Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ორი პანდემია ერთად: სომნოლოგი მიზეზ-კავშირს განმარტავს

© Pixabay / PublicDomainPicturesდეპრესია
დეპრესია - Sputnik საქართველო
გამოწერა
დამსახურებული სომნოლოგი მიიჩნევს, რომ ახლა მსოფლიოში უძილობის პანდემიაც მძვინვარებს და მის უმთავრეს მიზეზს ასახელებს

თბილისი, 12 დეკემბერი ― Sputnik. უძილობა პირდაპირ კავშირშია კორონავირუსულ ინფექციასთან, აცხადებს რუსეთის სომნოლოგთა საზოგადოების პრეზიდენტი, დამსახურებული ექიმი რომან ბუზუნოვი.

COVID - 19  - Sputnik საქართველო
რა უნდა გაითვალისწინონ კოვიდისგან განკურნებულმა ახალგაზრდებმა: იტალიელი ექიმი განმარტავს

მისი თქმით, პანდემიის ერთ-ერთი შედეგი არის დეპრესია, რომელსაც ძილის სერიოზული დარღვევები მოსდევს.

„ახლა რაც გვაქვს, ეს ხანგრძლივი სტრესული მდგომარეობაა. მთელი მოსახლეობა პრაქტიკულად სტრესულ მდგომარეობაშია. ფაქტობრივად, კორონავირუსული ინფექციის პანდემიის ფონზე უძილობის პანდემია გვაქვს“, ― მიაჩნია ექიმს.  

ამასთან სპეციალისტი ხაზს უსვამს, რომ უძილობის პრობლემა აქტუალურია არა მარტო მათთვისაც, ვინც COVID-19 -ით იავადმყოფა, არამედ მათთვისაც, ვინც ავად არ გამხდარა.

ამის მიზეზი, სომნოლოგის აზრით, არის ჩვეულებრივი რეჟიმის დარღვევა: ადამიანები არ დადიან სამსახურებში, შეუძლიათ ადგნენ და დაწვნენ ნებისმიერ დროს, როცა მოესურვებათ. ამასთან ისინი აღარ იტვირთებიან ფიზიკურად ისე, როგორც მანამდე. არადა, სწორედ ფიზიკური აქტივობა არის კიდეც საუკეთესო ანტისტრესული საშუალება.

COVID-19 იშვიათ სიმპტომებსა და უცნაურ შედეგებს ავლენს: განკურნებულის ნაამბობი>>

გარდა ამისა, ბუზუნოვის თქმით, უძილობის მიზეზი ხდება პანიკური შეტევებიც, ამიტომ მისი რჩევაა, არ გაეცნოთ ახალ ამბებს დღის მეორე ნახევარში.

ყველა ახალი ამბავი
0