ლექცია

კომაროველებმა მსოფლიოს სხვადასხვა უნივერსიტეტში სწავლის დაფინანსება მიიღეს

46
(განახლებულია 18:51 16.11.2020)
ბოლო წლებში კომაროვის სკოლის 70-ზე მეტმა კურსდამთავრებულმა გააგრძელა საბაკალავრო პროგრამებზე სწავლა მსოფლიოს სხვადასხვა უნივერსიტეტში.

თბილისი, 16 ნოემბერი – Sputnik. თბილისის კომაროვის სახელობის ფიზიკა–მათემატიკის სკოლის 16-მა კურსდამთავრებულმა მსოფლიოს მოწინავე უნივერსიტეტებში სწავლის სრული დაფინანსება მიიღო.

ეს მოსწავლეები აშშ-ის, კანადის, გერმანიის, საფრანგეთისა და არაბთა გაერთიანებული საამიროების საუკეთესო უმაღლეს სასწავლებლებში ჩაირიცხნენ:

– თინათინ კოკოშვილი – პენსილვანიის უნივერსიტეტი (აშშ)

– ლუკა ბუსკივაძე – ვანდერბილტის უნივერსიტეტი (აშშ)

– საბა ლეფსვერიძე – მასაჩუსეტსის ტექნოლოგიური უნივერსიტეტი (აშშ)

– ნიკა გედენიძე – კოლდუელის უნივერსიტეტი (აშშ)

– ტატო მახარაშვილი – ჰარტვიკის კოლეჯი (აშშ)

– მარიამ ლომთაძე – კარლტონის უნივერსიტეტი (კანადა)

– სანდრო გახარია – ბრემენის იაკობსის უნივერსიტეტი (გერმანია)

– ნიკა ბოდაველი – ბრემენის იაკობსის უნივერსიტეტი (გერმანია)

– ზუკა მურვანიძე – ბრემენის იაკობსის უნივერსიტეტი (გერმანია)

– გიორგი ქიტუაშვილი – ნიუ-იორკის უნივერსიტეტი აბუ–დაბიში (არაბთა გაერთიანებული საამიროები)

– ლაშა თარგამაძე – კარნეგი–მელონის უნივერსიტეტი (აშშ)

– დემეტრე დევიძე – კარნეგი–მელონის უნივერსიტეტი (აშშ)

– ლაშა კოროშინაძე – პოლიტექნიკური სკოლა (საფრანგეთი)

– მარიამ გედენიძე – პოლიტექნიკური სკოლა (საფრანგეთი)

– დიმიტრი კორკოტაშვილი – პოლიტექნიკური სკოლა (საფრანგეთი)

– კახა შამანაური – პოლიტექნიკური სკოლა (საფრანგეთი).

კომაროვის სახელობის სკოლა ერთ-ერთი ყველაზე ძლიერია საქართველოში. სკოლა, რომელიც მსოფლიოში პირველი მრავალადგილიანი კოსმოსური ხომალდის ეკიპაჟის წევრის ვლადიმირ კომაროვის სახელს ატარებს, უკვე 50 წლისაა. ამ სკოლაში სწავლება ზუსტ და საბუნებისმეტყველო მეცნიერებებზეა ორიენტირებული და მასში მოხვედრა გამოცდის ჩაბარების შედეგად მეშვიდე კლასიდან არის შესაძლებელი. კომაროველები ხშირად იმარჯვებენ საერთაშორისო ოლიმპიადებზე, კონკურსებზე და კონფერენციებზე.

ბოლო წლებში კომაროვის სკოლის 70-ზე მეტმა კურსდამთავრებულმა საბაკალავრო პროგრამებზე სწავლა მსოფლიოს სხვადასხვა უნივერსიტეტში გააგრძელა.

46
თემები:
განათლება საქართველოში (345)
თმის შეჭრა

გამყრელიძე: რატომ არ იკეტება სილამაზის სალონები

193
სილამაზის სალონებსა და ესთეტიკის ცენტრებში ზედმიწევნით ასრულებენ ჯანდაცვის სამინისტროს რეკომენდაციებს, აღნიშნა ეპიდემიოლოგმა

თბილისი, 26 ნოემბერი – Sputnik. დაავადებათა კონტროლის ეროვნული ცენტრის გენერალურმა დირექტორმა, ამირან გამყრელიძემ განმარტა, რატომ მიიღო კორონავირუსთან ბრძოლის საკოორდინაციო საბჭომ გადაწყვეტილება, არ დაკეტოს სილამაზის სალონები.

ახალი შეზღუდვების სრული სია: რისი გაკეთება შეიძლება და რისი – არა >>

გამყრელიძის თქმით, აღმოჩნდა, რომ სილამაზის სალონებში უსაფრთხოების ზომებს კარგად იცავენ.

„არის მეორე რისკი, რომ დაკეტო სილამაზის სალონი და შეზღუდო, ეს ბიზნესი ინაცვლებს ჩრდილში, ადამიანები სახლებში დადიან და შესაძლებელია უფრო მეტი იყო გავრცელების რისკი“, - განაცხადა გამყრელიძემ.

ხუთშაბათს საქართველოს მთავრობამ დაამტკიცა კორონავირუსთან ბრძოლის ორთვიანი გეგმა, რომლის თანახმად ამ პერიოდში ქვეყანაში რიგი შეზღუდვები იმოქმედებს.

28 ნოემბრიდან საქართველოს რვა დიდ ქალაქში მუშაობას აჩერებს საზოგადოებრივი ტრანსპორტი. მთელი ქვეყნის მასშტაბით იხურება სპორტკლუბები და აუზები, რესტორნები მხოლოდ გარეთ გატანის მომსახურებაზე გადავლენ, დაიკეტება ღია და დახურული ტიპის ყველა სავაჭრო წერტილები, გარდა პირველადი საჭიროების საქონლის სარეალიზაციო წერტილების.

აიკრძალება გადაადგილება 21:00 საათიდან 05:00 საათამდე. ჩერდება საქალაქთაშორისო ტრანსპორტი, თუმცა კერძო ავტომობილით გადაადგილება დაშვებულია.

 

 

193
თემები:
COVID-19 საქართველოში
ქუთაისი. სასტუმრო „არგო“, რომელიც კოვიდ-კლინიკად აქციეს

კოვიდ-სასტუმროებს ჟანგბადის კონცენტრატორები გადაეცათ

63
პაციენტების კვალიფიციური მომსახურებისთვის კოვიდ-სასტუმროები თანდათანობით საჭირო აღჭურვილობას იღებენ.

თბილისი, 26 ნოემბერი – Sputnik. საქართველოს კოვიდ-სასტუმროებს პაციენტების უკეთესი მომსახურებისთვის 100 ჟანგბადის კონცენტრატორი დაურიგდა, განაცხადა ბრიფინგზე ჯანდაცვის მინისტრმა ეკატერინე ტიკარაძემ.

როდის მიიღებს საქართველო COVID-19-ის საწინააღმდეგო ვაქცინას: ოპტიმისტური პროგნოზი >>

პირველ დეკემბერს საქართველო დამატებით 900 ჟანგბადის კონცენტრატორს მიიღებს.

„ეს ასევე გვაძლევს იმის საშუალებას, რომ სასტუმროების ბაზაზე პაციენტების მეტად უკეთესი მართვა შევძლოთ“, - განაცხადა ტიკარაძემ.

ტიკარაძემ აღნიშნა, რომ კლინიკებმა უნდა მიიღონ მხოლოდ ის პაციენტები, რომლებიც ნამდვილად საჭიროებენ ჰოსპიტალიზაციას, და არა ისეთები, რომლებსაც „კოვიდ-სასტუმროდან ხედი არ მოსწონთ“.

„გარწმუნებთ, კოვიდ-სასტუმროში მყოფი ყველა პაციენტი იღებს საჭირო დახმარებას და ექიმების მეთვალყურეობის ქვეშ იმყოფება“, - აღნიშნა ტიკარაძემ.

მისი თქმით, ყველა კოვიდ-სასტუმრო არის მიმაგრებული თავის კლინიკაზე და 18:00 საათის შემდეგ იქ ხდება პაციენტების კვლევებზე გადაყვანა. იმ შემთხვევაში თუ პაციენტს ესაჭიროება კლინიკაში დარჩენა, პასუხისმგებელი კლინიკა მას იტოვებს.

„თუ ეს საჭიროება არ დგას, ის დაბრუნდება სასტუმროში და გააგრძელებს იქ ადგილზე მყოფი ექიმის მეთვალყურეობის ქვეშ მკურნალობას“, - აღნიშნა ტიკარაძემ.

ჯანდაცვის მინისტრი ასევე შეეხო მედპერსონალის ინფიცირების თემას. მან აღნიშნა, რომ ბევრ კლინიკებში აიკრძალა ერთობლივი სადილობა, რადგან სწორედ ერთობლივად საკვების მირთმევა ხშირად გამხდარა ინფიცირების მიზეზი. ასევე, მედპერსონალი ინფიცირდება როგორც პაციენტებისგან, ასევე სამუშაოს გარეთ.

საქართველოში კორონავირუსის მეორე ტალღა მძვინვარებს. ყოველდღიურად სამი ათასზე მეტი ახალი შემთხვევა ფიქსირდება. 26 ნოემბრის მონაცემებით, საქართველოში დადასტურებული შემთხვევების რაოდენობა უკვე 118 ათასს აღემატება.

ეპიდვითარების გაუარესების გამო საკოორდინაციო საბჭომ 28 ნოემბრიდან 1 თებერვლამდე დამატებითი შეზღუდვების დაწესების გადაწყვეტილება მიიღო.

ქვეყანაში რიგი შეზღუდვები მოქმედებს, როგორიცაა, მაგალითად, პირბადის ტარების აუცილებლობა როგორც დახურულ, ისე ღია სივრცეში, დიდ ქალაქებში სწავლა დისტანციურად მიმდინარეობს, ღამით აკრძალულია გადაადგილება და ა.შ.

63
თემები:
COVID-19 საქართველოში
ვალუტის გადამცვლელი პუნქტი

ლარის კურსი 27 ნოემბერს

0
(განახლებულია 23:32 26.11.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0001 ლარით გამყარდა.

თბილისი, 27 ნოემბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3137GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ  0,0001 ლარით გამყარდა. 

ლარის კურსი 27 ნოემბერს
0
თემები:
ლარის კურსი დღეს