თენგიზ ცერცვაძე

თენგიზ ცერცვაძეს კორონავირუსი დაუდასტურდა

87
(განახლებულია 14:53 17.11.2020)
გავრცელებული ინფორმაციით, თენგის ცერცვაძის ჯანმრთელობის მდგომარეობა დამაკმაყოფილებელია და ის მკურნალობის კურსს სახლში გადის.

თბილისი, 17 ნოემბერი – Sputnik. ინფექციური პათოლოგიისა და შიდსის ცენტრის გენერალურ დირექტორს თენგიზ ცერცვაძეს კორონავირუსი დაუდასტურდა, ნათქვამია უწყების მიერ გავრცელებულ განცხადებაში.

ცენტრის ინფორმაციით, თენგიზ ცერცვაძის ჯანმრთელობის მდგომარეობა დამაკმაყოფილებელია.

„ლაბორატორიული კვლევის თანახმად, თენგიზ ცერცვაძე ინფიცირებულია. მისი ჯანმრთელობის მდგომარეობა დამაკმაყოფილებელია. მას მსუბუქი სიმპტომები აღენიშნება. შესაბამისად, სტაციონარში ყოფნას არ საჭიროებს და ის სახლში მკურნალობს“, – აცხადებენ ინფექციური პათოლოგიისა და შიდსის ცენტრში.

პანდემიის დაწყებიდან დღემდე საქართველოში კორონავირუსი 85 952 ადამიანს დაუდგინდა. ამ დროისათვის სულ გამოჯანმრთელდა 68 929, გარდაიცვალა 778 პაციენტი.

87
თემები:
COVID-19 საქართველოში (2862)
ლაშა ხუციშვილი

ფინანსთა მინისტრი ჩინური პრეპარატით აიცრა

63
(განახლებულია 21:55 05.05.2021)
ლაშა ხუციშვილი მინისტრთა კაბინეტის შემადგენლობიდან მეორეა, რომელმაც კორონავირუსის საწინააღმდეგო აცრა ჩინური წარმოების პრეპარატით ჩაიტარა.

თბილისი, 5 მაისი — Sputnik. საქართველოს ფინანსთა მინისტრი ლაშა ხუციშვილი ჩინური წარმოების Sinopharm-ის ვაქცინით აიცრა. მინისტრმა ვაქცინაცია ნიკოლოზ ყიფშიძის სახელობის ცენტრალურ საუნივერსიტეტო კლინიკაში (ყოფილი რესპუბლიკური საავადმყოფო) ჩაიტარა.

ხუციშვილი დარწმუნებულია, რომ ვაქცინის დასახელებას და მის წარმომავლობას მნიშვნელობა არ აქვს, როდესაც აღნიშნული პრეპარატით აცრა მილიონობით ადამიანმა გაიკეთა. 

„კარგი ვაქცინაა, ჩვენ შეგვიძლია მას ვენდოთ და თამამად გამოვიყენოთ იგი. ძალზე მნიშვნელოვანია, რომ ვაქცინით ჩვენ ვიცავთ არა მარტო საკუთარ თავს, არამედ სხვა ადამიანებსაც, რომლებიც რისკ-ჯგუფებში შედიან. ამ კონკრეტულ შემთხვევაში მე ჩინური წარმოების Sinopharm-ით ავიცერი, თუმცა ამას არ აქვს მნიშვნელობა, როდესაც ვაქცინა ბევრ ქვეყანაში გამოიყენება“, – განაცხადა ხუციშვილმა.

ფინანსთა მინისტრის თქმით, ვაქცინა ათასობით ადამიანის სიცოცხლისა და ეკონომიკის გადარჩენის ერთადერთი გზაა.

ჩინური წარმოების ვაქცინით აცრა დღეს ასევე გაიკეთა შინაგან საქმეთა მინისტრმა ვახტანგ გომელაურმა. მასთან ერთად კორონავირუსის საწინააღმდეგო აცრა ჩაიტარეს უწყების თანამშრომლებმაც. 

საქართველოში 5 მაისიდან ვაქცინაციის პროცესში პარლამენტისა და მთავრობის წარმომადგენლები ჩაერთვნენ.

საქართველოში კორონავირუსის საწინააღმდეგო ვაქცინაცია 15 მარტიდან დაიწყო. ბოლო მონაცემებით, საქართველოში კორონავირუსის საწინააღმდეგო აცრა 47.949 ადამიანს აქვს გაკეთებული.

63
ვაქცინა

საქართველომ ივლისში შეიძლება Novavax-ის ვაქცინა მიიღოს

55
(განახლებულია 21:52 05.05.2021)
საქართველო ვაქცინების მოწოდების თაობაზე მოლაპარაკებებს სხვადასხვა კომპანიებთან, მათ შორის, Jonson&Jonson-თან და Novavax-თან აწარმოებს.

თბილისი, 5 მაისი — Sputnik. საქართველომ ივლისში შეიძლება ამერიკული ვაქცინა Novavax-ის პირველი პარტია მიიღოს, განაცხადა ბრიფინგზე ჯანდაცვის მინისტრის მოადგილემ თამარ გაბუნიამ. 

Novavax-მა კლინიკური კვლევების მეორე და მესამე ფაზა გაიარა. მისი ეფექტურობა 89,3%-ია. პრეპარატი ინაქტივირებული კორონავირუსის საფუძველზე შეიქმნა. მისი საფუძველია SARS-CoV-2-ის პათოგენის S–ცილა, რომელიც რეკომბინანტული ნანონაწილაკების სახით არის წარმოდგენილი. ვაქცინის შენახვა უნდა მოხდეს 2–8 გრადუს ტემპერატურაზე. Novavax-ი ეფექტურია ბრიტანული შტამის წინააღმდეგაც.

გაბუნიას თქმით, საქართველო ვაქცინების მოწოდების თაობაზე მოლაპარაკებებს სხვადასხვა კომპანიებთან აწარმოებს, მათ შორის Jonson&Jonson-თან და Novavax-თან.

საქართველოში 4 მაისიდან ჩინური წარმოების Sinopharm-ით ვაქცინაცია დაიწყო. პირველივე დღეს აღნიშნული პრეპარატით 793 ადამიანი აიცრა. ჩინური წარმოების ვაქცინის გაკეთება შეუძლიათ 18 წელს ზემოთ პირებს. ბოლო მონაცემებით, ჩინურ ვაქცინაზე დარეგისტრირებულია 17 ათასზე მეტი მოქალაქე.

ვაქცინის სრული დოზის მისაღებად აუცილებელია ორი ინექციის გაკეთება 21-დღიანი ინტერვალით.

საქართველომ Sinopharm-ის 100 ათასი დოზა აპრილში მიიღო. ჩინური ვაქცინა ჯანმოს ავტორიზაციას ელოდება, თუმცა საქართველოში აღნიშნულ ვაქცინაზე მოთხოვნა უკვე გაჩნდა, ამიტომ მიღებულია გადაწყვეტილება აცრების დაწყების შესახებ.  

ჯანმომ აღნიშნულ პრეპარატთან დაკავშირებით ექსპერტების შეფასება გამოაქვეყნა. დოკუმენტში ნათქვამია, რომ ვაქცინის ორი დოზა 18-დან 59 წლამდე პირებში კორონავირუსის პრევენციისთვის ეფექტურია. რამდენიმე ქვეყანაში ჩატარებული კლინიკური კვლევების თანახმად, ვაქცინის ეფექტურობა 78,1%-ს შეადგენს. 

თამარ გაბუნიამ არ გამორიცხა, რომ შეიძლება ქვეყანამ კიდევ ერთი ჩინური პრეპარატის – Sinovac-ის გამოყენება დაიწყოს მანამ, ვიდრე იგი ჯანმოს ავტორიზაციას მიიღებს.

„როგორც კი Sinopharm-ით ვაქცინაცია დასასრულს მიუახლოვდება, შეიძლება დადგეს საკითხი Sinovac-ით ვაქცინაციის დაწყების შესახებ. ჯანმო ამ ეტაპზე ავტორიზაციის საკითხს განიხილავს და შეიძლება იმ დროისთვის, როცა ჩვენ Sinovac-ის გამოყენებას დავიწყებთ, აღნიშნული საკითხი გადაწყდეს“, – განაცხადა გაბუნიამ.

რაც შეეხება ვაქცინირებული ადამიანებისთვის დამატებით მასტიმულირებელი ღონისძიებების შემოღების საკითხს, პროცესი მას შემდეგ დაიწყება, რაც ქვეყანაში ფართომასშტაბიანი ვაქცინაცია დაიწყება, აღნიშნა გაბუნიამ.

მისი თქმით, ივლის–აგვისტოში ვაქცინაციის პროცესი გააქტიურდება, სექტემბრიდან კი საყოველთაო ვაქცინაცია დაიწყება. ამასთან, გაბუნიამ აღნიშნა, რომ მედპერსონალის ვაქცინაციის მაჩვენებელი მოსალოდნელზე დაბალი აღმოჩნდა.

საქართველოში კორონავირუსის საწინააღმდეგო ვაქცინაცია 15 მარტიდან დაიწყო.

ბოლო მონაცემებით, საქართველოში კორონავირუსის საწინააღმდეგო აცრა 47.949 ადამიანმა გაიკეთა.

55
ბათუმი

დღის ასტროპროგნოზი ზოდიაქოს ნიშნებისთვის: 6 მაისი

0
(განახლებულია 11:34 05.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 6 მაისია, ხუთშაბათი. კლებადი მთვარე თევზების ნიშანშია. ამ დღეს პლანეტა იუპიტერი მფარველობს.

ასტროლოგები გვირჩევენ, რომ დღეს ისე, როგორც არასდროს, გვახსოვდეს დიპლომატიურობისა და ტოლერანტობის შესახებ. სამწუხაროდ, ნებისმიერ გაუფრთხილებელ სიტყვას ძალზე მწვავე რეაქციის გამოწვევა შეუძლია. გაძლიერდება ისეთი თვისებები, როგორიცაა სწრაფვა სამართლიანობის, დამოუკიდებლობისკენ და მოიმატებს „ფეთქებადობა“ და მოუთმენლობა. თუ კონფლიქტები არ გსურთ, მაშინ პატივი ეცით გარშემომყოფების გრძნობებს. სხვის უტაქტობას კი, ეცადეთ, რომ იუმორით უპასუხოთ.

ზოდიაქოს ნიშნები, რომლებთანაც „ეშმაკიც კი ფეხს მოიტეხს">>

ვერძი: დღეს დიდი ალბათობაა იმისა, რომ გარშემომყოფებმა თავიანთი საქმეებითაც კი თქვენ დაგტვირთონ და რაღაც საკითხებში საერთოდ ბოლო რიგებში გადაგწიონ. ისინი იგრძნობენ თქვენს დათრგუნულობასა და დამყოლობას და ამით უსირცხვილოდ სარგებლობას შეეცდებიან. ამ მდგომარეობის შეცვლა შეგიძლიათ, თუ კატეგორიულად დაიცავთ თქვენს პოზიციას და აღკვეთთ მსგავს მცდელობებს, წინააღმდეგ შემთხვევაში მთელი დღე სხვისი საქმეების კეთებას მოუნდებით.

კურო: მთელი დღე, შესაძლოა, რაღაც ზეწოლა იგრძნოთ გარედან. ეს შეიძლება იყოს დროის დეფიციტი, ან გარემოებებმა და გარშემომყოფების მოთხოვნებმა გაიძულოთ სწრაფად მოქმედება. ნებისმიერ შემთხვევაში ზეწოლისგან გათავისუფლებას, დიდი ალბათობით, ვერ შეძლებთ, ამიტომ ამასთან შეგუება მოგიწევთ. ყველაზე უკეთესი გამოსავალია განმარტოება და საკუთარი საქმეების მშვიდად კეთება, თუ, რა თქმა უნდა, ამის შესაძლებლობა გექნებათ.

ტყუპი: დღეს იშვიათი შესაძლებლობა მოგეცემათ, რომ რამე საქმეში წინ გაიჭრათ. მთავარია, რომ საჭირო მომენტი ხელიდან არ გაუშვათ – როცა ამის დრო დადგება, მტკიცედ იმოქმედოთ. აქტიური და შემტევი ქმედებების წყალობით დიდი ნაბიჯის გადადგმას შეძლებთ წინ. გამოიყენეთ ეს დღე იმისთვის, რომ „ჩაუსაფრდეთ“ საჭირო დროს და ახალი სიმაღლეები დაიპყრათ, კონკურენტები კი უკან ჩამოიტოვოთ.

კირჩხიბი: დღეს თქვენში სამართლიანობის გრძნობა განსაკუთრებულად გამძაფრდება. მზად ხართ, „მკერდით გადაეფაროთ“ საკუთარ თუ სხვის ინტერესებს, თუ ჩათვლით, რომ ვიღაც ამ ინტერესებს ავიწროებს. რას იზამთ, ხანდახან გვიწევს ინტერესების „არაკულტურულად“ დაცვა და მოშურნეებისა და მეტოქეების „ადგილზე მოსმა“. მაგრამ არის ერთი „მაგრამ“ – დღეს უფლებების დარღვევა შეიძლება იქაც კი მოგეჩვენოთ, სადაც ამას ადგილი ნამდვილად არა აქვს, ან მას მხოლოდ მიკროსკოპით თუ დაინახავთ.

ლომი: რისკავთ, რომ მთელი დღე შეიძლება ჭეშმარიტების ძიებაში გაატაროთ და ამავე დროს დარწმუნებული იყოთ, რომ ის სადღაც გვერდითაა. ამ სიმართლის ძებნა შეიძლება ეხებოდეს ყველაფერს – ურთიერთობებს გარშემომყოფებთან, სამუშაოს, პირად ცხოვრებას. თუმცა, რაც უნდა მოგეჩვენოთ, რომ სამართლიანობის გამარჯვების წუთი მოახლოვდა, ეს მხოლოდ თქვენი იმედი იქნება. შესაძლოა, გაკვირვებულმა აღმოაჩინოთ, რომ „წმინდა წყლის ჭეშმარიტება“ თითქმის უსარგებლო რამაა და ის არავის სჭირდება.

ქალწული: დღეს ვარსკვლავები მხოლოდ პირდაპირი გზით სიარულს გირჩევენ. საკუთარი თამაშის მცდელობა და მით უმეტეს, რამის დამალვა და დამახინჯება სავალალოდ შეიძლება დასრულდეს. ასე რომ, თუ საჭირო შედეგის მიღება გსურთ, ღიად უნდა იმოქმედოთ. გარშემომყოფებიც დააფასებენ თქვენს პატიოსნებასა და პირდაპირობას, თუმცა ურთიერთობებში ზედმეტიც არ უნდა მოგივიდეთ – გულწრფელობასა და პირდაპირობასაც აქვს თავისი საზღვრები.

სასწორი: საჭირო შედეგის მისაღწევად რაღაც საკითხებში შეიძლება მოგიწიოთ იმის თქმა, რასაც თქვენგან ელოდებიან და არა იმის, რასაც სინამდვილეში ფიქრობთ; ან, შესაძლოა, საჭირო მომენტში თქვენს ეჭვებზე გაჩუმდეთ კიდეც. რას იზამთ, გულწრფელობა ყოველთვის არ „ჭრის“, ის ხანდახან უადგილოა და განსაკუთრებით, მნიშვნელოვანი საუბრების დროს. ხვალ თუ სათქმელს პირდაპირ იტყვით, ამით შეიძლება საქმესაც ავნოთ და საკუთარ თავსაც. თუ კომენტარებისგან თავს შეიკავებთ, უფრო მოგებული დარჩებით.

მორიელი: დღეს მტკიცედ და საბრძოლველად ხართ განწყობილი. რა საჭიროა კვანძის გახსნა, თუ მისი გადაჭრა შეიძლება? საინტერესო ისაა, რომ რაღაც საკითხებში ასეთი რადიკალიზმი შეიძლება დაგეხმაროთ კიდეც, მაგრამ ყველაფერს ასეთი მეთოდით ვერ გადაწყვეტთ. აქედან გამომდინარე, ისეთ საკითხებს, რომლებიც დროსა და დელიკატურ დამოკიდებულებას საჭიროებს, სჯობს, დღეს სათოფეზეც არ გაეკაროთ, ან წინასწარ მოემზადოთ მათი ჩავარდნისთვის.

მშვილდოსანი: დღეს არეულ–დარეული საქმეების მოგვარება მოგიწევთ, თუნდაც ამას თქვენი გეგმები არ ითვალისწინებდეს. შესაძლოა, ეს „არეული საქმე“ თქვენი სამუშაო მაგიდა იყოს, ან საკუთარი საქმეებისა და გეგმების თანამიმდევრულად დაწყობა დაგჭირდეთ. სიზარმაცეს უნდა მოერიოთ, რადგან ამ პროცესის დროს გაქვთ შანსი, რომ იპოვოთ რაღაც მივიწყებული, რომელიც დღემდე აქტუალურია და საკმაოდ ღირებული რამაა.

თხის რქა: დღეს გარშემომყოფებთან და მათ შორის, საკმაოდ ახლობელ ადამიანებთანაც კი დისონანსში იქნებით. შეიძლება მოგეჩვენოთ, რომ ირგვლივ მყოფები ძალიან მნიშვნელოვანი პერსონის ნიღაბს ირგებენ, ხოლო გარშემომყოფები უკმაყოფილო არიან თქვენი უზრუნველობით. კონფლიქტები არ გელოდებათ, მაგრამ ურთიერთობებში ბზარი რომ არ გაჩნდეს, სჯობს, ხშირად მოირგოთ სერიოზული და ჭკვიანური სახის ნიღაბი. ამან შეიძლება კარგად გაგართოთ კიდეც.

მერწყული: საქმიანობაში მზად ხართ მტკიცე და ხანდახან რადიკალური ზომები მიიღოთ, განსაკუთრებით ეს ფინანსების სფეროს ეხება. იმის ნაცვლად, რომ ასჯერ გაზომოთ და ერთხელ გადაჭრათ, ასჯერვე გადაჭრა შეგიძლიათ. ერთი მხრივ, არის საშიშროება, რომ ფული ქარს გაატანოთ, მეორე მხრივ კი საბრძოლო განწყობა დაგეხმარებათ, გადადგათ ის ფინანსური ნაბიჯები, რომელთა გადაჭრის აუცილებლობა დიდი ხანია მომწიფდა.

თევზები: დღეს თქვენში დიდმა კრიტიკოსმა შეიძლება გაიღვიძოს. ამასთან კრიტიკულობა არა საკუთარი თავის, არამედ სხვების მიმართ იქნება მიმართული. შეიძლება მოგეჩვენოთ, რომ თქვენი შენიშვნების გამო გარშემომყოფები დაირცხვენენ და შეცდომებს გამოასწორებენ, სინამდვილეში კი ეს სულაც არ იქნება ასე. თქვენი ბრძნული რჩევები წყალს გაჰყვება, ხოლო კრიტიკა კი წყენის საფუძველი შეიძლება გახდეს. თქვენი გადასაწყვეტია, ღირს თუ არა კრიტიკაზე ნერვებისა და ძალების დახარჯვა თან იმ დროს, როცა საჭირო შედეგის იმედი არ არის.

0