დავით–გარეჯი

საქართველო დავით-გარეჯის ტერიტორიაზე სასაზღვრო პუნქტის მშენებლობას მალე დაასრულებს

1539
(განახლებულია 20:34 18.12.2020)
საქართველოს შინაგან საქმეთა სამინისტრომ წელს დიდი სამუშაო გასწია, რათა გაეძლიერებინა სახელმწიფო საზღვრის დაცვა და სასაზღვრო პოლიცია თანამედროვე ტექნიკური საშუალებებით აღეჭურვა, განაცხადა გომელაურმა.

თბილისი, 18 დეკემბერი – Sputnik. უახლოეს მომავალში დავით–გარეჯის ტერიტორიაზე დასრულდება თანამედროვე სტანდარტების შესაბამისი სასაზღვრო პუნქტის მშენებლობა, განაცხადა საქართველოს შინაგან საქმეთა მინისტრის მოვალეობის შემსრულებელმა ვახტანგ გომელაურმა უწყების მიერ 2020 წელს გაწეული სამუშაოს ანგარიშის წარდგენისას.

საქართველოსა და აზერბაიჯანს რამდენიმე სადავო მონაკვეთი აქვთ, რომლებიც დღემდე არ არის შეთანხმებული. ერთ-ერთზე მდებარეობს დავით-გარეჯის სამონასტრო კომპლექსი, რომლის ნაწილზეც პრეტენზიას აცხადებს აზერბაიჯანის მხარე – ტერიტორიაზე მომლოცველებს გადაადგილება ეკრძალებათ. 

 

ანგარიშის წარდგენისას გომელაურმა ისაუბრა, რა გაკეთდა სასაზღვრო ინფრასტრუქტურის გასაუმჯობესებლად, სახელმწიფო საზღვრის თანამედროვე ტექნიკური საშუალებებით აღსაჭურვად, ავიაციის შესაძლებლობების გასავითარებლად, ასევე საერთაშორისო ურთიერთობებისა და ნატოსთან თანამშრომლობის გასაღრმავებლად.

აშშ-ისა და ევროკავშირის ფინანსური მხარდაჭერით წელს სასაზღვრო პოლიციისთვის მნიშვნელოვანი პროექტები განხორციელდა.

აშშ-ის თავდაცვის საფრთხეების შემცირების სააგენტოს (DTRA) მხარდაჭერით აშენდა სასაზღვრო პოლიციის სახმელეთო საზღვრის დაცვის დეპარტამენტის ოთხი სასაზღვრო სექტორი ბათუმში, კახეთში და ორი ყაზბეგში.

საზღვრის დაცვის შესაძლებლობების გაუმჯობესების მიზნით სასაზღვრო პოლიციაში განახლდა მესაზღვრის პირადი აღჭურვილობა, სასაზღვრო ინციდენტების გამოვლენისა და მათზე რეაგირების, სატრანსპორტო და საკომუნიკაციო საშუალებები.

„აშშ-ის საელჩოს თავდაცვის საფრთხეების შემცირების სააგენტოს (DTRA) ფინანსური მხარდაჭერით, სახმელეთო საზღვრის დაცვის შესაძლებლობების გაუმჯობესების მიზნით, სასაზღვრო პოლიციას 20 ერთეული ყველგანმავალი – „არგო“ გადმოეცა; სასაზღვრო პოლიციის ავტოპარკს მაღალი გამავლობის 90 ავტომანქანა შეემატა; სრულად განახლდა სანაპირო დაცვის რადიოსაკომუნიკაციო სისტემა“, – განაცხადა გომელაურმა.

მისი თქმით, თურქული მხარის მხარდაჭერით გარემონტდა სანაპირო დაცვის მცურავი საშუალებები – „სოხუმი“ და „ფოთი“.

გომელაურმა ხაზგასმით აღნიშნა ასევე მფრინავების თავდაუზოგავი შრომა, რომელთაც უწევთ როგორც სტიქიასთან გამკლავება, ასევე ადამიანების სიცოცხლის გადარჩენა. მათ არაერთი გაფრენა განახორციელეს როგორც სასაზღვრო, ასევე სახანძრო და სამაშველო საგანგებო სიტუაციებისას, გარდა ამისა, ასრულებენ სამოქალაქო ავიარეისებს მთის მოსახლეობის დასახმარებლად.

1539
ნუცა ბუზალაძე

„შვილი რომ გყავს მართალია, თუ ჭორი?“ - ნუცა ბუზალაძის ემოციური პასუხი თაყვანისმცემელს

58
(განახლებულია 11:05 26.01.2021)
ქართული შოუ-ბიზნესის ერთ-ერთი გამორჩეული მომღერალი „ფოლოვერების“ კითხვებს პასუხობს. მორიგი სკანდალური თემა და შემსრულებლის გულის ამაჩუყებელი პასუხი.

ნუცა ბუზალაძეს, ისევე, როგორც ცნობილი ვარსკვლავების უმეტესობას, პირად ცხოვრებაზე საუბარი არ ხიბლავს. შეუდარებელი მომღერალი წლების მანძილზე ურთიერთობებზე საუბარს თავს არიდებდა ან საგულდაგულოდ მალავდა. ეს მანამდე გრძელდებოდა, სანამ თავად არ გადაწყვიტა შეყვარებულის გამოჩენა. ურთიერთობის გარკვეულ ეტაპზე ნუცა მამაკაცის ფოტოებს აქვეყნებდა, თუმცა სახეს მუდამ უმალავდა.

ცნობილია, რომ ჭორ-მართალი უსაფუძვლოდ არ ჩნდება. ნუცა ბუზალაძეს დამაინტრიგებელი კითხვა ერთ-ერთმა „გამომწერმა“ დაუსვა, რაც მის პირად ცხოვრებას ეხება. ნუცა ბუზალაძე ფეხმძიმობის დამალვაში დაადანაშაულეს. მომღერალმა სკანდალურ ინფორმაციას ხუმრობით უპასუხა. „შვილი რომ გყავს მართალია თუ ჭორი?“- ჰკითხა ერთ-ერთმა გულშემატკივარმა. ნუცამ პასუხი არ დააყოვნა და აღნიშნა, რომ ბავშვები ძალიან უყვარს. „ვა, ეგ ჭორი ჯერ არ გამიგია. არ მყავს, მაგრამ ბავშვები ძალიან მიყვარს!“- აღნიშნა ნუცამ.

წლების მანძილზე ახალგაზრდა მომღერლის პირადი ცხოვრების შესახებ ცნობები არ ვრცელდებოდა, მანამ, სანამ თავად არ მოისურვა სიყვარულის გაზიარება. ნუცა ბუზალაძე შეყვარებული იყო. მისი რჩეული მომღერალს დიდ დროს უთმობდა და წყვილი საჯარო სივრცეებში ხშირად ჩნდებოდა. თუმცა, როგორც ჩანს, ეს სასიყვარულო დუეტიც დაიშალა.

„იცით, რას ნიშნავს ექს-შეყვარებული? მადლობა გამოცდილებისთვის, შენი დრო ამოიწურა. ახლა გადი ჩემი ცხოვრებიდან, რათა შენზე უკეთესმა შემოაბიჯოს“, – ეს ინგლისურენოვანი ვიდეო ნუცამ ოფიციალურ გვერდზე გამოაქვეყნა. მოულოდნელი მესიჯებით აღსავსე TikTok-ის ვიდეო მხოლოდ ერთზე შეიძლება მეტყველებდეს – ნუცა ბუზალაძე სპორტსმენ შეყვარებულს დაშორდა.

58
თემები:
სელებრითების ცხოვრება
კრიზისი ტურიზმის სფეროში – დაკეტილი კაფე–რესტორნები

გახარია: ყველაფერი უნდა გავაკეთოთ ზაფხულის ტურისტული სეზონის ასამუშავებლად

32
ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა

თბილისი, 26 იანვარი - Sputnik. ყველამ ერთად, თანმიმდევრულად, ყველაფერი უნდა გავაკეთოთ იმისთვის, რომ ზაფხულის ტურისტული სეზონი დავიცვათ და ავამუშაოთ, განაცხადა საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე.

22 იანვარს უწყებათშორისმა საკოორდინაციო საბჭომ 1 თებერვლიდან ქვეყანაში მოქმედი შეზღუდვების ეტაპობრივი მოხსნის გადაწყვეტილება მიიღო. თუმცა ამ ეტაპზე ტურიზმის, მათ შორის, სამთო-სათხილამურო კურორტების გახსნა არ იგეგმება და არსებული შეზღუდვები კვლავ ძალაში რჩება.

გახარიას განცხადებით, რაც სამთო კურორტებზე ხდება, უკიდურესად სამწუხაროა, რადგან შექმნილი ვითარება საკმაოდ მძიმეა ტურისტული სექტორისთვის და იმ ადამიანებისთვის, რომლებსაც ბიზნესი აქვთ გუდაურში, ბაკურიანში, მესტიაში თუ გოდერძის კურორტზე.

„ეს ყველაფერი კეთდება იმისთვის, რომ ქვეყანას, საბოლოო ჯამში, მდგრადი, თანმიმდევრული ეკონომიკური აღდგენის რესურსი დავუტოვოთ, შევუნარჩუნოთ და ასეთი მოკლევადიანი, სწრაფი, იმპულსური გადაწყვეტილებებით რისკის ქვეშ არ დავაყენოთ ის ეკონომიკური შესაძლებლობები, რომლებიც გაგვეხსნება სწრაფი აღდგენის პირობებში ზაფხულისთვის“, – აღნიშნა მთავრობის მეთაურმა.

გიორგი გახარიას განცხადებით, დღეს ვიცე-პრემიერი მაია ცქიტიშვილი ეკონომიკის სამინისტროსთან ერთად მიიღებს დავალებას, რომ უახლოეს მომავალში სასიცოცხლოდ მნიშვნელოვანი დარგების, მათ შორის ტურიზმის წარმომადგენლებთან გამართოს შეხვედრები და ამ ეტაპზე არსებული გეგმა შეათანხმოს.

მთავრობის გეგმის მიხედვით, ზამთრის კურორტები მუშაობას 1 მარტიდან განაახლებენ. საქართველოში ზამთრის კურორტებზე ტურისტული სეზონი, ჩვეულებრივ, დეკემბრის დასაწყისში იხსნება და მარტის ბოლომდე გრძელდება. შესაბამისად, წლევანდელი სეზონი ოთხჯერ უფრო ხანმოკლე იქნება და მხოლოდ ერთი თვით შემოიფარგლება.

აღნიშნულმა გადაწყვეტილებამ ტურიზმის სფეროს წარმომადგენელთა უკმაყოფილება გამოიწვია. ისინი არ ეთანხმებიან 22 იანვრის გადაწყვეტილებას წერტილოვანი შეზღუდვების შესახებ და მთავრობას 2021 წლის ტურიზმის სწრაფი და უსაფრთხო გზებით აღდგენის საკუთარ ხედვა შესთავაზეს.

32
თემები:
კორონავირუსი საქართველოში: ბოლო ცნობები

ამერიკელების მიერ საბჭოთა საქართველოში გადაღებული პირველი რეკლამა

0
(განახლებულია 14:27 26.01.2021)
ცოტამ თუ იცის, რომ იოგურტის მწარმოებელ ამერიკულ კომპანია „დანონს“ შორეულ 1977 წელს საბჭოთა საქართველოში რეკლამა გადაუღია

საოცარია, მაგრამ სწორედ ამ სარეკლამო კამპანიას უთამაშია მნიშვნელოვანი როლი „დანონის“ გაყიდვებში და კომპანიისთვის უზარმაზარი მოგებაც მოუტანია.

უფრო მეტიც, 1996 წელს სარეკლამო რგოლი, რომელსაც აქ გთავაზობთ, მსოფლიოს 50 საუკეთესო რეკლამას შორის დაუსახელებიათ.

როგორც ჩანს, მას რაღაც განსაკუთრებული ხიბლი აქვს დასავლური სამყაროსთვის, ვინაიდან არც 2015 წელს გამორჩენიათ რეიტინგის შემდგენელებს და ამჯერადაც მოხვედრილა საუკეთესო სარეკლამო რგოლების ასეულში — 89-ე ადგილზე.

 

0