საქართველოში კოვიდვაქცინაცია აშშ-ისა და ევროპის გამოცდილებაზე დაყრდნობით განხორციელდება

© photo: Sputnik / Konstantine Mikhalchevsky / გადასვლა მედიაბანკშივაქცინაცია
ვაქცინაცია - Sputnik საქართველო
გამოწერა
წინასწარი ინფორმაციით, საქართველოში კორონავირუსის საწინააღმდეგო ვაქცინა 2021 წლის მარტი–აპრილში შემოვა და ის მოსახლეობისთვის უფასო იქნება

თბილისი, 19 დეკემბერი - Sputnik. საქართველოს პრემიერ-მინისტრის მოვალეობის შემსრულებელი  გიორგი გახარია კოვიდვაქცინაციის პროცესის შეუფერხებელი უზრუნველყოფის მიზნით შექმნილი სპეციალური კომისიის წევრებს შეხვდა, ნათქვამია საქართველოს მთავრობის მიერ გავრცელებულ განცხადებაში.

კოვიდვაქცინაციის პროცესის შეუფერხებელი უზრუნველყოფის მიზნით გახარიას დავალებით შექმნილი სპეციალური სამუშაო ჯგუფი ინტენსიურ რეჟიმში მუშაობს.

შეხვედრაზე ყურადღება გამახვილდა მსოფლიოს მასშტაბით დღეს არსებულ და პერსპექტიულ ვაქცინებზე და აღინიშნა, რომ საერთაშორისო ორგანიზაციებთან თანამშრომლობით მიმდინარეობს აქტიური მუშაობა, რათა განისაზღვროს ის მაღალი რისკის ჯგუფები, რომლებიც პირველ რიგში უნდა აიცრან.

კოვიდ-ვაქცინა - Sputnik საქართველო
მინისტრმა საიდუმლო შემთხვევით გასცა: ცნობილია კოვიდ-ვაქცინების ნამდვილი ფასები

უწყების ცნობით, შეხვედრაზე განსაკუთრებული ყურადღება დაეთმო იმ ფაქტს, რომ ვაქცინა, რომელიც ქვეყანაში შემოვა, უნდა იყოს აღიარებული და აკმაყოფილებდეს საერთაშორისო სტანდარტებს. ასევე, შეფასდა ქვეყანაში არსებული ცივი ჯაჭვის სისტემა, კერძოდ, ვაქცინებისთვის საჭირო ცივი ჯაჭვის მოთხოვნები და მახასიათებლები.

„მთავრობის მეთაურის შეფასებით, მნიშვნელოვანია, რომ ქვეყანაში რაც შეიძლება სწრაფად დაიწყოს ვაქცინაცია - უსაფრთხო და ხარისხიანი ვაქცინით, რომელიც აშშ-ისა და ევროპის ქვეყნების გამოცდილებაზე დაყრდნობით განხორციელდება“, - აღნიშნულია განცხადებაში.

როგორც შეხვედრაზე აღინიშნა, გარდა COVAX პლატფორმისა, აქტიურ ფაზაშია მოლაპარაკებები საერთაშორისო პარტნიორებთან და ვაქცინის მწარმოებლებთან.

აღსანიშნავია, რომ ვაქცინაციის პროცესში ადამიანის უფლებების დაცვის უმაღლესი სტანდარტების უზრუნველსაყოფად კომისიის მუშაობაში ჩართულია საქართველოს სახალხო დამცველი ნინო ლომჯარიაც.

პირველ ეტაპზე საქართველოს ვაქცინის იმ რაოდენობით შეძენის უფლება აქვს, რომელიც მოსახლეობის 20%-სთვის იქნება საკმარისი. ახლა ქვეყანამ მოსამზადებელი პერიოდი და შესაბამისი ეტაპები უნდა გაიაროს: საქართველომ 1 400 ათასი დოზა ვაქცინის შესაძენად პირველი შენატანი – 4 მლნ დოლარი უკვე განახორციელა. აღნიშნული რაოდენობა 700 ათას ადამიანზეა გათვლილი.

ყველა ახალი ამბავი
0