თბილისი, 18 დეკემბერი – Sputnik. კორონავირუსით ბორჯომის წმინდა გიორგის სახელობის ტაძრის წინამძღვარი, დეკანოზი ზურაბ პაპიძე გარდაიცვალა, იუწყება Rustavi 2.
გავრცელებული ინფორმაციით, სასულიერი პირი თბილისში, ერთ-ერთ სამედიცინო დაწესებულებაში ბოლო 12 დღის განმავლობაში მკურნალობდა. ექიმების განცხადებით, პაციენტს სხვადასხვა თანმხლები დაავადებები აღენიშნეობოდა.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 2.981-ით გაიზარდა და ინფიცირებულთა საერთო რიცხვმა 201.368-ს მიაღწია.
ბოლო 24 საათის განმავლობში გარდაიცვალა 49 ადამიანი და გარდაცვლილთა საერთო რაოდენობამ 2.002-ს მიაღწია.
საქართველოში კორონავირუსის პირველი შემთხვევა 26 თებერვალს დაფიქსირდა.
