გიორგი კეკელიძე და თიკა თედორაძე

აჭარაში მეწყერს გადარჩენილმა გოგონამ დახმარება მიიღო

48
(განახლებულია 17:04 19.11.2020)
გოგონა ამჟამად დეიდასთან ცხოვრობს იმერეთის სოფელ ისრითში და იქ დადის სკოლაში. ახლა მოზარდს საკუთარი ბიბლიოთეკა ექნება.

თბილისი, 19 ნოემბერი – Sputnik. ხელვაჩაურში მეწყრის ჩამოწოლისას ოჯახიდან ერთადერთმა გადარჩენილმა გოგონამ, 12 წლის თიკა თედორაძემ, რომელიც „გურული დღიურების“ სტიპენდიანტი გახდა, საქველმოქმედო ორგანიზაციისგან პირველი დახმარება მიიღო.

გოგონა, რომელიც აჭარაში მეწყერს გადაურჩა, ფონდ „გურიის დღიურების“ სტიპენდიას მიიღებს>>

ხელვაჩაურის რაიონში მეწყერი 1–2 ოქტომბრის ღამეს ჩამოწვა. სტიქიას ექვსი ადამიანი ემსხვერპლა, მათ შორის თიკა თედორაძის მთელი ოჯახი – მშობლები და მეათეკლასელი ძმა.

იმ საბედისწერო ღამეს თიკა, რომელიც მეექვსე კლასში სწავლობს, იმან იხსნა, რომ ბებიას სტუმრობდა.

„თიკა ახლა დეიდასთან ცხოვრობს, სოფელ ისრითში და იქ აგრძელებს სწავლას. თიკა დეკემბრიდან „გურული დღიურების“ ფონდის სტიპენდიას მიიღებს, დღეს კი სოფელში ვესტუმრეთ და, ევროპული სკოლის თანადგომით, შესანიშნავი პირადი ბიბლიოთეკა მოვუწყვეთ“, – დაწერა Facebook-ზე ფონდის ხელმძღვანელმა, მწერალმა, ტელეწამყვანმა, ეროვნული ბიბლიოთეკის დირექტორმა გიორგი კეკელიძემ.

გიორგი კეკელიძის მიერ დაფუძნებული ფონდი „გურული დღიურები“ რთულ ცხოვრებისეულ ვითარებაში ჩავარდნილ, შეჭირვებულ ნიჭიერ ბავშვებსა და ახალგაზრდებს ეხმარება.

მაგალითად, კეკელიძემ 2020 წელს დააწესა ყოველთვიური სტიპენდია ესპანეთში კორონავირუსის ინფექციით დაღუპული ქალის შვილისთვის. ფონდმა მეხუთეკლასელი ანანო ნაჭყებიასთვის შეიძინა სასკოლო ინვენტარი და სკოლის დამთავრებამდე გოგონას განათლებასთან დაკავშირებულ ფინანსურ პრობლემებთან გასამკლავებლად დახმარებას გაუწევს.

48
მაია ცქიტიშვილი

სისტემური ლოკდაუნი არ იქნება - საქართველოს ვიცე-პრემიერი

13
მთავრობა კვლავ იხრება წერტილოვანი შეზღუდვებისკენ, მაგრამ რომელ „წერტილებზე“ იქნება მიყენებული დარტყმა, ჯერჯერობით გადაწყვეტილი არაა

თბილისი, 23 ნოემბერი - Sputnik. საქართველოს მთავრობა ვერ გამოაცხადებს სისტემურ ლოკდაუნს, ასეთ შესაძლებლობას გამორიცხავს ეკონომიკური სიტუაცია და მოსახლეობის სოციალური მდგომარეობა, ამის შესახებ ტელეკომპანია „იმედის“ ეთერში განაცხადა ვიცე-პრემიერმა, ინფრასტრუქტურისა და რეგიონული განვითარების მინისტრმა მაია ცქიტიშვილმა.

სიტუაცია კონტროლს ექვემდებარება: კლინიკების ხელმძღვანელები გახარიას შეხვდნენ >>

ამასთან მინისტრმა აღნიშნა, რომ ეპიდემიოლოგიური ვითარების გაუარესების გათვალისწინებით აქტიური მუშაობა მიმდინარეობს წერტილოვანი შეზღუდვების არეალის გაფართოებაზე.

„დაახლოებით 4000 შემთხვევა გვქონდა დღეს და რა თქმა უნდა, ყველას ძალიან კარგად გვესმის, რომ ასეთი მაღალი გავრცელების დინამიკა ძალიან უარყოფითად აისახება მათ შორის ეკონომიკაზეც. ამიტომ ყველას საერთო ამოცანა და საერთო ინტერესია, რაც შეიძლება სწრაფად შევანელოთ ეპიდემიის გავრცელება, დავასტაბილუროთ სიტუაცია და ამით ჩვენს მოსახლეობას, სავაჭრო ქსელებს, ბიზნესს მივცემთ იმ ჩვეულებრივი საქმიანობის აღდგენის შესაძლებლობას, რომელიც აუცილებელია მათი ეკონომიკური სიძლიერისთვის”, – აღნიშნა მაია ცქიტიშვილმა.

ამასთან მინისტრმა აღნიშნა, რომ ჯერჯერობით ზუსტად არ არის გადაწყვეტილი, კონკრეტულად რომელი წერტილოვანი შეზღუდვები დაწესდება.

„როდესაც მობილობის შემცირებაზე ვსაუბრობთ, ეს შეიძლება იყოს სამუშაო საათების შემცირება გარკვეული დღეების განმავლობაში, გარკვეული ტიპის საქმიანობის შეზღუდვა, შეიძლება იყოს ცალკეულ ქალაქებში ან დასახლებებში ტრანსპორტის შეჩერება“, - განაცხადა მაია ცქიტიშვილმა.

საქართველო კორონავირუსის მეორე ტალღას ებრძვის. ყოველდღიურად ოთხი ათასამდე ახალი შემთხვევა ფიქსირდება. პანდემიის დაწყებიდან დღემდე ინფიცირების 100 ათასზე მეტი შემთხვევა გამოვლინდა, გარდაცვლილია 1012-ზე მეტი ადამიანი.

ქვეყანაში ამჟამად არაერთი შეზღუდვა მოქმედებს: ნიღბების ტარება აუცილებელია შენობებში, ტრანსპორტსა და ქუჩაში, დიდ ქალაქებში სკოლები დისტანციურ სწავლებაზეა გადასული, დახურულია საბავშვო ბაღები, აკრძალულია ღამის 22:00 საათის შემდეგ სახლიდან გასვლა.

 

 

13
თემები:
COVID-19 საქართველოში
ეკატერინე ტიკარაძე

ტიკარაძე: საველე ჰოსპიტლების გახსნის საკითხი საქართველოში არ განიხილება

19
ამ ეტაპზე საქართველოს გააჩნია საკმარისი რესურსი იმისათვის, რომ პაციენტებმა მკურნალობის პერიოდი ექიმის მეთვალყურეობის ქვეშ უფრო კომფორტულ პირობებში გაიარონ, კიიჩნევს მინისტრი

თბილისი, 23 ნოემბერი - Sputnik. საქართველოში საველე ჰოსპიტალების გახსნის საკითხი არ იხილება, განაცხადა ჯანდაცვის მინისტრმა ეკატერინე ტიკარაძემ.

საქართველო კორონავირუსის მეორე ტალღას ებრძვის. ყოველდღიურად ოთხი ათასამდე ახალი შემთხვევა ფიქსირდება. პანდემიის დაწყებიდან დღემდე ინფიცირების 100 ათასზე მეტი შემთხვევა გამოვლინდა, გარდაცვლილია 1000-ზე მეტი ადამიანი.

„ე.წ. საველე ჰოსპიტლების საკითხი საქართველოში არ განიხილება, რადგან გვაქვს არაერთი ქვეყნის მაგალითი, სადაც მობილიზებულია ასეთი ჰოსპიტლები/კარვები და დღემდე, მიუხედავად იმისა, რომ ამ ქვეყნებმა მეორე ტალღის პიკი, ითვლება, რომ გადაიარეს, იქ არც ერთი პაციენტისთვის არ გაუწევიათ მომსახურება”, - აღნიშნა მინისტრმა ტელეარხ „იმედის“ ეთერში.

ტიკარაძის სიტყვებით, კარვების სანაცვლოდ არაერთი დამატებითი სივრცეა გამოყოფილი, რომელიც ამ ეტაპისთვის მზადდება, ძირითადად, საავადმყოფოების ბაზაზე, ასევე, სასტუმროებში, სადაც მოქმედებს სრული სამედიცინო სამეთვალყურეო მომსახურება როგორც კვლევების კომპონენტში, ასევე ჟანგბადის კონცეტრატორების კუთხით.

„თუ ჩვენ, ყველა კომპონენტის დაცვით, სწორად, დროულად ვმართავთ პაციენტების ნაკადს, ამ ეტაპისთვის საქართველოს გააჩნია საკმარისი რესურსი, რომ ჩვენმა პაციენტებმა უფრო მეტად კომფორტულ პირობებში გაიარონ მკურნალობის პერიოდი ექიმის მეთვალყურეობის ქვეშ“, - აღნიშნა ეკატერინე ტიკარაძემ.

ქვეყანაში ამჟამად არაერთი შეზღუდვა მოქმედებს: ნიღბების ტარება აუცილებელია შენობებში, ტრანსპორტსა და ქუჩაში, დიდ ქალაქებში სკოლები დისტანციურ სწავლებაზეა გადასული, დახურულია საბავშვო ბაღები, აკრძალულია ღამის 22:00 საათის შემდეგ სახლიდან გასვლა.

საქართველოში კორონავირუსის პირველი შემთხვევა 26 თებერვალს გამოვლინდა.

19
თემები:
COVID-19 საქართველოში