საპროტესტო აქცია ბათუმში

ჩხუბი სანახაობის ნაცვლად: რით დასრულდა ბათუმში აქცია-პერფორმანსი

95
(განახლებულია 22:05 13.11.2020)
ქართული ოპოზიცია 31 ოქტომბრის საპარლამენტო არჩევნების შედეგებს არ ცნობს. ქვეყანაში საპროტესტო აქციები იმართება.

თბილისი, 13 ნოემბერი - Sputnik. ბათუმში, მთავრობის სახლის წინ, ოპოზიციური პარტია „ერთიანი ნაციონალური მოძრაობის“ წარმომადგენლებსა და პოლიციელებს შორის შეხლა-შემოხლა გაიმართა, იუწყება პირველი არხი.

აქტივისტები შენობის წინ თოკის გაბმას და მასზე იმ საარჩევნო ოქმების ასლების ჩამოკიდებას აპირებდნენ, რომლებიც, მათი თქმით, გაყალბებული იყო.

სამართალდამცავი ორგანოების წარმომადგენლებმა აქტივისტებისთვის ხელის შეშლა სცადეს, რასაც ჯერ სიტყვიერი, შემდეგ კი ფიზიკური დაპირისპირება მოჰყვა. მოგვიანებით აქტივისტებს აქცია-პერფორმანსის გამართვის უფლება მაინც მისცეს. 

Оппозиция продолжает протестовать в Батуми - акция у здания правительства Аджарии 13 ноября 2020 года
© Sputnik / STRINGER
ოპოზიცია აჭარის მთავრობის სახლთან საპროტესტო აქციას მართავს

ამ დროისთვის მთავრობის სახლის წინ სიმშვიდეა. ოპოზიციის წარმომადგენლები ცესკოს თავმჯდომარე თამარ ჟვანიას გადადგომის, ახალი საპარლამენტო არჩევნების დანიშვნისა და პოლიტპატიმრების გათავისუფლების მოთხოვნით უკვე რამდენიმე დღეა საპროტესტო აქციებს მართავენ.

ქართული ოპოზიცია 31 ოქტომბრის საპარლამენტო არჩევნების შედეგებს არ ცნობს. ქვეყანაში საპროტესტო აქციები იმართება. პარლამენტში შესულმა შვიდმა პოლიტიკურმა პარტიამ ბოიკოტი გამოაცხადა და არჩევნებს გაყალბებულს უწოდებს. 

Оппозиция продолжает протестовать в Батуми - акция у здания правительства Аджарии 13 ноября 2020 года
© Sputnik / STRINGER
ოპოზიცია აჭარის მთავრობის სახლთან საპროტესტო აქციას მართავს

ცესკოს წინასწარი მონაცემებით, მმართველმა პარტია „ქართული ოცნება – დემოკრატიულმა საქართველომ“ 150 დეპუტატის მანდატიდან 76 მიიღო და ხელისუფლება მესამე ვადით შეინარჩუნა. საქართველოს პარლამენტში მოხვდა შვიდი ოპოზიციური ძალაც, თუმცა, ისინი დეპუტატობის მანდატებზე უარს აცხადებენ და ხელახალი არჩევნების ჩატარებას ითხოვენ.

მმართველ პარტიაში ოპოზიციის ქმედებებს დესტრუქციულს უწოდებენ და მათ დესტაბილიზაციასა და ვითარების ხელოვნურად დაძაბვაში ადანაშაულებენ.

95
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (94)
ივანე მაჭავარიანი

საქართველოს ფინანსთა მინისტრს, ივანე მაჭავარიანს კორონავირუსი დაუდგინდა

79
(განახლებულია 09:06 01.12.2020)
საზოგადოებრივი მაუწყებლის ინფორმაციით, მინისტრი თავს კარგად გრძნობს და მკურნალობის კურსს საცხოვრებელ ბინაზე გადის.

თბილისი, 30 ნოემბერი – Sputnik. საქართველოს ფინანსთა მინისტრს, ივანე მაჭავარიანს COVID-19 დაუდასტურდა, იუწყება პირველი არხი სამინისტროს პრესცენტრზე დაყრდნობით.

ივანე მაჭავარიანს ინფექცია PCR-ტესტირების შედეგად დაუდასტურდა. ამჟამად ის თავს კარგად გრძნობს და მუშაობას სახლიდან, დისტანციურ რეჟიმში განაგრძობს. 

ტესტირების შედეგად, COVID-19 დაუდასტურდა ასევე მინისტრის მოადგილეს, გიორგი კაკაურიძეს, რომელიც ასევე სახლში გადის მკურნალობას.

მინისტრთა კაბინეტში კორონავირუსი უკვე გადაიტანეს პრემიერ-მინისტრმა გიორგი გახარიამ, ეკონომიკის მინისტრმა ნათია თურნავამ, გარემოს დაცვისა და სოფლის მეურნეობის მინისტრმა ლევან დავითაშვილმა და სხვა მაღალჩინოსნებმა. ამჟამად ყველა მათგანი გამოჯანმრთელდა და ჩვეულ რეჟიმში მუშაობს.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 3.216-ით გაიზარდა და ინფიცირებულთა საერთო რიცხვმა 135.584-ს მიაღწია.

ამ დროის მონაცემებით, საქართველოში 20.305 აქტიური შემთხვევაა. კოვიდ-კლინიკებში მოთავსებულია 6.383 პაციენტი, 1.038 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 466 პირი.

საქართველოში კორონავირუსის პირველი შემთხვევა 26 თებერვალს დაფიქსირდა.

79
თემები:
COVID-19 საქართველოში
გიორგი გახარია

გახარიამ კლინიკების ხელმძღვანელებს სასტუმროების უფრო ეფექტურად გამოყენებისკენ მოუწოდა

95
(განახლებულია 22:31 30.11.2020)
გიორგი გახარიამ კოვიდკლინიკების ხელმძღვანელებთან გამართულ მორიგ შეხვედრაზე, ჰოსპიტალური სექტორის რესურსის დაზოგვის მიზნით, სასტუმროების კიდევ უფრო ეფექტურად გამოყენების მნიშვნელობასა და დამატებითი რესურსების მობილიზებაზე ისაუბრა.

თბილისი, 30 ნოემბერი – Sputnik. კორონავირუსით მზარდი ინფიცირების გამო აუცილებელია ჰოსპიტალური სექტორის განტვირთვა, რათა მძიმე და კრიტიკული პაციენტებისთვის შეფერხებები არ შეიქმნას, განაცხადა საქართველოს პრემიერ- მინისტრმა გიორგი გახარიამ COVID-19-ის მართვაში ჩართული კერძო კლინიკების ხელმძღვანელებთან გამართულ მორიგ შეხვედრაზე.

როგორც პრემიერ-მინისტრმა აღნიშნა, ჰოსპიტალური სექტორის განტვირთვის მიზნით მნიშვნელოვანია საშუალო და მსუბუქი სიმძიმის პაციენტების სასტუმროებში გადანაწილება.

შეხვედრაზე ყურადღება გამახვილდა უსიმპტომო და მსუბუქად მიმდინარე შემთხვევების ბინაზე მკურნალობის მნიშვნელობაზეც, ოჯახის ექიმთან აქტიური კონსულტაციით.

პრემიერ-მინისტრმა იმედი გამოთქვა, რომ შეზღუდვების ორთვიანი გეგმიდან გამომდინარე, ქვეყნის მასშტაბით მობილობა საგრძნობლად შემცირდება, რაც ხელს შეუწყობს ჰოსპიტალური სექტორის განტვირთვას და მომდევნო პერიოდში სიტუაციის დასტაბილურებას.

კერძო კლინიკების ხელმძღვანელებმა პრემიერ-მინისტრს მიაწოდეს ინფორმაცია არსებულ საწოლფონდთან, მოძიებულ დამატებით რესურსებთან და იმ რეზერვებთან დაკავშირებით, რომელთა მობილიზებაც საჭიროების შემთხვევაში შესაძლებელია.

მთავრობის ადმინისტრაციაში გამართულ შეხვედრას ვიცე-პრემიერი, რეგიონული განვითარების და ინფრასტრუქტურის მინისტრი მაია ცქიტიშვილი, ჯანდაცვის მინისტრი ეკატერინე ტიკარაძე, ჯანდაცვის მინისტრის მოადგილე თამარ გაბუნია და საკოორდინაციო საბჭოსთან არსებული საოპერაციო შტაბის ხელმძღვანელი ალექსანდრე ხოჯევანიშვილი ესწრებოდნენ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 3 216-ით გაიზარდა და ინფიცირებულთა საერთო რიცხვმა 135 584-ს მიაღწია.

ამ დროის მონაცემებით, საქართველოში 20 305 აქტიური შემთხვევაა. კოვიდ-კლინიკებში მოთავსებულია 6 383 პაციენტი, 1 038 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 466 პირი.

საქართველოში კორონავირუსის პირველი შემთხვევა 26 თებერვალს დაფიქსირდა

95
თემები:
COVID-19 საქართველოში
კორონავირუსის ეპიდემია თურქეთში

თურქეთი კორონავირუსის გამო შეზღუდვებს ამკაცრებს და კომენდანტის საათს აწესებს

0
(განახლებულია 00:49 01.12.2020)
კომენდანტის საათი იმოქმედებს 21:00-დან 5:00 საათამდე სამუშაო დღეებში, ასევე პარასკევის 21:00 საათიდან ორშაბათის 05:00 საათამდე. საჯარო დაწესებულებები 10:00-დან 16:00 საათამდე იმუშავებენ

თბილისი, 1 დეკემბერი – Sputnik. თურქეთში 1 დეკემბრიდან შეჩერდება აბანოების, აუზების და სპორტდარბაზების მუშაობა, სავაჭრო ცენტრებში მოქალაქეების შესვლა შეიზღუდება, განაცხადა თურქეთის პრეზიდენტმა რეჯეფ თაიიფ ერდოღანმა. ამის შესახებ წერს РИА Новости.

„აბანოები, საუნები, აუზები, სპორტდარბაზები სამშაბათიდან მუშაობას წყვეტენ. სავაჭრო ცენტრებში შეუშვებენ მომხმარებელთა მხოლოდ გარკვეულ რაოდენობას და ისიც მხოლოდ ციფრული კოდით. ასევე შეიზღუდება ღია სივრცეებში ხალხმრავალი ადგილების მონახულება. კომენდანტის საათი იმოქმედებს 21:00-დან 5:00 საათამდე სამუშაო დღეებში, ასევე პარასკევის 21:00 საათიდან ორშაბათის 05:00 საათამდე. საჯარო დაწესებულებები 10:00-დან 16:00 საათამდე იმუშავებენ“, - განაცხადა ერდოღანმა ტელემიმართვისას.

„ჩვენ ვსწავლობთ ყველა ვაქცინას, რომელიც ცდების ბოლო საფეხურზე გადავიდა. ყველა ჩვენს მოქალაქეს ექნება შესაძლებლობა, ვაქცინა უფასოდ მიიღოს. ვაქცინაცია მომდევნო თვიდან დაიწყება. ჩვენ უკვე ვაქცინის 50 მილიონი დოზა შევუკვეთეთ“, - აღნიშნა თურქეთის ლიდერმა.

როგორც ადრე ქვეყნის ჯანდაცვის მინისტრმა ფაჰრეთინ ქოჯამ განაცხადა, კორონავირუსის პანდემიამ თურქეთის ზოგ რეგიონში, მათ შორის სტამბოლში, მესამე პიკს მიაღწია. ბოლო კვირის განმავლობაში ქვეყანაში კორონავირუსის ახალი შემთხვევების დადასტურების და მისგან გარდაცვალების რამდენჯერმე რეკორდული მაჩვენებლები დაფიქსირდა.

გასულ დღე-ღამეში თურქეთში კორონავირუსით ინფიცირების 31 219 შემთხვევა გამოვლინდა, გარდაიცვალა 188 ადამიანი, ეს პანდემიის დაწყებიდან რეკორდული მაჩვენებელია, ამას ქვეყნის ჯანდაცვის სამინისტროს მონაცემები მოწმობს.

0
თემები:
COVID-19-ის პანდემია მსოფლიოში