საქართველოს დიდ ქალაქებში საზოგადოებრივი ტრანსპორტი მუშაობას წყვეტს

© photo: Sputnikპანდემია. მგზავრები პირბადეებით
პანდემია. მგზავრები პირბადეებით - Sputnik საქართველო
გამოწერა
ქვეყანაში ეპიდემიოლოგიური ვითარების გაუარესების გამო საქართველოს ხელისუფლებამ შეზღუდვების გაფართოებისა და გამკაცრების გადაწყვეტილება მიიღო.

თბილისი, 26 ნოემბერი – Sputnik. საქართველოს რვა დიდ ქალაქში საზოგადოებრივი ტრანსპორტი მუშაობას შეწყვეტს. გადაწყვეტილება უწყებათშორისი საკოორდინაციო საბჭოს სხდომაზე მიიღეს.

ახალი რეგულაცია 28 ნოემბერს ამოქმედდება და 24 დეკემბრის ჩათვლით იმოქმედებს ქალაქებში: თბილისი, რუსთავი, ქუთაისი, ბათუმი, გორი, ფოთი, ზუგდიდი, თელავი.

კორონავირუსის ეპიდემია - Sputnik საქართველო
ზურაბ გურული: „მივექანებით მწვავე პიკისკენ და ამ პიკს ჯანდაცვის სექტორი ვერ გაუძლებს...“

საქართველოში კორონავირუსის მეორე ტალღაა – ყოველდღიურად ვირუსის 3–4 ათასი შემთხვევა ფიქსირდება. 26 ნოემბრის მონაცემებით, კორონავირუსით ინფიცირებულთა რაოდენობამ 118 ათასს გადააჭარბა, გარდაიცვალა 1100-ზე მეტი პაციენტი.

ქვეყანაში უკვე მოქმედებს რიგი შეზღუდვები: აუცილებელია პირბადის ტარება როგორც დახურულ, ისე ღია სივრცეში, დიდ ქალაქებში სკოლები დისტანციურ სწავლებაზე არიან გადასული, დახურულია საბავშვო ბაღები, აკრძალულია გარეთ გასვლა ღამის საათებში.

საქართველოში კორონავირუსის პირველი შემთხვევა 26 თებერვალს დაფიქსირდა

ყველა ახალი ამბავი
0