რეფორმების განხორციელების თვალსაზრისითაც.

ხუთდღიანი ვიზიტის ფარგლებში ჯანმოს დელეგაციამ ჰანს კლუგეს მეთაურობით დაათვალიერა კოვიდ–სასტუმროები, კოვიდ–კლინიკები, „112“-ის სამსახური, ასევე გამართა შეხვედრები მთავრობის წარმომადგენლებთან და ქვეყნის ეპიდემიოლოგებთან.

დელეგაციის შემადგენლობაში არიან ჯანმოს ჯანდაცვის პროგრამების ხელმძღვანელი ნინო ბერძული, ჯანმოს გადაუდებელი რეაგირებისა და დახმარების განყოფილების პროექტის მართვის ოფიცერი ნატალია დიმოვა-ჩერტოიანოვა და ორგანიზაციის საქართველოს ოფისის ხელმძღვანელი სილვიუ დომენტე.

103
თემები:
COVID-19 საქართველოში (2862)
განცხადება მიწის გაყიდვის შესახებ

რატომ ცდება საქართველოში სასოფლო სამეურნეო დანიშნულების  მიწა - ექსპერტების მოსაზრებები

5
(განახლებულია 08:39 16.04.2021)
Sputnik საქართველო დაინტერესდა რატომ არ ხდება საქართელოში  სასოფლო სამეურნეო დანიშნულების მიწების მასიურად დამუშავება და რა უნდა გააკეთოს სახელმწიფომ ამ პრობლემის მოსაგვარებლად.

ახლახანს საკანონმდებლო ორგანოში მიწაზე კიდევ ერთი გადასახადის შემოღების იდეა გაჟღერდა. საპარლამენტო უმრავლესობის წევრს ბეჟან წაქაძეს მიაჩნია, რომ მიწის იმ მესაკუთრეებს, რომლებიც სასოფლო-სამეურნეო ნაკვეთებს  წლების განმავლობაში არ ამუშავებენ, მიწის მოცდენისთვის გარკვეული თანხა უნდა ეკისრებოდეთ. დეპუტატის აზრით, ეს არაპოპულარული, მაგრამ აუცილებელი ნაბიჯია ქვეყნის განვითარებისთვის.

ბეჟან წაქაძის ამ მოსაზრებას არ იზიარებენ ეკონომიკის ექსპერტები. სპეციალისტების განმარტებით საქართველოში დღეს მიწის გადასახადი უკვე არსებობს და მას მოსახლეობა იმის მიუხედავად იხდის, ხდება თუ არა მისი დამუშავება და ამისგან სარგებლის მიღება.

აუდიტორი ამირან კილაძე მიიჩნევს, რომ დღეს ბევრი გლეხი მიწას უსახსრობის გამო ვერ ამუშავებს და კიდევ ერთი გადასახადი მათ იძულებულს გახდის საგადასახადო დავალიანების წარმოქმნის შემთხვევაში მიწის ნაკვეთები ან კაპიკებად გაასხვისონ ან სახელმწიფოს გადასცენ.

„ხშირად ხდება, როცა სოფელში გლეხს აქვს მიწის ნაკვეთი, მაგრამ არა აქვს მისი დამუშავების ფინანსური საშუალება და კიდევ გადასახადი რომ  დაუწესო, გამოდის ბოლომდე ახრჩობ,“- აღნიშნა ამირან კილაძემ Sputnik საქართველოსთან საუბრისას.

ექსპერტოს აზრით, ასევე არის საშიშროებაც, რომ ერთი მფლობელის ხელში მიწების დიდი რაოდენობა აღმოჩნდეს.

„შექმნილ ვითარებაში ალბათ ოპტიმალური ვარიანტი იქნებოდა იურიდიული პირების და უცხოელების საკუთრებაში არსებული მიწები დაიბეგროს“, - მიაჩნია ამირან კილაძეს.

სახელმწიფომ მიწების დამუშავება გლეხებს ახალი გადასახადის შემოღებით კი არ უნდა აიძულოს, არამედ დარგი ინვესტორებისთვის მიმზიდველი უნდა გახადოს, თქვა საერთაშორისო კვლევებისა და პროგნოზების ცენტრის პრეზიდენტმა ვეფხია გიორგაძემ Sputnik საქართველოსთან საუბრისას,

„რატომ არ ხდება სასოფლო სამეურნეო მიწების დაფინანსება შიდა თუ უცხოური დანაზოგებით და რატომ არიდებენ თავს ბანკები მის დაკრედიტებას, ეს ის მთავარი კითხვებია, რომლებიც მთვარობამ უნდა დასვას“- მიაჩნია გიორგაძეს.

ეკონომისტის აზრით, სასწრაფოდ უნდა შეიქმნას პირობები იაფი და გრძელივადიანი ფულის შესაქმნელად.  ამის პარალელურად  კი უნდა დასრულდეს სასოფლო-სამეურნეო მიწის ბაზრის ფორმირება, რაც მხოლოდ ერთადერთი გზით არის შესაძლებელი-სახელმწიფოს ხელში არსებული მიწები მოსახლეობას უსასყიდლოდ  უნდა გადაეცეს 

გიორგაძის მონაცემებით,  სახელმწიფოს მფლობელობაში დღეს 1.5 მლნ ჰა მიწის ფართობია და სწორედ ეს არის იმის მიზეზი, რომ ქვეყანაში არ არის ბოლომდე ჩამოყალიბებული მიწის ბაზარი.

„საქართველოში სასოფლო სამეურნეო მიწის ბაზარი რომ არ არის ჩამოყალიბებული, ეს ცოდვა სახელმწიფოს 30 წელიწადია ადევს ზურგზე. სახელმწიფო არ თმობს მიწების 45 პროცენტს, ამიტომ ბაზარი ვერ ყალიბდება შესაბამისად ვერ გვაძლევს საბაზრო ფასს მიწაზე, არადა ფასი განაპირობებს  ამ რესურსის საინვესტიციო  მიმზიდველობას“, - თქვა ვეფხია გიორგაძემ.

რაც შეეხება მიწის ფასებს, გიორგაძის თქმით,  ის საქართველოს სხვადასხვა კუთხეში სხვადასხვაა და თანაც ბაზარზე დღეს არსებული მიწის ფასი არის რამდენჯერმე იმაზე დაბალი, ვიდრე მისი რეალური ღირებულებაა.

ეკონომიკის დოქტორის ნიკა შენგელიას აზრით, იმისათვის რომ წარმატებით შეიქმნას მიწის ბაზარი, სოფლის მეურნეობა უნდა აღორძინდეს,

„აუცილებელია, რომ სახელმწიფომ შეიმუშავოს სასოფლო სამეურნეო დანიშნულების მიწების საკუთრების შესახებ პოლიტიკა. ხელი შეუწყოს სოფლის მეურნეობის სექტორში უცხოური კომპანიების გამოცდილების და ფინანსების შემოდინებას; გააფართოვოს და გაამარტივოს შესაბამის პროექტებში მონაწილეობის მიღების პირობები და ეტაპები“- თქვა ნიკა შენგელიამ Sputnik საქართველოსთან საუბრისას.

გარდა ამისა, რეგიონებში უნდა შეიქმნას ბიზნეს- ინკუბატორები, სადაც ფერმერები კონსულტაციების გავლას და გარკვეული ცოდნის მიღებას შეძლებენ ახალი ტექნოლოგიებზე, მათი გამოყენებით მოსავლის მოყვანაზე, ასევე მიიღებენ ინფორმაციას როგორ უნდა შეადგინონ ბიზნეს გეგმა, როგორ მოუყარონ თავი პროექტში მონაწილეობისათვის საჭირო დოკუმენტაციას.

„თუმცა მთავარი ხელისშემშლელი ფაქტორი საქართველოში სოფლის მეურნეობუს განვითარებისთვის, მაინც  მაღალ პროცენტიანი კრედიტებია“ - აღნიშნა ნიკა შენგელიამ.

მისი თქმით, მიუხედავად იმისა რომ არსებიბს სხვადასხვა პროექტები სოფლის მეურნეობის განვითარებისათვის, ის ფერმერთა ძირითადი მასისათვის უცნობი და ხელმიუწვდომელია გარკვეული ბიუროკრატიული ბარიერების გამო.

საჯარო რეესტრის ეროვნული სააგენტოს  მონაცემებით 2021 წლის 30 მარტის მდგომარეობით, საქართველოში  საკუთრებაში ერთ მილიონ ჰექტარზე მეტი სასოფლო სამეურნეო დანიშნულების მიწის ნაკვეთი დარეგისტრირდა.

ნატა პატარაია

5
ლაბორატორია

COVID-19 საქართველოში 16 აპრილის მონაცემები

37
(განახლებულია 10:53 16.04.2021)
ამ დროისათვის სულ გამოჯანმრთელდა 279.831 ადამიანი (ბოლო 24 საათში – 442), გარდაიცვალა – 3.916 (ბოლო 24 საათში – 9), კარანტინის რეჟიმშია 331, სტაციონარებში ექიმების დაკვირვების ქვეშ 2.720 პაციენტი, ხოლო კოვიდ–სასტუმროებში 400 ადამიანი იმყოფება.

თბილისი, 16 აპრილი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.077-ით გაიზარდა და ინფიცირებულთა საერთო რიცხვმა 293.321-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 279.831 ადამიანი (ბოლო 24 საათში – 442), გარდაიცვალა – 3.916 (ბოლო 24 საათში – 9), კარანტინის რეჟიმშია 331, სტაციონარებში ექიმების დაკვირვების ქვეშ 2.720 პაციენტი, ხოლო კოვიდ–სასტუმროებში 400 ადამიანი იმყოფება.

ბოლო 24 საათში ჩატარებულია 31.645 ტესტი, მათ შორის ანტიგენის სწრაფი ტესტით – 20.727, PCR–ტესტით – 10.918.

დადებითობის მაჩვენებელი: დღიური - 3,4%, ბოლო 14 დღის - 2,77%, ბოლო 7 დღის - 2,04%.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

37
თემები:
კორონავირუსი საქართველოში: ბოლო ცნობები