ტრანსპორტი პიკის საათებში

ფრთხილად მძღოლებო: საქართველოში საავტომობილო სიჩქარის კონტროლის კიდევ 19 სექცია ამოქმედდა

428
(განახლებულია 20:07 21.12.2020)
საგზაო უსაფრთხოების საკითხი საქართველოს მთავრობისთვის პრიორიტეტულია. 2019 წლის თებერვალში შემუშავდა სამოქმედო გეგმა, რომელიც ითვალისწინებს ავტომობილების ტექნიკური მდგომარეობის გაუმჯობესებას და უსაფრთხო ინფრასტრუქტურის უზრუნველყოფას.

თბილისი, 21 დეკემბერი – Sputnik. თბილისში, აჭარის, კახეთისა და მცხეთა-მთიანეთის რეგიონებში 21 დეკემბრიდან საავტომობილო სიჩქარის კონტროლის 19 სექცია ამოქმედდა, ნათქვამია საზოგადოებრივი უსაფრთხოების მართვის ცენტრ „112“-ის მიერ გავრცელებულ განცხადებაში.

აღნიშნულ ლოკაციებზე სიჩქარის კონტროლის სექციები საგზაო მოძრაობის უსაფრთხოების განმტკიცების მიზნით დამონტაჟდა.

თბილისში სიჩქარის კონტროლის სექციები განთავსდა შემდეგ ადგილებზე:

– ბერი გაბრიელ სალოსის და შალვა დოლიძის ქუჩების კვეთიდან – ბერი გაბრიელ სალოსის ქუჩის N40-მდე. ნებადართული სიჩქარე 40 კმ/სთ. ბერი გაბრიელ სალოსის ქუჩის N40-დან ბერი გაბრიელ სალოსის და შალვა დოლიძის ქუჩების კვეთამდე. ნებადართული სიჩქარე 40 კმ/სთ; 

– საინგილოსა და გუმბრის ქუჩების კვეთიდან საინგილოსა და მარტყოფის ქუჩების კვეთამდე. ნებადართული სიჩქარე 40 კმ/სთ. საინგილოსა და მარტყოფის ქუჩების კვეთიდან საინგილოსა და გუმბრის ქუჩების კვეთამდე. ნებადართული სიჩქარე 40 კმ/სთ;

– ნიაბისა და აბულის ქუჩების კვეთიდან ნიაბისა და საინგილოს ქუჩების კვეთამდე. ნებადართული სიჩქარე 40 კმ/სთ.  ნიაბისა და საინგილოს ქუჩების კვეთიდან ნიაბისა და აბულის ქუჩების კვეთამდე. ნებადართული სიჩქარე 40 კმ/სთ; 

– ქეთევან დედოფლის გამზირისა და ვ.ჩაჩავას ქუჩის კვეთიდან ქეთევან დედოფლის გამზირისა და ტ.აბუსერიძის ქუჩების კვეთამდე. ნებადართული სიჩქარე 50 კმ/სთ. ქეთევან დედოფლის გამზირისა და ტ.აბუსერიძის ქუჩის კვეთიდან ქეთევან დედოფლის გამზირისა და ვ.ჩაჩავას ქუჩების კვეთამდე. ნებადართული სიჩქარე 50 კმ/სთ.

რაც შეეხება აჭარის, კახეთისა და მცხეთა-მთიანეთის რეგიონებში კონკრეტულ ლოკაციებს, დეტალური ინფორმაციის გაცნობა შესაძლებელია აქ

უწყების ცნობით, სიჩქარის კონტროლის სექციური სისტემით სულ საქართველოს მასშტაბით, უკვე 1152 კმ სიგრძის საავტომობილო გზა გაკონტროლდება.

შსს-მ გზებზე კონტროლის გამკაცრება ავარიების შედეგად სიკვდილიანობის მაღალი მაჩვენებლის გამო გადაწყვიტა.

ბოლო მონაცემებით, საქართველოში 2020 წლის ცხრა თვეში 3.644 ავტოსაგზაო შემთხვევა მოხდა, რის შედეგადაც გარდაიცვალა 337 ადამიანი, მათ შორის 17 არასრულწლოვანი.

აღნიშნულ პერიოდში სიჩქარის გადაჭარბების მიზეზით 184 ავარია მოხდა, რის შედეგადაც გარდაიცვალა 40, ხოლო დაშავდა 214 ადამიანი.

საგზაო მოძრაობის მიმართულებით სტატისტიკის გაანალიზების და სიტუაციის შესწავლის შემდეგ შინაგან საქმეთა სამინისტრომ შეიმუშავა სამოქმედო გეგმა, რომელიც აერთიანებს სხვადასხვა ღონისძიებებს ავტოსაგზაო შემთხვევათა რიცხვის შესამცირებლად და მოძრაობის გასაუმჯობესებლად.

428
თემები:
შემთხვევები საქართველოში (2036)
თენგიზ ცერცვაძე

რა იცავს მათ, ვინც კონტაქტის მიუხედავად COVID-19-ით არ ინფიცირდებიან: ცერცვაძის განმარტება

59
როგორც ცერცვაძემ განმარტა, იმ ადამიანებს, ვინც კორონავირუსით არ ინფიცირდება, შესაძლოა ვირუსის მიმართ თანდაყოლილი ან შეძენილი იმუნიტეტი გააჩნია

თბილისი, 24 იანვარი – Sputnik. იმ ადამიანებს, ვინც კოვიდინფიცირებულთან ახლო კონტაქტის მიუხედავად ვირუსით არ ინფიცირდება, დიდი ალბათობით კორონავირუსის მიმართ თანდაყოლილი იმუნიტეტი აქვთ, განაცხადა ინფექციური პათოლოგიისა და შიდსის ცენტრის ხელმძღვანელმა თენგიზ ცერცვაძემ ტელეკომპანია „იმედის“ ეთერში.

როგორც ცერცვაძემ განმარტა, არსებობს ორი ტიპის იმუნიტეტი, თანდაყოლილი და შეძენილი.

„შეძენილია იმუნიტეტი, რომელიც დაავადების გადატანის, ან ვაქცინაციის შემდეგ დაგვრჩება, ხოლო თანდაყოლილი იმუნიტეტი კი დაბადებიდან აქვს ადამიანს“, - ამბობს ცერცვაძე.

ცერცვაძის განცხადებით, შესაძლოა, ადამიანი, რომელსაც კონტაქტი ჰქონდა ინფიცირებულ პაციენტთან, სწორედ კორონავირუსის მიმართ თანდაყოლილი იმუნიტეტის გამო არ დაინფიცირდეს.

მისივე ინფორმაციით, არსებობს ვარაუდი, რომ ადამიანმა, ვისაც ახლა გავრცელებული COVID-19 არ ემართება, უკვე გადაიტანა სხვა რომელიმე კორონავირუსული ინფექცია.

„არსებობს სხვა თეორიაც, რომ ადამიანმა, ვისაც კორონავირუსი არ ემართება, ადრე გადაიტანა რომელიმე სხვა ინფექცია კორონავირუსით, რასაც გაციებითი დაავადებები ჰქვია, იქ კორონავირუსებია 15-20%-ში და შესაძლოა ისეთი კორონავირუსიც გადაიტანა, რომელსაც ჯვარედინი ცილები ჰქონდა ახალ კორონავირუსთან, რამაც მისცა იმუნიტეტი“, - განაცხადა ცერცვაძემ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 546-ით გაიზარდა და ინფიცირებულთა საერთო რიცხვმა 253.518-ს მიაღწია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

59
რუხის საავადმყოფო

სამეგრელო-ზემო სვანეთში ბოლო 24 საათში კორონავირუსის შედეგად ერთი ადამიანი გარდაიცვალა

21
რეგიონის მასშტაბით სულ საკარანტინე სივრცეში 57 ადამიანი იმყოფება. დღის განმავლობაში გამოჯანმრთელებულ პირთა რაოდენობა კი 110 შეადგენს.

თბილისი, 24 იანვარი - Sputnik. სამეგრელო ზემო სვანეთის რეგიონში COVID-19-ის 31 ახალი შემთხვევა დაფიქსირდა, ვირუსით გამოწვეული გართულებების შედეგად 79 წლის ქალბატონი გარდაიცვალა, რომელიც სენაკში, კლინიკა „სემამედში“ მკურნალობდა.

სამხარეო ადმინისტრაციის ინფორმაციით, რეგიონის მასშტაბით სულ საკარანტინე სივრცეში 57 ადამიანი იმყოფება. დღის განმავლობაში გამოჯანმრთელებულ პირთა რაოდენობა კი 110 შეადგენს.

  • რუხის კლინიკაში მკურნალობის კურსს 66 კოვიდ პაციენტი გადის, მათ შორის მძიმეა 8.
  • „სენამედის“ კლინიკაში იმყოფება 33 კოვიდ პაციენტი, მათ შორის მძიმე - 6.
  • ფოთის კლინიკაში იმყოფება 35 კოვიდ პაციენტი, მათ შორის მძიმე მდგომარეობაშია 3 პაციენტი.
  • ზუგდიდის რეფერალურ ჰოსპიტალში იმყოფება 17 პაციენტი, მათ შორის 4 მძიმეა.
  • აბაშის „ევექსის“ კოვიდ კლინიკაში - 12 პაციენტი.
  • სენაკში „ლაზიკა მედიში“ - 23 პაციენტი.

საქართველოს მასშტაბით ახალი კორონავირუსით დაავადებულთა რაოდენობა ბოლო დღე-ღამეში 546-ით გაიზარდა და ინფიცირებულთა საერთო რიცხვმა 253.518-ს მიაღწია. ბოლო 24 საათში ვირუსისგან გამოჯანმრთელდა 1.456 პირი და ჯამში გამოჯანმრთელებულთა რაოდენობა გაიზარდა 242.085-მდე.

ბოლო დღე-ღამის განმავლობაში გარდაიცვალა 17 ადამიანი  და გარდაცვლილთა საერთო რაოდენობამ  3.055-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

 

ნიკა ლატარია

21
ლევან გიგინეიშვილი

ლევან გიგინეიშვილი: რაც უფრო მეტი გაქვს, მით უფრო ნაკლებად ხარ...

0
(განახლებულია 20:24 23.01.2021)
ლევან გიგინეიშვილი საუბრობს ისეთ თემაზე, როგორიცაა სოციუმში შეჭრილი ინფექცია - სიხარბის კულტზე, რომელსაც ადამიანი მსხვერპლად სწირავს ადამიანობას.
ლევან გიგინეიშვილი: რაც უფრო მეტი გაქვს, მით უფრო ნაკლებად ხარ...
„თუკი ადამიანებს გვინდა ერთმანეთი ჩავძიროთ, ეს ნიშნავს იმას, რომ ჩვენ ადამიანური ბუნებისგან გადავუხვიეთ. ერთმანეთის მიმართ კეთილგანწყობილები უნდა ვიყოთ. ჩვენი ბუნების მთავარი ასპექტი კეთილგანწყობაა, მაგრამ სოციუმმა დაგვამახინჯა, ამიტომ ჩვენ სოციუმი უნდა გამოვასწოროთ, სოციუმი, რომელშიც ძალიან დიდი ინფექციაა შეჭრილი“, - აცხადებს ლევან გიგინეიშვილი.

ფილოსოფოსი ლევან გიგინეიშვილი განმარტავს: ქრისტიანულ კულტურაში ადრე ბევრი რამ იყო ისეთი, რაც ფულზე დამოკიდებული არ იყო. მაგალითად, პაჟი ბატონს ერთგულების ძალით და არა ფულის გამო ემსახურებოდა, ექიმი პაციენტს კურნავდა არა ფულისთვის, არამედ იმიტომ, რომ ჰიპოკრატეს ფიცი ჰქონდა დადებული და მისი ღვთიური მოვალეობა იყო, რომ პაციენტს დახმარებოდა. 

 

0