ირმა ინაშვილი

ინაშვილის ულტიმატუმი: ახალი არჩევნები თუ არ ჩატარდება, ჟურნალისტიკას დავუბრუნდები

192
(განახლებულია 19:30 25.11.2020)
ირმა ინაშვილის პარტიამ საპარლამენტო არჩევნებზე გამსვლელი ბარიერი გადალახა, თუმცა საკანონმდებლო ორგანოში საქმიანობას არ გეგმავს.

თბილისი, 25 ნოემბერი – Sputnik. ოპოზიციური პარტია „საქართველოს პატრიოტთა ალიანსის“ ლიდერი ირმა ინაშვილი ჟურნალისტიკაში დაბრუნებას გეგმავს იმ შემთხვევაში, თუ ხელისუფლება არ დააკმაყოფილებს ოპოზიციის მოთხოვნას ახალი საპარლამენტო არჩევნების დანიშვნის თაობაზე. 

ინაშვილის პარტიამ 31 ოქტომბრის საპარლამენტო არჩევნებში ბარიერი გადალახა, თუმცა, როგორც დანარჩენი შვიდი პარტია, არჩევნების შედეგებს არ აღიარებს და არც პარლამენტის მუშაობაში აპირებს მონაწილეობის მიღებას.

„თუ შეთანხმება არ იქნება მიღწეული, რომელშიც ჩაწერილი იქნება ახალი არჩევნების დანიშვნის შესახებ, მაშინ მე, რომელმაც დიდი ბრძოლა გავიარე როგორც ჟურნალისტმა და პარლამენტში ქუჩიდან შევედი – საპროტესტო აქციების გზით, კვლავ თქვენს რიგებში აღმოვჩნდები და ისე გავაგრძელებ ბრძოლას“, – განაცხადა ივანიშვილმა ჟურნალისტებთან.

ირმა ინაშვილს ჟურნალისტად მუშაობის დიდი გამოცდილება აქვს. 1993 წელს, 23 წლისა „პირველი არხის“ რედაქტორი გახდა და იქ 12 წელი იმუშავა.

2005 წელს მან საზოგადოებრივი მაუწყებელი დატოვა და მედიაკავშირ „ობიექტივის“ ერთ-ერთი დამაარსებელი გახდა. „ობიექტივი“ იმ დროს ინტერნეტ–ტელევიზია იყო, ინაშვილს კი რედაქტორის პოზიცია ეკავა.

მოგვიანებით, 2010 წელს, როდესაც „ობიექტივმა“ მაუწყებლობის ლიცენზია მიიღო, ინაშვილი ტელეკომპანიის პროგრამების დირექტორი გახდა.

ინაშვილს მიღებული აქვს საქართველოს დამსახურებული ჟურნალისტის საპატიო წოდება.

192
თემები:
პოლიტიკური კრიზისი საქართველოში: შეფასებები და პროგნოზები (41)
შესასვლელი ლილოს ბაზრობაზე

„ლილო მოლის“  მოვაჭრეები მაღაზიების თვითნებურად გახსნას გეგმავენ

17
„ლილო მოლის“ ადმინისტრაციის განცხადებით, 28 ნოემბრიდან დაწესებულმა შეზღუდვებმა პირდაპირი გავლენა იქონია მოვაჭრეთა შემოსავალზე და დიდი ზარალი მიაყენა მათ.

თბილისი, 24 იანვარი – Sputnik. „ლილო მოლის“ ტერიტორიაზე დასაქმებულებმა დღეს საპროტესტო აქცია გამართეს, იუწყება რუსთავი 2.

ეპიდვითარების გაუარესების გამო საქართველოში 28 ნოემბრიდან მკაცრი შეზღუდვები ამოქმედდა. იმ დღიდან ყველა სავაჭრო ცენტრი და ბაზრობა (გარდა აგრარული ბაზრისა) დაკეტილია. 22 იანვარს უწყებათაშორისი საკოორდინაციო საბჭომ მიიღო გადაწყვეტილება, რომელის თანახმადაც მაღაზიები და სავაჭრო ცენტრები მუშაობას 1 თებერვლიდან, ხოლო ღია და დახურული ტიპის ბაზრობები 15 თებერვალიდან განაახლებენ.

„ლილო მოლის“ მოვაჭრეები, სავაჭრო ცენტრების მსგავსად, 1 თებერვლიდან გახსნის ნებართვას ითხოვენ.

როგორც აქციის მონაწილეები აცხადებენ, თუ 1 თებერვლიდან გახსნის ნებართვას არ მიიღებენ, რეგულაციებს არ დაემორჩილებიან და მაღაზიებს თვითნებურად გახსნიან.

„ყველა რეგულაცია, რაც არის მოთხოვნილი აბსოლუტურად აკმაყოფილებს 6 ათასივე მაღაზია. შეუძლიათ ნებისმიერი გახსნან და შეამოწმონ", - განაცხადა აქციის ერთ-ერთმა მონაწილემ, თამარ თოდრიამ.

როგორც „ლილო მოლის“ გენერალურმა დირექტორმა, გიორგი კვარაცხელიამ აღნიშნა, ბაზრობების ხელმძღვანელები მთავრობას წერილობით თხოვნას გაუგზავნიან, რათა მათ მუშაობის დაწყება 1 თებერვლიდან შეძლონ.

„მეექვსე თვეა რაც დახურულები ვართ და ფინანსურად ძალიან მძიმე მდგომარეობაა შექმნილი. ვაჭრობის სფერო არ უნდა იყოფოდეს სექტორებად და თუ გახსნაა, უნდა იხსნებოდეს და უფრო თანაბრად გადანაწილდება ვიზიტორების რაოდენობა", - განაცხადა გიორგი კვარაცხელიამ.

საპროტესტო აქცია მიმდინარეობს ასევე მთავრობის ადმინისტრაციასთან, სადაც შეკრებილები არიან  სხვადასხვა სფეროს წარმომადგენლები, მათ შორის, სპორტსმენები, გიდები, ტურისტული კომპანიის წარმომადგენლები. აქციის მონაწილეები კორონავირუსის გავრცელების წინააღმდეგ დაწესებული შეზღუდვების შემსუბუქებას ითხოვენ.

ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ.

შეზღუდვების შემსუბუქება ეტაპობრივად 1 თებერვლიდან დაიწყება.

17
ვაქცინა

ვაქცინის რამდენი დოზის შემოტანას გეგმავენ თებერვალში საქართველოში

12
ეკონომიკის სრული გახსნისთვის საჭიროა მოზრდილი მოსახლეობის 60%-ის ვაქცინაცია, რისთვისაც 164 მილიონი ლარი დასჭირდება

თბილისი, 24 იანვარი – Sputnik. თებერვალში საქართველო კორონავირუსის საწინააღმდეგო ვაქცინის 20 000 დოზის მიღებას ელის, სავარაუდოდ, ეს იქნება Pfizer-ის ვაქცინა (ამერიკულ-გერმანული წარმოების), განაცხადა ინფექციური პათოლოგიისა და შიდსის ცენტრის ხელმძღვანელმა თენგიზ ცერცვაძემ.

მისი თქმით, პირველ რიგში მედმუშაკებს აცრიან. შემდგომში, აპრილის ბოლოს იგეგმება დიდი რაოდენობით ბრიტანული წარმოების ვაქცინა Astrazeneca-ს შემოტანა. ეს იქნება დაახლოებით 150 ათასი დოზა, მასაც მედმუშაკებისა და 75 წლის ზემოდ პირთათვის გამოიყენებენ.

„შეზღუდვების ეტაპობრივად მოხსნასთან ერთად მოხდება ვაქცინის მოწოდება და წლის ბოლომდე გვაქვს იმედი, რომ მოსახლეობის 60%-ის ვაქცინაციას მოვახდენთ. ასეთ შემთხვევაში ფართოდ გავრცელება შეჩერდება, ვიღაცები დაინფიცირდებიან, თუმცა ფართო გავრცელება აღარ იქნება“, - განაცხადა თენგიზ ცერცვაძემ ტელეკომპანია „იმედის“ ეთერში.

ეკონომიკის სრული გახსნისთვის საჭიროა მოზრდილი მოსახლეობის 60%-ის ვაქცინაცია, რისთვისაც 164 მილიონი ლარი დასჭირდება.

ვაქცინაციისთვის პრიორიტეტული ჯგუფები უკვე განსაზღვრული და განაწილებულია: პირველ რიგში ჯანდაცვის სფეროს თანამშრომლები, შემდეგ მოხუცებულთა სახლების პერსონალი და ბენეფიციარები (თავშესაფრები და ა.შ.), შემდეგ  75 წელს ზემოთ პირები,  65–დან 74 წლამდე პირები, 55–დან 64 წლამდე პირები, ქრონიკული დაავადებების მქონე 18–დან 54 წლამდე პირები. ამის შემდეგ იგეგმება დანარჩენი მოსახლეობის ვაქცინაცია, მათ შორის მათი, ვინც ვირუსი უკვე გადაიტანა.

12