შორენა ბეგაშვილმა საკუთარ გვერდზე უახლესი ვიდეო გამოაქვეყნა. როგორც აღმოჩნდა, მოდელმა რემონტი წამოიწყო. გავრცელებულ ვიდეოში თავად ჰყვება, თუ როგორ მივიდა აღნიშნულ გადაწყვეტილებამდე. მსახიობმა აღიარა, რომ ერთი ოთახის მოპირკეთება სურდა და საბოლოოდ მთლიანი სახლის გადაკეთება გადაწყვიტა.
შორენა ბეგაშვილი ერთი ხელით კედლებს შპალერს აძრობს და ამავდროულად ვიდეოს გადაღებას ახერხებს. აღნიშნავს, რომ რემონტი არც ისეთი რთული გასაკეთებელი ყოფილა. „სხვათა შორის, არც ისეთი რთული საქმე აღმოჩნდა, როგორც მეგონა“, – სიცილით აღნიშნავს მსახიობი.
View this post on Instagram
„ერთი ოთახით დავიწყე და მერე აღმოჩნდა, რომ მთელი სახლის შეცვლა მდომებია. ახლა, აი, ასეთი აგურები მაქვს სახლში, ასეთი ამბავია ჩემთან. ამ ოთახში რა ხდება, ვერაფერი გამიგია. იმედია, მალე დავასრულებ“, – ამბობს შორენა.
რამდენიმე თვეა, რაც შორენა ბეგაშვილი ბიზნესმენ ირაკლი ნანაძეს ოფიციალურად დაშორდა და ახალი ცხოვრება დაიწყო. მსახიობმა საკუთარი საავტორო გადაცემაც დაიწყო და საყვარელი მამაკაციც გამოაჩინა. ის ე.წ. კანონიერ ქურდზე ლაშა ბარათელზეა შეყვარებული.
