ჰანს კლუგე

ჯანმოს რეგიონული დირექტორი ქართველ ექიმებს გმირებს უწოდებს

145
(განახლებულია 19:44 18.12.2020)
ხუთდღიანი ვიზიტის ფარგლებში პირველი შეხვედრა ჰანს კლუგემ საქართველოს ჯანდაცვის მინისტრის მოვალეობის შემსრულებელთან ეკატერინე ტიკარაძესთან გამართა.

თბილისი, 18 დეკემბერ – Sputnik. ქართველ ხალხს შეუძლია იამაყოს თავისი ექიმებით, განაცხადა თბილისში ვიზიტად მყოფმა ჯანდაცვის მსოფლიო ორგანიზაციის რეგიონულმა დირექტორმა ჰანს კლუგემ ჯანდაცვის მინისტრის მოვალეობის შემსრულებელთან ეკატერინე ტიკარაძესთან შეხვედრის დასრულების შემდეგ. 

მისი განცხადებით, საქართველოში, ისევე, როგორც სხვა ქვეყნებში, პანდემიასთან ბრძოლაში ძირითადი აქცენტი პირველად ჯანდაცვაზე კეთდება და იქ, სადაც ამ პრინციპს ეყრდნობიან, უკეთესად უმკლავდებიან კორონავირუსსა და სხვა გამოწვევებს.

„ძალიან მოხარული ვარ, რომ საქართველოში პირველადი ჯანდაცვის განვითარებისა და ხელშეწყობის გეგმა არსებობს, დიდი ყურადღება ეთმობა სამედიცინო პერსონალს. ეს ძალიან მახარებს, რადგანაც არ არსებობს ჯანდაცვის სისტემა ჯანდაცვის მუშაკების გარეშე. მინდა ქართველ ხალხს მივულოცო ის წარმატება, რომელსაც თქვენმა ექიმებმა მიაღწიეს. ისინი ნამდვილი გმირები არიან“, – განაცხადა ჰანს კლუგემ.

მისი განმარტებით, ეს საქართველოში მისი პირველი ვიზიტია ჯანდაცვის მსოფლიო ორგანიზაციის რეგიონული დირექტორის რანგში და ამ ვიზიტს სამი მიზანი აქვს: პირველი – საქართველოში კორონავირუსთან ბრძოლის გაცნობა, მეორე – ჯანდაცვის სისტემის შემდგომი რეფორმის საკითხზე ერთობლივ მუშაობაზე შეთანხმება და მესამე მიზანი – საქართველოში ჯანმოს ოფისის მუშაობის გააქტიურება.

კლუგეს თქმით, საქართველოში ინფექციასთან ბრძოლაში ჩართულია ყველა – ჯანდაცვის სისტემა, მთავრობა, მეცნიერები და საზოგადოება. მან კმაყოფილებით აღნიშნა ქვეყანაში ისეთი სტრუქტურების შექმნა და მუშაობა, როგორიცაა ონლაინ–კლინიკა, ცხელების ცენტრები, კოვიდ–სასტუმროები. კლუგეს თქმით, მრავალ ქვეყანაში პრობლემა მდგომარეობს იმაში, რომ პანდემიასთან ბრძოლაში მხოლოდ კლინიკები არიან ჩართული და მნიშვნელობას არ ანიჭებენ კოვიდ–სასტუმროებს. 

„გვირაბის ბოლოს სინათლე ჩანს, რამდენადაც, თქვენ იცით, რომ ვაქცინა უკვე არსებობს, თუმცა საბოლოო შედეგამდე დიდი დროა. და ამ გარდამავალ პერიოდში ძალზე მნიშვნელოვანია დადგენილი სტანდარტებისა და წესების შესაბამისობა და მათი დაცვა როგორც ევროპისთვის, ისე საქართველოსთვის“, – განაცხადა კლუგემ.

ეკატერინე ტიკარაძემ, თავის მხრივ, ჯანდაცვის მსოფლიო ორგანიზაციის ევროპის რეგიონული დირექტორის ჰანს კლუგეს ვიზიტის მნიშვნელობას გაუსვა ხაზი პანდემიის მართვის სტრატეგიისა და ჯანდაცვის სისტემის დაგეგმილი რეფორმის შეფასების თვალსაზრისით. 

„ჩვენ დღეს გვქონდა საკმაოდ ხანგრძლივი შეხვედრა, სადაც დეტალურად ვისაუბრეთ საქართველოში პანდემიასთან ბრძოლის მეთოდებზე. სტუმრებს საშუალება ჰქონდათ დაეთვალიერებინათ ჯანდაცვის სამინისტროში დაარსებული ახალი ონლაინ–კლინიკა, რომელიც ჩართულია პანდემიასთან ბრძოლაში, გაცნობოდნენ ჰოსპიტალური სექტორის მუშაობას. ვიზიტი ხუთ დღეს გაგრძელდება. ეს ვიზიტი მნიშვნელოვანია ვაქცინაციის კომპონენტის გაძლიერებისა და კომუნიკაციის დაგეგმვის კუთხით“, – განაცხადა ტიკარაძემ.

ხუთდღიანი ვიზიტის ფარგლებში ჯანმოს დელეგაცია კოვიდ–სასტუმროებს, კოვიდ–კლინიკებს „112“-ის სამსახურს მოინახულებს და შეხვედრებს გამართავს მთავრობის წარმომადგენლებთან და ეპიდემიოლოგებთან.

დელეგაციის შემადგენლობაში არიან ჯანმოს ჯანდაცვის პროგრამების ხელმძღვანელი ნინო ბერძული, ჯანმოს გადაუდებელი რეაგირებისა და დახმარების განყოფილების პროექტის მართვის ოფიცერი ნატალია დიმოვა-ჩერტოიანოვა და ორგანიზაციის საქართველოს ოფისის ხელმძღვანელი სილვიუ დომენტე.

145
თემები:
COVID-19 საქართველოში (2862)
სალომე ზურაბიშვილი

ილია მეორემ საქართველოს პრეზიდენტს ნინოობა მიულოცა

21
(განახლებულია 14:07 27.01.2021)
წმინდა ნინოს ხსენების დღესთან დაკავშირებით საქართველოს ყველა მოქმედ ტაძარში სადღესასწაულო წირვა აღესრულება.

 

თბილისი, 27 იანვარი – Sputnik. სრულიად საქართველოს კათოლიკოს-პატრიარქმა, უწმინდესმა და უნეტარესმა  ილია მეორემ საქართველოს პრეზიდენტ სალომე ზურაბიშვილს ნინოობა მიულოცა.

საქართველოს მართლმადიდებლური ეკლესია 27 იანვარს მოციქულთა სწორი ქალწულის, წმინდა ნინოს ხსენების დღეს – ნინოობას აღნიშნავს. ნინოობის დღესასწაულთან დაკავშირებით, პატრიარქმა სიონის ღვთისმშობლის მიძინების სახელობის საკათედრო ტაძარში სადღესასწაულო წირვა აღავლინა. 

 „ყველას გილოცავთ ამ დიდებულ დღესასწაულს. განსაკუთრებით მივულოცავ მათ, ვინც ამ სახელს ატარებს. თქვენ იცით, რომ ჩვენი პრეზიდენტი, რომელსაც ჩვენ ვეძახით სალომეს, მატარებელია სხვა სახელის – ნინოსი. ვულოცავთ ჩვენს პრეზიდენტს ნინოობას, ღმერთმა ძალა მისცეს მას და საქართველოს“, - განაცხადა ილია მეორემ.

საქართველოში ნინოობა წელიწადში ორჯერ აღინიშნება – 1 ივნისს, წმინდანის საქართველოში შემოსვლის დღეს და 27 იანვარს, მისი გარდაცვალების დღეს. წმინდანი სიღნაღში, ბოდბის მონასტერშია დაკრძალული და დღემდე მის საფლავთან უამრავი მორწმუნე მიდის, დღემდე აღესრულება წმინდანის საფლავთან უამრავი სასწაული.

ნინოს ვაზის ჯვარი, რომელიც წმინდანს ღვთისმშობელმა გადასცა, დღემდე საქართველოშია და სიონის საპატრიარქო ტაძარშია დასვენებული.

21
კახა კალაძე

კალაძე: კორუფციაში ჩართვას არავის  „გავუტარებთ"

31
(განახლებულია 14:47 27.01.2021)
თბილისის საქალაქო სასამართლომ ჩუღურეთის რაიონის გამგებლის მოადგილე ლადო გოგსაძეს აღკვეთის ღონისძიების სახედ პატიმრობა შეუფარდა

თბილისი, 27 იანვარი – Sputnik. ჩვენთვის კატეგორიულად მიუღებელია კორუფციაში ჩართულობა და ყველას, ვინც სამსახურებრივი მოვალეობის შესრულების დროს რამე სახის გადაცდომას ეცდება, პასუხის კანონის მთელი სიმკაცრით მოეთხოვება, ასე გამოეხმაურა დედაქალაქის მერი კახა კალაძე ჩუღურეთის რაიონის გამგებლის მოადგილის დაკავების ფაქტს.

 „უდანაშაულობის პრეზუმპციას ვერ დავარღვევ. დაველოდოთ გამოძიებას. თუმცა, კიდევ ერთხელ მინდა ყველა გავაფრთხილო, რომ სამსახურებში მაქსიმალური ყურადღება გამოიჩინონ თანამშრომლებთან. მსგავს მიდგომას არავის  არ „გავუტარებთ“, – განაცხადა კალაძემ.

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა სამსახურებრივი უფლებამოსილების გადამეტების ბრალდებით ჩუღურეთის რაიონის გამგებლის მოადგილე  ლადო გოგსაძე მოსამართლის განჩინების საფუძველზე  25 იანვარს დააკავეს. 

გამოძიების მიხედვით, ჩუღურეთის რაიონის ერთ-ერთ ქუჩაზე მდებარე საცხოვრებელი სახლის გამაგრების სამუშაოების ჩასატარებლად გასული წლის აპრილში 126 ათასლარიანი ტენდერი გამოცხადდა, რომელშიც მონაწილეობის სურვილიც ორმა კომპანიამ გამოთქვა. გამგებლის მოადგილემ, როგორც სატენდერო კომისიის პასუხისმგებელმა პირმა, დაიბარა ტენდერში მონაწილე ერთ-ერთი კომპანიის წარმომადგენელი და მოსთხოვა საბუთები უკან გაეტანა, რადგან ტენდერი მისთვის სასურველ კომპანიას უნდა მოეგო, წინააღმდეგ შემთხვევაში პრობლემების შექმნით დაემუქრა. სამომავლოდ კი სხვა ტენდერების პირობების მასზე მორგება შესთავაზა.

გამოძიებამ დაადგინა, რომ კომპანიამ მაინც მიიღო მონაწილეობა ტენდერში და მოიგო ის, რადგან ყველაზე დაბალი ფასი შესთავაზა. ამ ფაქტით უკმაყოფილო ჩინოვნიკმა კომპანიისთვის პრობლემების შექმნა დაიწყო და მის მიერ შესრულებული სამუშაოების დროულად ჩაბარებაში ხელს უშლიდა. საქმე იქამდე მივიდა, რომ საბოლოოდ კომპანიას პრობლემები შეექმნა და მასთან კონტრაქტი გაწყვიტეს, ხოლო კორპუსის მცხოვრებლები ავარიულ შენობაში ცხოვრებას აგრძელებდნენ.

31
თემები:
თბილისის მერია
ექიმი და პაციენტი

თუ ნერვული ტიკი გაქვთ: ექიმები „დამნაშავე“ ვიტამინს ასახელებენ

0
ექიმების თქმით, თუ ნერვული ტიკი დაგეწყოთ და ეს მდგომარეობა ორ კვირაზე მეტ ხანს გაგრძელდა, დაუშვებელია მისი გადაღლილობისა და სტრესისთვის მიწერა

თბილისი, 27 იანვარი — Sputnik. ვიტამინ B12-ის ნაკლებობა ჯანმრთელობას სერიოზულ პრობლემებს უქმნის, ამიტომ მისი პრევენცია გადაუდებლად აუცილებელია, აცხადებენ ექიმები.

სპეციალისტებმა ჩამოთვალეს ამ ორგანული ნაერთის დეფიციტის შედეგები და რეკომენდაციებისც გასცეს, თუ როგორ უნდა მოხდეს მათი პრევენცია.

ექსპერტების თქმით, B12-ის ნაკლებობის გამო შეიძლება ნერვული ტიკი განვითარდეს. თუ ეს მდგომარეობა ორ კვირაზე მეტ ხანს გაგრძელდა, მისი გადაღლილობისა და სტრესისთვის მიწერა დაუშვებელია.

ამასთან აღნიშნული ვიტამინის ნაკლებობა იწვევს ანემიასაც. 

ორგანიზმში ვიტამინ B12–ის დეფიციტი აისახება არა მარტო კანის ფერზე — რომელიც მქრქალი ყვითელი ხდება, არამედ სხვა ორგანოებზეც: ენა წითლდება და წყლულებით იფარება, კიდურებში ჩნდება ჩხვლეტის შეგრძნება, მხედველობა კი უარესდება. ამ ყველაფერს ემატება ადვილად გაღიზიანებადობაც.

ასკორბინოთერაპია კიბოს წინააღმდეგ: აღმოჩენილია C  ვიტამინის ახალი თვისებები>>

ასეთ შემთხვევაში ექიმები სისხლის ანალიზის ჩატარებას გვირჩევენ. თუ აღმოჩნდება, რომ ორგანიზმში ვიტამინი B12 ცოტაა, მაშინ მარაგის შესავსებად უნდა მიირთვათ ისეთი პროდუქტები, როგორებიცაა: ცხიმიანი თევზი, სოკო, კვერცხი და რძე. ასევე საჭიროა სუფთა ჰაერზე მეტი სიარული და სპორტით დაკავება.

0
თემები:
ექიმი გირჩევთ