ჯანმოს შტაბ–ბინა ჟენევაში

მხოლოდ ვაქცინა კორონავირუსის პანდემიას ვერ შეაჩერებს ჯანმო

100
(განახლებულია 21:49 16.11.2020)
ორგანიზაციაში აღნიშნავენ, რომ ვაქცინაციის შემდეგაც კი ადამიანებმა უნდა განაგრძონ ტესტირება, იზოლირება და ვირუსის გავრცელების წინააღმდეგ ბრძოლა

თბილისი, 16 ნოემბერი – Sputnik. მხოლოდ კორონავირუსის ვაქცინა პანდემიას ვერ შეაჩერებს, დაწერა Twitter–ში ჯანდაცვის მსოფლიო ორგანიზაციის (ჯანმო) ხელმძღვანელმა ტედროს გებრეიესუსმა.

გრიპისა და COVID-19-ის მსგავსება–განსხვავებები: ჯანმო განმარტავს>>

„COVID-19–ის პანდემიის დაწყებისას უკვე ვიცოდით, რომ ვაქცინა აუცილებელი იქნებოდა პანდემიის გაკონტროლებისთვის. მაგრამ საჭიროა იმის გაცნობიერება, რომ ის დანარჩენი ინსტრუმენტების დამატება იქნება და მათ ვერ ჩაანაცვლებს“, – დაწერა გებრეიესუსმა.

მან განმარტა, რომ თავდაპირველად ვაცინასთან ხელმისაწვდომობა შეზღუდული იქნება, შემდეგ პრიორიტეტული იქნებიან ექიმები, უფროსი თაობის ადამიანები და ქრონიკული დაავადებების მქონენი.

ჯანმო BioNTech-ისა და Pfizer-ის ვაქცინის წარმატებას ეხმაურება>>

„ვიმედოვნებ, ეს შეამცირებს სიკვდილიანობას და ჯანდაცვის სისტემას მასთან გამკლავების საშუალებას მისცემს, მაგრამ ვირუსი მაინც იმოძრავებს“, – განაცხადა ჯანმოს ხელმძღვანელმა.

გებრეისუსმა ადამიანებს მოუწოდა, რომ ვაქცინაციის დაწყების შემდეგაც განაგრძონ დაკვირვება, ტესტირება, ინფიცირებულთა იზოლირება და მათი მკურნალობა, კონტაქტებისა და კარანტინის ეპიდემიოლოგიური მონიტორინგი, ასევე საზოგადოებებისა და ცალკეული მოქალაქეების ჩართვა ვირუსის გავრცელებასთან ბრძოლაში.

კორონავირუსის პანდემიამ თითქმის მთელი მსოფლიო მოიცვა. სულ ინფიცირებულია 54 მილიონ ადამიანზე მეტი, აქედან გარდაიცვალა 1,3 მილიონზე მეტი. ინფიცირების ყველაზე მეტი შემთხვევა დაფიქსირდა აშშ–ში, ინდოეთსა და ბრაზილიაში.

100
თემები:
COVID-19-ის პანდემია მსოფლიოში (1218)
საქართველოს სამხედრო გზა

ზემო ლარსი დღეს: გზა ყველა სახის ტრანსპორტის თავისუფალია

12
საერთაშორისო მნიშვნელობის მცხეთა–სტეფანწმინდა–ლარსის ავტოტრასა ყველა სახის სატრანსპორტო საშუალებისთვის თავისუფალია

თბილისი, 23 ნოემბერი – Sputnik. საქართველო-რუსეთის საზღვრისკენ მიმავალ საერთაშორისო მნიშვნელობის მცხეთა–სტეფანწმინდა–ლარსის საავტომობილო გზაზე მოძრაობა აღდგა ყველა სახის ტრანსპორტისთვის, მათ შორის სატვირთოებისთვის, ნათქვამია საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის განცხადებაში.

ამ მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა 22 ნოემბერს გვიან ღამით თოვისა და ლიპყინულის გამო აიკრძალა.

ამ დროისათვის საერთაშორისო მნიშვნელობის მცხეთა–სტეფანწმინდა–ლარსის(რუსეთის ფედერაციის საზღვარი) საავტომობილო გზაზე ყველა სახის ავტოტრანსპორტის მოძრაობა თავისუფალია.

გარემოს სააგენტოს მონაცემებით, გუდაური(ფოსტა)–კობის მონაკვეთზე ავტოტრანსპორტის მოძრაობა განხორციელდება გაუჩერებლად, მხოლოდ ზვავდამცავი გვირაბების გავლით. მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა გვირაბებში განხორციელდება ცალმხრივად.

მოძრაობას საპატრულო პოლიცია არეგულირებს.

მცხეთა-სტეფანწმინდა-ლარსის გზა დღეისათვის ერთადერთი სახმელეთო მაგისტრალია, რომელიც საქართველოსა და სომხეთს რუსეთთან აკავშირებს. ხოლო საბაჟო-გამშვები პუნქტი „ყაზბეგი“ - ერთადერთი მოქმედი გამშვები პუნქტია საქართველო-რუსეთის სახმელეთო საზღვარზე.

საქართველოს სახმელეთო საზღვრები, რომლებიც კორონავირუსის პანდემიის გამო უცხოელებისთვის 2020 წლის მარტიდან ჩაიკეტა, ღიაა მხოლოდ ტვირთის გადამზიდავებისთვის და საქართველოს მოქალაქეებისთვის, რომლებიც სამშობლოში ბრუნდებიან.

12
თემები:
ტრანსპორტი საქართველოში
მომხმარებლები პირბადეებით

მთავრობაში სავაჭრო ცენტრების მუშაობის შეზღუდვაზე მსჯელობენ

31
იგეგმება ახალი შეზღუდვები, გამკაცრება, მაგრამ მთავარი ის არის, რომ სრული ლოკდაუნი არ იქნება, აცხადებენ ბიზნესმენები

თბილისი, 23 ნოემბერი – Sputnik. ბიზნესის წარმომადგენლები აცხადებენ, რომ მთავრობაში სავაჭრო ცენტრებში სამუშაო დღეების და საათების შეზღუდვის საკითხი განიხილება.

არსებული ეპიდემიოლოგიური ფონის გათვალისწინებით, პრემიერ-მინისტრის ეკონომიკური ჯგუფი ვიცე-პრემიერ მაია ცქიტიშვილის ხელმძღვანელობით მუშაობს საკითხებზე, რომლებიც უკავშირდება ბიზნესისა და ეკონომიკისთვის ზარალის მინიმიზაციას, შესაძლო წერტილოვან შეზღუდვების დაწესებას და ბიზნესის მხარდასაჭერად დამატებით ღონისძიებებს.

შეხვედრაზე აღინიშნა, რომ ვირუსის შემდგომი გავრცელების აღსაკვეთად მნიშვნელოვანია მობილობის შემცირება, რისთვისაც, ეპიდემიოლოგების თვალსაზრისით, მთავრობა გეგმავს წერტილოვანი შეზღუდვების გაფართოებას, რაზეც ბიზნესმენებთან კონსულტაციებს გადის, იუწყება მთავრობის პრესსამსახური.

სავაჭრო ცენტრ „ქარვასლას“ დირექტორმა ზურაბ შავლაყაძემ სახელმწიფო აპარატში ბიზნესწარმომადგენლებთან შეხვედრის შემდეგ განაცხადა, რომ შეხვედრაზე მოსალოდნელი დადგენილებები განიხილებოდა.

„შეიძლება შეიზღუდოს სამუშაო საათები, სამუშაო დღეები. მალე იქნება გადაწყვეტილება მიღებული. როგორც ვიცი, მორიგი შეხვედრა მიმდინარეობს ბაზრობების წარმომადგენლებთან“, - განაცხადა შავლაყაძემ შეხვედრის შემდეგ.

ამასთან, მაღაზიათა ქსელ „ისი-პარის“ გენერალური დირექტორის, მაია პაპალაშვილის თქმით, იგეგმება შეზღუდვების გამკაცრება, მაგრამ სრული ლოკდაუნი არ გამოცხადდება.

პლუს 36: რამდენია გარდაცვლილთა საერთო რაოდენობა >>

„იგეგმება ახალი შეზღუდვები, გამკაცრება, მაგრამ მთავარი არის ის, რომ სრული ლოკდაუნი არ იქნება. ვფიქრობთ, ერთად რაღაც კონსესუსამდე მივალთ და მივიღებთ იმ გადაწყვეტილებას, რომ არც ეპიდემიის ასეთი სისწრაფით გავრცელება იყოს და ბიზნესიც ასე თუ ისე გამოვიდეს ამ მდგომარეობიდან. დაკეტვაზე არანაირი გადაწყვეტილება ჯერჯერობით არ არის მიღებული. ხვდებიან აბსოლუტურად ყველა სექტორს და უნდათ, მიიღონ ისეთი გადაწყვეტილება, რომელიც ეპიდემიასაც შეაჩერებს და ბიზნესიც არ დაიჩაგრება“, - განაცხადა პაპალაშვილმა.

31
თემები:
COVID-19 საქართველოში
ვაქცინაცია

რუსული ვაქცინა „სპუტნიკ V“ ტესტირებაზე მექსიკაში მიემგზავრება

0
მარეგულირებელი ორგანოების ნებართვის შემთხვევაში ქვეყანაში პრეპარატ „სპუტნიკ V“-ის კლინიკური ცდების მესამე ფაზა ჩატარდება.

თბილისი, 23 ნოემბერი - Sputnik. მსოფლიოში პირველი რეგისტრირებული კორონავირუსის საწინააღმდეგო ვაქცინა „სპუტნიკ  V“-ის ტესტირება მექსიკაში ადგილობრივი მარეგულირებელი ორგანოების განკარგულების შემდეგ ჩატარდება. იუწყება РИА Новости.

„მოლაპარაკებები ფონდსა (რუსეთის პირდაპირი ინვესტიციების ფონდი) და მექსიკის ხელისუფლებას შორის რეგულარულად მიმდინარეობს. ახლა ველოდებით, როდის დაასრულებს ფონდი დოკუმენტაციას (მომზადებას, - რედ.), რათა შეძლოს მისი წარდგენა მარეგულირებელი ორგანოებისთვის. თუ ყველაფერი კარგად იქნება, ისინი შეძლებენ ნებართვის მიღებას და ცდების მესამე ფაზის ნაწილი მექსიკაში 500-მდე ადამიანის მონაწილეობით ჩატარდება“, - განაცხადა რუსეთში მექსიკის ელჩმა ნორმა პენსადო მორენომ.

რუსეთის პირდაპირი ინვესტიციების ფონდსა და მექსიკურ ფარმაცევტულ კომპანიას შორის შემოდგომის დასაწყისში გაფორმდა შეთანხმება ქვეყნისთვის კორონავირუსის საწინააღმდეგო რუსული პრეპარატის 32 მილიონი დოზის მიწოდების შესახებ.

კორონავირუსის საწინააღმდეგო პირველი ვაქცინა

„სპუტნიკ V“ - არის COVID-19-ის საწინააღმდეგო მსოფლიოში პირველი ვაქცინა, რომელიც მიმდინარე წლის აგვისტოში დარეგისტრირდა. განაცხადი პრეპარატის სერტიფიცირებაზე ჯანდაცვის მსოფლიო ორგანიზაციაში იქნა შეტანილი. არაერთმა ქვეყანამ უკვე გამოთქვა რუსული პრეპარატის შეძენისა და მისი ადგილზე წარმოების სურვილი. მათ შორის არიან უნგრეთი, ისრაელი, ვენესუელა, ინდოეთი, არაბთა გაერთიანებული საამიროები, ბრაზილია, თურქეთი, ჩინეთი, კორეა. მოსალოდნელია, რომ ვაქცინა ნაკლები ეღირება, ვიდრე კონკურენტების - Pfizer-ისა (19,5 დოლარი) და Moderna-ს (25-37 დოლარი) პრეპარატები.

„სპუტნიკ  V“-ის ტესტირება ბელარუსშიც მიმდინარეობს, ოქტომბერში კი ქვეყნის პოლიკლინიკებში 100 მოხალისე აიცრა, ამჟამად მათი მდგომარეობა დამაკმაყოფილებელია. პრეპარატის პირველი პარტიის დამზადება ბელარუსში, ლაბორატორიულ პირობებში უკვე წელს დაიწყება, მასობრივი წარმოება კი - მომავალი წლიდან. თავდაპირველად აცრიან მედიცინის მუშაკებს, პედაგოგებსა და სამხედროებს.

 

0
თემები:
COVID-19-ის პანდემია მსოფლიოში (1218)