თბილისი, 17 დეკემბერი – Sputnik. სენაკში 40 პაციენტზე გათვლილი ახალი კოვიდ–კლინიკა გაიხსნა, იუწყება „Sputnik–საქართველოს" კორესპონდენტი სამეგრელო–ზემო სვანეთის სახელმწიფო რწმუნებულის მოვალეობის შემსრულებელზე მალხაზ თორიაზე დაყრდნობით.

გავრცელებული ინფორმაციით, რეგიონში ამჟამად ექვსი კოვიდ–კლინიკა ფუნქციონირებს.

„ახალი კლინიკა „ლაზიკამედი" იმ პაციენტებს მოემსახურება, ვისაც ვირუსის გართულებული ფორმა აქვს და ჰოსპიტალიზაციას საჭიროებს. ახალი კლინიკის გახსნით რეგიონში საწოლფონდის რაოდენობა 360-მდე გაიზარდა“, – განაცხადა მალხაზ თორიამ. 

© Sputnik / Viktor Kaminsky

კოვიდ-სტატისტიკა საქართველოში: სად დაფიქსირდა ინფიცირების ყველაზე მეტი შემთხვევა

რაც შეეხება სამეგრელო–ზემო სვანეთის რეგიონში არსებულ ეპიდვითარებას, ბოლო დღე-ღამეში კორონავირუსი 199 ადამიანს დაუდგინდა. საკარანტინო სივრცეში მოთავსებულია 69 ადამიანი.

რეგიონის მასშტაბით მოქმედ კოვიდ–კლინიკებში კორონავირუსით ინფიცირებული 297 პირი მკურნალობს, მათგან 94 საშუალო, ხოლო 27 მძიმე პაციენტია. 

ბოლო 24 საათში რეგიონში 295 პაციენტი გამოჯანმრთელდა და ოთხი გარდაიცვალა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 2.635-ით გაიზარდა და ინფიცირებულთა საერთო რიცხვმა 204.003-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

თბილისი, 25 იანვარი — Sputnik. კომპანია Alphabet–მა, რომელიც Google–ს ეკუთვნის,  შეწყვიტა პროექტი Project Loon–ი, რომლის მიზანიც სტრატოსფერული ბურთების მეშვეობით ინტერნეტზე უსადენი წვდომის ქსელის შექმნა იყო, ნათქვამია პროექტის ოფიციალურ საიტზე.

Loon–ის გენერალური დირექტორი ალასტერ ვესტგარტი ამ გადაწყვეტილებას იმით ხსნის, რომ კომპანიამ ვერ შეძლო საკმარისი რაოდენობით პარტნიორებისა და ინვესტორების მოძიება. გარდა ამისა, აღმოჩნდა, რომ პროექტი მნიშვნელოვნად ვერ ამცირებდა ხარჯებს.

„რადიკალურად ახალი ტექნოლოგიების შექმნა მეტად სარისკოა თავისი არსით“, — განაცხადა ვესტგარტმა.

აღსანიშნავია, რომ Project Loon–ი გასულ წელს წარმატებით გამოიცადა, რა დროსაც კენიაში 35 აეროსტატი გაუშვეს. თითოეული ბურთი დაახლოებით 80 კვადრატულ კილომეტრს ფარავდა.