ლაბორატორია

ქუთაისის ვიცე-მერს კორონავირუსი დაუდასტურდა

47
(განახლებულია 18:57 11.12.2020)
ირაკლი ქარქაშაძეს კონტაქტი ჰქონდა იმერეთის გუბერნატორთან ზვიად შალამბერიძესთან, რომელსაც კორონავირუსი 8 დეკემბერს დაუდგინდა.

თბილისი, 11 დეკემბერი – Sputnik. ქუთაისის მუნიციპალიტეტის ვიცე-მერს ირაკლი ქარქაშაძეს კორონავირუსი დაუდასტურდა, იუწყება ტელეკომპანია „რუსთავი 2“.

გავრცელებული ინფორმაციით, ქარქაშაძეს ვირუსისთვის დამახასიათებელი მსუბუქი სიმპტომები აღენიშნება და მკურნალობის კურსს სახლში აგრძელებს. ამ ეტაპზე მისი ჯანმრთელობის მდგომარეობა სტაბილურია.

ბოლო 24 საათში იმერეთის რეგიონში კორონავირუსით ინფიცირების 636 შემთხვევა დაფიქსირდა. ქვეყნის მასშტაბით კი კოვიდ-ინფიცირებულთა რაოდენობა ბოლო დღე-ღამეში 4.146-ით გაიზარდა და ინფიცირებულთა საერთო რიცხვმა 183.099-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

47
თემები:
COVID-19 საქართველოში (2862)
თორნიკე ოქრიაშვილი და ლიკი მუზაშვილი

თორნიკე ოქრიაშვილი მესამე შვილს ელოდება - წყვილმა ბავშვის სქესი გაიგო - ვიდეო

10
(განახლებულია 14:11 26.01.2021)
ფეხბურთელი თორნიკე ოქრიაშვილი საკმაოდ წარმატებულ ფეხბურთელად მიიჩნევა როგორც საქართველოში, ისე ქვეყნის ფარგლებს გარეთ. თორნიკეს ჰყავს მეუღლე – ლიკა მუზაშვილი და ორი ვაჟი

თორნიკე ოქრიაშვილის და ლიკი მუზაშვილის წყვილი სასიამოვნო სიახლის მოლოდინშია. ისინი მესამედ გახდებიან მშობლები. ამის შესახებ ცნობილი რამდენიმე კვირის წინ გახდა, როდესაც თორნიკე ოქრიაშვილმა „ინსტაგრამის“ პირად გვერდზე სთორი გამოაქვეყნა, რომელიც მისი მეუღლის ექოსკოპიის დროს იყო გადაღებული.

როგორც გაირკვა, წყვილმა უკვე პატარას სქესიც იცის. მათ ცოტა ხნის წინ კიპრზე Babyshower მოაწყვეს, სადაც მათი მეგობრები ჰყავდათ მიწვეული. ღონისძიება ღია ცის ქვეშ შედგა, თორნიკესთვის სრულიად მოულოდნელი აღმოჩნდა ის ფაქტი, რომ ბოლოსდაბოლოს ის ნანატრი ქალიშვილის მამა გახდება.

„მე ვარ ბედნიერი მამა”, – დაწერა ოქრიაშვილმა „ინსტაგრამის“ პირად გვერდზე, პატარას სქესის გაგების შემდეგ.

თორ­ნი­კე ოქ­რი­აშ­ვი­ლი უკვე წლე­ბია სა­ქარ­თვე­ლოს ეროვ­ნუ­ლი სა­ფეხ­ბურ­თო ნაკ­რე­ბის გა­მორ­ჩე­უ­ლი წევ­რია და გუნ­დის ერთ-ერთ მთა­ვარ მო­თა­მა­შედ ჩა­მო­ყა­ლიბ­და, რო­მელ­მაც ნაკ­რებს არა­ერ­თი გა­მარ­ჯვე­ბა მო­უ­ტა­ნა. თა­ვი­სი თა­მა­ში­სა და გო­ლე­ბის წყა­ლო­ბით თორ­ნი­კე ქარ­თვე­ლი გულ­შე­მატ­კივ­რის გან­სა­კუთ­რე­ბუ­ლი სიყ­ვა­რუ­ლით სარ­გებ­ლობს და ეს არ­ცაა გა­საკ­ვი­რი.

თორ­ნი­კე წლე­ბია და­ქორ­წი­ნე­ბუ­ლია ლიკა მუ­ზაშ­ვილ­ზე. წყვილს ორი შვი­ლი ჰყავს – 8 წლის ალექ­სან­დრე და 6 წლის დადი. თორ­ნი­კე ამ­ჟა­მად კვიპ­რო­სუ­ლი კლუ­ბი „ანორ­თო­სი­სის“ ფეხ­ბურ­თე­ლია. ლიკა ხში­რად აქ­ვეყ­ნებს „ინ­სტაგ­რამ­ზე“ ოჯა­ხურ ფო­ტო­ებს. ის მე­უღ­ლის მთა­ვა­რი მხარ­დამ­ჭე­რი და გულ­შე­მატ­კი­ვა­რია.

10
თემები:
სელებრითების ცხოვრება
შეყვარებულები

ვინც 2020 წელს ოჯახი შეინარჩუნა: დაწერეთ წერილი და მიიღეთ ბრილიანტის ორი ბეჭედი

19
ბრილიანტის ბეჭდების საჩუქრად მიღება მსოფლიოს ნებისმიერ წერტილში მცხოვრებ წყვილს შეუძლია, თუკი ისინი ერთ პირობას დააკმაყოფილებენ

თბილისი, 26 იანვარი — Sputnik. წყვილს, რომელმაც კორონავირუსული პანდემიით გამოწვეულ სირთულეებს გაუძლო და ოჯახური ერთიანობა შეინარჩუნა, ამერიკელი კრისტენ ბონავიტა ბრილიანტის ორი ბეჭდის ჩუქებას ჰპირდება — ოღონდ, ერთი პირობით, წერს Daily Mail–ი ქალის Facebook–ზე დაყრდნობით.

გავრცელებული ინფორმაციით, ბრილიანტის ნიშნობის ბეჭდები მსოფლიოს ნებისმიერ კუთხეში მცხოვრებს წყვილს შეუძლია მიიღოს, თუკი ისინი ბონავიტას მიერ წამოყენებულ პირობას დააკმაყოფილებენ.

ირკვევა, რომ კრისტენ ბონავიტა და მისი მეუღლე 2020 წელს დაშორდნენ ერთმანეთს, რაც ქალმა ძალიან მძიმედ გადაიტანა. ხოლო მას შემდეგ, რაც განცდებს თავი დააღწია და ყველაფერი უკან დარჩა, გადაწყვიტა, თავიდან მოიშოროს წარუმატებელი ოჯახური ცხოვრების შესახებ მოგონებები და თავისი ბეჭედი ბედნიერ წყვილს უსახსოვროს.

როდესაც კრისტენის ყოფილმა ქმარმა მისი სურვილის შესახებ შეიტყო, თავადაც მოინდომა ამ კეთილ საქმეში ჩართვა და საკუთარი ბეჭდის გაჩუქებაც გადაწყვიტა. ასე რომ, ახლა ორი ძვირადღირებული სამკაული ახალ პატრონებს ელოდება.

„მინდა ჩემი და ჩემი ყოფილი ქმრის კუთვნილი ნიშნობის ბეჭდები ვაჩუქო წყვილს, რომელიც 2020 წელს მძიმე პრობლემებს შეეჯახა, მაგრამ სირთულეების გადალახვა ერთად შეძლო“, —წერს კრისტენ ბონავიტა.
  • მისი ერთად ერთი პირობა ასეთია: წყვილმა უნდა დაწეროს მოკლე ესე იმის შესახებ, თუ როგორ მოახერხეს ურთიერთობების შენაჩუნება პანდემიის დროს. მონათხრობი არ უნდა აღემატებოდეს 250 სიტყვას, წერილს კი უნდა ერთ ვოდეს 2020 წელს გადაღებული ფოტო.

აღსანიშნავია, რომ ექსპერტების შეფასებით, კრისტენ ბონავიტას თითქმის ორ კარატიანი ბეჭედი 2 800 დოლარი ღირს, მისი მეუღლისა კი უფრო იაფი — დაახლოებით 760 დოლარი.

19
თემები:
საერთაშორისო პანორამა