ბათუმის ახალი რესპუბლიკური საავადმყოფო

ბათუმში კორონავირუსისგან რესპუბლიკური საავადმყოფოს ექიმი გარდაიცვალა

96
(განახლებულია 19:42 18.11.2020)
პანდემიის დასაწყისიდან საქართველოში კორონავირუსით სამედიცინო სფეროს დაახლოებით 5 ათასი თანამშრომელი დაინფიცირდა. მათ შორის უკვე არიან გარდაცვლილები.

თბილისი, 18 ნოემბერი – Sputnik. ბათუმის რესპუბლიკური საავადმყოფოს ექიმი კორონავირუსისგან გარდაიცვალა, იუწყება „პირველი არხი“.

62 წლის მამაკაცი ამავე კლინიკაში ცხრა დღე მკურნალობდა.

თბილისი ისევ „ლიდერობს“: კოვიდ–სტატისტიკა რეგიონების მიხედვით>>

საავადმყოფოში აცხადებენ, რომ პაციენტის მდგომარეობა იმდენად სწრაფად და მკვეთრად გაუარესდა, რომ მისი გადარჩენა ვერ მოხერხდა.

კლინიკის კლინიკური მენეჯერის გია კიკაბიძის განცხადებით, პაციენტი თავს ნორმალურად გრძნობდა და უკვე საავადმყოფოდან მის გაწერასაც კი აპირებდნენ.

„აღენიშნებოდა ფილტვის არტერიის სტენოზიც, თუმცა თავს კარგად გრძნობდა და დღეს კლინიკიდან გაწერაც იგეგმებოდა, ანალიზებიც კარგი იყო, მაგრამ მდგომარეობა უეცრად დამძიმდა. შესაძლოა, განვითარდა თრომბოემბოლია ან ინფარქტი. ძალიან სწრაფად მოხდა ეს ყველაფერი“, – განაცხადა გია კიკაბიძემ.

ბათუმში დღეს მედდაც გარდაიცვალა. ის შუახევის კლინიკაში მუშაობდა.

სულ აჭარაში ბოლო დღე–ღამეში ცხრა ინფიცირებული პაციენტი გარდაიცვალა.

პანდემიის დაწყებიდან დღემდე ქვეყანაში კორონავირუსით დაახლოებით 5 ათასი მედიცინის სფეროს წარმომადგენელი დაინფიცირდა.

საქართველოში კორონავირუსით კიდევ 37 პაციენტი გარდაიცვალა>>

საქართველოში კორონავირუსის მეორე ტალღა მძვინვარებს. პიკი ნოემბრის მეორე ნახევარშია მოსალოდნელი. ყოველდღიურად 3 ათასზე მეტი ინფიცირების შემთხვევა ფიქსირდება. პანდემიის დაწყებიდან 90 ათასამდე შემთხვევა გამოვლინდა. გარდაიცვალა 815 ადამიანი.

კორონავირუსის პირველი შემთხვევა საქართველოში 26 თებერვალს დაფიქსირდა.

96
თემები:
COVID-19 საქართველოში (2498)
ფემინისტების მარში საქართველოში

როგორია იყო ქალი საქართველოში: სახალხო დამცველმა ქვეყანაში ფემიციდის სტატისტიკა მოიყვანა

21
გენდერული თანასწორობა, გენდერულ ნიადაგზე ჩადენილი დანაშაულები, ქალთა უფლებების დაცვის მექანიზმები - ამ და სხვა საკითხებზე საქართველოს, არგენტინის და სერბეთის უფლებადამცველებმა ერთმანეთს გაეროს შუამდგომლობით გამოცდილება გაუზიარეს.

თბილისი, 23 ნოემბერი – Sputnik. 2020 წლის 9 თვის განმავლობაში (იანვარი-სექტემბერი)  საქართველოში გენდერული ნიშნით 19 ქალის მკვლელობა და 20 ქალის მკვლელობის მცდელობის ფაქტი მოხდა, ეს რიცხვები დასახელდა შემაჯამებელ ონლაინ-პრესკონფერენციაზე, რომელიც გენდერული ძალადობის წინააღმდეგ 16-დღიანი კამპანიის ფარგლებში სახალხო დამცველის ნინო ლომჯარიას მონაწილეობით გაიმართა.

არა ძალადობას – ზუგდიდში ქალთა დღეს ფემიციდის შემთხვევები გააპროტესტეს >>

ფემიციდის ან გენდერულად მოტივირებული მკვლელობების მონიტორინგს საქართველოს სახალხო დამცველის აპარატი 2016 წლიდან, გაეროს ქალთა ორგანიზაციის მხარდაჭერით ახორციელებს. მონიტორინგის მიზანი პრობლემის რეალური მასშტაბის, გამოყენებული დაცვისა თუ პრევენციული ღონისძიებების კუთხით არსებული ხარვეზების შეფასებაა.

კონფერენციის შეჯამებისას საქართველოს სახალხო დამცველმა ნინო ლომჯარიამ აღნიშნა, რომ ფემიციდის შემთხვევების მონაცემების შეგროვების გაუმჯობესების მიუხედავად, თემატურ კვლევებში სისტემური ხარვეზების აღმოსაფხვრელად, საქმეების შესწავლისას კომპლექსური მუშაობაა მნიშვნელოვანი.

„5 წლის განმავლობაში უკვე 5 სპეციალური ანგარიში მოვამზადეთ და არაერთი რეკომენდაცია გავეცით, რომელთა ნაწილი შესრულდა“, - აღნიშნა მისასალმებელ სიტყვაში საქართველოს სახალხო დამცველმა ნინო ლომჯარიამ.

მისი თქმით, სახალხო დამცველის მიერ ფემიციდის შემთხვევების მონიტორინგის შედეგად, კვლავაც იკვეთება მსხვერპლის მიმართ სტერეოტიპული დამოკიდებულების, საქმეთა სათანადო კვალიფიკაციისა და გენდერული ნიშნით მოტივირებული დანაშაულის სახელდების პრობლემები.

გაეროს სპეციალური მომხსენებელმა ქალთა მიმართ ძალადობის საკითხებში დუბრავკა სიმონოვიჩმა ფემიციდთან ბრძოლის საერთაშორისო მექანიზმები და სხვადასხვა ქვეყნის წარმატებული პრაქტიკები მიმოიხილა.

ამას გარდა, კონფერენციაზე სიტყვით გამოვიდნენ გაეროს მუდმივი კოორდინატორი საქართველოში საბინე მაჰლი, შვედეთის ელჩი საქართველოში ულრიკ თიდესტრომი და საქართველოს პრემიერ-მინისტრის მრჩეველი ადამიანის უფლებებისა და გენდერული თანასწორობის საკითხებში ლელა აქიაშვილი. ადგილობრივი და საერთაშორისო პრაქტიკის შესახებ ისაუბრეს ექსპერტებმა საქართველოდან, არგენტინიდან და სერბეთიდან.

გამომსვლელებმა ხაზი გაუსვეს ფემიციდის მონიტორინგის მექანიზმისა და პრევენციული ღონისძიებების განხორციელების მნიშვნელობას.

21
თემები:
ადამიანის უფლებები საქართველოში
ანა დოლიძე

საქართველოში აზარტული თამაშების აკრძალვას მოითხოვენ

62
(განახლებულია 21:39 24.11.2020)
მოძრაობის „ხალხისთვის“ ლიდერი მოითხოვს, შემუშავდეს გეგმა ყველა ონლაინ-კაზინოს დასაკეტად, როგორც ეს მსოფლიოს ბევრ ქვეყანაში გაკეთდა.

თბილისი, 24 ნოემბერი – Sputnik. ოპოზიციური მოძრაობის „ხალხისთვის“ ლიდერი ანა დოლიძე მთავრობისგან აზარტული ონლაინ-თამაშების აკრძალვას მოითხოვს.

ახალგაზრდებს ნარკოდამოკიდებულებასთან და ლუდომანიასთან გამკლავებაში დაეხმარებიან >>

„დღევანდელ პირობებში, როდესაც ჩვენს მოქალაქეებს თითოეული ლარი საშოვარი აქვთ, როდესაც ჩვენ ძალიან სერიოზულ ეკონომიკურ სიდუხჭირეს განვიცდით, ონლაინ აზარტული თამაშები ხელისუფლებამ მოსახლეობას განგებ დაუტოვა, როგორც „გადარჩენის“ ერთ-ერთი მთავარი საშუალება“, – განუცხადა ჟურნალისტებს დოლიძემ.

მოძრაობის ლიდერის თქმით, დღეს ონლაინ-თამაშები საქართველოში არ არის მხოლოდ გართობა, როგორც ეს სხვა ქვეყნებშია მიღებული. დოლიძე მოითხოვს ხელისუფლებისგან, შემუშავდეს გეგმა, რომლის მიხედვით ქვეყანაში ერთი წლის განმავლობაში ყველა ონლაინ-კაზინო დაიკეტება, როგორც ეს მსოფლიოს ბევრ ქვეყანაში გაკეთდა.

„ამ ერთწლიანი გეგმის ფარგლებში უნდა შემოგვთავაზოს თამაშდამოკიდებულ ადამიანთა სარეაბილიტაციო გეგმა. პანდემიამ პირდაპირ დაარტყა ჩვენი მოქალაქეების შემოსავალს და ჩვენი მოსახლეობის უმეტესი ნაწილი გაღარიბებისკენ წაიყვანა, ხოლო ონლაინ აზარტულმა თამაშებმა ვითარება კიდევ უფრო გაამწვავა“, – აღნიშნა დოლიძემ.

აზარტულ თამაშებზე დამოკიდებულების საკითხზე საუბარი განსაკუთრებით აქტუალური საქართველოში გასულ წელს გახდა, როდესაც ორმა ახალგაზრდა ლუდომანმა თავი მოიკლა. მას შემდეგ ქვეყანაში პერიოდულად იმართება საპროტესტო აქციები, სადაც მოითხოვენ ლუდომანიის ფსიქიკურ დაავადებად აღიარებას, აზარტული თამაშების რეკლამის შეწყვეტას, ონლაინ–კაზინოებისადმი ხელმისაწვდომობის შეზღუდვას, მოთამაშეებისთვის ასაკობრივი ზღვრის დაწესებას.

ნოემბერში სახელმწიფო ზრუნვისა და ტრეფიკინგის მსხვერპლთა და დაზარალებულთა დახმარების სააგენტომ განაცხადა ახალი პროგრამის შესახებ, რომელიც სარეაბილიტაციო მომსახურებას ითვალისწინებს. კერძოდ, სააგენტო მზადაა, სარეაბილიტაციო მომსახურება გაუწიოს არასრულწლოვნებს 13-დან 18 წლამდე და ახალგაზრდებს 18-დან 25 წლამდე (მათი ოჯახის წევრების ჩათვლით), რომლებიც მიიჩნევენ, რომ ისინი დამოკიდებული არიან ფსიქოაქტიურ ნივთიერებებზე ან აზარტულ თამაშებზე და სურთ ამ მავნე ჩვევებისგან გათავისუფლება.

დახმარების მიღების მსურველებს შეუძლიათ დარეკვა ნომერზე „111“. ყველა ზემოთ ჩამოთვლილი მომსახურება უფასოა.

ბოლო ათი წლის განმავლობაში აზარტული თამაშების ბიზნესის ბრუნვა თითქმის ორასჯერ გაიზარდა
© photo: Sputnik
ბოლო ათი წლის განმავლობაში აზარტული თამაშების ბიზნესის ბრუნვა თითქმის ორასჯერ გაიზარდა

სპეციალური 24-საათიანი „ცხელი ხაზი“ – „111“ საქართველოს მთავრობამ კორონავირუსის პანდემიის პერიოდში ბავშვების დასახმარებლად შექმნა. ის ხელმისაწვდომია 27 აპრილიდან. მისი მიზანია მშობლების დახმარება ბავშვებთან დაკავშირებულ ყველა პრობლემურ საკითხზე.

აზარტული თამაშების პრობლემებზე კვლავ რამდენიმე დღის წინ ალაპარაკდნენ, როდესაც ერთ-ერთი მიკროსაფინანსო ორგანიზაციის ოფისში შეიჭრა მამაკაცი, რომელმაც ხელყუმბარის აფეთქების მუქარით 19 ადამიანი მძევლად აიყვანა. თავდამსხმელს საკმაოდ უჩვეულო მოთხოვნები ჰქონდა – საბანკო პროცენტების შემცირება, აზარტული თამაშების აკრძალვა და სამკურნალო პრეპარატებზე ფასების შემცირება.

ის შენობაში დაახლოებით სამ-ნახევარი საათი იმყოფებოდა. უკვე ცნობილია, რომ შენობაში შეჭრის დროს ზურაბაშვილს არ ჰქონია იარაღი, ხოლო ხელში ხელყუმბარის ნაცვლად ამ ფორმის სანთებელა ეჭირა.

საქართველოს პროკურატურამ მას ბრალი წაუყენა ორი ან მეტი მძევლის აყვანის მუხლით. ბრალდებული სასამართლოს განაჩენს პატიმრობაში ელოდება.

 

62
თემები:
სოციალური სფერო საქართველოში