ელექტროავტობუსი

ბათუმის მუნიციპალურ ელექტროავტობუსებში თერმოსკრინინგის აპარატები დაამონტაჟეს

65
(განახლებულია 20:24 19.11.2020)
თერმოსკრინინგის შედეგის გაგება შესაძლებელია როგორც მონიტორის, ასევე ხმოვანი სიგნალის საშუალებით. ბათუმის ავტობუსებში უკვე დამონტაჟებულია სადეზინფექციო სითხის დისპენსერებიც.

თბილისი, 19 ნოემბერი – Sputnik. ბათუმის მუნიციპალურ ელექტროავტობუსებში თერმოსკრინინგის აპარატები დამონტაჟდა, ნათქვამია ბათუმის მერიის მიერ გავრცელებულ განცხადებაში.

მუნიციპალურ ტრანსპორტში თერმოსკრინინგის აპარატების დამონტაჟება კორონავირუსის გავრცელების პრევენციის მიზნით ხდება. ამ აპარატების დახმარებით ყველა მგზავრს ტემპერატურას გაუზომავენ. 

„სატესტო რეჟიმის გავლის შემდგომ ჩვენ ვგეგმავთ აპარატების მონტაჟს დანარჩენ ავტობუსებშიც. მოგეხსენებათ, ავტობუსებში ასევე დამონტაჟებულია სადეზინფექციო სითხის დისპენსერები. ბათუმი პირველი ქალაქია საქართველოში, რომლის მუნიციპალურ ტრანსპორტში მსგავსი ინოვაციური ღონისძიებები გატარდა”, – განაცხადა ბათუმის მერის მოვალეობის შემსრულებელმა არჩილ ჩიქოვანმა.

თერმოსკრინინგის შედეგის გაგება შესაძლებელია როგორც მონიტორის, ასევე ხმოვანი სიგნალის საშუალებით. 

თერმოსკრინინგის ჩატარების შესახებ მგზავრთა ინფორმირება ყოველ გაჩერებაზე ავტომატურ რეჟიმში მოხდება.

აჭარაში ბოლო დღე-ღამეში კორონავირუსის 664 ახალი შემთხვევა გამოვლინდა. ბოლო მონაცემებით, სულ ქვეყანაში კორონავირუსით ინფიცირების 3 697 ახალი შემთხვევა დადასტურდა.

ბოლო ორ თვეში ქვეყანაში ეპიდემიოლოგიური ვითარება მკვეთრად გაუარესდა. ინფიცირების დღიური მაჩვენებელი 4 ათასს აღწევს, პანდემიის დაწყებიდან დღემდე კი ქვეყანაში 93 ათასზე მეტი შემთხვევა დადასტურდა. გარდაიცვალა 853 ადამიანი.

65
თემები:
COVID-19 საქართველოში (2630)
ნოე სულაბერიძე და ნინი ბადურაშვილი

„მაგას ნინი ბადურაშვილიც ვერ შვება 40 წლის ასაკში“ - ნოე სულაბერიძის მოულოდნელი განცხადება

17
(განახლებულია 14:30 03.12.2020)
პროდიუსერმა ნოე სულაბერიძემ სოციალურ ქსელში უცნაური განცხადება გააკეთა. ნახეთ რას ვერ აკეთებს მისი აზრით ნინი ბადურაშვილი

პროდიუსერი ნოე სულაბერიძე საჯაროდ ხშირად ეხუმრება კოლეგას, „პრაიმშოუს“ წამყვანსა და მომღერალს ნინი ბადურაშვილს. ამჯერად ნოემ სოციალურ ქსელში „ინსტაგრამის“ „ფოლოუერს“ კითხვაზე, როგორ დაამარცხოს 19 წლის ასაკში უნდობლობა, ასე უპასუხა: „მაგას ნინი ბადურაშვილიც ვერ სვება 40 წლის ასაკში“. უცნობია, რა რეაქცია ჰქონდა ამაზე თავად ნინის, რადგან მან აღნიშნული კომენტარი დააიგნორა.

რამდენიმე თვის წინ „პრაიმ შოუს“ გამორჩეული სახეები სოციალურ ქსელში ერთმანეთს დაუპირისპირდნენ. ნინი ბადურაშვილმა ცნობილი პროდიუსერის „სთორი“ დაიწუნა და საპასუხო პოსტი გამოაქვეყნა. საქმე ისაა, რომ ნოე სულაბერიძემ საკუთარ გვერდზე გამოკითხვა ჩაატარა. „საღამო მშვიდობისა, გისმენთ...“ დაწერა ნოემ Instagram-ზე. შეკითხვების ფუნქციის გამოყენებით პროდიუსერს უამრავი თაყვანისმცემელი გამოეხმაურა. მათ შორის ერთ-ერთმა დაწერა, რომ საკუთარი ხელით მოყვანილი ბოლოკი პირველად მიირთვა.

ტელეწამყვანმა ნინი ბადურაშვილი მონიშნა და დაწერა: „დღეს ნინი ბადურაშვილმაც ბოლოკის დესერტი მოამზადა“. ქართული შოუ-ბიზნესის ერთ-ერთმა გამოჩენილმა მომღერალმა კოლეგის ხუმრობას წარუმატებელი უწოდა. „რა წარუმატებელი ხუმრობა იყო“, - დაწერა ნინიმ.

პროდუსერი ნოე სულაბერიძე სოციალურ ქსელში ნინი ბადურაშვილთან გადაღებულ ფოტოებს ხშირად  აქვეყნებდა. მათი რომანის შესახებ დიდი ხნის მანძილზე საუბრობდნენ.

My Number One - წერდა ნოე ნინისთან გადაღებულ ერთ-ერთ ფოტოზე, რასაც დიდი გამოხმაურება მოჰყვა. ხმები მათი რომანის შესახებ 2018 წლის ზაფხულში გავრცელდა. თუმცა „ჩემი ცოლის დაქალების“ მსახიობმა მარიშკა ჯავახაძემ გავრცელებული ხმები გაფანტა, როცა ქართულ ჟურნალ OK-სთვის მიცემულ ინტერვიუში განაცხადა, რომ ნოე სულაბერიძესთან რომანი ჰქონდა, რომელიც 2018 წლის აგვისტოში დასრულდა.

17
თემები:
სელებრითების ცხოვრება
სასწრაფო დახმარება

„რატომ ხვდებიან საავადმყოფოებში ნაცნობობით“ საპროტესტო აქცია ჯანდაცვის სამინისტროსთან

14
(განახლებულია 16:22 03.12.2020)
აქციის მონაწილეების განცხადებით, თუ ჯანდაცვის მინისტრს არ შეუძლია, რომ კორონავირუსის წინააღმდეგ ეფექტიანი ზომები მიიღოს, მაშინ თანამდებობა უნდა დატოვოს.

თბილისი, 3 დეკემბერი – Sputnik. საქართველოს ჯანდაცვის სამინისტროსთან სამოქალაქო აქტივისტებმა საპროტესტო აქცია გამართეს და მინისტრ ეკატერინე ტიკარაძესთან შეხვედრა მოითხოვეს. 

ისინი შენობაში შესვლას შეეცადნენ, რისი საშუალებაც მათ დაცვის სამსახურის წარმომადგენლებმა არ მისცეს.

 „ჩვენ გვინდა მინისტრს ვკითხოთ, რატომ ხდება საავადმყოფოში მოხვედრა ნაცნობობით დარატომ არ შეუძლია სამინისტროს მოსახლეობის დახმარება“, – განაცხადა ერთ–ერთმა აქტივისტმა ჟურნალისტებთან.

აქციის მონაწილეების თქმით, თუ მინისტრთან შეხვედრა არ შედგება, ისინი მის გადადგომას მოითხოვენ.

აქციაზე ვითარება მას შემდეგ დაიძაბა, რაც ადგილზე ავტომატიანი პოლიციელი გამოჩნდა. თუმცა, ხელმძღვანელობის ბრძანების შემდეგ, იგი ავტომობილში ჩაჯდა, სამინისტროს შენობასთან კი პოლიციის კორდონი ჩადგა.

ამ დროისთვის აქცია გრძელდება, აქტივისტები სამინისტროს შენობასთან კარვების გაშლას ცდილობენ.

საქართველოში კორონავირუსის მეორე ტალღა მძვინვარებს, ინფიცირებულთა დღიური მაჩვენებელი ოთხი ათასს აღწევს.

ბოლო რამდენიმე დღეში საქართველოში კორონავირუსით ინფიცირებულთა გარდაცვალების ორი გახმაურებული ფაქტი მოხდა – კორონავირუსისგან გამოწვეული გართულებებით 1 დეკემბერს 19 წლის თეკლა თორდია გარდაიცვალა. გოგონას ოჯახის წევრების განცხადებით, იგი სტაციონარში დაგვიანებით გადაიყვანეს.

დღეს კი კორონავირუსს 24 წლის ნინო გულიკაშვილი ემსხვერპლა, რომელიც მცხეთის სამედიცინო ცენტრში იყო მოთავსებული – ახალგაზრდა ქალის ახლობლები ექიმებს გულგრილობაში სდებენ ბრალს.

14
თემები:
COVID-19 საქართველოში (2630)