თბილისი ახალი წლის დღეებში

როგორ მოვხიბლოთ თეთრი ლითონის ხარი: 2021 წლის ტანსაცმლის სტილი და სამკაულის ფერი

724
(განახლებულია 20:09 18.12.2020)
ახალი წელი ახლოვდება. აღმოსავლური კალენდრის მიხედვით, ყოველ ახალ წელიწადს თავისი მფარველი ჰყავს – 2021 წელი თეთრი ლითონის ხარის წელიწადია.

რა ფერის სამოსითა და სამკაულით შევხვდეთ ახალ, თეთრი ხარის წელიწადს, რათა 2021 წლის მფარველის კეთილგანწყობა დავიმსახუროთ – ეს კითხვა წინასაახალწლო პერიოდში არა მარტო მოდის თაყვანისმცემლებს აინტერესებთ.

„Sputnik-საქართველო“ გთავაზობთ იმ ფერების, სამოსისა თუ შესაფერისი აქსესუარების ჩამონათვალს, რომლებიც  2021 წლის მფარველის კეთილგანწყობის მოპოვებაში დაგეხმარებათ.

როგორი ჩაცმულობით შევხვდეთ ხარის წელიწადს?

ბევრისთვის ეს საკითხი უაღრესად მნიშვნელოვანია. ასტროლოგების რჩევით, წლის მფარველის კეთილგანწყობის მოსაპოვებლად საახალწლო გარდერობის შერჩევისას საჭიროა მისი გემოვნების გათვალისწინება. 

ხარის წელიწადის შესახვედრად სამოსის ფერის შერჩევა რთული არ არის – ესაა თეთრისა და ნაცრისფერის მთელი პალიტრა. როგორც ასტროლოგები ამბობენ, ტანსაცმლის ფერი უნდა შეირჩეს იმის მიხედვით, თუ რას ელის ყველაზე მეტად ადამიანი მომავალი წლისგან.

მათ, ვინც ახალ წელს სიყვარულს ეძებს, არჩევანი ვერცხლისფერზე უნდა შეაჩერონ, ვისაც კარიერული წინსვლა აღელვებს – ნაცრისფერის ნებისმიერი ელფერი შეიძლება მოირგონ, ხოლო წარმატებისა და შემოსავლის მაძიებლებმა თეთრი ფერი უნდა აირჩიონ.

ხარს ოქროსფერისა და ყვითლის ელფერიც მოსწონს, კეთილგანწყობილია ასევე იასამნისფერი, ცისფერი, მწვანე და ლურჯი ფერების მიმართ. უადგილო არც ხარის ნატურალური ტყავის მსგავსი რძისფერი, ყავისფერი და ქვიშისფერი ტონებია.

რაც შეეხება წითელს, მასზე უარის თქმა ჯობს, რათა დამდეგი წლის მფარველი არ გაღიზიანდეს.

როგორი ტანსაცმელი ჩავიცვათ?

წლის მფარველის ხასიათის გათვალისწინება საჭიროა არა მხოლოდ ფერების, არამედ სტილის შერჩევისას – ზედმეტად მოკლე და გამომწვევი ტანსაცმელი კონსერვატიულ ხარს შეიძლება არ მოეწონოს.

2021 წლის მფარველს ოქროს შუალედი ესიამოვნება, როდესაც ელეგანტურობა და კომფორტი, მდიდრული და ამავდროულად თავშეკავებული სამოსი ჰარმონიულად ერწყმის ერთმანეთს. 

თეთრი ლითონის ხარი – პატივმოყვარე და მომთხოვნია, უყვარს ფუფუნება, მაგრამ ზედმეტი სიჭრელის გარეშე. ქალბატონებს თამამად შეუძლიათ ოქროსფერი და ვერცხლისფერი საღამოს კაბების მორგება.

ახალი წლის შესახვედრად იდეალური ვარიანტია ხარისხიანი და მდიდრული ქსოვილის შარვალ-კოსტიუმი ან კომბინეზონი. ქვედაბოლოების მოყვარულებს არჩევანის შეჩერება შეუძლიათ ფართო, ფრიალა, პლისე ქვედაბოლოებზე. ხარს თავისუფალი ატლასის ან აბრეშუმის ბლუზებიც მოეწონება.

ასიმეტრია კვლავ მოდაშია. ზურგზე ჩაჭრილი ზედატანი, ბრჭყვიალა ჩანართებით წლის მფარველს აუცილებლად მოეწონება. მეგობრებისა და ოჯახის წრეში შეგიძლიათ მოირგოთ ასევე ნაქსოვი კაბები, კიმონოს სტილის კაბები ფართო სახელოებით და სხვ.

რასაკვირველია, ყველა ეს რეკომენდაცია სუსტი სქესის წარმომადგენლებისთვისაა, მაგრამ ფორმაში ყოფნა მამაკაცებსაც უნდათ.

მათ ახალი წლის ღამეს შეუძლიათ შავი, ნაცრისფერი, მუქი ლურჯი, ღია ყავისფერი ფერების ელეგანტური კოსტიუმის მორგება. მასთან თეთრი პერანგი და შესაფერისი ჰალსტუხი სავსებით საკმარისი იქნება.

წლის მფარველი მამაკაცებს ტანსაცმლის შერჩევისას არ ზღუდავს. მეგობრებთან შეხვედრისას შეიძლება თავისუფალი სტილის ტანსაცმლის შერჩევაც, მაგალითად, ღია ფერის შარვლის ან ჯინსის ჩაცმა პიჯაკთან ერთად, ოჯახურ წრეში კი მოდუნებაც შესაძლებელია – გამოდგება ნაქსოვი ჯემპრი და შესაფერისი ფერის შარვალი.

მთავარია, ტანსაცმელი მოსახერხებელი და კომფორტული იყოს.

სამკაული და აქსესუარები

სწორად შერჩეული სამკაულებისა და აქსესუარების გარეშე ახალი წლის სამოსი არასრული იქნება, თუმცა, არ უნდა დაივიწყოთ ზომიერება. 

საღამოს გარდერობისთვის დასრულებული სახის მისაცემად გამოდგება ღია ფეხსაცმელი ლითონის დეკორით. ბრჭყვიალა ტანსაცმელს გლუვი ფაქტურის ფეხსაცმელს უხამებენ. ხავერდის ჩანთა და ფეხსაცმელი პრიალა ქსოვილისგან შეკერილ ტანსაცმელს დაამშვენებს.

ნატურალური ქვის აქსესუარები მოუხდება მშვიდი ფერების ტანსაცმელს, მომცრო „კლაჩი“ გრძელ ჯაჭვზე – უზადო არჩევანია სადღესასწაულო საღამოსთვის. რბილი ჩანთა იდეალურად ეხამება საღამოს კაბას.

საიუველირო ნაკეთობები – ახალი წლის გარდერობის მნიშვნელოვანი დეტალია. თეთრ ლითონის ხარს აუცილებლად მოეწონება მსხვილი ქვებისა და მასიური ჯაჭვებისგან დამზადებული ნაკეთობები.

მამაკაცებს სამკაულის სახით შეუძლიათ საკინძეების, საათის გაკეთება.

მასალა მომზადებულია ღია წყაროების საფუძველზე

 

724
მსვლელობა რუსთაველზე

თბილისის ცენტრში კომენდანტის საათის წინააღმდეგ მსვლელობა გაიმართა

106
(განახლებულია 23:18 24.01.2021)
აქციის მონაწილეები მმართველი პარტიის ოფისთან მიტინგის შემდეგ შსს-ს შენობისკენ გაემართნენ, სადაც ბათუმში დაკავებული აქტივისტის გათავისუფლება მოითხოვეს

თბილისი, 24 იანვარი – Sputnik. კომენდანტის საათის დაწყებამდე რამდენიმე წუთით ადრე თბილისში პარლამენტის შენობიდან რამდენიმე ათეულმა ადამიანმა საპროტესტო მსვლელობით გაიარა.

აქციის მონაწილეები ხელისუფლებისგან მოითხოვენ კომენდანტის საათის გაუქმებას, რომლის 1 მარტამდე გახანგრძლივება საკოორდინაციო საბჭომ გადაწყვიტა. გარდა ამისა, მსვლელობის მონაწილეები ორგანიზაცია „ალტერნატივას“ ბათუმში დაკავებული აქტივისტის, ირაკლი ფანგანის გათავისუფლებას მოითხოვენ.

ფანგანმა ბულვარზე 16-სართულიანი შენობის მშენებლობის წინააღმდეგ გამართულ აქციაზე აჭარის უმაღლესი საბჭოს დეპუტატ ირაკლი ჩავლეიშვილს თავზე ნაგვის ურნიდან ნარჩენები დააყარა.

მსვლელობის მონაწილეები ორთაჭალაში მდებარე მმართველი პარტია „ქართული ოცნების“ ოფისისკენ გაემართნენ, სადაც მიტინგი გამართეს. მათ ასევე რამდენჯერმე საქართველოს ჰიმნი შეასრულეს. შემდეგ მომიტინგეები გაემართნენ შსს-ს შენობისკენ, რათა ფანგანის გათავისუფლება მოეთხოვათ.

აქციამ ინციდენტების გარეშე ჩაიარა, მისი მონაწილეები არ დაუკავებიათ და არ დაუჯარიმებიათ.

დღის განმავლობაში თბილისში ერთბაშად ორი აქცია გაიმართა. მთავრობის კანცელარიასთან რამდენიმე ასეული ადამიანი ყველა მოქმედი შეზღუდვის გაუქმების მოთხოვნით შეიკრიბა. მეორე აქცია მზიურის პარკში მშობლებმა გამართეს. მათ მთავრობას მოსთხოვეს, უკვე 1 თებერვლიდან განახლდეს სასწავლო პროცესი თბილისის, ქუთაისისა და რუსთავის სკოლებში და თანაც უშუალოდ საკლასო ოთახებში.

მთავრობას გადაწყვეტილების მისაღებად 48 საათი მისცეს. წინააღმდეგ შემთხვევაში აქტივისტები, სამოქალაქო სექტორის წარმომადგენლები, არასამთავრობო ორგანიზაციები და ოპოზიციური პარტიები პერმანენტულ საპროტესტო აქციებს აანონსებენ, ყველაზე მასშტაბური კი 26 იანვრისთვისაა დაგეგმილი.

106

ოპოზიციის აქტივისტებმა კომენდანტის საათის დროს თბილისში აქცია გამართეს

36
სამოქალაქო აქტივისტებისა და ოპოზიციის მომხრეების ჯგუფმა კვირას საღამოს თბილისის ცენტრში კომენდანტის საათის დროს საპროტესტო აქცია გამარტეს. დაწვრილებით - Sputnik-საქართველოს ვიდეოში იხილავთ

აქციაში რამდენიმე ათეული ადამიანი მონაწილეობდა. მათ პლაკატებით ჩაიარეს რუსთაველის გამზირი მას შემდეგ, რაც ქალაქში საკომენდანტო საათი ამოქმედდა. აქციამ ინციდენტების გარეშე ჩაიარა, მისი მონაწილეები არ დაუკავებიათ და არ დაუჯარიმებიათ.

საღამოს აქციის მონაწილეები საკომენდანტო საათის გაუქმებას მოითხოვდნენ და საქართველოს ახალი მოწვევის პარლამენტისადმი უნდობლობას გამოხატავდნენ.

36
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 25 იანვარი

0
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 25 იანვარია, ორშაბათი. მზარდი მთვარე ტყუპის ნიშანშია. ამ დღეს პლანეტა მთვარე მფარველობს.

დღეს ადამიანების უმრავლესობას ისეთი განწყობა შეექმნება, რომ სულ უბრალო ცხოვრებისეული მოვლენებისგან უსაზღვრო სიხარულს მიიღებს და პოზიტიური ენერგიით დაიმუხტება. გასეირნება ბუნებაში, სუფთა ჰაერზე, ფინჯანი ყავა ან ჩაი მეგობრებთან ერთად, გემრიელი საჭმელი – ეს ყოველივე იმდენ პოზიტიურ ემოციას მოგიტანთ, რამდენსაც რომელიმე ეგზოტიკურ ქვეყანაში მოგზაურობა მოგანიჭებდათ. ამ დღეს არ ღირს სერიოზულ გეგმებზე ფიქრი, რადგან დიდია ალბათობა, სასურველი რეალობად აღიქვათ. სამაგიეროდ, იდეალური დღეა რომანტიკისა და სიყვარულისთვის.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: განწყობის ნატამალიც კი არ გაქვთ იმისა, რომ რამე გააანალიზოთ ან დეტალებს ჩაუღმავდეთ. მზად ხართ, გადაწყვეტილებები დაუფიქრებლად მიღოთ და გულისძახილს მიჰყვეთ. თუმცა, ვარსკვლავები გაფრთხილებენ, რომ ინტუიციაზე დაყრდნობა დღეს არ ივარგებს. წინათგრძნობა მცდარი აღმოჩნდება და მათზე დაფიძნებული გადაწყვეტილება – არასწორი. შესაძლო გართულებებისა და უსიამოვნებების თავიდან ასაცილებლად, სჯობს, გადაწყვეტილებები ცხელ გულზე არ მიიღოთ.

კურო: დღეს ძალიან უნდა იფრთხილოთ, განსაკუთრებით სარისკო და ავანტიურულ პროექტებთან დაკავშირებით. იღბალზე მინდობა არ შეიძლება, არის დამანგრეველი კრახის საფრთხე. ასე რომ, თუ ფიქრობთ, რომ იღბალი თვითონ ჩაგივარდათ ხელში, იცოდეთ, რომ ეს მხოლოდ მოჩვენებითია და არავითარ შემთხვევაში არ უნდა გარისკოთ. გონივრული იქნება დროის მოგება და პროექტის სამომავლოდ გადადება: მალე სიტუაცია ცხადი გახდება და მიხვდებით, როგორ უნდა იმოქმედოთ.

ტყუპი: ისეთი ენთუზიაზმით ხართ სავსე, რომ უკუშედეგი შეიძლება მიიღოთ. იმის ნაცვლად, რომ წინ წახვიდეთ, გულმოდგინე „სწრაფვით, მგნებარებითა და გარღვევებით“ გარშემომყოფები შეიძლება გააღიზიანოთ და ეს ყველა წამოწყებას დაამუხრუჭებს. მსგავსი რამ რომ არ მოხდეს, სჯობს, დაზოგოთ ძალები და აქცენტი ახლობელ ადამიანებთან ურთიერთობებზე გადაიტანოთ. ხოლო თუ ვითარება თქვენს აქტიურობას მოითხოვს, ეცადეთ, ზედმეტი ენთუზიაზმი და გატაცება არ გამოავლინოთ.

კირჩხიბი: დღეს ასტროლოგები მოდუნებასა და კარგად დასვენებას გირჩევენ. ეს აუცილებელია, რათა აღიდგინოთ ენერგია და სასიცოცხლო ძალები. ერთი კია – ირგვლივ მყოფების გაგების იმედი არ უნდა გქონდეთ, ამიტომ აჯობს, მოქმედების იმიტაციაზე იფიქროთ ისე, რომ არ დააზარალოთ არც საკუთარი თავი და არც სხვები. შესაძლოა, საკუთარი მოვალეობების ნაწილი სხვებს გადააბაროთ, ზოგიერთი სამომავლოდ გადადოთ. მთავარია, ამან არ დაგამძიმოთ – სულ მალე ამ საქმეებს ახალი შემართებითა და ძალებით შეუდგებით.

ლომი: დღეს კარგი „შეჯანჯღარება“ გჭირდებათ. ისეთი შთაბეჭდილება რჩება, თითქოს ყველაფერი სულერთია. სინამდვილეში კი თქვენი ემოციები რუტინამ ჩაახშო და თუ ყოველდღიურ ყოფაში მრავალფეროვნების შეტანას შეძლებთ, ჩამქრალ ენთიაზიაზმს გააცოცხლებთ. დაფიქრიდით, იქნებ ღირს, დროებით გადადოთ საქმეები და ქალაქგარეთ გახვიდეთ დასასვენებლად. ან პირიქით – ახალ პერსპექტიულ პროექტს შეეჭიდოთ, თუნდაც ეს პერსპექტივა ბოლომდე გამოკვეთილი არ იყოს. თქვენი გადასაწყვეტია, ვარსკვლავების აზრით კი დღეს ცოტაოდენი ავანტიურა არ გაწყენდათ.

ქალწული: დღეს ნებისმიერი რამ, რისი მამოძრავებელი ძალაც თქვენ ხართ, შეიძლება ჩავარდეს. და თუმცა ეს ჩავარდნები წვრილმანებს შეეხება, თქვენს ყურადღებას მთლიანად დაიპყრობს და აზროვნების კონცენტრირებაში შეგიშლით ხელს. შედეგად გაგიჭირდებათ კარგი შედეგებით თავის წარმოჩენა. სხვათა შორის, გარშემომყოფები და ხელმძღვანელობაც კი თქვენგან რამე სახის გმირობას არც ელოდება შექმნილი საერთო პრობლემების ფონზე.

სასწორი: ექსპერტები კატეგორიულად არ გიორჩევენ მარტო მოქმედებას. ეს ისეთი დღეა, როდესაც დამოუკიდებლად ვერაფერს გადაწყვეტთ და თუ მაინც ცდით, შეიძლება სავალალო შედეგები მიიღოთ. ასე რომ, თუ დღეს რამე მნიშვნელოვანი საკითხი გაქვთ მოსაგვარებელი, მოგიწევთ მისი გარჩევა ირგვლივ მყოფებთან, მათი რჩევების მოსმენა, კომპრომისის მოძებნა. მაგრამ შედეგი დახარჯული ძალისხმევის კომპენსირებას მოახდენს. ეს რთული გზა ბევრად ეფექტური აღმოჩნდება.

მორიელი: დღეს ავანტიურაში ჩაბმა კარგ არაფერს მოგიტანთ არც სამუშაო და არც პირად ცხოვრებაში. ყველგან, სადაც ოდნავ მაინც გაქვთ იღბლის იმედი, ჩავარდნა გელოდებათ. იღბალი დღეს თქვენთვის „ისვენებს“. უსიამოვნებები რომ აირიდოთ თავიდან, ამისთვის საკმარისი იქნება, რომ არ გარისკოთ და ყველაფერში ნაცადი, კონსერვატიული კურსი შეინარჩუნოთ. შეგიძლიათ მიმდინარე საქმეებს მიხედოთ – არე თუ გვიან, ისიც თქვენი გასაკეთებელია.

მშვილდოსანი: დღეს მხოლოდ საკუთარი თავის იმედი არ უნდა გქონდეთ – ზედმეტმა თავდაჯერებულობამ შეცდომებამდე შეიძლება მიგიყვანოთ. არ არის გამორიცხული, რომ ცხვირწინ ვერ დაინახოთ და შეამჩნიოთ რამე, ან ელემენტარული რამ შეგეშალოთ. სამაგიეროდ, შესანიშნავად შეძლებთ მუშაობას მეწყვილესთან ერთად – მისი კონტროლი შეცდომებისგან დაგიცავთ და უფრო ყურადღებიანი გახდებით.

თხის რქა: დღეს კარგი იქნება, თუ სხვების მონაწილეობით დიდ პროექტებს არ შეეჭიდებით – ნაკლებად სავარაუდოა, რომ გამოგივიდეთ. იგივე ეხება ნებისმიერ ერთობლივ წამოწყებას. ერთადერთი ადამიანი, რომლის იმედიც უნდა გქონდეთ, ეს თვითონ თქვენ ხართ. ეს ნიშნავს, რომ ყურადღება იმ პროექტებზე უნდა გადაიტანოთ, სადაცთქვენ ხართ პირადად პასუხისმგებელი და სადაც ვერავინ შეგიშლით ხელს.

მერწყული: დღეს შესანიშნავი დროა იმისთვის, რომ მოაწყოთ პროექტის ან საკუთარი თავის პრეზენტაცია – გარშემომყოფები ამას ძალზე პოზიტიურად შეხვდებიან. გაქვთ განწყობა, რომ ემოციების ენაზე ისაუბროთ და ეს სწორედ ის ენაა, რომელსაც ყველა „ფრიადზე“ გაიგებს. სხვაგვარად რომ ვთქვათ, დღეს არაა აუცილებელი, მსმენელი ციფრებითა და ფაქტებით დაამძიმოთ. საკმარისია კაშკაშა, გადამდები ემოციები და ადამიანები სიამოვნებით გამოგყვებიან უკან.

თევზები: უნდა მოემზადოთ იმისთვის, რომ შესაძლოა ყველაფერი ისეთი არ აღმოჩნდეს, როგორც ერთი შეხედვით ჩანს. ამასთან სიურპრიზები შეიძლება იყოს როგორც სასიამოვნო, ისე უსიამოვნოც. მაგალითად, არაა გამორიცხული სირთულეები ისეთ საქმეებში, რომლებიც უკვე დიდი ხანია, გადაწყვეტილი გგონიათ. მოკლედ რტომ ვთქვათ, მთელი დღის განმავლობაში მოვლენების პულსზე უნდა გეჭიროთ ხელი და მზად იყოთ საქმეებში მოულოდნელობებისთვის.

0