ნანიკო ხაზარაძეს ცხოველები ძალიან უყვარს. მას რამდენიმე წელია სფინქსის ჯიშის კატა ჰყავს. ტელეწამყვანმა საკუთარ გვერდზე „დოდოსთან“ ერთად გადაღებული უახლესი ვიდეო გამოაქვეყნა. პოპულარული ტელეწამყვანი წერს, რომ სფინქსთან ერთად ისვენებს და ცდილობს ამოხსნას, რას ნიშნავს კატის აღნიშნული ქმედება. მანამდე კი „დოდო“ პოპულარულ პატრონს, სავარაუდოდ, გულ-მკერდის მასაჟს უკეთებს.
ტელეწამყვანის აღნიშნულ ვიდეოს უამრავი გამოხმაურება მოჰყვა. ნანიკოს „დოდო“ განსაკუთრებულად უყვარს და უფრთხილდება. რამდენიმე თვის წინ ტელესახე კატასთან ერთად მანქანით გადაადგილდებოდა და მას ღვედიც კი გაუკეთა.
ნანიკო ინტერვიუებში აღნიშნავს, რომ ყველაზე დიდ ბედნიერებას სახლში ყოფნა ანიჭებს. მისი ქალიშვილი ლილუ, მეუღლე და კატა „დოდო“ – ეს არის ნანიკო ხაზარაძის იდილია, რომელსაც ის არასდროს ღალატობს.
ნანიკო ხაზარაძე წლებია მედიასივრცის შეუცვლელი სახეა. კარიერა იმ პერიოდში დაიწყო, როდესაც საქართველოში მასმედია განვითარების პირველ საფეხურებს გადიოდა. პოპულარული ტელეწამყვანი ბევრი ადამიანის საყვარელ ტელესახედ იქცა. რამდენიმე თვეა ნანიკო ხაზარაძე ყოველდღე „იმედის დღის“ პირდაპირი ეთერით აღარ გვესალმება, სიახლეებს არ გვაცნობს და საკუთარ გამოცდილებას არ გვიზიარებს. თუმცა, ტელეწამყვანმა ახალი საავტორო გადაცემა დაიწყო.
