სავაჭრო ცენტრი

„ექვს ათასამდე ინფიცირებული დღეში“ მოხსნიან თუ არა შეზღუდვებს 24 დეკემბრიდან

138
(განახლებულია 20:17 16.12.2020)
ეპიდემიოლოგები შიშობენ, რომ შეზღუდვების მცირედით შერბილებამაც კი შესაძლოა ეპიდემიის ახალი აფეთქება გამოიწვიოს.

თბილისი, 16 დეკემბერი – Sputnik. თუ საქართველოში 24 დეკემბერს, როგორც იგეგმება, შეზღუდვები მოიხსნება, ინფიცირებულთა დღიურმა მაჩვენებელმა, შესაძლოა, 5–6 ათასამდე მოიმატოს, განაცხადა ბრიფინგზე დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

ქვეყანაში არსებული ეპიდსიტუაციის გათვალისწინებით, საქართველოს მთავრობამ დამატებითი წერტილოვანი შეზღუდვების დაწესების გადაწყვეტილება მიიღო. შეზღუდვები 28 ნოემბრიდან ამოქმედდა. ამასთან, ხელისუფლებამ პირობა დადო, რომ 24 დეკემბრიდან 2 იანვრამდე მთელ საქართველოში გაიხსნება სავაჭრო ცენტრები, აღდგება საქალაქთაშორისო ტრანსპორტის მუშაობა და  შობა–ახალი წლის დღესასწაულთან დაკავშირებით დროებით გაუქმდება სხვა შეზღუდვებიც. 

„თუ 24 დეკემბერს ჩვენ ყველაფერს გავხსნით, მობილობა სერიოზულად გაიზრდება. პირდაპირ გეუბნებით: ინფიცირებულთა მაჩვენებელი შეიძლება დღეში ხუთ-ექვს ათასამდე გაიზარდოს. დათვალეთ, რამდენი ადამიანი მოხვდება საავადმყოფოში და რამდენი შეიძლება აღმოჩნდეს მძიმე მდგომარეობაში“, – განაცხადა გამყრელიძემ.

გამყრელიძის თქმით, დაავადებათა კონტროლის ეროვნული ცენტრის პოზიცია რადიკალურია და მიმართულია შეზღუდვების მინიმალური შერბილებისკენ.

„მცირედი შემცირების დინამიკა დამშვიდების არავითარ საფუძველს არ იძლევა, რადგან შემთხვევების რაოდენობა სერიოზულია. ინციდენტობის მაჩვენებელი ქვეყანაში ჯერ კიდევ მაღალია, ამიტომ შეზღუდვების სერიოზულად შერბილების საფუძველი არ არსებობს“, – განაცხადა ამირან გამყრელიძემ. 

მან კიდევ ერთხელ მოუწოდა მოსახლეობას შობა–ახალი წლის მოკრძალებულად აღნიშვნისკენ. დღესასწაულებზე დიდი შეკრებების მოწყობის შემთხვევაში, შესაძლოა, ის კლების ტენდენცია, რაც შეზღუდვების შედეგად ბოლო დღეებში შეინიშნება, ორ-სამ დღეში წყალში ჩაიყაროს, აღნიშნა ეპიდემიოლოგმა.

„ყველას გთხოვთ, ეს შობა–ახალი წელი აღვნიშნოთ განსხვავებულად, არ გვინდა დიდი თავყრილობები, არ გვინდა დიდი დღესასწაულები, არ გვინდა ხალხმრავალი წვეულებები და ა.შ. წელს ბევრად მოკრძალებული ვიყოთ, რადგან საქმე გვაქვს სერიოზულ გამოწვევასთან“, – აღნიშნა გამყრელიძემ.

საქართველოში გრძელდება მოსახლეობის ინტენსიური ტესტირების პროცესი: ბოლო დღე-ღამეში ქვეყანაში 17 ათასზე მეტი ტესტი გაკეთდა და 3.487 ახალი შემთხვევა გამოვლინდა. ამგვარად, პანდემიის დაწყებიდან დღემდე საქართველოში კორონავირუსით ინფიცირების 198 ათასზე მეტი შემთხვევა დაფიქსირდა, 167 ათასი გამოჯანმრთელდა, 1.922 გარდაიცვალა.

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა.

138
თემები:
COVID-19 საქართველოში (2862)
ხატია წერეთელი

„სტრიპტიზი კორონამდე...“ - ხატია წერეთელი Tiktok-ზე გააქტიურდა - ვიდეო

26
(განახლებულია 16:25 22.01.2021)
სოციალურ ქსელში პოპულარულია ხატია წერეთლის ვიდეო, სადაც მომღერალი კორონამდელ სტრიპრიზს ასრულებს. ნახეთ როგორ ცეკვავს ის კორონაპანდემიის შემდეგ

მომღერალი ხატია წერეთელი სოციალურ ქსელ Tiktok-ზე ბოლო დროს ძალიან გააქტიურდა. მას 13 ათასზე მეტი „ფოლოუერი“ ჰყავს და როგორც ჩანს, ეს პლატფორმა ძალიან მოსწონს, რადგან ხშირად დებს სახალისო ვიდეოებს. ერთ-ერთი ბოლო ვიდეო მომღერალმა სათაურით „სტრიპრიზი კორონამდე და კორონას შემდეგ დადო“. ვიდეოს უამრავი ნახვა აქვს.

როგორც ჩანს, მომღერალი კვლავ მარტოა. რამდენიმე კვირის წინ ცნობილი გახდა, რომ ხატიას შეყვარებულმა იმედა ვახტანგიშვილმა ცოლი მოიყვანა და ამის შესახებ თავად ხატიამ დაწერა „ფეისბუქის“ პირად გვერდზე. მომღერალი წერდა, რომ სამწუხაროდ გვიან აღმოაჩინა, რომ საყვარელი მამაკაცი ალფონსი იყო. აღმოჩნდა, რომ მომღერლის პარალელურად კაცი სხვა ქალსაც ხვდებოდა, რომელზეც, როგორც სოციალურ ქსელში გავრცელებული ფოტოებიდან ჩანს, დაქორწინდა კიდეც.

შეყვარებულთან დაშორების შემდეგ მომღერალმა პლასტიკურ ქირურგიას მიმართა და ცხვირი გაილამაზა.
სოციალური ქსელის მომხმარებლები ერთხმად აღნიშნავენ, რომ რინოპლასტიკა მომღერალს განსაკუთრებით მოუხდა.

ხატია წერეთელი საზოგადოებამ მას შემდეგ გაიცნო, რაც მსმენელმა იხილა ქართული ბაზრისთვის სკანდალური, ეროტიკული ხასიათის მისი კლიპი - „შენთან სექსი მაგარია“. კლიპი მართლაც რომ პროვოკაციული აღმოჩნდა, ხატია კი ერთ-ერთ ინტერვიუში ამბობდა, რომ ის საყვარელ „ვალენტინს“ მიუძღვნა, რომელზეც ყურებამდეა შეყვარებული.

კლიპში მონაწილე იმედა ვახტანგიშვილმა და ხატია წერეთელმა დაადასტურეს, რომ პარტნიორები იყვნენ და ერთად ყოფნა მოსწონდათ, თუმცა ამ ურთიერთობას შეყვარებულების სახელს მაინცდამაინც არ არქმევდნენ. თუმცა რამდენიმე ხნის წინ გაირკვა, რომ წყვილი სკანდალურად დაშორდა.

26
თემები:
სელებრითების ცხოვრება
ეპიდემია საქართველოში

შეზღუდვები, რომელიც 1 თებერვლიდან გაუქმდება: სრული ჩამონათვალი

69
(განახლებულია 16:25 22.01.2021)
28 ნოემბრიდან დაწესებულმა შეზღუდვებმა ეპიდვითარების დასტაბილურებაზე პირდაპირი გავლენა იქონია, მაგრამ ეპიდემილოგების განცხადებით, ეს დამშვიდების საფუძველს არ იძლევა.

თბილისი, 22 იანვარი - Sputnik. უწყებათაშორისმა საკოორდინაციო საბჭომ ქვეყანაში მოქმედი შეზღუდვების ეტაპობრივი მოხსნის გადაწყვეტილება  დღეს გამართულ სხდომაზე მიიღო.

კერძოდ, ეპიდემიოლოგიური ვითარების გათვალისწინებით, შეზღუდვების ეტაპობრივი გაუქმების გეგმა ასეთია:

1 თებერვლიდან:

– აღდგება რეგულარული ავიარეისები

– საქართველოს ხუთ ქალაქში – ბათუმში, ზუგდიდში, გორში, ფოთსა და თელავში აღდგება მუნიციპალური ტრანსპორტის მოძრაობა და სკოლებში სასწავლო პროცესი

– ქვეყნის მთელ ტერიტორიაზე მუშაობას განაახლებს ყველა მაღაზია და სავაჭრო ცენტრი

– აჭარაში საქმიანობას განაახლებს ღია ტიპის კვების ობიექტები

– ბათუმში, ზუგდიდში, გორში, თელავსა და ფოთში ე.წ. კარანტინი უქმე დღეებში იმოქმედებს, როდესაც შაბათ–კვირას არ იმოძრავებს საზოგადოებრივი ტრანსპორტი და არ იმუშავებს მაღაზიები, რესტორნები და კაფე–ბარები

15 თებერვლიდან:

- ყველა ქალაქში  გაიხსნება ღია და დახურული ბაზრობები 

შეზღუდვები, რომელიც ნარჩუნდება:

– ძალაში რჩება თბილისში, რუსთავსა და ქუთაისში საზოგადოებრივი ტრანსპორტის მუშაობაზე დაწესებული შეზღუდვა

– იკრძალება საქალაქთაშორისო ტრანსპორტის გადაადგილება

– არ იხსნება ზამთრის კურორტები

– 21:00 საათიდან  05:00 საათამდე გადაადგილებაზე შეზღუდვა

–  სავალდებულოა პირბადის ტარება

–  იკრძალება მასობრივი ღონისძიებების გამართვა

– აკრძალულია სპორტდარბაზებისა და აუზების მუშაობა

1 მარტიდან

- თბილისში, ქუთაისსა და რუსთავში  აღდგება მუნიციპალური ტრანსპორტის გადაადგილება

–  ქვეყნის მასშტაბით საქმიანობას განაახლებენ  სკოლები და საბავშვო ბაღები

-  პროფესიულ და უმაღლეს სასწავლო დაწესებულებებში სტუდენტები აუდიტორიებში დაბრუნდებიან

– აღდგება საქალაქთაშორისო ტრანსპორტის მოძრაობა

– მუშაობას განაახლებენ ზამთრის კურორტები

– გაუქმდება 21:00 საათიდან 05:00 საათამდე პერიოდში ქუჩაში გადაადგილებაზე დაწესებული შეზღუდვა

როგორც საქართველოს მთავრობაში აცხადებენ, აღნიშნულ გეგმაში ცვლილება ქვეყანაში შექმნილი ეპიდვითარებიდან გამომდინარე მოხდება

69
თემები:
კორონავირუსი საქართველოში: ბოლო ცნობები
თბილისის საკრებულომ პროდუქტები შეაგროვა

თბილისის საკრებულო მრავალშვილიან ოჯახებს პროდუქტებით ეხმარება

0
(განახლებულია 17:08 22.01.2021)
საკრებულოს დეპუტატები პანდემიის პირობებში  სოციალურად დაუცველთა დახმარების კამპანიაში მონაწილეობენ, რომელსაც თბილისის მერია ატარებს

თბილისი, 22 იანვარი – Sputnik. თბილისის საკრებულო განაგრძობს სოციალურად დაუცველი მრავალშვილიანი ოჯახების დახმარებას.

როგორც საკრებულოს ოფიციალურ ვებ–გვერდზე განთავსებულ განცხადებაშია აღნიშნული, წარმომადგენლობითი ორგანოს დეპუტატებმა თავიანთ მაჟორიტარულ ოლქებში საკვები პროდუქტები და პირველადი დახმარების ნივთები 500 ოჯახისთვის შეაგროვეს.

ოჯახებისთვის ნობათის შეძენა თბილისის საკრებულოს მიერ ბიუჯეტის 200 ათასი ლარით შემცირების შედეგად გახდა შესაძლებელი, რაც მერის სარეზერვო ფონდში აისახა. 

საკრებულოს თავმჯდომარის გიორგი ტყემალაძის განცხადებით, საკრებულო ჩართულია მარტოხელა მოხუცების, სოციალურად დაუცველი და მრავალშვილიანი ოჯახების დახმარების კამპანიაში. მისი თქმით, სოციალურად დაუცველი ოჯახების გვერდით დგომა პანდემიის პერიოდში ძალიან მნიშვნელოვანია

„თბილისის საკრებულო აგრძელებს კამპანიას, რომლის ფარგლებშიც ჩვენ საკვები პროდუქტებითა და პირველადი მოხმარების ნივთებით სოციალურად დაუცველ იმ ოჯახებს ვეხმარებით, რომელთაც ოთხი და მეტი შვილი ჰყავთ... კამპანია მომავალშიც გაგრძელდება და  უყურადღებოდ არ დარჩება არც ერთი ოჯახი, რომელზეც ჩვენ პასუხისმგებლობა ავიღეთ“ - განაცხადა ტყემალაძემ.

პროდუქტებისა და ნივთების უმეტესობას დეპუტატები ოჯახებს თვითონ დაურიგებენ.

0
თემები:
თბილისი დღეს