უკანონო მშენებლობების დემონტაჟი ე.წ. აფრიკის დასახლებაში

სახლების დემონტაჟი ე.წ. აფრიკაში: ლომჯარია მერიისგან ოფიციალურ განმარტებას მოითხოვს

136
(განახლებულია 22:20 15.12.2020)
ომბუდსმენმა მიმართა დედაქალაქის ხელისუფლებას თხოვნით, წარმოადგინონ ამომწურავი ინფორმაცია იმის შესახებ, რა ზომები იყო და იქნება მიღებული იმ ოჯახების დასაცავად, რომელთა სახლები დღეს დაანგრიეს

თბილისი, 15 დეკემბერი – Sputnik. ხელისუფლებას აქვს უნებართვო მშენებლობების დემონტაჟის უფლება, თუმცა დაუშვებელია ეს ადამიანის უფლებების დარღვევის ხარჯზე ხდებოდეს. ასეთი კომენტარი გააკეთა სახალხო დამცველმა ნინო ლომჯარიამ სამგორის რაიონში საცხოვრებელი სახლების დემონტაჟთან დაკავშირებით, რომელიც დღეს მერიამ განახორციელა.

ომბუდსმენი მოუწოდებს თბილისის მერიას გააკეთოს ოფიციალური განცხადება, რომელშიც იქნება წარმოდგენილი ამომწურავი ინფორმაცია იმის შესახებ, რა ზომები იყო და იქნება მიღებული იმ ოჯახების დასაცავად, რომელთა სახლები დღეს დაანგრიეს.

„უპირველეს ყოვლისა, უნდა აღინიშნოს, რომ ქვეყანაში უსახლკარო პირის სრულფასოვანი საკანონმდებლო განმარტების არარსებობა და აღნიშნულ პირთა შესახებ ზუსტი სტატისტიკის არქონა სისტემურ გამოწვევას წარმოადგენს, რაზეც წლებია ვსაუბრობთ. ამასთანავე, გამოწვევაა უსახლკარო პირთა თავშესაფრით უზრუნველყოფის საკითხი. მართალია თბილისში ფუნქციონირებს ლილოს თავშესაფარი, სადაც არის თავისუფალი ადგილები, თუმცა იქ არსებული ფართები არ არის გათვლილი ოჯახების, მათ შორის არასრულწლოვანი პირებისთვის“, - დაწერა ლომჯარიამ თავის Facebook-გვერდზე.

ე.წ. აფრიკის დასახლებაში სახელმწიფოს კუთვნილ მიწაზე უკანონო მშენებლობების დემონტაჟი დღეს პოლიციასა და სახლების მფლობელებს შორის შეხლა-შემოხლით დასრულდა. სახლის პატრონებმა ბულდოზერებს გზა გადაუკეტეს და შენობების დემონტაჟს არ ანებებდნენ. შეტაკებების შედეგად რამდენიმე ადამიანი დააკავეს.

თბილისის მერის თქმით, სახლების დემონტაჟი კანონიერ საფუძველზე განხორციელდა და მერია სახელმწიფო მიწების მიტაცებას ხელს ვერ შეუწყობს. კალაძემ ასევე აღნიშნა, რომ სახლების მფლობელები არაერთხელ გააფრთხილეს, რომ უკანონო ნაგებობები დემონტაჟს დაექვემდებარებოდა და მიწის უკანონო მისაკუთრება დანაშაულია. მისივე თქმით, „არცერთი ნაგებობა, რომელიც დემონტაჟს დაექვემდებარა, არ იყო დასრულებული და მასში არ ცხოვრობდნენ ადამიანები“.

136
თემები:
ადამიანის უფლებები საქართველოში (52)
ეპიდემია საქართველოში

COVID-19 საქართველოში: რამდენი შემთხვევა გამოვლინდა ბოლო დღე-ღამეში

29
ამ დროისათვის სულ გამოჯანმრთელდა 234.636 ადამიანი (ბოლო 24 საათში – 1.643), გარდაიცვალა – 2.958 (ბოლო 24 საათში – 25), კარანტინის რეჟიმშია 460, სტაციონარებში ექიმების დაკვირვების ქვეშ 3.670 პაციენტი, ხოლო კოვიდ–სასტუმროებში 634 ადამიანი იმყოფება. 

თბილისი, 18 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 110-ით გაიზარდა და ინფიცირებულთა საერთო რიცხვმა 247.915 მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 234.636 ადამიანი (ბოლო 24 საათში – 1.643), გარდაიცვალა – 2.958 (ბოლო 24 საათში – 25), კარანტინის რეჟიმშია 460, სტაციონარებში ექიმების დაკვირვების ქვეშ 3.670 პაციენტი, ხოლო კოვიდ–სასტუმროებში 634 ადამიანი იმყოფება. 

ბოლო 24 საათში ჩატარდა 4.964 კვლევა ტესტით, მათ შორის ანტიგენის სწრაფი ტესტით – 2.930, PCR ტესტით – 2.034.

საქართველოში კორონავირუსის პირველი შემთხვევა 26 თებერვალს დაფიქსირდა.

29
თემები:
კორონავირუსი საქართველოში: ბოლო ცნობები
თელასი

„თელასი": თბილისის რომელ უბნებს შეეზღუდება ელექტროენერგია 18 იანვარს

36
(განახლებულია 10:21 18.01.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 18 იანვარი – Sputnik. სააქციო საზოგადოება „თელასი" იუწყება, რომ 18 იანვარს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ვაკის რაიონი

10:00 საათიდან 11:00 საათამდე შეზღუდვა შეეხება: აბაშიძის ქუჩის (ნაწილობრივ) მოსახლეობას.

12:00 საათიდან 13:00 საათამდე შეზღუდვა შეეხება: აბაშიძის ქუჩის (ნაწილობრივ) მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: სოფელი დიღმის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

36
თემები:
თბილისი დღეს
თბილისი

ამინდის ზუსტი პროგნოზი თბილისში 20 იანვარს

0
(განახლებულია 10:24 18.01.2021)
თბილისელებსა და დედაქალაქის სტუმრებს ოთხშაბათს ზამთრის ცივი ამინდი ელოდებათ – დღისით ჰაერი 2 გრადუსამდე გათბება.

თბილისი, 18 იანვარი — Sputnik. სინოპტიკოსების პროგნოზით თბილისში ოთხშაბათს, 20 იანვარს ღრუბლიან და ცივ ამინდს პროგნოზირებენ.

მზე 08:23 საათზე ამოვა და 18:00 საათზე ჩავა.

დღისით ჰაერის მაქსიმალური ტემპერატურა პლუს 2 გრადუსი, ღამით კი მინუს 1 გრადუსი იქნება. ქარი წამში 10-15 მეტრი სიჩქარით დაუბერავს.

მზე თბილისში 18:00 საათზე ჩავა.

0
თემები:
ამინდის ზუსტი პროგნოზი თბილისში