გიორგი ყიფშიძე მეუღლესთან ერთად

გიორგი ყიფშიძე მესამე ცოლისგან მეოთხე შვილს ელოდება

3426
(განახლებულია 21:37 11.12.2020)
გიორგი ყიფშიძის პირადი ცხოვრება მუდამ ინტერესის საგანია. ცოტა ხნის წინ მსახიობმა 20 წლით უმცროსი ცოლი მოიყვანა და მისგან ცოტა ხნის წინ შვილიც შეეძინა. ახალშობილს უცნაური სახელი შეურჩიეს. ახლა წყვილი უკვე მეორე შვილს ელოდება.

მსახიობ გიორგი ყიფშიძეს და ფოტოგრაფ ანა გასიევას მარტში ბიჭუნა – კოსმო ყიფშიძე შეეძინათ. მსახიობმა სოციალურ ქსელში ახალშობილთან ერთად გადაღებული პირველი ფოტო გამოაქვეყნა და უამრავი მილოცვაც მიიღო. ამჟამად წყვილი მეორე შვილს ელოდება. ამის შესახებ ცნობილი თოქშოუ „პროფილის“ ანონსიდან გახდა.

ბიჭუნას დაბადებამდე რამდენიმე ხნით ადრე გიორგის ახალმა მეორე ნახევარმა სოციალურ ქსელში ბეჭდების ფოტო გამოაქვეყნა ქორწინების მოწმობის ფონზე და ამით ცნობილი გახდა, რომ გიორგი ყიფშიძემ 24 წლის მსახიობზე იქორწინა. წყვილმა ქორწილი „ზაზანოვაში“ გადაიხადა.

გიორგი დაახლოებით 15 წლის წინ დაშორდა მოდელ კრისტი ყიფშიძეს, რომელიც დღემდე მის გვარს ატარებს. მასთან გიორგის ყველასთვის საყვარელი გოგონა ნატალია ყიფშიძე ჰყავს. კრისტისთან დაშორების შემდეგ მან მხატვარ ანი ჩიკვილაძეზე იქორწინა. ხმები მათი დაშორების შესახებ წლების მანძილზე ვრცელდებოდა, თუმცა ისინი კვლავ ერთად ჩნდებოდნენ საზოგადოებაში. ანის და გიორგის საერთო ვაჟი სანდრო ჰყავთ. რამდენიმე თვის წინ კი ცნობილი გახდა, რომ ყიფშიძე ანი ჩიკვილაძესაც დაშორდა.

43 წლის გიორგი ყიფშიძე მიხეილ თუმანიშვილის კინომსახიობთა თეატრის მსახიობია 2002 წლიდან. მონაწილეობდა ფილმებში „რევერსი (უბრალოდ თამაში)“, „თბილისური Love Story“, „გასეირნება ყარაბახში 2“, „ქუჩის დღეები“, „მარილივით თეთრი“.

გიორგი ყიფშიძე დიდი ხანია ცნობილი მამის ჩრდილიდან გამოვიდა და ახლა მას მოიხსენიებენ, როგორც გიორგის და არა როგორც ზურას შვილს. იგი შესანიშნავი მსახიობია. განსაკუთრებით პოპულარული გახდა ტელესერიალიდან „ცხელი ძაღლი“, ხოლო მისმა პოპულარობამ პიკს მიაღწია მას შემდეგ, რაც მონაწილეობდა ქართულ სერიალში „ჩემი ცოლის დაქალები“, სადაც ვერსკის როლი შეასრულა.

3426
თემები:
სელებრითების ცხოვრება (2638)
თელასი

„თელასი": თბილისის რომელ უბნებს შეეზღუდება ელექტროენერგია 25 იანვარს

10
(განახლებულია 21:27 24.01.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 25 იანვარი – Sputnik. სააქციო საზოგადოება „თელასი" იუწყება, რომ 25 იანვარს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ვაკის რაიონი

11:00 საათიდან 17:00 საათამდე შეზღუდვა შეეხება: ვაკის პარკის მიმდებარე ტერიტორიის, ჭავჭავაძის გამზირის, აბაშიძის, ფალიაშვილის, დარიალის, ცხვედაძის, ტაბიძის, ძმები კიკნაველიძეების და მიშველაძის ქუჩების მოსახლეობას.

11:00 საათიდან 14:00 საათამდე შეზღუდვა შეეხება: წყნეთის გზატკეცილის და ბაგების დასახლების მოსახლეობას.

ჩუღურეთის რაიონი

10:00 საათიდან 17:00 საათამდე შეზღუდვა შეეხება: ლამის, დიღომბარის და დავითაშვილის ქუჩების მოსახლეობას.

კრწანისის რაიონი

10:00 საათიდან 16:00 საათამდე შეზღუდვა შეეხება: ფონიჭლის დასახლების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: თინათინის და ვეფხისტყაოსნის ქუჩების მოსახლეობას.

10:00 საათიდან 14:00 საათამდე შეზღუდვა შეეხება: კანდელაკის ქუჩის მოსახლეობას.

სამგორის რაიონი

10:00 საათიდან 18:00 საათამდე შეზღუდვა შეეხება: გარდაბნის გზატკეცილის, ქვემო მელითონეთა დასახლების, წმინდა ბარბარეს უბნის, ყიფიანის, ბოგდან ხმელნიცკის, აღნიაშვილის, ბურჯანაძის, პერინის, თეკლა ბატონიშვილის, ქინძმარაულის და ბარბარეს ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

10
თემები:
თბილისი დღეს
მსვლელობა რუსთაველზე

თბილისის ცენტრში კომენდანტის საათის წინააღმდეგ მსვლელობა გაიმართა

462
(განახლებულია 23:18 24.01.2021)
აქციის მონაწილეები მმართველი პარტიის ოფისთან მიტინგის შემდეგ შსს-ს შენობისკენ გაემართნენ, სადაც ბათუმში დაკავებული აქტივისტის გათავისუფლება მოითხოვეს

თბილისი, 24 იანვარი – Sputnik. კომენდანტის საათის დაწყებამდე რამდენიმე წუთით ადრე თბილისში პარლამენტის შენობიდან რამდენიმე ათეულმა ადამიანმა საპროტესტო მსვლელობით გაიარა.

აქციის მონაწილეები ხელისუფლებისგან მოითხოვენ კომენდანტის საათის გაუქმებას, რომლის 1 მარტამდე გახანგრძლივება საკოორდინაციო საბჭომ გადაწყვიტა. გარდა ამისა, მსვლელობის მონაწილეები ორგანიზაცია „ალტერნატივას“ ბათუმში დაკავებული აქტივისტის, ირაკლი ფანგანის გათავისუფლებას მოითხოვენ.

ფანგანმა ბულვარზე 16-სართულიანი შენობის მშენებლობის წინააღმდეგ გამართულ აქციაზე აჭარის უმაღლესი საბჭოს დეპუტატ ირაკლი ჩავლეიშვილს თავზე ნაგვის ურნიდან ნარჩენები დააყარა.

მსვლელობის მონაწილეები ორთაჭალაში მდებარე მმართველი პარტია „ქართული ოცნების“ ოფისისკენ გაემართნენ, სადაც მიტინგი გამართეს. მათ ასევე რამდენჯერმე საქართველოს ჰიმნი შეასრულეს. შემდეგ მომიტინგეები გაემართნენ შსს-ს შენობისკენ, რათა ფანგანის გათავისუფლება მოეთხოვათ.

აქციამ ინციდენტების გარეშე ჩაიარა, მისი მონაწილეები არ დაუკავებიათ და არ დაუჯარიმებიათ.

დღის განმავლობაში თბილისში ერთბაშად ორი აქცია გაიმართა. მთავრობის კანცელარიასთან რამდენიმე ასეული ადამიანი ყველა მოქმედი შეზღუდვის გაუქმების მოთხოვნით შეიკრიბა. მეორე აქცია მზიურის პარკში მშობლებმა გამართეს. მათ მთავრობას მოსთხოვეს, უკვე 1 თებერვლიდან განახლდეს სასწავლო პროცესი თბილისის, ქუთაისისა და რუსთავის სკოლებში და თანაც უშუალოდ საკლასო ოთახებში.

მთავრობას გადაწყვეტილების მისაღებად 48 საათი მისცეს. წინააღმდეგ შემთხვევაში აქტივისტები, სამოქალაქო სექტორის წარმომადგენლები, არასამთავრობო ორგანიზაციები და ოპოზიციური პარტიები პერმანენტულ საპროტესტო აქციებს აანონსებენ, ყველაზე მასშტაბური კი 26 იანვრისთვისაა დაგეგმილი.

462
ევროსაბჭოს საპარლამენტო ასამბლეა

ქართული დელეგაცია ევროსაბჭოს საპარლამენტო ასამბლეის სესიაში მიიღებს მონაწილეობას

0
დღეს სტრასბურგში გაიხსნება ევროსაბჭოს საპარლამენტო ასამბლეის (PACE) ზამთრის სესია, რომელიც მთელ კვირას გასტანს

თბილისი, 25 იანვარი – Sputnik. საქართველოს პარლამენტის მუდმივმოქმედი დელეგაცია 25-29 იანვარს ევროპის საბჭოს საპარლამენტო ასამბლეის ზამთრის სესიაში მიიღებს მონაწილეობას, ნათქვამია საქართველოს პარლამენტის მიერ გავრცელებულ განცხადებაში.

ქართულ დელეგაციას პარლამენტის თავმჯდომარის მოადგილე კახა კუჭავა უხელმძღვანელებს.

უწყების ინფორმაციით, ეს არის საპარლამენტო დელეგაციის პირველი ვიზიტი, რომელიც მეათე მოწვევის პარლამენტის ფარგლებში განხორციელდება.

სესიაზე მსჯელობის მთავარი საგანი გლობალური პანდემია და კოვიდ–19-ის საწინააღმდეგო ვაქცინები იქნება. დელეგატებს სიტყვით მიმართავს ჯანმრთელობის მსოფლიო ორგანიზაციის გენერალური დირექტორი ტედროს ადანომ გებრეიესუსი.

ამასთან, სასესიო და საკომიტეტო მუშაობის პარალელურად, დელეგაციის წევრები გამართავენ მაღალი დონის შეხვედრებს.

„ჩვენთვის ძალიან მნიშვნელოვანი იყო ამ ვიზიტის განხორციელება, რადგან არის ბევრი აქტუალური საკითხი, ანგარიში, რომელიც საქართველოს ეხება. ჩვენ ვაპირებთ, ძალიან აქტიურად მივიღოთ მონაწილეობა ამ განხილვებში“, - განაცხადა კუჭავამ.

მისი ინფორმაციით, ერთ-ერთი მნიშნელოვანი დოკუმენტი, რომელიც პირველივე დღეს იქნება წარმოდგენილი, გახლავთ ევროსაბჭოს სადამკვირვებლო მისიის ანგარიში, რომელიც  2020 წლის 31 ოქტომბრის არჩევნებს შეეხება.

ანგარიშს დღევანდელ სხდომაზე წარადგენს მისიის ხელმძღვანელი, ჰოლანდიელი დეპუტატი ტინი კოქსი.

„ჩვენთვის ასევე მნიშვნელოვანია მონიტორინგის ანგარიში და ის დადებითი შეფასებები, რომელიც წარმოდგენილია საქართველოს მიმართ“, -  განაცხადა კახა კუჭავამ.

სტრასბურგში მყოფი დელეგაციის შემადგენლობაში მმართველი პარტიიდან არიან ირაკლი კობახიძე, მარიამ ქვრივიშვილი, გივი მიქანაძე, თამარ ტალიაშვილი, ირაკლი ჩიქოვანი და გიორგი ხოჯევანიშვილი. დელეგაციის წევრია „ევროპელი სოციალისტების“ წარმომადგენელი ფრიდონ ინჯიაც.

0
თემები:
საქართველოს პარლამენტი