ეფექტურია ახალი შტამის მიმართაც: კომენტარი კოვიდ-ვაქცინის შემქმნელებისგან
(განახლებულია 19:14 21.12.2020)
მანამდე ვაქცინა „სპუტნიკ V“-ს შემქმნელებმა განაცხადეს, რომ მათი პრეპარატი COVID-19-ის მძიმე შემთხვევების წინააღმდეგაც კი 100%-ით ეფექტურია.თბილისი, 21 დეკემბერი — Sputnik. ანტიკორონავირუსული ვაქცინა Sputnik V, რომელიც რუსეთში შეიქმნა, ეფექტურია SARS-CoV-2-ის ახლად აღმოჩენილი მუტაციის მიმართაც, აცხადებს რუსეთის პირდაპირი ინვესტიციების ფონდის ხელმძღვანელი კირილ დმიტრიევი.
©
photo : photo: courtesy of RDIF and the Gamaleya Center
აღსანიშნავია, რომ მსოფლიოში პირველი ვაქცინა კორონავირუსის წინააღმდეგ რუსეთის გამალეის ეპიდემიოლოგიისა და მიკრობიოლოგიის სამეცნიერო-კვლევითმა ცენტრმა შექმნა პირდაპირი ინვესტიციების ფონდის ხელშეწყობით.
„ვადასტურებთ, რომ ჩვენი ინფორმაციით, „სპუტნიკ V“ მაღალეფექტურია ვირუსის ახალი მუტაციის წინააღმდეგაც, რომელიც ევროპაში აღმოაჩინეს. ის ისევე ეფექტურია მის მიმართ, როგორც უკვე არსებული შტამების მიმართ. „სპუტნიკ V“-მ უკვე არაერთხელ გამოავლინა ეფექტურობა, მიუხედავად S–ცილაში მანამდე მომხდარი მუტაციებისა“, — მოახსენა დმიტრიემა რუსეთის პრეზიდენტ ვლადიმირ პუტინს.
მანამდე დიდ ბრიტანეთში კორონავირუსი SARS-CoV-2-ის ახალი ვარიანტი გამოავლინეს, რომელიც ბევრად სწრაფად ვრცელდება. წინასწარი შეფასებებით, ახალი შტამი შეიძლება ჩვეულებრივზე 70%-ით უფრო გადამდები იყოს, თუმცა ჯერჯერობით არაფერი მეტყველებს იმის შესახებ, რომ ის უფრო მომაკვდინებელია. მიუხედავად ამისა, მსოფლიოს რამდენიმე ქვეყანამ უკვე შეაჩერა დიდ ბრიტანეთთან ავიამიმოსვლა.
თემები:
„ჩვენც გვაქვს გული“: გამტაცებლებმა ავადმყოფ ქალს მანქანა დაუბრუნეს
(განახლებულია 19:54 22.01.2021)
პოლიციამ მანქანაში ქურდების მიერ დატოვებული წერილი აღმოაჩინა, რომლითაც ისინი ბოდიშს უხდიდნენ დაზარალებულს თბილისი, 22 იანვარი — Sputnik. იტალიელმა კარაბინერებმა ქალაქ ბარის საავადმყოფოს პარკინგიდან მოპარული მანქანა იპოვეს, რომელშიც გამტაცებლებს საბოდიშო წერილი ჰქონდათ დატოვებული, იუწყება La Gazzetta.
©
photo: Sputnik / Sergey Guneev
გავრცელებული ინფორმაციით, იანვრის შუა რიცხვებში 56 წლის მარია ელენა დამიანის ქალიშვილმა რიტამ Facebook-ში დაწერა, რომ მოპარული მანქანა გადაადგილების ერთადერთი საშუალება იყო მისი დედისთვის, რომელიც გაფანტული სკლეროზითაა დაავადებული. ირკვევა, რომ ავტომობილი Fiat Doblò ადაპტირებული იყო უნარშეზღუდული ქალისთვის სამართავად და ასევე აღჭურვილი იყო პანდუსითა და ინვალიდის ეტლით.
„გულზე ხელი დაიდეთ და დაგვიბრუნეთ ავტომობილი“, — წერდა ავადმყოფი ქალის შვილი სოციალურ ქსელში.
მისი პოსტი მალე მეტად პოპულარული გახდა და, როგორც ჩანს, გამტაცებლებამდეც მიაღწია. რამდენიმე დღის შემდეგ ბარის გარეუბანში ერთმა მამაკაცმა მისი სახლის წინ გაჩერებული ავტომობილი შენიშნა და კარაბინერები გამოიძახა. მანქანის წინა სავარძელში მათ ბოროტმოქმედების გზავნილი აღმოაჩინეს.
- „ჩვენც გვაქვს გული. გვაპატიეთ, თქვენი პათოლოგიის შესახებ არ ვიცოდით“, — წერდნენ ისინი.
დამიანების ოჯახმა, ამბის ბედნიერი დასრულების შემდეგ, თანადგომისთვის ყველას მადლობა გადაუხადა და განაცხადა, რომ იწყებდნენ ინვალიდთათვის ავტომობილის შესაძენად თანხის შეგროვებას. ამ თანხას ადგილობრივი საქველმოქმედო ორგანიზაცია მიიღებს.
თემები:
საქართველოს საელჩო ნიდერლანდებში გამგზავრების მსურველებს აფრთხილებს
(განახლებულია 19:30 22.01.2021)
ხვალიდან ნიდერლანდებში საჰაერო გზით შემსვლელებისთვის ახალი წესები ამოქმედდება, რაც საქართველოს მოქალაქეებსაც შეეხება და საქართველოდან ტრანზიტულ მგზავრებსაცთბილისი, 22 იანვარი - Sputnik. ხვალიდან, 23 იანვრიდან, ნიდერლანდებში საჰაერო გზით შესვლის წესები იცვლება. ამის შესახებ ინფორმაციას ნიდერლანდებში საქართველოს საელჩო აქვეყნებს.
©
photo: Sputnik / Natalia Seliverstova
კერძოდ, 23 იანვრის 00:01 საათიდან ნიდერლანდებში საჰაერო გზით შემსვლელმა მგზავრებმა, ბოლო 72 საათში გაკეთებული PCR ტესტის უარყოფით პასუხთან ერთად, უნდა წარადგინონ ჩასხდომამდე ბოლო 4 საათში გაკეთებული სწრაფი ტესტის უარყოფითი პასუხიც.
„ნიდერლანდების მთავრობა აცნობიერებს, რომ ჩასხდომამდე ბოლო 4 საათში სწრაფი ტესტის გაკეთება აეროპორტების უმრავლესობაში დაკავშირებულია დიდი სირთულეებთან. აქედან გამომდინარე, მთავრობა იმედოვნებს, რომ ორმაგი ტესტის მოთხოვნა შეამცირებს ნიდერლანდებში შემომავალი მგზავრების რაოდენობას“, — ნათქვამია განცხადებაში.
აღნიშნული ვალდებულება ინფიცირების მაღალი რისკის ქვეყნებიდან, მათ შორის საქართველოდან ნიდერლანდებში შემსვლელ ტრანზიტულ მგზავრებზეც ვრცელდება.
PCR ტესტის და სწრაფი ტესტის უარყოფითი პასუხის წარდგენის ვალდებულებისგან რამდენიმე კატეგორია თავისუფლდება, მათ შორის არიან დიპლომატიური მისიების და საერთაშორისო ორგანიზაციების თანამშრომლები.
©
photo: Sputnik / Alex Macknoton
ახალი წესების თანახმად, 23 იანვრის 00:01 საათიდან ევროკავშირის არაწევრი (მესამე) ქვეყნებიდან ნიდერლანდებში შესვლა ასევე აღარ შეეძლებათ სტუდენტებს, ბიზნეს-სექტორის წარმომადგენლებს, მაღალი კვალიფიკაციის მქონე მიგრანტებსა და კულტურული და შემოქმედებითი სფეროს წარმომადგენლებს.
გარდა ამისა, ნიდერლანდების მთავრობამ ფრენები აკრძალა შემდეგი ქვეყნებიდან: გაერთიანებული სამეფო, არგენტინა, ბოლივია, ბრაზილია, კაბო ვერდე, ჩილე, კოლუმბია, ეკვადორი, ფრანგული გვინეა, გაიანა, პანამა, პარაგვაი, პერუ, სამხრეთ აფრიკა, სურინამი, ურუგვაი და ვენესუელა.
გუშინ ნიდერლანდების პარლამენტმა ქვეყანაში კომენდანტის საათის დაწესებას დაუჭირა მხარი. კომენდანტის საათი 23 იანვრიდან ამოქმედდება და მოქალაქეებს სახლიდან გასვლა 21:00 საათიდან 04:30 საათამდე აეკრძალებათ. ქუჩაში გადაადგილება მხოლოდ გადაუდებელი აუცილებლობის შემთხვევაში იქნება ნებადართული, მაგალითად, სამსახურში წასვლისას, სამსახურიდან დაბრუნებისას ან ძაღლის გასეირნების მიზნით.
პირველად აშშ-ის ისტორიაში: პენტაგონის შეფი აფროამერიკელი გახდა
(განახლებულია 21:19 22.01.2021)
აშშ-ში ახალი პრეზიდენტის მოსვლის შემდეგ, პირველად ისტორიაში, პენტაგონს აფროამერიკელი ჩაუდგა სათავეში და ასევე პირველად - ქალი გახდა ეროვნული დაზვერვის დირექტორი თბილისი, 22 იანვარი — Sputnik. აშშ-ს სენატმა პენტაგონის შეფის პოსტზე ლლოიდ ოსტინის კანდიდატურა დაამტკიცა, იუწყება CNN-ი.
The Senate has confirmed retired Gen. Lloyd Austin to lead the Pentagon. He will be the first African American defense secretary. https://t.co/9qbe9DW0Re
— CNN (@CNN) January 22, 2021
თავდაცვის მინისტრის პოსტზე მის კანდიდატურას 93–მა სენატორმა დაუჭირა მხარი, წინააღმდეგი იყო ორი.
ლლოიდ ოსტინი 67 წლისაა და ოთხვარსკვლავიანი გენერლის რანგი აქვს. ის პირველი აფროამერიკელია, რომელიც აშშ–ის თავდაცვის დეპარტამენტს უხელმძღვანელებს.
აღსანიშნავია, რომ ოსტინი 2016 წელს გადადგა სამხედრო სამსახურიდან და იარაღის უმსხვილესი მწარმოებლის, Raytheon–ის დირექტორთა საბჭოში დაიკავა თანამდებობა.
©
photo: AFP 2020 / BRENDAN SMIALOWSKI
მანამდე ის მსახურობდა გერმანიასა და შეერთებული შტატების ბევრ წერტილში, მუშაობდა შტაბების მეთაურთა გაერთიანებულ კომიტეტში, მეთაურობდა დივიზიას და 2006 წლისთვის გენერალ-ლეიტენანტის წოდება მიიღო.
2010 წელს ოსტინი ერაყში აშშ-ს ძალების სარდალი გახდა და პასუხისმგებელი იყო ამ ქვეყნიდან ჯარების ეტაპობრივ გაყვანაზე. 2011 წლის დეკემბერში დაინიშნა სახმელეთო ძალების შტაბის სარდლის მოადგილედ, ხოლო 2013-2016 წლებში აშშ-ს შეიარაღებული ძალების ცენტრალურ სარდლობას ხელმძღვანელობდა. ამ თანამდებობაზე ოსტინმა მნიშვნელოვანი როლი შეასრულა აშშ-ს სტრატეგიის შემუშავებაში „ისლამური სახელმწიფოს“ წინააღმდეგ ბრძოლაში.
თემები: