თბილისი, 13 დეკემბერი – Sputnik. ბათუმში მაიაკოვსკის ქუჩაზე მდებარე საცხოვრებელი კორპუსიდან განსახლების მოთხოვნით მოქალაქეებმა ქუჩა გადაკეტეს, იუწყება პირველი არხი.

მოსახლეობის პროტესტის მიზეზი მაიაკოვსკის ქუჩაზე მდებარე ხუთსართულიანი საცხოვრებელი კორპუსია, რომელიც მათი განცხადებით, ავარიულია და მცხოვრებლებს საფრთხეს უქმნის.

45 ოჯახი ადგილობრივ ხელისუფლებას განსახლებას სთხოვს.

© CC0 / Pexels

სამეგრელოში 360 დევნილ ოჯახს ბინები გადაეცემა

აქციის მონაწილეები აცხადებენ, რომ განსახლების საკითხი დღის წესრიგში ჯერ კიდევ ოთხი წლის წინ დადგა. მათივე ინფორმაციით, ბათუმის მერიამ ავარიული კორპუსის ნაცვლად ახალი კორპუსის ასაშენებლად კომპანია „რეალმშენს“ ნახევარი მილიონი ლარი ჩაურიცხა, თუმცა მშენებლობა არ მიმდინარეობს.

„აქ ცხოვრება უკვე გაუსაძლისია. ხუთსართულიანი კორპუსი ტრაილერების გავლისას ზანზარებს, იბზარება… ახალი კორპუსი კი შენდება, თუმცა, ჩვენთვის გაურკვეველი მიზეზების გამო, ამ დრომდე არ დასრულდა. ვითხოვთ, უმოკლეს ვადაში დაასრულონ მშენებლობა. წლებია შიშის ქვეშ ვცხოვრობთ“, – განაცხადა ერთ-ერთმა მცხოვრებმა.

ადგილობრივების განცხადებით, მაიაკოვსკის ქუჩის რეაბილიტაციის შემდეგ საცხოვრებელი კორპუსი უფრო მეტად დაზიანდა.

პრობლემის მოუგვარებლობის შემთხვევაში ისინი კვლავ აქციებს აანონსებენ.

ბათუმის მერიაში აცხადებენ, რომ გამაგრებითი სამუშაოებისთვის 440 ათასი ლარია გათვალისწინებული. რაც შეეხება სამშენებლო სამუშაოებს, მერიის განცხადებით, ის გულისხმობს სახლის გამაგრებას, საძირკვლის, რკინა-ბეტონისა და ფასადის გამაგრებას. ასევე საკანალიზაციო სისტემის დამონტაჟებას, სადარბაზოებში კიბის გაძლიერებასა და სხვა საჭირო ღონისძიებას.

თბილისი, 25 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და ინფიცირებულთა საერთო რიცხვმა 253.816-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 243.396  ადამიანი (ბოლო 24 საათში – 1.311), გარდაიცვალა – 3.071  (ბოლო 24 საათში – 16), კარანტინის რეჟიმშია 515, სტაციონარებში ექიმების დაკვირვების ქვეშ 3.223პაციენტი, ხოლო კოვიდ–სასტუმროებში 402 ადამიანი იმყოფება. 

ბოლო 24 საათში ჩატარდა 6.868 კვლევა ტესტით, მათ შორის ანტიგენის სწრაფი ტესტით – 2.686, PCR ტესტით – 4.182.

ბოლო 24 საათში ჩატარებული კვლევა ტესტით - 6868, მათ შორის ანტიგენის სწრაფი ტესტით - 2.686, PCR ტესტით - 4.182

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა