მაია ასათიანი გათხოვდა? – ტელეწამყვანმა საქორწინო ბეჭდიანი ფოტო გაასაჯაროვა

ტელეწამყვანმა მაია ასათიანმა „ინსტაგრამის“ „ფოლოვერებს“ ახალი თავსატეხი გაუჩინა. რამდენიმე საათის წინ მაია ასათიანის „სთორიში“ გაჩნდა ფოტო, სადაც მისი ხელი მამაკაცს უჭირავს, ორივეს კი საქორწინო ბეჭდები უკეთიათ.

უცნობია, ვინ არის აღნიშნული მამაკაცი, თუმცა მაია ასათიანი, მისი თანხმობის შემთხვევაში, სავარაუდოდ, მზადაა გაასაჯაროოს ვინაობა. „დაგთაგო?“ – დააწერა ფოტოს ტელეწამყვანმა, რომელიც საყვარელი ადამიანის თანხმობას ელის.

რამდენიმე თვის წინ „ფორტუნა პლუსის“ გადაცემა „ვიზიტორში“ ჟურნალისტმა და ტელეწამყვანმა მაია ასათიანმა მისი ცხოვრების აქამდე უცნობ ფაქტებზე ისაუბრა. მისი თქმით, შვილის გარდაცვალების შემდეგ სოციალურ ქსელში მასზე ბევრი ჭორი იწერებოდა, რაც ძალას აძლევდა, რომ მუდმივად ტონუსში ყოფილიყო.

„რაც ჩემს პირად ცხოვრებას შეეხება, დიახ, რასაც საუბრობდნენ, მართალი იყო, უბრალოდ ახლა ამ ყველაფერზე საუბარი არ მსურს, იმიტომ რომ ეს მხოლოდ მე არ მეკუთვნის. მე პირადი ცხოვრება მაქვს და მუდამ მქონდა, უბრალოდ ის დაცულია. რაც გათხოვებას შეეხება, გათხოვება არ მინდა“, – თქვა მაშინ ტელეწამყვანმა.