დარბაზი

საქართველოში ხელოვანებს კოვიდ–კრიზისის დაძლევაში დაეხმარებიან

98
(განახლებულია 15:55 18.12.2020)
საქართველოში, ისევე, როგორც მთელ მსოფლიოში, ხელოვნებისა და კულტურის სფეროს წარმომადგენლები კორონავირუსის პანდემიის პერიოდში ყველაზე მეტად დაუცველი აღმოჩნდნენ.

თბილისი, 18 დეკემბერი – Sputnik. ქართულმა ციფრულმა არხმა „არტარეამ“ წამოიწყო მოძრაობა „საზოგადოება არტისტებისთვის“ – პროექტი კორონავირუსის კრიზისის პერიოდში კულტურის მოღვაწეების დახმარებას ისახავს მიზნად. 

კოვიდ–შეზღუდვების პერიოდში, როდესაც დაიხურა თეატრები, მუზეუმები, წიგნის მაღაზიები და აიკრძალა ყველა კულტურული ღონისძიება, ქართველი ხელოვანები მკაცრი რეალობის წინაშე აღმოჩნდნენ, აღნიშნავენ პროექტის ავტორები. სწორედ ამიტომ „არტარეამ“ პანდემიის პერიოდში შემოსავლის გარეშე დარჩენილი არტისტებისთვის ფინანსური სახსრების შეგროვება გადაწყვიტა.

საქველმოქმედო კამპანიის ფარგლებში 27 დეკემბერს, 22:00 საათზე ლაივ–კონცერტია დაგეგმილი, რომელშიც 50-ზე მეტი მუსიკოსი, ასევე სხვადასხვა არტისტი და მწერალი მიიღებს მონაწილეობას, რომლებიც სიტყვით წარდგებიან და საზოგადოებას მოუწოდებენ, ამ რთულ პერიოდში თანადგომა გამოუცხადონ კულტურის მოღვაწეებს.

კონცერტის ნახვა შესაძლებელი იქნება „არტარეასა“ და სხვა ტელეარხებზე. იმისთვის, რომ დახმარება მიიღონ, არტისტები კამპანიის ვებ-გვერდზე უნდა დარეგისტრირდნენ.

პროექტი „საზოგადოება არტისტებისთვის“ ხორციელდება საქართველოს პარლამენტის ეროვნული ბიბლიოთეკის, თბილისის მარჯანიშვილის სახელობის დრამატული თეატრის, მწერალთა სახლის, საქართველოს წიგნის გამომცემელთა და გამავრცელებელთა ასოციაციისა და სხვა ორგანიზაციების მხარდაჭერით.

 

98
თემები:
საქართველო და კულტურა (1028)
გზის გაწმენდა თოვლისგან

ვითარება გზებზე: გუდაური-კობის მონაკვეთზე შეზღუდვები დაწესდა

10
(განახლებულია 15:04 28.01.2021)
შეზღუდვა თოვლისა და ლიპყინულის გამო დაწესდა. მოძრაობა განხორციელდება საპატრულო პოლიციის უშუალო ზედამხედველობითა და კოორდინაციით

თბილისი, 28 იანვარი - Sputnik. საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური–კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აიკრძალა, ნათქვამია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის მიერ გავრცელებულ განცხადებაში

დეპარტამენტის ცნობით, დანარჩენი სახის ტრანსპორტის მოძრაობა თავისუფალია.

გუდაური–კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით. რეჟიმის დაცვა საპატრულო პოლიციის უშუალო ზედამხედველობითა და კოორდინაციით მოხდება.

მცხეთა–სტეფანწმინდა–ლარსის გზა დღეისათვის ერთადერთი სახმელეთო მაგისტრალია, რომელიც საქართველოსა და სომხეთს რუსეთთან აკავშირებს, ხოლო საბაჟო-გამშვები პუნქტი „ყაზბეგი“ – ერთადერთი მოქმედი გამშვები პუნქტია საქართველო–რუსეთის სახმელეთო საზღვარზე.

10
თემები:
ტრანსპორტი საქართველოში
საქართველოს პროკურატურა

„კარტოგრაფების საქმე": პროკურატურა მელაშვილისა და ილიჩოვას გირაოთი გათავისუფლებას მოითხოვს

20
უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე ბრალდებულები – ივერი მელაშვილი და ნატალია ილიჩოვა შესაძლოა სასამართლო დარბაზიდან გაათავისუფლონ

თბილისი, 21 იანვარი — Sputnik. პროკურატურა სასამართლოს დღევანდელ პროცესზე დავით გარეჯის საქმეზე დაკავებული კარტოგრაფების ივერი მელაშვილისა და ნატალია ილიჩოვასთვის  პატიმრობის გირაოთი შეცვლის შუამდგომლობით მიმართავს, განაცხადა პროკურორმა მიხეილ სადრაძემ.

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა 2020 წლის 7 ოქტომბერს დააკავა.

პროკურატურის განცხადებით, საქმეზე ჩატარებული კომპლექსური გამოძიების შედეგად დადგენილია, რომ ბრალდებულები სახელმწიფო საზღვრის დელიმიტაცია-დემარკაციის პროცესში მოქმედებდნენ ზემდგომი თანამდებობის პირების დავალებით. საზღვრის ხაზზე შეთანხმებისას, ნაცვლად 1938 წლის 1:200000-იანი მასშტაბის კარტოგრაფიული მასალისა, მიზანმიმართულად იყენებდნენ 1970-80-იან წლებში გამოცემული 1:100000 და 1:50000 მასშტაბის რუკებზე არსებული საზღვრის ხაზს, რომლებიც სახელმწიფოთა შორის ორმხრივად დამტკიცებული არასდროს ყოფილა და არსებით წინააღმდეგობაში მოდიოდა ჩვენს ისტორიულ საზღვრებთან.

პროკურატურამ დავით გარეჯის საქმესთან დაკავშირებით ვიდეომტკიცებულებები გაასაჯაროვა. გამოძიების ფარგლებში ფარული საგამოძიები მოქმედებები მიმდინარეობდა ვიდეო და აუდიო ჩამწერი მოწყობილობებით, მათ შორის, ივერი მელაშვილის სამუშაო ოთახშიც.

„რადგან მათ მიმართ ჩადენილი ქმედებების გარშემო გამოძება სრულად არის ამოწურული, დღევანდელ პროცესზე ჩვენ მივმართავთ სასამართლოს შუამდგომლობით, რათა ბრალდებულებს პატიმრობა შეეცვალოთ გირაოთი იმიტომ, რომ ამ ეტაპისათვის უკვე მიზანშეწონილად აღარ მივიჩნევთ ყველაზე მკაცრი აღკვეთის ღონისძიების გამოყენებას“, - განაცხადა მიხეილ სადრაძემ.

პროკურორის თქმით, ივერი მელაშვილი და ნატალია ილიჩოვა ზემდგომი პირების დავალებებს ასრულებდნენ. ამის შემდეგ ბრალდებულები თავისუფლებაში ყოფნის პირობებში დაელოდებიან სასამართლოს გადაწყვეტილებას, აღნიშნა სადრაძემ.

კარტოგრაფების საქმე: ვის მოიაზრებს პროკურატურა „ზემდგომ პირებში“>>

რაც შეეხება მიმდინარე გამოძიებას, პროკურორის თქმით, დავალებების გამცემი პირების გარშემო აქტიურად მიმდინარეობს საგამოძიებო სხვა საპროცესო მოქმედებები, იკითხებიან სხვადასხვა თანამდებობის პირები.

20
როკ-ბენდის The Flaming Lips კონცერტი ნიუ-იორკში

ყველა კაფსულებში: Flaming Lips-მა უნიკალური მასშტაბური კონცერტი გამართა - ვიდეო

0
(განახლებულია 15:22 28.01.2021)
ამერიკულმა როკ-ჯგუფმა Flaming Lips-მა პანდემიური აკრძალვების პერიოდში მასობრივი ცოცხალი კონცერტი ისე ჩაატარა, რომ არცერთი კოვიდ-აკრძალვა არ დაურღვევია

თბილისი, 28 იანვარი — Sputnik. ამერიკულმა როკ-ჯგუფმა Flaming Lips-მა ოკლაჰომაში მასობრივი კონცერტის ჩატარება შეძლო, თანაც ისე, რომ მკაცრი საკარანტინო ზომები არ დაურღვევია, იუწყება Reuters–ი.

როკ–ჯგუფის ერთ-ერთმა ფანმა კონცერტზე მომხდარი კამერაზე აღბეჭდა და სოციალური ქსელებით გაავრცელა.

გავრცელებული ინფორმაციით, მუსიკოსებიცა და მაყურებლებიც სათითაოდ იყვნენ მოთავსებული ზემტკიცე პოლიმერის სფეროებში.  

კაფსულები აღჭურვილი იყო დინამიკებით, ვენტილაციით, წყლის ბოთლით, პირსახოცითა და ფირფიტით, რომელზეც ეწერა „ტუალეტში უნდა წავიდე/აქ ცხელა“. ეს ფირფიტები მათ სტიუარდებისთვის უნდა ეჩვენებინათ, რომლებიც ან გააცილებდნენ საჭირო ადგილამდე, ან სფეროს ცივი ჰაერით შეავსებდნენ.

„ვფიქრობ, ძალიან გაგვიმართლა, რომ The Flaming Lips-ის თაყვანისმცემლებს მოეწონათ ეს თავგადასავალი“, — თქვა ჯგუფის სოლისტმა.

აღინიშნება, რომ სფეროში შეიძლებოდა არა მარტო ცეკვა, არამედ ხტუნაობაც, ვარდნაცა და სხვა სფეროსთან შეჯახებაც.  იმ შემთხვევაში კი, როცა კაფსულები ორ იარუსად განლაგდებოდა, სოციალური დისტანცია მაინც არ ირღვეოდა.

 

0
თემები:
საერთაშორისო პანორამა