თენგიზ ცერცვაძე

ინფექცია თბილისის ზრდასრული მოსახლეობის 9%-მა გადაიტანა

151
(განახლებულია 17:13 18.12.2020)
თენგიზ ცერცვაძის განცხადებით, პრეპარატ „რემდესივირის“ გამოყენება ინფექციის გამოვლენიდან 10 დღის მანძილზეა ეფექტური.

თბილისი, 18 დეკემბერი – Sputnik. სპეციალისტებმა თბილისის მოსახლეობის კვლევა ჩაატარეს შემთხვევითი შერჩევის პრინციპით, რომელმაც აჩვენა, რომ დედაქალაქის ზრდასრული მოსახლეობის 9,1%-ს კოვიდ-ინფექცია გადატანილი აქვს, განაცხადა თბილისის ინფექციური საავადმყოფოს დირექტორმა თენგიზ ცერცვაძემ „პირველი არხის“ ეთერში.

COVID-19 საქართველოში: რამდენი შემთხვევა გამოვლინდა ბოლო დღე-ღამეში>>>

მისი განცხადებით, ათასზე მეტი ადამიანის გამოკვლევა მოხდა და აღმოჩნდა, რომ 9%-ზე მეტს იმუნიტეტი აღმოაჩნდა.

„ჩვენ რამდენიმე დღის წინ მხოლოდ თბილისში ჩავატარეთ კვლევა, დედაქალაქში პრევალენტობის მაჩვენებელი 9,1%-ია. გაზაფხულზე ჩვენ გვქონდა ასეთი კვლევა და მაშინ მაჩვენებელი 0,9% იყო“, – განაცხადა ცერცვაძემ.

მაგალითად, ანალოგიური კვლევის თანახმად, აღნიშნულმა მაჩვენებელმა ნიუ-იორკში 25%-ს, ჟენევაში კი 14%-ს მიაღწია, დასძინა ცერცვაძემ.

„ვიტყოდი, რომ მოსახლეობის 10%-ის ინფიცირება საშუალო ევროპული პროცენტია“, – განაცხადა ცერცვაძემ.

ინფექციონისტი საქართველოში ჰოსპიტალიზაციის კრიტერიუმების საკითხსაც შეეხო, რომელიც, მისი თქმით, ძალზე რთულია, რადგან კორონავირუსი არაპროგნოზირებადი დაავადებაა. მისი თქმით, სპეციალისტებს ხშირად აკრიტიკებენ იმის გამო, რომ ჰოსპიტალიზაციის კრიტერიუმები სუსტად არის გაწერილი. 

„მინდა ვთქვა, რომ კრიტერიუმები არ მუშაობს, მაგრამ ეს არ ნიშნავს, რომ ჩვენ იგი არ უნდა შევქმნათ. ჩვენ ამაზე მუშაობა უკვე დავასრულეთ და რამდენიმე დღის შემდეგ იგი აიტვირთება. გამორიცხული არაა, რომ იქნება შენიშვნები. დამიჯერეთ, ჰოსპიტალიზაციის კრიტერიუმების დადგენა ძალზე რთულია, რამდენადაც დიდია იმის ალბათობა, რომ ზოგ შემთხვევაში ჩვენ უფრო მეტ ზიანს მივიღებთ, ვიდრე სარგებელს“, – აღნიშნა ცერცვაძემ.

რაც შეეხება პაციენტების პრეპარატ „რემდესივირით“ მკურნალობას, რომელიც საქართველოში უკვე ხელმისაწვდომია, ცერცვაძემ აღნიშა, რომ მას იმ პაციენტების შემთხვევაში გამოიყენებენ, რომლებიც ჟანგბადდამოკიდებული არიან.

ცერცვაძის განმარტებით, საქართველოში აღნიშნული პრეპარატის საცდელი პარტია – 4 ათასი დოზა შემოიტანეს. იმ შემთხვევაში, თუ მკურნალობის პერიოდში მედიკამენტს დადებითი ეფექტი ექნება, ქვეყანაში საჭირო რაოდენობას შემოიტანენ.

ჯანდაცვის მსოფლიო ორგანიზაციის კვლევის თანახმად, აღნიშნულ პრეპარატს ინფიცირებულთა მკურნალობისას საჭირო ეფექტი არ ჰქონდა და ორგანიზაცია მის გამოყენებაზე რეკომენდაციას არ იძლევა. ერთი მხრივ, ეს იყო „რემდესივირის“ გამოყენების წინააღმდეგ სერიოზული პირობა, თუმცა მსოფლიოში ბევრი სერიოზული ინსტიტუტი და სპეციალისტია, რომლებიც აღნიშნულ პრეპარატს COVID-19-ის წინააღმდეგ რეკომენდაციას აძლევს, დასძინა ცერცვაძემ.

„ჩვენ ვესაუბრეთ როი გულიკს, რომელიც ამერიკის ჯანმრთელობის ნაციონალური ინსტიტუტის წამყვან გაიდლაინს ადგენს და მან დაგვიდასტურა, რომ „რემდესივირი“ საჭირო და ეფექტურია“, – განაცხადა ცერცვაძემ. 

მიუხედავად „რემდესივირთან“ დაკავშირებით აზრთა სხვადასხვაობისა, საქართველოში მისი გამოყენების გადაწყვეტილება მიიღეს. ექიმებმა და პაციენტებმა თავად გადაწყვიტონ, გამოიყენებენ მას თუ არა, დასძინა ცერცვაძემ.

პრეპარატის ეფექტურობა ინფექციის გამოვლენის შემდეგ ათი დღის განმავლობაში გრძელდება, თუმცა იგი ყველა პაციენტს არ სჭირდება, განაცხადა ქვეყნის მთავარმა ინფექციონისტმა.

„რემდესივირი“ არის ანტივირუსული მედიკამენტი, სხვა მექანიზმი არ გვაქვს, და ის დროზე უნდა მივცეთ პაციენტს, რომ ვირუსი არ გამრავლდეს, თორემ მეათე დღის შემდეგ ვირუსის გამრავლება ისედაც წყდება ორგანიზმში“, – განაცხადა თენგიზ ცერცვაძემ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 2.635-ით გაიზარდა და ინფიცირებულთა საერთო რიცხვმა 204.003-ს მიაღწია. ვირუსი 170 ათასზე მეტმა ადამიანმა დაამარცხა, გარდაიცვალა 2.002 პაციენტი.

ქვეყანაში კორონავირუსის პირველი შემთხვევა 26 თებერვალს დაფიქსირდა.

 

151
თემები:
COVID-19 საქართველოში (2862)
ადამიანები პირბადეებით

რიჟვაძე: ეპიდვითარების სტაბილურობის შესანარჩუნებლად მნიშვნელოვანია რეკომენდაციების დაცვა

7
უწყებათაშორისმა საკოორდინაციო საბჭომ დღევანდელ სხდომაზე ქვეყანაში მოქმედი შეზღუდვების ეტაპობრივი მოხსნის გეგმა დაამტკიცა. აღნიშნულ გეგმაში ცვლილება ქვეყანაში შექმნილი ეპიდვითარებიდან გამომდინარე მოხდება

თბილისი, 22 იანვარი – Sputnik. ყველა იმ რეკომენდაციის დაცვა, რომელიც ძალაში რჩება, მნიშვნელოვანია, რათა მობილობა იყოს კონტროლირებადი და შეზღუდვების შემსუბუქებიდან გამომდინარე, შესაძლებელი გახდეს ეპიდვითარების სტაბილურობის შენარჩუნებაც, განაცხადა აჭარის მთავრობის თავმჯდომარე თორნიკე რიჟვაძემ.

შეზღუდვები, რომელიც 1 თებერვლიდან გაუქმდება: სრული ჩამონათვალი>>

დღეს საქართველოს პრემიერ-მინისტრ გიორგი გახარიას ხელმძღვანელობით უწყებათაშორისმა საკოორდინაციო საბჭომ ქვეყანაში 1 თებერვლიდან მოქმედი შეზღუდვების ეტაპობრივი მოხსნის გადაწყვეტილება მიიღო.

„მთელმა მსოფლიომ შეძლო უკვე გარკვეული გამოცდილებისა და ცოდნის დაგროვება. აჭარაც არ არის გამონაკლისი. პირველ რიგში, საფრთხე არ უნდა შეექმნას ჩვენი მოქალაქეების ჯანმრთელობასა და სიცოცხლეს, მეორე მხრივ, ეკონომიკურ საქმიანობას მეტი დინამიკა უნდა შევძინოთ“, – განაცხადა რიჟვაძემ.

აჭარის მთავრობის თავმჯდომარემ მოუწოდა მოსახლეობას, ბიზნეს–სექტორსა და პედაგოგებს, მკაცრად დაიცვან არსებული რეკომენდაციები, ისარგებლონ ტესტირების პროგრამით, რაც ვირუსის სწრაფი გამოვლენისა და მასზე რეაგირების საშუალებას იძლევა.

ეპიდემიოლოგიური ვითარებიდან გამომდინარე, ქვეყნის მასშტაბით  შეზღუდვები ეტაპობრივად შემსუბუქდება.

იმის გათვალისწინებით, რომ აჭარაში ინფიცირების დადებითობის 7 დღის საშუალო მაჩვენებელი 4%-ზე დაბალია, უწყებათაშორისმა საკოორდინაციო საბჭომ მიიღო გადაწყვეტილება, რომ აჭარაში 1-ლი თებერვლიდან დაშვებული იქნება კვების ობიექტებში ღია სივრცეებში სტუმრების მიღება. კვლავ ძალაში რჩება ქორწილების, სხვადასხვა სოციალური ღონისძიებისა თუ წვეულების გამართვასთან დაკავშირებით მოქმედი აკრძალვა.

ღამის საათებში გადაადგილებაზე შეზღუდვა 1 მარტამდე გახანგრძლივდა>>

ამასთან, 1 თებერვლიდან ბათუმში აღდგება მუნიციპალური ტრანსპორტის, სკოლების, მაღაზიების და სავაჭრო ცენტრების მუშაობა. ღია და დახურული ბაზრობები კი 15 თებერვლიდან გაიხსნება.

7
თემები:
კორონავირუსი საქართველოში: ბოლო ცნობები
ხატია წერეთელი

„სტრიპტიზი კორონამდე...“ - ხატია წერეთელი Tiktok-ზე გააქტიურდა - ვიდეო

35
(განახლებულია 16:25 22.01.2021)
სოციალურ ქსელში პოპულარულია ხატია წერეთლის ვიდეო, სადაც მომღერალი კორონამდელ სტრიპრიზს ასრულებს. ნახეთ როგორ ცეკვავს ის კორონაპანდემიის შემდეგ

მომღერალი ხატია წერეთელი სოციალურ ქსელ Tiktok-ზე ბოლო დროს ძალიან გააქტიურდა. მას 13 ათასზე მეტი „ფოლოუერი“ ჰყავს და როგორც ჩანს, ეს პლატფორმა ძალიან მოსწონს, რადგან ხშირად დებს სახალისო ვიდეოებს. ერთ-ერთი ბოლო ვიდეო მომღერალმა სათაურით „სტრიპრიზი კორონამდე და კორონას შემდეგ დადო“. ვიდეოს უამრავი ნახვა აქვს.

როგორც ჩანს, მომღერალი კვლავ მარტოა. რამდენიმე კვირის წინ ცნობილი გახდა, რომ ხატიას შეყვარებულმა იმედა ვახტანგიშვილმა ცოლი მოიყვანა და ამის შესახებ თავად ხატიამ დაწერა „ფეისბუქის“ პირად გვერდზე. მომღერალი წერდა, რომ სამწუხაროდ გვიან აღმოაჩინა, რომ საყვარელი მამაკაცი ალფონსი იყო. აღმოჩნდა, რომ მომღერლის პარალელურად კაცი სხვა ქალსაც ხვდებოდა, რომელზეც, როგორც სოციალურ ქსელში გავრცელებული ფოტოებიდან ჩანს, დაქორწინდა კიდეც.

შეყვარებულთან დაშორების შემდეგ მომღერალმა პლასტიკურ ქირურგიას მიმართა და ცხვირი გაილამაზა.
სოციალური ქსელის მომხმარებლები ერთხმად აღნიშნავენ, რომ რინოპლასტიკა მომღერალს განსაკუთრებით მოუხდა.

ხატია წერეთელი საზოგადოებამ მას შემდეგ გაიცნო, რაც მსმენელმა იხილა ქართული ბაზრისთვის სკანდალური, ეროტიკული ხასიათის მისი კლიპი - „შენთან სექსი მაგარია“. კლიპი მართლაც რომ პროვოკაციული აღმოჩნდა, ხატია კი ერთ-ერთ ინტერვიუში ამბობდა, რომ ის საყვარელ „ვალენტინს“ მიუძღვნა, რომელზეც ყურებამდეა შეყვარებული.

კლიპში მონაწილე იმედა ვახტანგიშვილმა და ხატია წერეთელმა დაადასტურეს, რომ პარტნიორები იყვნენ და ერთად ყოფნა მოსწონდათ, თუმცა ამ ურთიერთობას შეყვარებულების სახელს მაინცდამაინც არ არქმევდნენ. თუმცა რამდენიმე ხნის წინ გაირკვა, რომ წყვილი სკანდალურად დაშორდა.

35
თემები:
სელებრითების ცხოვრება
ფქვილი

საქართველოში ხორბლის ფქვილზე სუბსიდიის მოცულობა იზრდება

0
(განახლებულია 16:57 22.01.2021)
საქართველოში ხორბლის იმპორტის 90% რუსეთზე მოდის, რაც დაახლოებით ნახევარ მილიონ ტონა მარცვლეულს აღწევს

 

თბილისი, 22 იანვარი – Sputnik. ერთი ტომარა ხორბლის ფქვილზე სახელმწიფო სუბსიდიის მოცულობა გაიზარდა და 15 ლარი გახდა, ნათქვამია საქართველოს მთავრობის დადგენილებაში.

ადრე  50კგ–იან ტომარა პირველი ხარისხის ფქვილზე სუბსიდიის მოცულობა 10 ლარს შეადგენდა.

როგორც მთავრობის დადგენილებაშია ნათქვამი, აღნიშნული გაზრდილი სუბსიდია შეეხება პირველი ხარისხის ხორბლის ფქვილს, რომელიც 2021 წლის 1 თებერვლიდან 31 მარტამდე პერიოდში გაიყიდება. 

მწარმოებელ ქვეყნებში ხორბლის ცუდმა მოსავალმა, ეკონომიკურმა კრიზისმა და ლარის მერყევმა კურსმა იმოქმედა ფქვილის ღირებულებაზე, რამაც გააჩინა საფუძვლიანი ეჭვი, რომ ქვეყანაში პური გაძვირდებოდა. ამის თავიდან აცილების მიზნით საქართველოს ხელისუფლებამ მიიღო პირველი ხარისხის ხორბლის ფქვილის იმპორტის სუბსიდირების გადაწყვეტილება.

პროგრამა გათვლილია 4 თვეზე და ის დეკემბრიდან ამოქმედდა. წისქვილკომბინატებისთვის დაწესებულია ფიქსირებული ფასი – 53 ლარი პირველი ხარისხის ფქვილის 50 კგ-იან ტომარაზე. პროგრამა 1 მარტამდე მოქმედებს.

ხორბლის ფქვილის სუბსიდირებისთვის სახელმწიფო 10 მლნ ლარის გამოყოფას გეგმავს.

0