ნოე სულაბერიძე და ჯანეტ ქერდიყოშვილი

„ჩემი გოგოები“ ნოე სულაბერიძემ ქალიშვილები გააერთიანა ნახეთ როგორ ჰგვანან დები

13856
(განახლებულია 20:12 17.11.2020)
პროდიუსერმა ნახევარდები ერთმანეთს შეახვედრა. ყურადღებიანმა მამამ საყვარელ შვილებს ერთობლივი ფოტო გადაუღო. ნახეთ როგორ დაემსგავსა უმცროსი ანა შუათანა სულაბერიძეს.

გადატვირთული გრაფიკისა და გაწერილი გადაღებების გამო ნოე სულაბერიძე ოჯახის წევრებთან ერთად იშვიათად ჩნდება. უმეტესწილად პროდიუსერი ოფიციალურ გვერდზე საქმიანი შეხვედრებისა და რეიტინგული „პრაიმ შოუს“ გადაღებების საინტერესო კადრებს ავრცელებს. თუმცა, გამონაკლისებიც არსებობს, თან ასეთი თვალში საცემი. ნოემ პატარა ანა და თინეიჯერი ლიზი სულაბერიძეების ერთობლივი ფოტო გამოაქვეყნა.

გამორჩეული წყვილი შვილთან ერთად ფოტოს ხშირად აქვეყნებდა, თუმცა ბავშვის სახეს დიდხანს საგულდაგულოდ მალავდნენ, ისევე, როგორც ტენდენციას აყოლილი სხვა ვარსკვლავები. შემდეგ კი გოგონას სილამაზემ სრულიად ინტერნეტ-მომხმარებელი აღაფრთოვანა – მას შემდეგ, რაც ვარსკვლავებმა რამდენიმე თვის გოგონას გაქრისტიანება გადაწყვიტეს.

ნოე მესამე შვილთან ერთად დაუვიწყარ დროს ატარებს და თითოეული წამით ტკბება. პატარა ანა სულაბერიძე დღითი დღე ლამაზდება. ნოეს მიერ გამოქვეყნებულ ახალ ვიდეოებზე მისი თბილი დამოკიდებულება უმცროსი ქალიშვილისადმი გულს გაგითბობთ.

თაყვანისმცემლებმა ნახევარდებს შორის მსგავსება აღნიშნეს, თუმცა აშკარაა, რომ ანა სულაბერიძე ცისფერთვალება უფროს ძმას - საშკა სულაბერიძეს ძალიან ჰგავს. ჯანეტი და ნოე ერთობლივად და ცალ-ცალკე დიდი პოპულარობით სარგებლობენ. ცნობილი პროდიუსერი და რეიტინგული გადაცემის ავტორი, უმშვენიერესი მოდელი და დიზაინერი ჯანეტ ქერდიყოშვილი შეუდარებლად გამოიყურებიან.

მათი სიყვარულის ისტორია სწრაფად განვითარდა და გრანდიოზული ქორწილით დაგვირგვინდა. წყვილს ქალიშვილი 28 იანვარს გაუჩნდა. როგორც პატარა ანას მშობლები იხსენებენ, სახელის შერჩევას დიდი დრო დაუთმეს, თუმცა გადაწყვეტილება მოკრძალებულ სახელ ანაზე შეაჩერეს. შოუბიზნესის მოყვარულებისთვის ცნობილია, რომ ტელესახესა და „პრაიმშოუს“ ავტორს უფროსი ვაჟი და ქალიშვილი სხვადასხვა მეუღლეებისგან და ორი ქორწინებიდან ჰყავს. მიუხედავად იმისა, რომ უფროს ვაჟსა და შუათანა გოგონას მხოლოდ მამა აერთიანებთ, თინეიჯერები ძალიან მეგობრობენ.

13856
თემები:
სელებრითების ცხოვრება (2356)
ეკატერინე ტიკარაძე

ტიკარაძე: საველე ჰოსპიტლების გახსნის საკითხი საქართველოში არ განიხილება

12
ამ ეტაპზე საქართველოს გააჩნია საკმარისი რესურსი იმისათვის, რომ პაციენტებმა მკურნალობის პერიოდი ექიმის მეთვალყურეობის ქვეშ უფრო კომფორტულ პირობებში გაიარონ, კიიჩნევს მინისტრი

თბილისი, 23 ნოემბერი - Sputnik. საქართველოში საველე ჰოსპიტალების გახსნის საკითხი არ იხილება, განაცხადა ჯანდაცვის მინისტრმა ეკატერინე ტიკარაძემ.

საქართველო კორონავირუსის მეორე ტალღას ებრძვის. ყოველდღიურად ოთხი ათასამდე ახალი შემთხვევა ფიქსირდება. პანდემიის დაწყებიდან დღემდე ინფიცირების 100 ათასზე მეტი შემთხვევა გამოვლინდა, გარდაცვლილია 1000-ზე მეტი ადამიანი.

„ე.წ. საველე ჰოსპიტლების საკითხი საქართველოში არ განიხილება, რადგან გვაქვს არაერთი ქვეყნის მაგალითი, სადაც მობილიზებულია ასეთი ჰოსპიტლები/კარვები და დღემდე, მიუხედავად იმისა, რომ ამ ქვეყნებმა მეორე ტალღის პიკი, ითვლება, რომ გადაიარეს, იქ არც ერთი პაციენტისთვის არ გაუწევიათ მომსახურება”, - აღნიშნა მინისტრმა ტელეარხ „იმედის“ ეთერში.

ტიკარაძის სიტყვებით, კარვების სანაცვლოდ არაერთი დამატებითი სივრცეა გამოყოფილი, რომელიც ამ ეტაპისთვის მზადდება, ძირითადად, საავადმყოფოების ბაზაზე, ასევე, სასტუმროებში, სადაც მოქმედებს სრული სამედიცინო სამეთვალყურეო მომსახურება როგორც კვლევების კომპონენტში, ასევე ჟანგბადის კონცეტრატორების კუთხით.

„თუ ჩვენ, ყველა კომპონენტის დაცვით, სწორად, დროულად ვმართავთ პაციენტების ნაკადს, ამ ეტაპისთვის საქართველოს გააჩნია საკმარისი რესურსი, რომ ჩვენმა პაციენტებმა უფრო მეტად კომფორტულ პირობებში გაიარონ მკურნალობის პერიოდი ექიმის მეთვალყურეობის ქვეშ“, - აღნიშნა ეკატერინე ტიკარაძემ.

ქვეყანაში ამჟამად არაერთი შეზღუდვა მოქმედებს: ნიღბების ტარება აუცილებელია შენობებში, ტრანსპორტსა და ქუჩაში, დიდ ქალაქებში სკოლები დისტანციურ სწავლებაზეა გადასული, დახურულია საბავშვო ბაღები, აკრძალულია ღამის 22:00 საათის შემდეგ სახლიდან გასვლა.

საქართველოში კორონავირუსის პირველი შემთხვევა 26 თებერვალს გამოვლინდა.

12
თემები:
COVID-19 საქართველოში
გახარიას შეხვედრა კლინიკების ხელმძღვანელებთან

სიტუაცია კონტროლს ექვემდებარება: კლინიკების ხელმძღვანელები გახარიას შეხვდნენ

17
მძიმე ეპიდემიოლოგიური ვითარება ქვეყანაში მთავრობის მთავარ გამოწვევად რჩება. მთავრობა პანდემიასთან ბრძოლის ახალ შესაძლებლობებს აქტიურად ეძებს

თბილისი, 23 ნოემბერი – Sputnik. პრემიერ მინისტრმა გიორგი გახარიამ კლინიკების ხელმძღვანელებთან დამატებითი რესურსის მობილიზების კუთხით გადადგმულ ნაბიჯებზე მორიგი შეხვედრა გამართა, ნათქვამია მთავრობის ადმინისტრაციის მიერ გავრცელებულ განცხადებაში.

მთავრობის მეთაური, ჯანდაცვის მინისტრ ეკატერინე ტიკარაძესთან ერთად, საქართველოს მასშტაბით მოქმედი კოვიდ-კლინიკების წარმომადგენლებს არსებული საწოლფონდის რაოდენობასა და დამატებითი რესურსების მობილიზებაზე ესაუბრა.

პრემიერ-მინისტრი გაეცნო ინფორმაციას კლინიკებში არსებულ საწოლფონდის რაოდენობის შესახებ, ასევე - რა ნაბიჯები გადაიდგა მათი მხრიდან ბოლო შეხვედრის შემდეგ დამატებითი რესურსის მობილიზების მიმართულებით. გარდა ამისა, რა საჭიროებებს ხედავენ კლინიკის ხელმძღვანელები, რათა გაიზარდოს როგორც მოქნილობა, ასევე ეფექტურობა.

„კლინიკების ხელმძღვანელებმა აღნიშნეს, რომ გასულ კვირას გამართულ შეხვედრაზე გაცხადებული გეგმის შესაბამისად, გამოათავისუფლეს დამატებითი საწოლები, როგორც თერაპიის, ისევე რეანიმაციის მიმართულებით და ამ კუთხით მუშაობას განაგრძობენ“, - ნათქვამია განცხადებაში.

მათი ინფორმაციით, ასევე კონტროლდება ვითარება იმ კოვიდ-სასტუმროებში, რომლებიც კლინიკების თერაპიული მართვის ქვეშ იმყოფება. შეხვედრაზე აღინიშნა, რომ აქტიურად ხდება ჟანგბადის კონცენტრატებით მომარაგების უზრუნველყოფა და ამ კუთხით შეფერხებები არ არის.

შეხვედრაზე კიდევ ერთხელ გაესვა ხაზი ჰოსპიტალური სექტორის გადატვირთვის თავიდან აცილების მნიშვნელობას, რათა კლინიკის მიღმა არ დარჩნენ ის ადამიანები, ვისაც სპეციალური სამედიცინო სერვისებით მკურნალობა პირველ რიგში სჭირდება. აღინიშნა, რომ მნიშვნელოვანია, განხორციელდეს მხოლოდ და მხოლოდ მძიმე შემთხვევების ჰოსპიტალიზაცია, ხოლო მსუბუქი შემთხვევების მკურნალობა გაგრძელდეს ბინაზე - ოჯახის ექიმთან აქტიური კონსულტაციით, ან კოვიდ-სასტუმროებში, სადაც უზრუნველყოფილია ინფიცირებულთა მუდმივი სამედიცინო მეთვალყურეობა.

როგორც ჯანდაცვის მინისტრმა ეკატერინე ტიკარაძემ შეხვედრისას განაცხადა, კოვიდ-სასტუმროებში მობილიზებულია საკმაოდ ფართომასშტაბიანი საწოლფონდი, რომელიც აღჭურვილია ჟანგბადის კონცენტრატებით და მათ მართავენ კონკრეტული კლინიკები საკუთარი მედპერსონალის მეშვეობით, რაც უზრუნველყოფს პაციენტების უფრო მარტივ წვდომას საჭირო სამედიცინო მომსახურებაზე.

შეხვედრისას აღინიშნა, რომ ქვეყანაში არსებული რთული ეპიდემიოლოგიური მდგომარეობის მიუხედავად, სიტუაცია მართვადია და კონტროლს ექვემდებარება.

საქართველოში ფიქსირდება კორონავირუსის მეორე ტალღა, რომლის პიკი ნოემბრის მეორე ნახევარშია მოსალოდნელი. ყოველდღიურად ვლინდება დაახლოებით ოთხი ათასი ახალი შემთხვევა. პანდემიის დაწყებიდან დღემდე 100 ათასზე მეტი შემთხვევა გამოვლინდა, გარდაიცვალა 1 012 ადამიანი.

ქვეყანაში მოქმედებს შეზღუდვები: პირბადის ტარება სავალდებულოა დახურულ და ღია სივრცეებში, ტრანსპორტში, ქუჩებში, დიდ ქალაქებში სკოლები დისტანციურ სწავლებაზე გადავიდნენ, დაკეტილია საბავშვო ბაღები, ღამის საათებში სახლიდან გასვლა აკრძალულია.

17
თემები:
COVID-19 საქართველოში