მაია ასათიანი

„ჩემი შეყვარებული“ ვისზეა მაია ასათიანი თავდავიწყებით შეყვარებული?

11592
(განახლებულია 17:03 18.12.2020)
ჟურნალისტი და ტელეწამყვანი საზოგადოების გაკვირვებას არ წყვეტს. მან საკუთარი თაყვანისმცემლები დააბნია და სოციალურ ქსელში აურზაური ატეხა. მაია ასათიანი საყვარელ მამაკაცს სიყვარულში საჯაროდ გამოუტყდა.

ტელევარსკვლავი „ფოლოვერების“ გაოცებას არ წყვეტს. მან სოციალურ ქსელში სასურველი მამაკაცის ფოტო გამოაქვეყნა, რომელიც ცნობილი მსახიობი აღმოჩნდა. მაიას ფავორიტი მამაკაცი ესპანელია და ის თანამედროვეობის ახალგაზრდა მსახიობებს შორის ერთ-ერთი ყველაზე პოპულარულია.

აღნიშნული მამაკაცი მისი ოფიციალური გვერდის „სთორიზე“ პირველად არ მოხვედრილა. ესპანური სერიალის „ქაღალდის სახლის“ ტელეეკრანებსა და ონლაინ-სივრცეში გამოჩენის შემდეგ უამრავი ქართველი მაყურებელი ეკრანებს მიაჯაჭვა. მათ შორის მაია ასათიანიც აღმოჩნდა. მისი რჩეული მამაკაცი მიგელ ჰერანია, რომელსაც მაია სიყვარულში საჯაროდ გამოუტყდა. მსახიობი 24 წლისაა და ქალბატონების გულთამპყრობელია.

რამდენიმე თვის წინ „ფორტუნა პლუსის“ გადაცემა „ვიზიტორში“ ჟურნალისტმა და ტელეწამყვანმა მაია ასათიანმა მისი ცხოვრების აქამდე უცნობ ფაქტებზე ისაუბრა. მისი თქმით, შვილის გარდაცვალების შემდეგ სოციალურ ქსელში მასზე ბევრი ჭორი იწერებოდა, რაც ძალას აძლევდა, რომ მუდმივად ტონუსში ყოფილიყო.

„რაც ჩემს პირად ცხოვრებას შეეხება, დიახ, რასაც საუბრობდნენ, მართალი იყო, უბრალოდ ახლა ამ ყველაფერზე საუბარი არ მსურს, იმიტომ რომ ეს მხოლოდ მე არ მეკუთვნის. მე პირადი ცხოვრება მაქვს და მუდამ მქონდა, უბრალოდ ის დაცულია. რაც გათხოვებას შეეხება, გათხოვება არ მინდა“, – თქვა მაშინ ტელეწამყვანმა.

 

11592
თემები:
სელებრითების ცხოვრება (2651)
სალომე ზურაბიშვილი

ზურაბიშვილი: დავით წერედიანის თარგმანები საქართველოს კულტურის ისტორიას დარჩება

2
(განახლებულია 11:34 27.01.2021)
წერედიანი, რომელმაც მსოფლიო ლიტერატურის თარგმნას მიუძღვნა ცხოვრების დიდი ნაწილი, 2019 წელს გარდაიცვალა

 

თბილისი, 27 იანვარი – Sputnik. საქართველოს პრეზიდენტმა სალომე ზურაბიშვილმა  ქართველი პოეტი, პუბლიცისტი და მთარგმნელი დავით წერედიანი  გარდაცვალების შემდეგ ვაჟა-ფშაველას სახელობის პრემიით დააჯილდოვა.

ზურაბიშვილმა პრემია დავით წერედიანის ოჯახს  ორბელიანების სასახლეში გამართულ დაჯილდოების ცერემონიაზე გადასცა.

როგორც პრეზიდენტმა აღნიშნა, ვაჟა-ფშაველას პრემია ხაზს უსვამს ქართული კულტურისა და ლიტერატურის - პოეზიის მნიშვნელობას, რაც ჩვენი ქვეყნის ერთ-ერთი უდიდესი სიმდიდრეა.

 „ვაჟა ფშაველას პრემიის აღნიშვნა ამ პანდემიის, ეკონომიკური და სოციალური კრიზისის დროსაც კი მნიშვნელოვანია, რადგან კულტურა ვითარდება და იგი მაინც იტოვებს თავის განმსაზღვრელ როლს საზოგადოებასა და ქვეყანაში. მინდა ხაზი გავუსვა იმას, რომ დავით წერედიანი არა მხოლოდ ღირსეული პოეტი, არამედ გერმანული და ფრანგული პოეზიის შესანიშნავი მთარგმნელიც იყო, რომელიც საქართველოს კულტურის ისტორიას დარჩება. ჩვენ გვჭირდება მეტი კარგი მთარგმნელი იმისთვის, რომ „გავიტანოთ“ ჩვენი კულტურა და „შემოვიტანოთ“ სხვა ქვეყნების კულტურა“, - აღნიშნა პრეზიდენტმა. 

საქართველოს პრეზიდენტმა მადლობა გადაუხადა ვაჟა-ფშაველას სახელობის პრემიის კომისიის წევრებსა და მის თავმჯდომარეს, როსტომ ჩხეიძეს გაწეული სამუშაოსათვის. ცერემონიას  ვაჟა-ფშაველას სახელობის პრემიის კომისიის წევრები, გამომცემლობების წარმომადგენლები და მოწვეული სტუმრები ესწრებოდნენ.

83 წლის ცნობილი ქართველი პოეტი, პუბლიცისტი და მთარგმნელი დავით წერედიანი 2019 წელს   გარდაიცვალა. წერედიანი მრავალი წელი მუშაობდა შოთა რუსთაველის სახელობის ლიტერატურის ინსტიტუტში. 1981 წლიდან აქტიურად დაიწყო თარგმანებზე მუშაობა.
მის ცნობილ თარგმანებს შორისაა გერმანელი და ფრანგი კლასიკოსების ნაწარმოებები: ბოდლერის ნაწარმოებები, ძმები გრიმების ზღაპრები, გოეთეს „ფაუსტი“. სულ ახლახან მან ბრწყინვალედ თარგმნა ფედერიკო გარსია ლორკას „ბოშური რომანსერო“. არის ლიტერატურული ესეებისა და რამდენიმე კრებულის ავტორი, ასევე ლიტერატურული პრემია „საბას“ (2012) ლაურეატი.

2014 წელს წერედიანს პრემია „საბა“ გადაეცა ლიტერატურის განვითარებაში შეტანილი ღვაწლისთვის.



2
სასწრაფო სამედიცინო დახმარება

კოვიდ-სტატისტიკა საქართველოში: ბოლო დღე-ღამის მონაცემები

22
(განახლებულია 11:22 27.01.2021)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 742-ით გაიზარდა და ინფიცირებულთა საერთო რიცხვმა 255.564-ს მიაღწია

თბილისი, 27 იანვარი – Sputnik. საქართველოში ბოლო 24 საათში გამოვლენილი კორონავირუსის 742 შემთხვევიდან ყველაზე მეტი – 340 შემთხვევა დედაქალაქში დაფიქსირდა, განაცხადა უწყებათშორის საკოორდინაციო საბჭოსთან არსებული ოპერაციული შტაბის უფროსის მოადგილემ ბერდია სიჭინავამ ბრიფინგზე.

ინფიცირებულთა შემთხვევების რაოდენობით მეორე ადგილზე იმერეთი, შემდეგ კი კახეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია: იმერეთი - 89, კახეთი - 75, სამეგრელო-ზემო სვანეთი - 70, შიდა ქართლი - 49, აჭარა - 33, ქვემო ქართლი - 31, გურია - 21, მცხეთა-მთიანეთი - 20, სამცხე-ჯავახეთი -12, რაჭა-ლეჩხუმი და ქვემო სვანეთი - 2.

ბოლო 24 საათში ვირუსისგან გამოჯანმრთელდა 1.081 პირი და ჯამში გამოჯანმრთელებულთა რაოდენობა 245.527-მდე გაიზარდა.

ბოლო დღე-ღამის განმავლობში გარდაიცვალა 12 ადამიანი და გარდაცვლილთა საერთო რაოდენობამ 3.108-ს მიაღწია.

ამ დროის მონაცემებით, საქართველოში 6.903 აქტიური შემთხვევაა. კოვიდ-კლინიკებში მოთავსებულია 2.842 პაციენტი, მათ შორის, თბილისის საავადმყოფოებში - 1.395, იმერეთში - 564, აჭარაში - 214.

670 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 177 პირი. აქედან თბილისში - 134, იმერეთში - 20, აჭარაში- 1.

კოვიდ-სასტუმროში მოთავსებულია 347 ადამიანი. მათ შორის 174 - თბილისში, 121 - აჭარაში, 15 - იმერეთში, ხოლო 3.714 პირი მკურნალობს ბინაზე.

დღევანდელი მდგომარეობით, საკარანტინო სივრცეში იმყოფება 497 ადამიანი, მათ შორის, თბილისში - 204, აჭარაში - 90, ხოლო იმერეთში - 9.

თვითიზოლაციაში იმყოფება 17.915 ადამიანი, მათ შორის თბილისში - 11.231 პირი, იმერეთში - 1.689, აჭარაში - 887.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 742-ით გაიზარდა და ინფიცირებულთა საერთო რიცხვმა 255.564-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

22
თემები:
კორონავირუსი საქართველოში: ბოლო ცნობები