ქართული ტელეარხების მიკროფონები

„როდესაც სკანდალი არ არსებობს, მას იგონებენ“ - ფეიკ-ნიუსები ქართულ მედიაში

278
(განახლებულია 14:33 28.11.2020)
ქართველი და რუსი მედიაექსპერტების თვალსაზრისით, ფეიკ-ნიუსების მოცულობა მთელს მსოფლიოში ყველა ზღვარს სცილდება, და ამასთან ბრძოლაა საჭირო

თბილისი, 28 ნოემბერი - Sputnik. ქართული მედია პოლიტიკურად პოლარიზებულია, რაც ქვეყნის საპარლამენტო არჩევნების წინ გამოჩნდა, განაცხადა ჟურნალისტმა, საერთაშორისო მიმომხილველმა დავით ახვლედიანმა.

პარასკევს გაიმართა ქართველი და რუსი ჟურნალისტებისა და მედიის ექსპერტების ონლაინ შეხვედრა თემაზე: „ახალი მედიების ზრდა საქართველოში. საჯარო პოლიტიკური სფეროს ტრანსფორმაცია". ღონისძიების ორგანიზატორია პრიმაკოვის ქართულ-რუსული საზოგადოებრივი ცენტრი გორჩაკოვის ფონდის დახმარებით.

მონაწილეებმა გაანალიზეს საქართველოში ყალბი ინფორმაციის გავრცელების პრობლემა და მის გავრცელებასთან წინააღმდეგ გზები პოვნას შეეცადნენ.

„ამ ეტაპზე საქართველოში მედიები სტაგნაციაში იმყოფებიან. ეს ეხება როგორც სატელევიზიო არხებს, ისე ელექტრონული და ბეჭდური მედიის დიდ ნაწილს. ეს მთელი სიცხადით გამოჩნდა საპარლამენტო არჩევნების წინა პერიოდში. ცნობილია, რომ საქართველოში მედიაც ისევე პოლარიზებულია, როგორც პოლიტიკური ველი. ფაქტობრივად, იგი დაყოფილია და ფიგურალურად რომ ვთქვათ, შეღებილია წითლად და ლურჯად. სხვათა შორის, ეს ეკრანებზე შეიმჩნევა. სააკაშვილის მხარდამჭერი არხების ფონი წითელია, სახელისუფლებლო არხების - ცისფერი“, - განაცხადა ახვლედიანმა.

მისი თქმით, ასეთი ტელეარხები იყენებენ მაუწყებლობის ვულგარულ მეთოდებს: ტექსტის მოდერაციას, ფაქტების დამახინჯებას, თავხედურ და უხეშ პროპაგანდას და ნეიროლინგვისტიკის ელემენტებსაც კი.

მედია ექსპერტი გეორგი ახვლედიანი კი მიიჩნევს, რომ პრობლემა ბოლო პერიოდში საქართველოში მწვავედ დგას ფეიკნიუსების პრობლემა და მედიასაშუალებები პიარისა და რეიტინგის გულისთვის ყველაფერზე მიდიან.

„ყველაზე მთავარია, რაც შეიძლება ითქვას ქართული სატელევიზიო არხების ბაზარზე არსებულ სიახლეზე, არის ფეიკნიუსები, რომლებმაც უკვე ყველა ზღვარს გადააჭარბეს. არა მგონია, რომ მსოფლიოს რომელიმე ქვეყანაში არსებობს ტელეარხები, რომლებიც იმდენ ფეიკნიუსს ქმნიან, როგორც საქართველოში. სამწუხაროდ, ასეთ არხებს ვერაფერს ვერ უხერხებენ, არ არსებობს კანონები, რომლებიც აღკვეთდნენ ამ ცილისწამებას და გამოგონილ ინფორმაციას ", - განაცხადა ახვლედიანმა.

მისივე თქმით, ცხადია, რომ ტელეარხებს ძალიან აინტერესებთ სკანდალური ინფორმაციის მოძიება, მაგრამ სკანდალები არ ხდება ყოველდღე ან თუნდაც ყოველ თვე. ქართული ტელეარხები თავად იგონებენ ფაქტებს, აკეთებენ სიუჟეტებს მათ შესახებ და მოჰყავთ საკუთარი ექსპერტები, აცხადებს ექსპერტი.

„ბოლო წლებში სატელევიზიო არხები პოლიტიკური პარტიის პრესსამსახურის დანამატებად იქცნენ. ახლა ჩვენთან დგას საკითხი კანონის მიღებაზე, რომელიც როგორმე გააკონტროლებს ამ სიტუაციას. მაგრამ მონეტას მეორე მხარე აქვს - ოპოზიცია და ტელეარხები ალაპარაკდებიან, რომ ქვეყანაში სიტყვის თავისუფლება ირღვევა და ა.შ. ”, - აღნიშნა მან.

რუსეთის ჟურნალისტთა კავშირის მდივანი, ჟურნალისტთა საერთაშორისო ფედერაციის ვიცე-პრეზიდენტი ტიმურ შაფირი ირწმუნება, რომ ის, რაც ქართულ ჟურნალისტიკაში ხდება, სხვადასხვა ქვეყნის მედიასაშუალებებსაც ეხება.

„რაც არ უნდა უცნაურად მოეჩვენოს ჩვენს ქართველ კოლეგებს, ყველა ის პროცესი, რომელიც მათ მედიასა და ჟურნალისტურ საზოგადოებაში მიმდინარეობს და მომავალშიც მოხდება, ერთნაირია ყველა ქვეყნისთვის”, - განაცხადა შაფირმა.

მისივე თქმით, კარს მოგვადგა „ახალი მედიები", რასაც მოწმობს ისეთი პლატფორმების გაჩენა, როგორიცაა TikTok. მსგავსი პროექტები მომავალშიც გამოჩნდება და ჟურნალისტები უკვე ახლავე უნდა მოემზადონ თანაცხოვრებისთვის ამ ახალ ტექნოლოგიებთან.

„ჩვენ უნდა დავფიქრდეთ იმაზე, ხვალ რამდენი ფეიკნიუსი დაგვატყდება. მათი რიცხვი უკვე დღეს აჭარბებს ყველა გონივრულ ზღვარს არა მხოლოდ საქართველოში, არამედ რუსეთსა და შეერთებულ შტატებში", - განაცხადა შაფირმა.

ასეთი მნიშვნელოვანი პრობლემის გადაჭრის ერთ-ერთ ვარიანტად ექსპერტები თვით საზოგადოების ანალიტიკური აზროვნების დონის გაზრდას განიხილავენ.

278
ადამიანები პირბადეებით

რიჟვაძე: ეპიდვითარების სტაბილურობის შესანარჩუნებლად მნიშვნელოვანია რეკომენდაციების დაცვა

10
უწყებათაშორისმა საკოორდინაციო საბჭომ დღევანდელ სხდომაზე ქვეყანაში მოქმედი შეზღუდვების ეტაპობრივი მოხსნის გეგმა დაამტკიცა. აღნიშნულ გეგმაში ცვლილება ქვეყანაში შექმნილი ეპიდვითარებიდან გამომდინარე მოხდება

თბილისი, 22 იანვარი – Sputnik. ყველა იმ რეკომენდაციის დაცვა, რომელიც ძალაში რჩება, მნიშვნელოვანია, რათა მობილობა იყოს კონტროლირებადი და შეზღუდვების შემსუბუქებიდან გამომდინარე, შესაძლებელი გახდეს ეპიდვითარების სტაბილურობის შენარჩუნებაც, განაცხადა აჭარის მთავრობის თავმჯდომარე თორნიკე რიჟვაძემ.

შეზღუდვები, რომელიც 1 თებერვლიდან გაუქმდება: სრული ჩამონათვალი>>

დღეს საქართველოს პრემიერ-მინისტრ გიორგი გახარიას ხელმძღვანელობით უწყებათაშორისმა საკოორდინაციო საბჭომ ქვეყანაში 1 თებერვლიდან მოქმედი შეზღუდვების ეტაპობრივი მოხსნის გადაწყვეტილება მიიღო.

„მთელმა მსოფლიომ შეძლო უკვე გარკვეული გამოცდილებისა და ცოდნის დაგროვება. აჭარაც არ არის გამონაკლისი. პირველ რიგში, საფრთხე არ უნდა შეექმნას ჩვენი მოქალაქეების ჯანმრთელობასა და სიცოცხლეს, მეორე მხრივ, ეკონომიკურ საქმიანობას მეტი დინამიკა უნდა შევძინოთ“, – განაცხადა რიჟვაძემ.

აჭარის მთავრობის თავმჯდომარემ მოუწოდა მოსახლეობას, ბიზნეს–სექტორსა და პედაგოგებს, მკაცრად დაიცვან არსებული რეკომენდაციები, ისარგებლონ ტესტირების პროგრამით, რაც ვირუსის სწრაფი გამოვლენისა და მასზე რეაგირების საშუალებას იძლევა.

ეპიდემიოლოგიური ვითარებიდან გამომდინარე, ქვეყნის მასშტაბით  შეზღუდვები ეტაპობრივად შემსუბუქდება.

იმის გათვალისწინებით, რომ აჭარაში ინფიცირების დადებითობის 7 დღის საშუალო მაჩვენებელი 4%-ზე დაბალია, უწყებათაშორისმა საკოორდინაციო საბჭომ მიიღო გადაწყვეტილება, რომ აჭარაში 1-ლი თებერვლიდან დაშვებული იქნება კვების ობიექტებში ღია სივრცეებში სტუმრების მიღება. კვლავ ძალაში რჩება ქორწილების, სხვადასხვა სოციალური ღონისძიებისა თუ წვეულების გამართვასთან დაკავშირებით მოქმედი აკრძალვა.

ღამის საათებში გადაადგილებაზე შეზღუდვა 1 მარტამდე გახანგრძლივდა>>

ამასთან, 1 თებერვლიდან ბათუმში აღდგება მუნიციპალური ტრანსპორტის, სკოლების, მაღაზიების და სავაჭრო ცენტრების მუშაობა. ღია და დახურული ბაზრობები კი 15 თებერვლიდან გაიხსნება.

10
თემები:
კორონავირუსი საქართველოში: ბოლო ცნობები
ხატია წერეთელი

„სტრიპტიზი კორონამდე...“ - ხატია წერეთელი Tiktok-ზე გააქტიურდა - ვიდეო

36
(განახლებულია 16:25 22.01.2021)
სოციალურ ქსელში პოპულარულია ხატია წერეთლის ვიდეო, სადაც მომღერალი კორონამდელ სტრიპრიზს ასრულებს. ნახეთ როგორ ცეკვავს ის კორონაპანდემიის შემდეგ

მომღერალი ხატია წერეთელი სოციალურ ქსელ Tiktok-ზე ბოლო დროს ძალიან გააქტიურდა. მას 13 ათასზე მეტი „ფოლოუერი“ ჰყავს და როგორც ჩანს, ეს პლატფორმა ძალიან მოსწონს, რადგან ხშირად დებს სახალისო ვიდეოებს. ერთ-ერთი ბოლო ვიდეო მომღერალმა სათაურით „სტრიპრიზი კორონამდე და კორონას შემდეგ დადო“. ვიდეოს უამრავი ნახვა აქვს.

როგორც ჩანს, მომღერალი კვლავ მარტოა. რამდენიმე კვირის წინ ცნობილი გახდა, რომ ხატიას შეყვარებულმა იმედა ვახტანგიშვილმა ცოლი მოიყვანა და ამის შესახებ თავად ხატიამ დაწერა „ფეისბუქის“ პირად გვერდზე. მომღერალი წერდა, რომ სამწუხაროდ გვიან აღმოაჩინა, რომ საყვარელი მამაკაცი ალფონსი იყო. აღმოჩნდა, რომ მომღერლის პარალელურად კაცი სხვა ქალსაც ხვდებოდა, რომელზეც, როგორც სოციალურ ქსელში გავრცელებული ფოტოებიდან ჩანს, დაქორწინდა კიდეც.

შეყვარებულთან დაშორების შემდეგ მომღერალმა პლასტიკურ ქირურგიას მიმართა და ცხვირი გაილამაზა.
სოციალური ქსელის მომხმარებლები ერთხმად აღნიშნავენ, რომ რინოპლასტიკა მომღერალს განსაკუთრებით მოუხდა.

ხატია წერეთელი საზოგადოებამ მას შემდეგ გაიცნო, რაც მსმენელმა იხილა ქართული ბაზრისთვის სკანდალური, ეროტიკული ხასიათის მისი კლიპი - „შენთან სექსი მაგარია“. კლიპი მართლაც რომ პროვოკაციული აღმოჩნდა, ხატია კი ერთ-ერთ ინტერვიუში ამბობდა, რომ ის საყვარელ „ვალენტინს“ მიუძღვნა, რომელზეც ყურებამდეა შეყვარებული.

კლიპში მონაწილე იმედა ვახტანგიშვილმა და ხატია წერეთელმა დაადასტურეს, რომ პარტნიორები იყვნენ და ერთად ყოფნა მოსწონდათ, თუმცა ამ ურთიერთობას შეყვარებულების სახელს მაინცდამაინც არ არქმევდნენ. თუმცა რამდენიმე ხნის წინ გაირკვა, რომ წყვილი სკანდალურად დაშორდა.

36
თემები:
სელებრითების ცხოვრება
ფქვილი

საქართველოში ხორბლის ფქვილზე სუბსიდიის მოცულობა იზრდება

0
(განახლებულია 16:57 22.01.2021)
საქართველოში ხორბლის იმპორტის 90% რუსეთზე მოდის, რაც დაახლოებით ნახევარ მილიონ ტონა მარცვლეულს აღწევს

 

თბილისი, 22 იანვარი – Sputnik. ერთი ტომარა ხორბლის ფქვილზე სახელმწიფო სუბსიდიის მოცულობა გაიზარდა და 15 ლარი გახდა, ნათქვამია საქართველოს მთავრობის დადგენილებაში.

ადრე  50კგ–იან ტომარა პირველი ხარისხის ფქვილზე სუბსიდიის მოცულობა 10 ლარს შეადგენდა.

როგორც მთავრობის დადგენილებაშია ნათქვამი, აღნიშნული გაზრდილი სუბსიდია შეეხება პირველი ხარისხის ხორბლის ფქვილს, რომელიც 2021 წლის 1 თებერვლიდან 31 მარტამდე პერიოდში გაიყიდება. 

მწარმოებელ ქვეყნებში ხორბლის ცუდმა მოსავალმა, ეკონომიკურმა კრიზისმა და ლარის მერყევმა კურსმა იმოქმედა ფქვილის ღირებულებაზე, რამაც გააჩინა საფუძვლიანი ეჭვი, რომ ქვეყანაში პური გაძვირდებოდა. ამის თავიდან აცილების მიზნით საქართველოს ხელისუფლებამ მიიღო პირველი ხარისხის ხორბლის ფქვილის იმპორტის სუბსიდირების გადაწყვეტილება.

პროგრამა გათვლილია 4 თვეზე და ის დეკემბრიდან ამოქმედდა. წისქვილკომბინატებისთვის დაწესებულია ფიქსირებული ფასი – 53 ლარი პირველი ხარისხის ფქვილის 50 კგ-იან ტომარაზე. პროგრამა 1 მარტამდე მოქმედებს.

ხორბლის ფქვილის სუბსიდირებისთვის სახელმწიფო 10 მლნ ლარის გამოყოფას გეგმავს.

0